ᠢᠰᠠᠢᠶᠠ ᠭᠤᠴᠢᠨ ᠬᠣᠶᠠᠷ
ᠮᠧᠰᠢᠶᠠ ᠶᠢᠨ ᠵᠥᠪ ᠬᠠᠭᠠᠨᠴᠢᠯᠠᠯ
1 ᠬᠠᠷᠠ᠂ ᠨᠢᠭᠡᠨ ᠬᠠᠭᠠᠨ ᠵᠥᠪ ᠢᠶᠡᠷ ᠬᠠᠭᠠᠨᠴᠢᠯᠠᠵᠤ ᠨᠣᠶᠠᠳ ᠨᠢ ᠰᠢᠳᠤᠷᠭᠤ ᠪᠠᠷ ᠵᠠᠬᠢᠷᠬᠤ ᠪᠣᠯᠣᠨᠠ᠃
2 ᠨᠢᠭᠡᠨ ᠬᠥᠮᠦᠨ 15 ᠰᠠᠯᠬᠢᠨ ᠠᠴᠠ ᠬᠣᠷᠭᠣᠳᠠᠬᠤ ᠭᠠᠵᠠᠷ ᠮᠡᠲᠦ ᠰᠢᠭᠤᠷᠭᠠᠨ ᠠᠴᠠ ᠬᠠᠯᠬᠠᠯᠠᠬᠤ ᠬᠠᠯᠬᠠᠪᠴᠢ ᠮᠡᠲᠦ ᠬᠠᠭᠤᠷᠠᠢ ᠳᠠᠬᠢ ᠤᠰᠤᠨ ᠤᠷᠤᠰᠬᠠᠯ ᠮᠡᠲᠦ ᠬᠠᠲᠠᠭᠰᠠᠨ ᠭᠠᠵᠠᠷ ᠳᠠᠬᠢ ᠶᠡᠬᠡ ᠬᠠᠳᠠᠨ ᠤ ᠰᠡᠭᠦᠳᠡᠷ ᠮᠡᠲᠦ ᠪᠣᠯᠣᠨᠠ᠃
3 ᠬᠠᠷᠠᠭᠴᠢᠳ ᠤᠨ ᠨᠢᠳᠦ ᠬᠠᠷᠠᠩ᠋ᠭᠤᠢᠯᠠᠬᠤ ᠦᠭᠡᠢ ᠰᠣᠨᠣᠰᠣᠭᠴᠢᠳ ᠤᠨ ᠴᠢᠬᠢ ᠰᠣᠨᠣᠷ ᠪᠣᠯᠣᠨᠠ᠃
4 ᠰᠠᠭᠭᠠᠭᠠ ᠬᠥᠮᠦᠨ ᠦ ᠵᠢᠷᠦᠬᠡ ᠮᠡᠳᠡᠯᠭᠡ ᠶᠢ ᠢᠯᠭᠠᠨ ᠲᠠᠨᠢᠵᠤ ᠬᠡᠯᠡᠭᠡᠢ ᠬᠥᠮᠦᠨ ᠦ ᠬᠡᠯᠡ ᠲᠦᠷᠭᠡᠨ ᠲᠣᠳᠣ ᠶᠠᠷᠢᠨᠠ᠃
5 ᠴᠢᠨᠠᠭᠰᠢᠳᠠ ᠡᠷᠭᠢᠭᠦᠦ ᠬᠥᠮᠦᠨ ᠢ ᠡᠷᠬᠢᠮ ᠭᠡᠵᠦ ᠳᠠᠭᠤᠳᠠᠬᠤ ᠦᠭᠡᠢ ᠠᠳᠠᠭ ᠤᠨ ᠬᠥᠮᠦᠨ ᠢ ᠠᠭᠤᠤ ᠭᠡᠬᠦ ᠦᠭᠡᠢ ᠪᠣᠯᠣᠨᠠ᠃
6 ᠡᠷᠭᠢᠭᠦᠦ ᠬᠥᠮᠦᠨ ᠡᠷᠭᠢᠭᠦᠦ ᠶᠢ ᠶᠠᠷᠢᠵᠤ ᠭᠡᠮ ᠪᠤᠷᠤᠭᠤ ᠶᠢ ᠰᠡᠳᠦᠳᠡᠭ ᠪᠤᠵᠠᠷ ᠢ ᠦᠢᠯᠡᠳᠦᠨ᠂ ᠶᠣᠬᠣᠸᠠ ᠶᠢᠨ ᠲᠤᠬᠠᠢ ᠪᠤᠷᠤᠭᠤ ᠪᠠᠷ ᠶᠠᠷᠢᠵᠤ ᠥᠯᠥᠰᠬᠥᠯᠡᠩ ᠬᠥᠮᠦᠨ ᠢ ᠥᠯᠥᠰᠬᠥᠯᠡᠩ ᠣᠷᠬᠢᠵᠤ ᠴᠠᠩ᠋ᠭᠠᠭᠠ ᠲᠠᠢ ᠬᠥᠮᠦᠨ ᠡᠴᠡ ᠤᠮᠳᠠ ᠪᠠᠨ ᠬᠠᠷᠠᠮᠨᠠᠨᠠ᠃
7 ᠶᠠᠳᠠᠭᠤ ᠨᠢᠭᠡᠨ ᠦ ᠥᠴᠢᠭ ᠰᠢᠳᠤᠷᠭᠤ ᠪᠠᠢᠭᠰᠠᠨ ᠴᠤ ᠠᠳᠠᠭ ᠤᠨ ᠡᠲᠡᠭᠡᠳ ᠦᠨ ᠠᠷᠭᠠ ᠨᠢ ᠬᠣᠣᠷᠲᠠᠢ᠂ ᠲᠡᠷᠡ ᠬᠠᠭᠤᠷᠮᠠᠭ ᠦᠭᠡ ᠪᠡᠷ ᠦᠭᠡᠭᠦᠴᠦᠳ ᠢ ᠬᠥᠨᠥᠭᠡᠬᠦ ᠭᠡᠵᠦ ᠬᠣᠷᠣᠨ ᠮᠠᠭᠤ ᠶᠢ ᠰᠡᠳᠬᠢᠳᠡᠭ᠃
8 ᠬᠠᠷᠢᠨ ᠡᠷᠬᠢᠮ ᠨᠢ ᠡᠷᠬᠢᠮ ᠢ ᠪᠣᠳᠣᠵᠤ ᠡᠷᠬᠢᠮ ᠦᠢᠯᠡᠰ ᠳᠡᠭᠡᠷᠡ ᠪᠡᠨ ᠪᠠᠳᠠᠷᠠᠨᠠ᠃
9 ᠠᠮᠤᠷᠯᠢᠩ᠋ᠭᠤᠢ ᠡᠮᠡᠭᠲᠡᠢᠴᠦᠳ ᠡ ᠪᠣᠰᠴᠤ᠂ ᠳᠠᠭᠤ ᠶᠢ ᠮᠢᠨᠢ ᠰᠣᠨᠣᠰ ᠲᠠᠢᠪᠤᠭᠤ ᠥᠬᠢᠳ ᠡ ᠦᠭᠡᠨ ᠳᠦ ᠮᠢᠨᠢ ᠴᠢᠬᠢ ᠲᠠᠯᠪᠢ᠃
10 ᠨᠢᠭᠡ ᠵᠢᠯ ᠥᠩᠭᠡᠷᠡᠬᠦ ᠳᠦ ᠲᠠᠢᠪᠤᠭᠤ ᠲᠠ ᠨᠠᠷ ᠰᠠᠨᠳᠤᠷᠤᠨᠠ ᠤᠴᠢᠷ ᠨᠢ ᠦᠵᠦᠮ ᠦᠨ ᠬᠤᠷᠢᠶᠠᠯᠲᠠ ᠳᠠᠭᠤᠰᠴᠤ ᠵᠢᠮᠢᠰ ᠬᠤᠷᠢᠶᠠᠬᠤ ᠴᠠᠭ ᠢᠷᠡᠬᠦ ᠦᠭᠡᠢ᠃
11 ᠠᠮᠤᠷᠯᠢᠩ᠋ᠭᠤᠢ ᠡᠮᠡᠭᠲᠡᠢᠴᠦᠳ ᠡ᠂ ᠴᠡᠴᠡᠷᠡ ᠲᠠᠢᠪᠤᠭᠤ ᠥᠬᠢᠳ ᠡ᠂ ᠰᠠᠨᠳᠤᠷ ᠬᠤᠪᠴᠠᠰᠤ ᠪᠠᠨ ᠲᠠᠢᠯᠤᠨ ᠨᠢᠴᠦᠭᠦᠯᠡᠵᠦ ᠪᠦᠰᠡᠯᠡᠭᠦᠷ ᠲᠡᠭᠡᠨ ᠲᠠᠭᠠᠷ ᠲᠠᠢ ᠪᠠᠷ
12 ᠲᠠᠭᠠᠯᠠᠮᠵᠢᠲᠤ ᠲᠠᠯᠠᠪᠠᠢ᠂ ᠦᠷᠡ ᠰᠢᠮᠡ ᠲᠠᠢ ᠦᠵᠦᠮ ᠦᠨ ᠬᠦᠷᠢᠶᠡᠯᠡᠩ ᠦᠨ ᠲᠥᠯᠥᠭᠡ ᠴᠡᠭᠡᠵᠢ ᠪᠠᠨ ᠳᠡᠯᠡᠳᠦᠭᠲᠦᠨ᠂
13 ᠠᠷᠠᠳ ᠲᠦᠮᠡᠨ ᠦ ᠮᠢᠨᠢ ᠬᠥᠷᠥᠰᠥᠨ ᠳᠡᠭᠡᠷᠡ ᠴᠡᠩᠭᠡᠯᠳᠦ ᠬᠣᠲᠠ ᠶᠢᠨ ᠵᠢᠷᠭᠠᠯ ᠲᠠᠢ ᠭᠡᠷ ᠪᠦᠭᠦᠳᠡ ᠶᠢᠨ ᠳᠡᠭᠡᠷᠡ ᠦᠭᠦᠷᠭᠡᠨᠡ ᠪᠠ ᠥᠷᠭᠡᠰᠦᠲᠦ ᠬᠠᠯᠠᠭᠠᠢ ᠤᠷᠭᠤᠨᠠ᠃
14 ᠣᠷᠳᠣᠨ ᠬᠠᠷᠰᠢ ᠬᠠᠶᠠᠭᠳᠠᠨ ᠣᠯᠠᠨ ᠬᠥᠮᠦᠨ ᠲᠡᠢ ᠬᠣᠲᠠ ᠡᠵᠡᠭᠦᠢᠷᠡᠨ ᠰᠢᠯᠲᠦᠭᠡᠨ᠂ ᠴᠠᠮᠬᠠᠭ ᠤᠳ ᠨᠢ ᠡᠭᠦᠷᠢᠳᠡ ᠠᠮᠢᠲᠠᠨ ᠤ ᠡᠭᠦᠷ᠂ ᠬᠤᠯᠠᠨ ᠤ ᠲᠠᠪᠠᠲᠠᠢ ᠭᠠᠵᠠᠷ᠂ ᠮᠠᠯ ᠤᠨ ᠪᠡᠯᠴᠢᠭᠡᠷ ᠪᠣᠯᠣᠨᠠ᠂
15 ᠬᠠᠷᠢᠨ ᠬᠣᠵᠢᠮ ᠰᠦᠨᠡᠰᠦ ᠥᠨᠳᠥᠷ ᠳᠡᠭᠡᠷᠡ ᠡᠴᠡ ᠪᠢᠳᠡᠨ ᠦ ᠳᠡᠭᠡᠷᠡ ᠴᠢᠳᠬᠤᠭᠳᠠᠬᠤ ᠳᠤ ᠴᠥᠯ ᠨᠢ ᠰᠢᠮᠡᠯᠢᠭ ᠭᠠᠵᠠᠷ ᠪᠣᠯᠵᠤ ᠰᠢᠮᠡᠯᠢᠭ ᠭᠠᠵᠠᠷ ᠨᠢ ᠣᠢ ᠳᠤ ᠲᠣᠭᠠᠴᠠᠭᠳᠠᠨᠠ᠃
16 ᠰᠢᠳᠤᠷᠭᠤ ᠨᠢ ᠴᠥᠯ ᠳᠤ ᠣᠷᠣᠰᠢᠵᠤ ᠵᠥᠪ ᠨᠢ ᠰᠢᠮᠡᠯᠢᠭ ᠭᠠᠵᠠᠷ ᠲᠤ ᠰᠠᠭᠤᠨᠠ᠃
17 ᠵᠥᠪ ᠦᠨ ᠦᠢᠯᠡ ᠪᠡᠷ ᠠᠮᠤᠭᠤᠯᠠᠩ ᠪᠣᠯᠵᠤ ᠵᠥᠪ ᠦᠨ ᠦᠢᠯᠡᠰ ᠢᠶᠡᠷ ᠮᠥᠩᠬᠡᠳᠡ ᠠᠶᠤᠯ ᠦᠭᠡᠢ ᠲᠠᠢᠪᠤᠩ ᠪᠣᠯᠣᠨᠠ᠃
18 ᠠᠷᠠᠳ ᠲᠦᠮᠡᠨ ᠮᠢᠨᠢ ᠠᠮᠤᠭᠤᠯᠠᠩ ᠣᠷᠣᠨ ᠳᠤ ᠠᠶᠤᠯ ᠦᠭᠡᠢ ᠭᠡᠷ ᠤᠳ ᠲᠤ ᠠᠮᠤᠷᠯᠢᠩ᠋ᠭᠤᠢ ᠠᠮᠠᠷᠠᠯ ᠤᠨ ᠭᠠᠵᠠᠷ ᠤᠳ ᠲᠤ ᠰᠠᠭᠤᠨᠠ᠃
19 ᠣᠢ ᠮᠣᠳᠣ ᠮᠥᠨᠳᠥᠷ ᠲᠦ ᠴᠣᠬᠢᠭᠳᠠᠵᠤ᠂ ᠬᠣᠲᠠ ᠪᠦᠷᠢᠮᠦᠰᠦᠨ ᠳᠣᠷᠣᠭᠰᠢ ᠰᠠᠭᠤᠭᠰᠠᠨ ᠴᠤ
20 ᠤᠰᠤ ᠲᠠᠢ ᠭᠠᠵᠠᠷ ᠪᠦᠭᠦᠳᠡ ᠳᠦ ᠦᠷᠡ ᠰᠠᠴᠤᠵᠤ ᠦᠬᠡᠷ᠂ ᠡᠯᠵᠢᠭᠡ ᠪᠡᠨ ᠲᠡᠷᠡᠭᠦᠷ ᠪᠡᠯᠴᠢᠭᠡᠳᠡᠭ ᠲᠠ ᠨᠠᠷ ᠪᠤᠶᠠᠨ ᠲᠠᠢ︕