ᠢᠰᠠᠢᠶᠠ ᠭᠤᠴᠢᠨ ᠭᠤᠷᠪᠠ
ᠡᠵᠡᠨ ᠡᠴᠡ ᠡᠮᠢᠶᠡᠬᠦᠢ ᠨᠢ ᠡᠷᠳᠡᠨᠢ
1 ᠴᠢ ᠭᠠᠰᠠᠯᠠᠩᠲᠠᠶᠠ᠂ ᠥᠪᠡᠷ ᠢᠶᠡᠨ ᠳᠡᠭᠡᠷᠡᠮᠳᠡᠭᠦᠯᠦᠭᠡ ᠦᠭᠡᠢ ᠠᠲᠠᠯᠠ ᠳᠡᠭᠡᠷᠡᠮᠳᠡᠭᠴᠢ ᠥᠪᠡᠷ ᠡᠴᠡ ᠨᠢ ᠤᠷᠪᠠᠭᠠ ᠦᠭᠡᠢ ᠠᠲᠠᠯᠠ ᠤᠷᠪᠠᠭᠴᠢ ᠴᠢ᠂ ᠳᠡᠭᠡᠷᠡᠮᠳᠡᠵᠦ ᠳᠠᠭᠤᠰᠪᠠᠯ ᠥᠪᠡᠷ ᠢᠶᠡᠨ ᠳᠡᠭᠡᠷᠡᠮᠳᠡᠭᠳᠡᠨᠡ ᠤᠷᠪᠠᠵᠤ ᠳᠠᠭᠤᠰᠪᠠᠯ ᠥᠪᠡᠷ ᠡᠴᠡ ᠴᠢᠨᠢ ᠤᠷᠪᠠᠭᠴᠢ ᠭᠠᠷᠤᠨᠠ᠂
2 ᠪᠢᠳᠡᠨ ᠢ ᠨᠢᠭᠦᠯᠡᠰᠦᠭᠡᠴᠢ᠂ ᠶᠣᠬᠣᠸᠠ ᠡ ᠪᠢᠳᠡ ᠲᠠᠨ ᠳᠤ ᠨᠠᠢᠳᠠᠭᠰᠠᠨ ᠥᠷᠯᠥᠭᠡ ᠪᠦᠷᠢ ᠪᠢᠳᠡᠨ ᠦ ᠬᠦᠴᠦ ᠪᠣᠯᠣᠭᠠᠴᠢ ᠵᠣᠪᠠᠯᠠᠩ ᠤᠨ ᠴᠠᠭ ᠲᠤ ᠪᠢᠳᠡᠨ ᠦ ᠠᠪᠤᠷᠠᠯ ᠪᠣᠯᠣᠭᠠᠴᠢ᠃
3 ᠥᠨᠳᠥᠷ ᠳᠠᠭᠤᠨ ᠢᠶᠠᠷ ᠲᠠᠨᠢ ᠦᠨᠳᠦᠰᠦᠲᠡᠨ ᠨᠦᠭᠦᠳ ᠵᠢᠭᠤᠲᠠᠪᠠ ᠥᠨᠳᠡᠢᠬᠦ ᠳᠦ ᠲᠠᠨᠢ ᠶᠠᠰᠤᠲᠠᠨ ᠨᠤᠭᠤᠳ ᠪᠤᠲᠠᠷᠠᠪᠠ᠃
4 ᠲᠠ ᠨᠠᠷ ᠠᠴᠠ ᠣᠯᠣᠭᠰᠠᠨ ᠣᠯᠵᠠ ᠴᠠᠷᠴᠠᠬᠠᠢ ᠴᠤᠭᠯᠠᠷᠠᠬᠤ ᠰᠢᠭ᠋ ᠴᠤᠭᠯᠠᠷᠠᠨᠠ ᠲᠡᠭᠦᠨ ᠳᠡᠭᠡᠷᠡ ᠬᠥᠮᠦᠰ ᠳᠡᠪᠬᠡᠷᠭᠡ ᠳᠡᠪᠬᠡᠷᠬᠦ ᠮᠡᠲᠦ ᠳᠡᠪᠬᠡᠷᠦᠨᠡ᠂
5 ᠡᠷᠭᠦᠮᠵᠢᠯᠡᠭᠳᠡᠭᠰᠡᠨ ᠶᠣᠬᠣᠸᠠ ᠥᠨᠳᠥᠷ ᠲᠦ ᠵᠠᠯᠠᠷᠠᠭᠰᠠᠨ ᠪᠠᠢᠨᠠ ᠽᠢᠶᠣᠨ ᠢ ᠲᠡᠷᠡ ᠵᠥᠪ ᠰᠢᠳᠤᠷᠭᠤ ᠪᠠᠷ ᠳᠦᠭᠦᠷᠭᠡᠨᠡ᠃
6 ᠴᠢᠨᠦ ᠴᠠᠭ ᠦᠶᠡ ᠶᠢᠨ ᠪᠠᠲᠤ ᠰᠠᠭᠤᠷᠢ ᠪᠣᠯ ᠲᠡᠷᠡ ᠲᠡᠭᠦᠨ ᠳᠦ ᠠᠪᠤᠷᠠᠯ᠂ ᠮᠡᠷᠭᠡᠨ ᠤᠬᠠᠭᠠᠨ᠂ ᠮᠡᠳᠡᠯᠭᠡ ᠶᠢᠨ ᠪᠠᠶᠠᠯᠢᠭ ᠪᠤᠢ ᠶᠣᠬᠣᠸᠠ ᠠᠴᠠ ᠡᠮᠢᠶᠡᠬᠦᠢ ᠨᠢ ᠴᠢᠨᠦ ᠡᠷᠳᠡᠨᠢᠰ ᠪᠢᠯᠡ᠃
7 ᠬᠠᠷᠠ᠂ ᠪᠠᠭᠠᠲᠤᠷ ᠤᠳ ᠨᠢ ᠭᠤᠳᠤᠮᠵᠢᠨ ᠳᠤ ᠬᠠᠰᠬᠢᠷᠤᠯᠳᠤᠵᠤ᠂ ᠡᠩᠬᠡ ᠶᠢᠨ ᠡᠯᠴᠢᠳ ᠨᠢ ᠴᠢᠷᠠᠯᠠᠨ ᠤᠬᠢᠯᠠᠵᠤ ᠪᠠᠢᠨᠠ᠃
8 ᠶᠡᠬᠡ ᠵᠠᠮ ᠤᠳ ᠬᠣᠭᠣᠰᠣᠷᠠᠵᠤ᠂ ᠠᠶᠠᠯᠠᠭᠴᠢ ᠠᠯᠠᠭᠠ ᠪᠣᠯᠪᠠ ᠭᠡᠷᠡ ᠨᠢ ᠬᠠᠶᠠᠭᠳᠠᠵᠤ᠂ ᠭᠡᠷᠡᠴᠢ ᠨᠦᠭᠦᠳ ᠨᠢ ᠭᠣᠯᠣᠭᠳᠠᠵᠠᠢ ᠬᠡᠨ ᠢ ᠨᠢ ᠴᠤ ᠲᠡᠷᠡ ᠬᠦᠨᠳᠦᠯᠡᠭᠡ ᠦᠭᠡᠢ᠃
9 ᠭᠠᠵᠠᠷ ᠡᠮᠭᠡᠨᠢᠵᠦ᠂ ᠬᠠᠲᠠᠪᠠ ᠯᠧᠪᠠᠨᠣᠨ ᠢᠴᠢᠵᠦ᠂ ᠭᠠᠩ᠋ᠳᠠᠪᠠ ᠱᠠᠷᠣᠨ ᠴᠥᠯ ᠮᠡᠲᠦ ᠪᠣᠯᠵᠤ ᠪᠠᠱᠠᠨ᠂ ᠺᠠᠷᠮᠧᠯ ᠨᠠᠪᠴᠢᠰ ᠢᠶᠠᠨ ᠭᠥᠪᠢᠪᠡ᠃
10 ᠶᠣᠬᠣᠸᠠ ᠠᠢᠯᠠᠳᠴᠤ ᠪᠠᠢᠨᠠ᠄ ᠣᠳᠣ ᠪᠢ ᠪᠣᠰᠣᠨᠠ ᠣᠳᠣ ᠪᠢ ᠮᠠᠨᠳᠤᠨᠠ ᠣᠳᠣ ᠪᠢ ᠡᠷᠭᠦᠮᠵᠢᠯᠡᠭᠳᠡᠨᠡ᠂
11 ᠲᠠ ᠨᠠᠷ ᠬᠡᠪᠡᠭ ᠢᠶᠡᠷ ᠵᠢᠷᠮᠦᠰᠦᠯᠡᠵᠦ᠂ ᠰᠦᠷᠡᠯ ᠲᠥᠷᠥᠭᠦᠯᠵᠦ ᠥᠪᠡᠷ ᠦᠨ ᠢᠶᠠᠨ ᠭᠠᠯ ᠮᠡᠲᠦ ᠠᠭᠤᠷ ᠲᠤ ᠴᠥᠯᠮᠥᠭᠳᠡᠨᠡ᠃
12 ᠲᠡᠢᠨ ᠬᠦ ᠦᠨᠳᠦᠰᠦᠲᠡᠨ ᠨᠦᠭᠦᠳ ᠰᠢᠲᠠᠭᠠᠭᠳᠠᠭᠰᠠᠨ ᠴᠣᠬᠣᠢ ᠪᠤᠶᠤ ᠬᠠᠳᠤᠭᠳᠠᠭᠠᠳ ᠭᠠᠯ ᠳᠤ ᠲᠦᠯᠡᠭᠳᠡᠭᠰᠡᠨ ᠦᠭᠦᠷᠭᠡᠨᠡ ᠮᠡᠲᠦ ᠪᠣᠯᠣᠨᠠ᠃
13 ᠬᠣᠯᠠ ᠶᠢᠨ ᠬᠢᠨ ᠡ᠂ ᠶᠠᠭᠤ ᠬᠢᠭᠰᠡᠨ ᠢ ᠮᠢᠨᠢ ᠰᠣᠨᠣᠰ ᠣᠢᠷᠠ ᠶᠢᠨ ᠬᠢᠨ ᠡ᠂ ᠬᠦᠴᠦ ᠶᠢ ᠮᠢᠨᠢ ᠮᠡᠳᠡ᠂
14 ᠽᠢᠶᠣᠨ ᠤ ᠨᠢᠭᠦᠯᠲᠡᠳ ᠠᠶᠤᠵᠤ ᠰᠦᠰᠦᠭ ᠦᠭᠡᠢ ᠬᠥᠮᠦᠰ ᠴᠡᠴᠡᠷᠡᠵᠦ 《ᠪᠢᠳᠡᠨ ᠦ ᠬᠡᠨ ᠨᠢ ᠮᠥᠬᠥᠭᠡᠭᠴᠢ ᠭᠠᠯ ᠲᠠᠢ ᠬᠠᠮᠲᠤ ᠰᠠᠭᠤᠬᠤ ᠪᠢᠯᠡ︖ ᠪᠢᠳᠡᠨ ᠦ ᠬᠡᠨ ᠨᠢ ᠮᠥᠩᠬᠡᠳᠡ ᠰᠢᠲᠠᠭᠠᠭᠴᠢ ᠲᠠᠢ ᠬᠠᠮᠲᠤ ᠠᠮᠢᠳᠤᠷᠠᠬᠤ ᠪᠢᠯᠡ︖》 ᠭᠡᠨᠡ᠂
15 ᠬᠠᠷᠢᠨ ᠵᠥᠪ ᠢᠶᠡᠷ ᠠᠮᠢᠳᠤᠷᠠᠭᠴᠢ᠂ ᠰᠢᠳᠤᠷᠭᠤ ᠶᠢ ᠶᠠᠷᠢᠭᠴᠢ ᠵᠥᠪ ᠪᠤᠰᠤ ᠣᠯᠵᠠ ᠶᠢ ᠣᠭᠣᠷᠣᠭᠴᠢ᠂ ᠬᠠᠬᠤᠤᠯᠢ ᠠᠪᠬᠤ ᠠᠴᠠ ᠭᠠᠷ ᠢᠶᠠᠨ ᠲᠠᠲᠠᠭᠴᠢ ᠴᠢᠰᠤ ᠤᠷᠤᠰᠬᠠᠯᠲᠠ ᠶᠢ ᠰᠣᠨᠣᠰᠬᠤ ᠦᠭᠡᠢ ᠭᠡᠵᠦ ᠴᠢᠬᠢ ᠪᠠᠨ ᠪᠥᠭᠯᠡᠭᠴᠢ ᠮᠠᠭᠤ ᠶᠢ ᠦᠵᠡᠬᠦ ᠦᠭᠡᠢ ᠭᠡᠵᠦ ᠨᠢᠳᠦ ᠪᠡᠨ ᠠᠨᠢᠭᠴᠢ ᠨᠢ
16 ᠥᠨᠳᠥᠷ ᠳᠡᠭᠡᠷᠡ ᠰᠠᠭᠤᠨᠠ ᠬᠠᠳᠠᠨ ᠪᠡᠬᠢᠯᠡᠯᠲᠡ ᠲᠡᠭᠦᠨ ᠦ ᠬᠣᠷᠭᠣᠳᠠᠬᠤ ᠭᠠᠵᠠᠷ ᠪᠣᠯᠵᠤ ᠬᠣᠭᠣᠯᠠ ᠨᠢ ᠬᠠᠩ᠋ᠭᠠᠭᠳᠠᠵᠤ ᠤᠰᠤ ᠨᠢ ᠲᠠᠰᠤᠷᠠᠬᠤ ᠦᠭᠡᠢ᠃
17 ᠨᠢᠳᠦ ᠴᠢᠨᠢ ᠦᠵᠡᠰᠬᠦᠯᠡᠩᠲᠦ ᠬᠠᠭᠠᠨ ᠢ ᠦᠵᠡᠵᠦ ᠠᠯᠤᠰ ᠬᠣᠯᠠ ᠭᠠᠵᠠᠷ ᠢ ᠬᠠᠷᠠᠨᠠ᠃
18 ᠵᠢᠷᠦᠬᠡ ᠴᠢᠨᠢ ᠲᠦᠭᠰᠢᠭᠦᠷᠢᠲᠦ ᠴᠠᠭ ᠢᠶᠠᠨ ᠰᠠᠨᠠᠵᠤ᠄ 《ᠲᠣᠭᠠᠴᠠᠭᠠ ᠬᠢᠭ᠍ᠴᠢ ᠬᠠᠮᠢᠭᠠ ᠣᠴᠢᠴᠢᠬᠠᠪᠠ︖ ᠲᠠᠲᠠᠪᠤᠷᠢ ᠬᠤᠷᠢᠶᠠᠭᠴᠢ ᠬᠠᠮᠢᠭᠠ ᠣᠴᠢᠴᠢᠬᠠᠪᠠ︖ ᠴᠠᠮᠬᠠᠭ ᠬᠢᠨᠠᠭᠴᠢ ᠬᠠᠮᠢᠭᠠ ᠣᠴᠢᠴᠢᠬᠠᠪᠠ︖》 ᠭᠡᠬᠦ ᠪᠣᠯᠣᠨᠠ᠃
19 ᠣᠢᠯᠠᠭᠠᠭᠳᠠᠬᠤ ᠦᠭᠡᠢ ᠶᠠᠷᠢᠶᠠ ᠲᠠᠢ ᠲᠥᠬᠥᠭᠡᠷᠦᠭᠳᠡᠬᠦ ᠦᠭᠡᠢ ᠬᠠᠴᠢᠨ ᠬᠡᠯᠡ ᠲᠠᠢ ᠨᠥᠭᠥᠭᠡ ᠪᠦᠳᠦᠭᠦᠯᠢᠭ ᠦᠨᠳᠦᠰᠦᠲᠡᠨ ᠬᠠᠷᠠᠭᠳᠠᠬᠤ ᠪᠠᠨ ᠪᠣᠯᠢᠨᠠ᠃
20 ᠬᠠᠷᠢᠨ ᠮᠠᠨ ᠤ ᠪᠠᠶᠠᠷ ᠨᠠᠭᠠᠳᠤᠮ ᠪᠣᠯᠳᠠᠭ ᠽᠢᠶᠣᠨ ᠬᠣᠲᠠ ᠶᠢ ᠴᠢ ᠬᠠᠷᠠ ᠨᠢᠳᠦ ᠴᠢᠨᠢ ᠠᠮᠤᠭᠤᠯᠠᠩ ᠤᠨ ᠣᠷᠣᠨ ᠶᠧᠷᠦ᠋ᠰᠠᠯᠧᠮ ᠢ ᠬᠠᠷᠠᠨᠠ᠂ ᠲᠡᠷᠡ ᠪᠣᠯ ᠬᠥᠳᠡᠯᠦᠰᠢ ᠦᠭᠡᠢ ᠴᠠᠴᠠᠷ ᠭᠠᠳᠠᠰᠤ ᠨᠤᠭᠤᠳ ᠨᠢ ᠰᠤᠭᠤᠷᠠᠬᠤ ᠦᠭᠡᠢ ᠠᠷᠭᠠᠮᠵᠢᠶᠠ ᠨᠢ ᠲᠠᠰᠤᠷᠠᠬᠤ ᠦᠭᠡᠢ᠂
21 ᠰᠦᠷ ᠵᠢᠪᠬᠤᠯᠠᠩᠲᠤ ᠶᠣᠬᠣᠸᠠ ᠲᠡᠨᠳᠡ ᠪᠢᠳᠡᠨ ᠲᠡᠢ ᠬᠠᠮᠲᠤ ᠪᠠᠢᠨᠠ ᠰᠡᠯᠢᠭᠦᠷᠲᠦ ᠵᠠᠪᠢ ᠴᠤ᠂ ᠰᠦᠷ ᠵᠢᠪᠬᠤᠯᠠᠩᠲᠤ ᠣᠩ᠋ᠭᠣᠴᠠ ᠴᠤ ᠥᠷᠭᠡᠨ ᠭᠣᠣᠯ ᠪᠠ ᠤᠷᠤᠰᠬᠠᠯ ᠢᠶᠠᠷ ᠨᠢ ᠥᠩᠭᠡᠷᠡᠬᠦ ᠦᠭᠡᠢ᠃
22 ᠤᠴᠢᠷ ᠨᠢ ᠪᠢᠳᠡᠨ ᠦ ᠰᠢᠭᠦᠭᠴᠢ ᠶᠣᠬᠣᠸᠠ ᠪᠢᠳᠡᠨ ᠳᠦ ᠵᠠᠷᠯᠢᠭ ᠥᠭᠭᠥᠭᠴᠢ ᠶᠣᠬᠣᠸᠠ ᠪᠢᠳᠡᠨ ᠦ ᠬᠠᠭᠠᠨ ᠶᠣᠬᠣᠸᠠ ᠲᠡᠷᠡ ᠪᠢᠳᠡᠨ ᠢ ᠠᠪᠤᠷᠠᠨᠠ᠃
23 ᠠᠷᠭᠠᠮᠵᠢᠶᠠ ᠴᠢᠨᠢ ᠰᠤᠯᠠᠷᠠᠭᠰᠠᠨ ᠢᠶᠠᠷ ᠰᠢᠷᠤᠭ ᠴᠢᠨᠢ ᠲᠣᠭᠲᠠᠭᠠ ᠦᠭᠡᠢ ᠳᠠᠷᠪᠠᠭᠤᠯ ᠴᠢᠨᠢ ᠳᠡᠯᠭᠡᠭᠳᠡᠭᠡ ᠦᠭᠡᠢ ᠪᠠᠢᠬᠤ ᠳᠤ ᠲᠠᠩᠰᠤᠭ ᠶᠡᠬᠡ ᠣᠯᠵᠠ ᠬᠤᠪᠢᠶᠠᠭᠳᠠᠨᠠ ᠳᠣᠭᠣᠯᠠᠩ ᠬᠥᠮᠦᠨ ᠴᠤ ᠬᠤᠪᠢ ᠬᠦᠷᠲᠡᠨᠡ᠃
24 ᠲᠡᠨᠳᠡᠬᠢ ᠶᠢᠨ ᠰᠠᠭᠤᠭᠠᠯᠢᠴᠢᠳ 《ᠪᠢ ᠡᠪᠡᠳᠴᠢᠲᠡᠢ ᠪᠠᠢᠨᠠ》 ᠭᠡᠵᠦ ᠬᠡᠯᠡᠬᠦ ᠦᠭᠡᠢ ᠲᠡᠨᠳᠡ ᠰᠠᠭᠤᠭᠴᠢ ᠨᠢ ᠨᠢᠭᠦᠯ ᠢᠶᠡᠨ ᠠᠭᠤᠴᠢᠯᠠᠭᠤᠯᠤᠨᠠ᠃