ᠢᠰᠠᠢᠶᠠ ᠬᠣᠷᠢᠨ ᠳᠣᠯᠣᠭᠠ
ᠰᠢᠨᠡ ᠬᠠᠭᠠᠨᠴᠢᠯᠠᠯ ᠤᠨ ᠠᠷᠠᠳ ᠲᠦᠮᠡᠨ
1 ᠲᠡᠷᠡ ᠡᠳᠦᠷ ᠶᠣᠬᠣᠸᠠ ᠬᠠᠲᠠᠭᠤ᠂ ᠲᠣᠮᠣ᠂ ᠬᠦᠴᠦᠲᠦ ᠢᠯᠳᠦ ᠪᠡᠷ ᠢᠶᠠᠨ ᠪᠤᠯᠲᠠᠮᠠᠲᠠᠭᠠᠢ ᠮᠣᠭᠠᠢ ᠯᠧᠸᠢᠶᠠᠲ᠋ᠠᠨ 13 ᠢ᠂ ᠮᠤᠷᠤᠯᠵᠠᠭᠰᠠᠨ ᠮᠣᠭᠠᠢ ᠯᠧᠸᠢᠶᠠᠲ᠋ᠠᠨ ᠢ ᠰᠢᠳᠬᠡᠵᠦ ᠳᠠᠯᠠᠢ ᠶᠢᠨ ᠯᠤᠤ ᠶᠢ ᠰᠥᠨᠥᠭᠡᠨᠡ᠃
2 ᠲᠡᠷᠡ ᠡᠳᠦᠷ ᠲᠠ ᠨᠠᠷ ᠦᠵᠦᠮ ᠦᠨ ᠲᠠᠯᠠᠪᠠᠢ ᠶᠢᠨ ᠲᠤᠬᠠᠢ ᠳᠠᠭᠤᠯᠠᠭᠲᠤᠨ᠃
3 ᠬᠠᠮᠠᠭᠠᠯᠠᠭᠴᠢ ᠨᠢ ᠶᠣᠬᠣᠸᠠ ᠪᠢ ᠪᠢ ᠦᠷᠭᠦᠯᠵᠢ ᠲᠡᠭᠦᠨ ᠢ ᠤᠰᠤᠯᠠᠳᠠᠭ ᠡᠳᠦᠷ ᠰᠥᠨᠢ ᠦᠭᠡᠢ ᠬᠠᠮᠠᠭᠠᠯᠠᠨᠠ᠂ ᠬᠡᠨ ᠴᠤ ᠲᠡᠭᠦᠨ ᠢ ᠬᠣᠬᠢᠷᠠᠭᠠᠬᠤ ᠦᠭᠡᠢ᠃
4 ᠨᠠᠳᠠ ᠳᠤ ᠬᠢᠯᠢᠩ ᠦᠭᠡᠢ ᠪᠣᠯᠪᠠᠴᠤ ᠬᠡᠨ ᠨᠢᠭᠡᠨ ᠨᠢ ᠨᠣᠬᠠᠢ ᠶᠢᠨ ᠬᠣᠰᠢᠭᠤ ᠪᠠ ᠥᠷᠭᠡᠰᠦ ᠶᠢ ᠮᠢᠨᠦ ᠡᠰᠡᠷᠭᠦ ᠭᠠᠷᠭᠠᠪᠠᠯ ᠪᠢ ᠲᠤᠯᠤᠯᠳᠤᠵᠤ᠂ ᠲᠡᠭᠦᠨ ᠢ ᠲᠠᠯᠬᠢᠳᠠᠨ᠂ ᠨᠢᠭᠡᠮᠦᠰᠦᠨ ᠰᠢᠲᠠᠭᠠᠨᠠ᠃
5 ᠲᠡᠷᠡ ᠪᠡᠷ ᠬᠦᠴᠦᠨ ᠳᠦ ᠮᠢᠨᠢ ᠲᠦᠰᠢᠵᠦ ᠨᠠᠳᠠ ᠲᠠᠢ ᠡᠪᠯᠡᠷᠡᠬᠦ ᠨᠢ ᠳᠡᠭᠡᠷᠡ ᠨᠠᠳᠠ ᠲᠠᠢ ᠡᠪᠯᠡᠷᠡᠬᠦ ᠨᠢ ᠳᠡᠭᠡᠷᠡ᠃》
6 ᠬᠣᠵᠢᠮ ᠶᠠᠺᠣᠪ ᠦᠨᠳᠦᠰᠦᠯᠡᠨᠡ ᠢᠰᠷᠧᠯ ᠨᠠᠬᠢᠶᠠᠯᠠᠨ ᠴᠡᠴᠡᠭᠯᠡᠵᠦ ᠪᠦᠬᠦ ᠶᠢᠷᠲᠢᠨᠴᠦ ᠶᠢ ᠦᠷᠡ ᠵᠢᠮᠢᠰ ᠢᠶᠠᠷ ᠳᠦᠭᠦᠷᠭᠡᠨᠡ᠃
7 ᠲᠡᠭᠦᠨ ᠢ ᠴᠣᠬᠢᠭᠰᠠᠨ ᠳᠠᠢᠰᠤᠨ ᠢ ᠴᠣᠬᠢᠭᠰᠠᠨ ᠰᠢᠭ᠋ ᠢᠶᠠᠨ ᠶᠣᠬᠣᠸᠠ ᠲᠡᠭᠦᠨ ᠢ ᠴᠣᠬᠢᠭᠰᠠᠨ ᠤᠤ︖ ᠲᠡᠭᠦᠨ ᠢ ᠨᠢᠳᠤᠯᠤᠭᠰᠠᠨ ᠳᠠᠢᠰᠤᠨ ᠲᠠᠢ ᠪᠠᠨ ᠠᠳᠠᠯᠢ ᠲᠡᠷᠡ ᠨᠢᠳᠤᠯᠤᠭᠳᠠᠭᠰᠠᠨ ᠤᠤ︖
8 ᠲᠠ ᠬᠥᠭᠡᠭᠡᠵᠦ ᠵᠠᠢᠯᠠᠭᠤᠯᠤᠭᠰᠠᠨ ᠢᠶᠠᠷ ᠢᠶᠠᠨ ᠲᠡᠭᠦᠨ ᠢ ᠰᠢᠳᠬᠡᠪᠡ ᠳᠣᠷᠣᠨᠠ ᠶᠢᠨ ᠰᠠᠯᠬᠢ ᠲᠠᠢ ᠡᠳᠦᠷ ᠳᠣᠭᠰᠢᠨ ᠰᠢᠭᠤᠷᠭᠠ ᠪᠠᠷ ᠲᠡᠭᠦᠨ ᠢ ᠬᠥᠭᠡᠭᠡᠪᠡ᠃
9 ᠢᠩᠭᠢᠭᠡᠳ ᠶᠠᠺᠣᠪ ᠤᠨ ᠭᠡᠮ ᠬᠡᠯᠲᠦᠷᠢᠵᠦ ᠨᠢᠭᠦᠯ ᠨᠢ ᠵᠠᠢᠯᠠᠬᠤ ᠪᠣᠯᠣᠨᠠ ᠦᠷᠡ ᠳ᠋ᠦᠩ ᠳᠦᠨᠢ ᠲᠡᠷᠡ ᠲᠠᠬᠢᠯ ᠤᠨ ᠰᠢᠷᠡᠭᠡᠨ ᠦ ᠪᠦᠬᠦ ᠴᠢᠯᠠᠭᠤ ᠶᠢ ᠪᠤᠲᠠᠷᠠᠭᠰᠠᠨ ᠴᠣᠬᠣᠢ ᠶᠢᠨ ᠴᠢᠯᠠᠭᠤ ᠮᠡᠲᠦ ᠪᠣᠯᠭᠠᠬᠤ ᠳᠤ ᠠᠱᠧᠷᠠ ᠶᠢᠨ ᠱᠣᠩ ᠪᠤᠶᠤ ᠤᠲᠤᠯᠭᠠᠲᠤ ᠲᠠᠬᠢᠯ ᠤᠨ ᠰᠢᠷᠡᠭᠡ ᠪᠠᠢᠬᠤ ᠪᠠᠨ ᠪᠣᠯᠢᠨᠠ᠃
10 ᠬᠠᠷᠢᠨ ᠪᠡᠬᠢᠯᠡᠯᠲᠡᠲᠦ ᠬᠣᠲᠠ ᠬᠣᠭᠣᠰᠣᠷᠠᠵᠤ ᠪᠠᠢᠷᠢᠰᠢᠭᠰᠠᠨ ᠭᠠᠵᠠᠷ ᠨᠢ ᠬᠠᠶᠠᠭᠳᠠᠨ ᠴᠥᠯ ᠮᠡᠲᠦ ᠣᠷᠬᠢᠭᠳᠠᠨᠠ ᠲᠤᠭᠤᠯ ᠲᠡᠨᠳᠡ ᠪᠡᠯᠴᠢᠨ᠂ ᠲᠡᠨᠳᠡ ᠬᠡᠪᠲᠡᠵᠦ ᠲᠡᠨᠳᠡᠬᠢ ᠮᠥᠴᠢᠷ ᠤᠳ ᠢ ᠨᠢ ᠪᠠᠷᠠᠭᠠᠨᠠ᠃
11 ᠮᠥᠴᠢᠷ ᠨᠢ ᠬᠠᠲᠠᠵᠤ ᠬᠤᠭᠤᠷᠠᠬᠤ ᠳᠤ ᠡᠮᠡᠭᠲᠡᠢᠴᠦᠳ ᠢᠷᠡᠵᠦ᠂ ᠲᠡᠳᠡᠭᠡᠷ ᠢᠶᠡᠷ ᠭᠠᠯ ᠬᠥᠭᠵᠢᠭᠡᠨᠡ ᠡᠨᠡ ᠬᠥᠮᠦᠰ ᠤᠬᠠᠭᠠᠨ ᠦᠭᠡᠢ ᠪᠣᠯᠬᠣᠷ ᠡᠭᠦᠳᠦᠭᠴᠢ ᠨᠢ ᠲᠡᠳᠡᠨ ᠢ ᠥᠷᠥᠪᠳᠥᠬᠦ ᠦᠭᠡᠢ ᠪᠦᠲᠦᠭᠡᠭᠴᠢ ᠨᠢ ᠲᠡᠳᠡᠨ ᠢ ᠡᠨᠡᠷᠢᠬᠦ ᠦᠭᠡᠢ᠃
12 ᠢᠰᠷᠧᠯᠴᠦᠳ ᠡ᠂ ᠲᠡᠷᠡ ᠡᠳᠦᠷ ᠶᠣᠬᠣᠸᠠ ᠡᠶᠦ᠋ᠹᠷᠠᠲ᠋ᠧᠰ ᠤᠨ ᠴᠢᠳᠬᠤᠯᠠᠩ ᠠᠴᠠ ᠶᠧᠵᠢᠫᠲ ᠤᠨ ᠭᠣᠷᠣᠬᠠ ᠬᠦᠷᠲᠡᠯᠡᠬᠢ ᠭᠠᠵᠠᠷ ᠢ ᠦᠲᠦᠷᠮᠡᠳᠡᠵᠦ᠂ ᠲᠠ ᠨᠠᠷ ᠢ ᠨᠢᠭᠡ ᠨᠢᠭᠡ ᠪᠡᠷ ᠴᠤᠭᠯᠠᠭᠤᠯᠤᠨᠠ᠂
13 ᠲᠡᠷᠡ ᠡᠳᠦᠷ ᠶᠡᠬᠡ ᠪᠦᠷᠢᠶᠡ ᠦᠯᠢᠶᠡᠬᠦ ᠳᠦ᠂ ᠠᠰᠢᠷᠢᠶᠠ ᠶᠢᠨ ᠨᠤᠲᠤᠭ ᠲᠤ ᠭᠡᠭᠡᠭᠳᠡᠭᠰᠡᠨ᠂ ᠶᠧᠵᠢᠫᠲ ᠤᠨ ᠨᠤᠲᠤᠭ ᠤᠷᠤᠭᠤ ᠬᠥᠭᠡᠭᠡᠭᠳᠡᠭᠰᠡᠨ ᠬᠥᠮᠦᠰ ᠢᠷᠡᠵᠦ᠂ ᠶᠧᠷᠦ᠋ᠰᠠᠯᠧᠮ ᠤᠨ ᠠᠷᠢᠭᠤᠨ ᠠᠭᠤᠯᠠᠨ ᠳᠡᠭᠡᠷᠡ ᠶᠣᠬᠣᠸᠠ ᠳᠤ ᠮᠥᠷᠭᠥᠨᠡ᠃