ᠢᠰᠠᠢᠶᠠ ᠠᠷᠪᠠᠨ ᠨᠢᠭᠡ
ᠮᠧᠰᠢᠶᠠ ᠶᠢᠨ ᠬᠠᠭᠠᠨᠴᠢᠯᠠᠯ
1 ᠨᠢᠭᠡ ᠨᠠᠬᠢᠶᠠ ᠢᠱᠠᠢ ᠶᠢᠨ ᠶᠣᠵᠣᠭᠣᠷ ᠠᠴᠠ ᠭᠠᠷᠤᠨᠠ ᠦᠨᠳᠦᠰᠦᠨ ᠡᠴᠡ ᠨᠢ ᠭᠠᠷᠤᠭᠰᠠᠨ ᠨᠢᠭᠡ ᠮᠥᠴᠢᠷ ᠵᠢᠮᠢᠰᠯᠡᠨᠡ᠂
2 ᠶᠣᠬᠣᠸᠠ ᠶᠢᠨ ᠰᠦᠨᠡᠰᠦ ᠮᠡᠷᠭᠡᠨ ᠤᠬᠠᠭᠠᠨ ᠪᠣᠯᠣᠨ ᠤᠬᠠᠭᠠᠷᠠᠯ ᠤᠨ ᠰᠦᠨᠡᠰᠦ ᠵᠥᠪᠯᠡᠯᠭᠡ ᠪᠣᠯᠣᠨ ᠴᠢᠳᠠᠯ ᠤᠨ ᠰᠦᠨᠡᠰᠦ ᠶᠣᠬᠣᠸᠠ ᠶᠢᠨ ᠮᠡᠳᠡᠯᠭᠡ ᠪᠣᠯᠣᠨ ᠲᠡᠭᠦᠨ ᠡᠴᠡ ᠡᠮᠢᠶᠡᠬᠦᠢ ᠶᠢᠨ ᠰᠦᠨᠡᠰᠦ ᠲᠡᠭᠦᠨ ᠳᠡᠭᠡᠷᠡ ᠣᠷᠣᠰᠢᠨᠠ᠂
3 ᠶᠣᠬᠣᠸᠠ ᠠᠴᠠ ᠡᠮᠢᠶᠡᠬᠦᠢ ᠨᠢ ᠲᠡᠭᠦᠨ ᠦ ᠪᠠᠶᠠᠷ ᠨᠢᠳᠦ ᠪᠡᠷ ᠢᠶᠠᠨ ᠬᠠᠷᠠᠭᠰᠠᠨ ᠢᠶᠠᠷ ᠢᠶᠠᠨ ᠲᠡᠷᠡ ᠰᠢᠭᠦᠬᠦ ᠦᠭᠡᠢ ᠴᠢᠬᠢ ᠪᠠᠷ ᠢᠶᠠᠨ ᠰᠣᠨᠣᠰᠣᠭᠰᠠᠨ ᠢᠶᠠᠷ ᠢᠶᠠᠨ ᠲᠡᠷᠡ ᠰᠢᠢᠳᠬᠦ ᠦᠭᠡᠢ᠂
4 ᠦᠭᠡᠭᠦᠴᠦᠳ ᠢ ᠵᠥᠪ ᠢᠶᠡᠷ ᠰᠢᠭᠦᠨ ᠶᠢᠷᠲᠢᠨᠴᠦ ᠶᠢᠨ ᠵᠣᠪᠠᠭᠰᠠᠳ ᠤᠨ ᠡᠮᠦᠨᠡ ᠡᠴᠡ ᠴᠢᠭ᠍ᠴᠢ ᠰᠢᠢᠳᠪᠦᠷᠢ ᠭᠠᠷᠭᠠᠵᠤ ᠠᠮᠠᠨ ᠤ ᠪᠠᠨ ᠰᠢᠯᠪᠢᠭᠦᠷ ᠢᠶᠡᠷ ᠶᠢᠷᠲᠢᠨᠴᠦ ᠶᠢ ᠴᠣᠬᠢᠨᠠ ᠣᠷᠣᠭᠤᠯ ᠤᠨ ᠢᠶᠠᠨ ᠠᠮᠢᠰᠬᠤᠯ ᠢᠶᠠᠷ ᠪᠤᠷᠤᠭᠤᠲᠠᠨ ᠢ ᠰᠥᠨᠥᠭᠡᠨᠡ᠃
5 ᠵᠥᠪ ᠨᠢ ᠲᠡᠭᠦᠨ ᠦ ᠪᠡᠯᠬᠡᠭᠦᠰᠦᠨ ᠳᠠᠬᠢ ᠪᠦᠰᠡ ᠦᠨᠡᠨ ᠨᠢ ᠲᠡᠭᠦᠨ ᠦ ᠪᠦᠰᠡᠯᠡᠭᠦᠷ ᠳᠠᠬᠢ ᠪᠦᠰᠡ ᠶᠤᠮ᠃
6 ᠴᠢᠨᠣᠠ ᠬᠤᠷᠠᠭᠠ ᠲᠠᠢ ᠬᠠᠮᠲᠤ ᠰᠠᠭᠤᠷᠢᠰᠢᠨ ᠢᠷᠪᠢᠰ ᠢᠰᠢᠭᠡ ᠲᠠᠢ ᠬᠠᠮᠲᠤ ᠬᠡᠪᠲᠡᠵᠦ ᠲᠤᠭᠤᠯ᠂ ᠠᠷᠰᠯᠠᠨ᠂ ᠲᠠᠷᠭᠤᠨ ᠮᠠᠯ ᠬᠠᠮᠲᠤ ᠪᠠᠢᠵᠤ ᠪᠢᠴᠢᠬᠠᠨ ᠬᠦᠦ ᠲᠡᠳᠡᠨ ᠢ ᠳᠠᠭᠠᠭᠤᠯᠤᠨᠠ᠂
7 ᠦᠨᠢᠶᠡ᠂ ᠪᠠᠭᠠᠪᠠᠭᠠᠢ ᠲᠠᠢ ᠪᠡᠯᠴᠢᠵᠦ ᠦᠷᠡ ᠵᠤᠯᠵᠠᠭᠠ ᠨᠢ ᠬᠠᠮᠲᠤ ᠳᠠᠭᠠᠨ ᠬᠡᠪᠲᠡᠵᠦ ᠠᠷᠰᠯᠠᠨ ᠨᠢ ᠦᠬᠡᠷ ᠰᠢᠭ ᠰᠦᠷᠡᠯ ᠢᠳᠡᠨᠡ᠂
8 ᠨᠠᠵᠤ ᠮᠣᠭᠠᠢ ᠶᠢᠨ ᠨᠦᠬᠡᠨ ᠦ ᠳᠡᠷᠭᠡᠳᠡ ᠨᠢᠯᠬᠠ ᠬᠡᠦᠬᠡᠳ ᠤᠳ ᠨᠠᠭᠠᠳᠴᠤ ᠬᠣᠣᠷᠲᠤ ᠮᠣᠭᠠᠢ ᠶᠢᠨ ᠡᠭᠦᠷ ᠲᠦ ᠪᠠᠯᠴᠢᠷ ᠬᠡᠦᠬᠡᠳ ᠭᠠᠷ ᠢᠶᠠᠨ ᠬᠢᠨᠡ᠂
9 ᠠᠷᠢᠭᠤᠨ ᠠᠭᠤᠯᠠ ᠳᠠᠶᠠᠭᠠᠷ ᠮᠢᠨᠢ ᠬᠣᠬᠢᠷᠠᠯ ᠰᠦᠢᠷᠡᠯ ᠤᠴᠠᠷᠠᠬᠤ ᠦᠭᠡᠢ ᠤᠴᠢᠷ ᠨᠢ ᠳᠠᠯᠠᠢ ᠤᠰᠤ ᠪᠠᠷ ᠪᠢᠯᠬᠠᠳᠠᠭ ᠰᠢᠭ᠋ ᠳᠡᠯᠡᠬᠡᠢ ᠶᠣᠬᠣᠸᠠ ᠶᠢᠨ ᠮᠡᠳᠡᠯᠭᠡ ᠪᠡᠷ ᠳᠦᠭᠦᠷᠬᠦ ᠪᠣᠯᠣᠨᠠ᠃
10 ᠲᠡᠷᠡ ᠡᠳᠦᠷ ᠢᠱᠠᠢ ᠶᠢᠨ ᠦᠨᠳᠦᠰᠦ ᠦᠨᠳᠦᠰᠦᠲᠡᠨ ᠨᠦᠭᠦᠳ ᠦᠨ ᠲᠥᠯᠥᠭᠡ ᠲᠤᠭ ᠪᠣᠯᠵᠤ ᠮᠠᠨᠳᠤᠨᠠ ᠬᠠᠷᠢᠴᠤᠳ ᠲᠡᠭᠦᠨ ᠢ ᠬᠠᠢᠨᠠ ᠲᠡᠭᠦᠨ ᠦ ᠠᠮᠠᠷᠠᠬᠤ ᠭᠠᠵᠠᠷ ᠢᠷᠠᠭᠤ ᠠᠯᠳᠠᠷ ᠲᠠᠢ ᠪᠣᠯᠣᠨᠠ᠃
11 ᠲᠡᠷᠡ ᠡᠳᠦᠷ ᠡᠵᠡᠨ ᠬᠣᠶᠠᠳᠠᠬᠢ ᠤᠳᠠᠭᠠ ᠪᠠᠨ ᠮᠤᠲᠤᠷ ᠢᠶᠠᠨ ᠰᠤᠩ᠋ᠭᠠᠵᠤ ᠠᠰᠢᠷᠢᠶᠠ᠂ ᠶᠧᠵᠢᠫᠲ᠂ ᠫᠠᠲ᠋ᠷᠣᠰ᠂ ᠡᠲ᠋ᠢᠶᠤᠫᠢᠶᠠ᠂ ᠡᠯᠠᠮ᠂ ᠪᠠᠪᠢᠯᠣᠨ᠂ ᠬᠠᠮᠠᠲ ᠪᠣᠯᠣᠨ ᠳᠠᠯᠠᠢ ᠶᠢᠨ ᠡᠷᠭᠢ ᠡᠴᠡ ᠠᠷᠠᠳ ᠲᠦᠮᠡᠨ ᠦ ᠪᠠᠨ ᠦᠯᠡᠳᠡᠭᠰᠡᠨ ᠦᠯᠡᠳᠡᠭᠰᠡᠳ ᠢ ᠣᠯᠵᠤ ᠠᠪᠤᠨᠠ᠃
12 ᠡᠵᠡᠨ ᠦᠨᠳᠦᠰᠦᠲᠡᠨ ᠨᠦᠭᠦᠳ ᠦᠨ ᠲᠥᠯᠥᠭᠡ ᠲᠤᠭ ᠮᠠᠨᠳᠤᠭᠤᠯᠤᠨ ᠭᠠᠵᠠᠷ ᠤᠨ ᠳᠥᠷᠪᠡᠨ ᠥᠨᠴᠥᠭ ᠡᠴᠡ ᠢᠰᠷᠧᠯ ᠤᠨ ᠴᠥᠯᠡᠭᠳᠡᠭᠰᠡᠳ ᠢ ᠴᠤᠭᠯᠠᠭᠤᠯᠵᠤ ᠶᠦᠳᠠ ᠶᠢᠨ ᠪᠤᠲᠠᠷᠠᠭᠰᠠᠳ ᠢ ᠪᠥᠭᠡᠮᠨᠡᠷᠡᠭᠦᠯᠦᠨᠡ᠃
13 ᠡᠹᠷᠠᠢᠮ ᠤᠨ ᠠᠲᠠᠭᠠᠷᠬᠠᠯ ᠠᠷᠢᠯᠤᠨ ᠶᠦᠳᠠ ᠶᠢᠨ ᠳᠠᠢᠰᠤᠩᠨᠠᠯ ᠳᠠᠯᠳᠠ ᠣᠷᠣᠨᠠ ᠡᠹᠷᠠᠢᠮ ᠶᠦᠳᠠ ᠳᠤ ᠠᠲᠠᠭᠠᠷᠬᠠᠬᠤ ᠦᠭᠡᠢ ᠶᠦᠳᠠ ᠡᠹᠷᠠᠢᠮ ᠢ ᠳᠠᠢᠰᠤᠩᠨᠠᠬᠤ ᠦᠭᠡᠢ᠃
14 ᠲᠡᠳᠡ ᠪᠠᠷᠠᠭᠤᠨ ᠲᠡᠰᠢ ᠹᠢᠯᠢᠰᠲ ᠤᠨ ᠮᠥᠷᠥᠨ ᠳᠡᠭᠡᠷᠡ ᠰᠢᠭᠦᠷᠦᠨ ᠪᠠᠭᠤᠵᠤ ᠲᠡᠳᠡ ᠬᠠᠮᠲᠤ ᠳᠠᠭᠠᠨ ᠳᠣᠷᠣᠨᠠ ᠶᠢᠨ ᠬᠢᠨ ᠢ ᠳᠡᠭᠡᠷᠡᠮᠳᠡᠨ ᠡᠳᠣᠮ ᠪᠠ ᠮᠣᠶᠠᠪ ᠳᠡᠭᠡᠷᠡ ᠭᠠᠷ ᠢᠶᠠᠨ ᠲᠠᠯᠪᠢᠨ ᠠᠮᠣᠨᠴᠤᠳ ᠢ ᠡᠷᠬᠡᠰᠢᠶᠡᠯ ᠳᠡᠭᠡᠨ ᠣᠷᠣᠭᠤᠯᠤᠨᠠ᠃
15 ᠶᠣᠬᠣᠸᠠ ᠶᠧᠵᠢᠫᠲ ᠤᠨ ᠳᠠᠯᠠᠢ ᠶᠢᠨ ᠪᠤᠯᠤᠩ ᠢ ᠬᠠᠲᠠᠭᠠᠵᠤ ᠮᠤᠲᠤᠷ ᠢᠶᠠᠨ ᠬᠥᠳᠡᠯᠭᠡᠨ ᠡᠶᠦ᠋ᠹᠷᠠᠲ᠋ᠧᠰ ᠮᠥᠷᠡᠨ ᠦ ᠳᠡᠭᠡᠭᠦᠷ ᠬᠠᠯᠠᠭᠤᠨ ᠠᠮᠢᠰᠬᠤᠯ ᠢᠶᠠᠨ ᠢᠯᠡᠭᠡᠵᠦ ᠲᠡᠭᠦᠨ ᠢ ᠱᠠᠬᠠᠢ ᠲᠠᠢ ᠭᠠᠲᠤᠯᠬᠤ ᠳᠣᠯᠣᠭᠠᠨ ᠬᠠᠲᠠᠭᠰᠠᠨ ᠭᠣᠣᠯ ᠪᠣᠯᠭᠠᠨ ᠬᠤᠪᠢᠶᠠᠨᠠ᠃
16 ᠢᠰᠷᠧᠯᠴᠦᠳ ᠶᠧᠵᠢᠫᠲ ᠡᠴᠡ ᠭᠠᠷᠤᠭᠰᠠᠨ ᠦᠶᠡ ᠶᠢᠨ ᠬᠢ ᠰᠢᠭ ᠠᠷᠠᠳ ᠲᠦᠮᠡᠨ ᠦ ᠬᠢᠨᠢ ᠦᠯᠡᠳᠡᠭᠰᠡᠳ ᠲᠦ ᠠᠰᠢᠷᠢᠶᠠ ᠠᠴᠠ ᠪᠤᠴᠠᠬᠤ ᠶᠡᠬᠡ ᠵᠠᠮ ᠲᠠᠢ ᠪᠠᠢᠬᠤ ᠪᠣᠯᠣᠨᠠ᠃