ᠢᠰᠠᠢᠶᠠ ᠭᠤᠴᠢᠨ ᠨᠢᠭᠡ
1 ᠶᠧᠵᠢᠫᠲ ᠤᠷᠤᠭᠤ ᠲᠤᠰᠠᠯᠠᠮᠵᠢ ᠭᠤᠶᠤᠬᠤ ᠪᠠᠷ ᠶᠠᠪᠤᠭᠴᠢᠳ ᠭᠠᠰᠠᠯᠠᠩᠲᠠᠶᠠ᠂ ᠲᠡᠳᠡ ᠮᠣᠷᠢᠳ ᠲᠤ ᠲᠦᠰᠢᠭᠯᠡᠵᠦ ᠲᠡᠷᠭᠡᠨ ᠦ ᠬᠢᠨᠢ ᠣᠯᠠᠨ ᠮᠣᠷᠢᠲᠠᠳ ᠤᠨ ᠬᠢᠨᠢ ᠶᠡᠬᠡ ᠬᠦᠴᠦᠨ ᠳᠦ ᠢᠲᠡᠭᠡᠵᠦ ᠪᠠᠢᠳᠠᠭ᠂ ᠬᠠᠷᠢᠨ ᠢᠰᠷᠧᠯ ᠤᠨ ᠠᠷᠢᠭᠤᠨ ᠨᠢᠭᠡᠨ ᠥᠭᠡᠳᠡ ᠬᠠᠷᠠᠳᠠᠭ ᠦᠭᠡᠢ ᠶᠣᠬᠣᠸᠠ ᠶᠢ ᠬᠠᠢᠳᠠᠭ ᠦᠭᠡᠢ᠃
2 ᠬᠠᠷᠢᠨ ᠶᠣᠬᠣᠸᠠ ᠮᠡᠷᠭᠡᠨ︕ ᠦᠭᠡ ᠪᠡᠨ ᠪᠤᠴᠠᠭᠠᠯ ᠦᠭᠡᠢ᠂ ᠭᠠᠮᠰᠢᠭ ᠪᠠᠭᠤᠯᠭᠠᠨᠠ᠂ ᠮᠠᠭᠤ ᠶᠢ ᠦᠢᠯᠡᠳᠦᠭᠴᠢ ᠶᠢᠨ ᠭᠡᠷ ᠦᠨ ᠡᠰᠡᠷᠭᠦ ᠪᠤᠷᠤᠭᠤᠲᠠᠳ ᠤᠨ ᠲᠤᠰᠠᠯᠠᠮᠵᠢ ᠶᠢᠨ ᠡᠰᠡᠷᠭᠦ ᠪᠣᠰᠣᠨᠠ᠃
3 ᠶᠧᠵᠢᠫᠲ᠋ᠴᠦᠳ ᠨᠢ ᠪᠤᠷᠬᠠᠨ ᠪᠢᠰᠢ᠂ ᠬᠥᠮᠦᠨ᠂ ᠮᠣᠷᠢᠳ ᠨᠢ ᠰᠦᠨᠡᠰᠦ ᠪᠢᠰᠢ᠂ ᠮᠢᠬᠠᠨ ᠪᠡᠶᠡ ᠶᠤᠮ᠂ ᠶᠣᠬᠣᠸᠠ ᠮᠤᠲᠤᠷ ᠢᠶᠠᠨ ᠰᠤᠩ᠋ᠭᠠᠬᠤ ᠳᠤ ᠲᠤᠰᠠᠯᠠᠭᠴᠢ ᠨᠢ ᠪᠦᠳᠦᠷᠢᠵᠦ᠂ ᠲᠤᠰᠠᠯᠠᠭᠤᠯᠤᠭᠴᠢ ᠨᠢ ᠤᠨᠠᠵᠤ ᠲᠡᠳᠡ ᠬᠠᠮᠲᠤ ᠳᠠᠭᠠᠨ ᠤᠰᠠᠳᠬᠠᠭᠳᠠᠨᠠ᠃
4 ᠶᠣᠬᠣᠸᠠ ᠨᠠᠳᠠ ᠳᠤ ᠡᠢᠨ ᠬᠦ ᠠᠢᠯᠠᠳᠪᠠ᠄ 《ᠣᠯᠵᠠᠨ ᠳᠡᠭᠡᠷᠡ ᠪᠡᠨ ᠵᠣᠭᠰᠣᠨ ᠠᠷᠬᠢᠷᠠᠵᠤ ᠪᠤᠢ ᠠᠷᠰᠯᠠᠨ ᠪᠤᠶᠤ ᠵᠠᠯᠠᠭᠤ ᠠᠷᠰᠯᠠᠨ ᠣᠯᠠᠨ ᠬᠣᠨᠢᠴᠢᠨ ᠳᠠᠭᠤᠳᠠᠭᠳᠠᠨ ᠢᠷᠡᠭᠰᠡᠨ ᠴᠤ ᠲᠡᠳᠡᠨ ᠦ ᠳᠠᠭᠤᠨ ᠠᠴᠠ ᠰᠦᠷᠳᠡᠬᠦ ᠦᠭᠡᠢ᠂ ᠲᠡᠳᠡᠨ ᠦ ᠱᠤᠤᠭᠢᠶᠠᠨ ᠢ ᠲᠣᠭᠣᠬᠤ ᠦᠭᠡᠢ ᠪᠠᠢᠳᠠᠭ ᠤᠨ ᠠᠳᠠᠯᠢ ᠠᠤᠭᠠ ᠬᠦᠴᠦᠲᠦ ᠶᠣᠬᠣᠸᠠ ᠽᠢᠶᠣᠨ ᠠᠭᠤᠯᠠ ᠪᠣᠯᠣᠨ ᠲᠣᠯᠣᠭᠠᠳ ᠤᠨ ᠬᠢᠨᠢ ᠲᠥᠯᠥᠭᠡ ᠲᠡᠮᠡᠴᠡᠬᠦ ᠪᠡᠷ ᠪᠠᠭᠤᠵᠤ ᠢᠷᠡᠨᠡ᠂
5 ᠡᠯᠢᠨ ᠬᠠᠯᠢᠳᠠᠭ ᠰᠢᠪᠠᠭᠤᠳ ᠰᠢᠭ᠋ ᠠᠤᠭᠠ ᠬᠦᠴᠦᠲᠦ ᠶᠣᠬᠣᠸᠠ ᠶᠧᠷᠦ᠋ᠰᠠᠯᠧᠮ ᠢ ᠬᠠᠮᠠᠭᠠᠯᠠᠨᠠ ᠲᠡᠷᠡ ᠬᠠᠮᠠᠭᠠᠯᠠᠵᠤ ᠠᠪᠤᠷᠠᠨᠠ ᠲᠡᠷᠡ ᠳᠡᠭᠡᠭᠦᠷ ᠨᠢ ᠥᠩᠭᠡᠷᠡᠵᠦ ᠭᠡᠲᠦᠯᠭᠡᠨᠡ᠃》
6 ᠢᠰᠷᠧᠯᠴᠦᠳ ᠡ᠂ ᠲᠡᠭᠦᠨ ᠡᠴᠡ ᠲᠠ ᠨᠠᠷ ᠪᠠᠲᠤᠲᠠᠢ ᠤᠷᠪᠠᠭᠰᠠᠨ ᠲᠡᠭᠦᠨ ᠤᠷᠤᠭᠤ ᠡᠷᠭᠢᠵᠦ ᠢᠷᠡ᠃
7 ᠲᠠ ᠨᠠᠷ ᠤᠨ ᠬᠥᠮᠦᠨ ᠪᠣᠯᠭᠠᠨ ᠲᠡᠷᠡ ᠡᠳᠦᠷ ᠨᠢᠭᠦᠯᠲᠦ ᠭᠠᠷ ᠤᠨ ᠪᠦᠲᠦᠭᠡᠯ ᠪᠣᠯᠬᠤ ᠮᠥᠩᠭᠥᠨ ᠰᠢᠲᠦᠭᠡᠨ ᠨᠦᠭᠦᠳ᠂ ᠠᠯᠲᠠᠨ ᠰᠢᠲᠦᠭᠡᠨ ᠨᠦᠭᠦᠳ ᠢᠶᠡᠨ ᠬᠠᠶᠠᠨᠠ᠃
8 ᠬᠥᠮᠦᠨ ᠦ ᠬᠢ ᠪᠤᠰᠤ ᠢᠯᠳᠦᠨ ᠳᠦ ᠠᠰᠢᠷᠢᠶᠠ ᠤᠨᠠᠵᠤ ᠬᠥᠮᠦᠰ ᠦᠨ ᠬᠢ ᠪᠤᠰᠤ ᠢᠯᠳᠦᠨ ᠳᠦ ᠵᠠᠯᠭᠢᠭᠳᠠᠨᠠ ᠲᠡᠳᠡ ᠢᠯᠳᠦᠨ ᠡᠴᠡ ᠵᠢᠭᠤᠲᠠᠨᠠ ᠵᠠᠯᠠᠭᠤᠰ ᠨᠢ ᠠᠯᠪᠠᠳᠠᠯᠭᠠ ᠶᠢᠨ ᠠᠵᠢᠯ ᠳᠤ ᠣᠷᠣᠨᠠ᠃
9 ᠲᠡᠭᠦᠨ ᠦ ᠬᠠᠳᠠ ᠲᠦᠭᠰᠢᠭᠦᠷᠢ ᠡᠴᠡ ᠪᠣᠯᠵᠤ ᠠᠯᠠᠭᠠ ᠪᠣᠯᠣᠨᠠ ᠲᠡᠭᠦᠨ ᠦ ᠵᠠᠩᠵᠤᠨ ᠨᠠᠷ ᠲᠤᠭ ᠢ ᠬᠠᠷᠠᠭᠠᠳ ᠰᠠᠨᠳᠤᠷᠤᠨᠠ᠂ ᠶᠣᠬᠣᠸᠠ ᠠᠢᠯᠠᠳᠴᠤ ᠪᠠᠢᠨᠠ᠃ ᠲᠡᠭᠦᠨ ᠦ ᠭᠠᠯ ᠽᠢᠶᠣᠨ ᠳᠤ᠂ ᠵᠤᠤᠬᠠ ᠨᠢ ᠶᠧᠷᠦ᠋ᠰᠠᠯᠧᠮ ᠳᠤ ᠪᠤᠢ᠃