ᠢᠰᠠᠢᠶᠠ ᠵᠢᠷᠠᠨ ᠵᠢᠷᠭᠤᠭᠠ
ᠰᠢᠳᠬᠡᠯ ᠪᠠ ᠨᠠᠢᠳᠠᠪᠤᠷᠢ
1 ᠶᠣᠬᠣᠸᠠ ᠡᠢᠨ ᠬᠦ ᠠᠢᠯᠠᠳᠴᠤ ᠪᠠᠢᠨᠠ᠄ ᠲᠩᠷᠢ ᠪᠣᠯ ᠮᠢᠨᠦ ᠰᠡᠨᠲᠢ ᠭᠠᠵᠠᠷ ᠪᠣᠯ ᠮᠢᠨᠦ ᠬᠥᠯ ᠦᠨ ᠭᠢᠰᠬᠢᠭᠦᠷ᠂ ᠥᠷᠭᠥᠭᠡ ᠶᠢ ᠮᠢᠨᠢ ᠲᠠ ᠨᠠᠷ ᠬᠠᠮᠢᠭᠠ ᠨᠢ ᠪᠣᠰᠬᠠᠬᠤ ᠶᠤᠮ ᠪᠤᠢ︖ ᠠᠮᠠᠷᠠᠬᠤ ᠭᠠᠵᠠᠷ ᠮᠢᠨᠢ ᠬᠠᠮᠢᠭᠠ ᠪᠠᠢᠬᠤ ᠶᠤᠮ ᠪᠤᠢ︖
2 ᠡᠨᠡ ᠪᠦᠬᠦᠨ ᠢ ᠮᠢᠨᠦ ᠮᠤᠲᠤᠷ ᠪᠦᠲᠦᠭᠡᠭᠰᠡᠨ ᠢᠶᠡᠷ ᠡᠨᠡ ᠪᠦᠭᠦᠳᠡ ᠪᠤᠢ ᠪᠣᠯᠣᠭᠰᠠᠨ ᠶᠣᠬᠣᠸᠠ ᠠᠢᠯᠠᠳᠴᠤ ᠪᠠᠢᠨᠠ᠂ ᠪᠤᠷᠤᠭᠤ ᠪᠠᠨ ᠬᠦᠯᠢᠶᠡᠳᠡᠭ ᠳᠠᠷᠤᠤ ᠰᠦᠨᠡᠰᠦ ᠲᠠᠢ ᠦᠭᠡᠨ ᠳᠦ ᠮᠢᠨᠢ ᠴᠡᠴᠡᠷᠡᠳᠡᠭ ᠨᠢᠭᠡᠨ ᠢ᠂ ᠶᠠᠭ ᠡᠢᠮᠦ ᠬᠥᠮᠦᠨ ᠢ ᠪᠢ ᠠᠩ᠋ᠬᠠᠷᠳᠠᠭ᠂
3 ᠬᠠᠷᠢᠨ ᠦᠬᠡᠷ ᠨᠢᠳᠤᠯᠤᠭᠴᠢ ᠨᠢ ᠬᠥᠮᠦᠨ ᠠᠯᠠᠭᠴᠢ ᠲᠠᠢ ᠠᠳᠠᠯᠢ ᠬᠤᠷᠠᠭᠠ ᠡᠷᠭᠦᠭᠴᠢ ᠨᠢ ᠨᠣᠬᠠᠢ ᠶᠢᠨ ᠬᠦᠵᠦᠭᠦᠦ ᠶᠢ ᠮᠤᠰᠬᠢᠭᠴᠢ ᠲᠠᠢ ᠠᠳᠠᠯᠢ ᠢᠳᠡᠭᠡᠨ ᠡᠷᠭᠦᠯ ᠡᠷᠭᠦᠭᠴᠢ ᠨᠢ ᠭᠠᠬᠠᠢ ᠶᠢᠨ ᠴᠢᠰᠤ ᠡᠷᠭᠦᠭᠴᠢ ᠮᠡᠲᠦ ᠤᠲᠤᠯᠭᠠ ᠤᠭᠤᠭᠢᠭᠤᠯᠤᠭᠴᠢ ᠨᠢ ᠰᠢᠲᠦᠭᠡᠨ ᠳᠦ ᠮᠥᠷᠭᠥᠭᠴᠢ ᠮᠡᠲᠦ ᠶᠤᠮ᠂ ᠲᠡᠳᠡ ᠥᠪᠡᠷᠰᠡᠳ ᠦᠨ ᠢᠶᠠᠨ ᠵᠠᠮ ᠢ ᠰᠣᠩ᠋ᠭᠣᠭᠰᠠᠨ ᠰᠠᠨᠠᠭᠠ ᠨᠢ ᠵᠢᠭᠰᠢᠭᠦᠷᠢᠲᠦ ᠵᠦᠢᠯᠡᠰ ᠢ ᠲᠠᠭᠠᠯᠠᠳᠠᠭ᠂
4 ᠪᠢ ᠮᠥᠨ ᠲᠡᠳᠡᠨ ᠳᠦ ᠬᠠᠴᠢᠨ ᠶᠠᠭᠤᠮᠠ ᠶᠢ ᠰᠣᠩ᠋ᠭᠣᠵᠤ ᠥᠭᠭᠥᠶᠡ ᠲᠡᠳᠡᠨ ᠦ ᠳᠡᠭᠡᠷᠡ ᠪᠢ ᠠᠢᠳᠠᠰ ᠢ ᠠᠪᠴᠢᠷᠠᠨᠠ ᠤᠴᠢᠷ ᠨᠢ ᠪᠢ ᠳᠠᠭᠤᠳᠠᠭᠰᠠᠨ ᠪᠣᠯᠪᠠᠴᠤ ᠬᠡᠨ ᠴᠤ ᠬᠠᠷᠢᠭᠤᠯᠤᠭᠰᠠᠨ ᠦᠭᠡᠢ ᠪᠢ ᠶᠠᠷᠢᠭᠰᠠᠨ ᠪᠣᠯᠪᠠᠴᠤ ᠲᠡᠳᠡ ᠰᠣᠨᠣᠰᠣᠭᠰᠠᠨ ᠦᠭᠡᠢ᠂ ᠮᠢᠨᠦ ᠡᠮᠦᠨᠡ ᠮᠠᠭᠤ ᠶᠢ ᠦᠢᠯᠡᠳᠦᠭᠰᠡᠭᠡᠷ ᠮᠢᠨᠦ ᠲᠠᠭᠠᠯᠠᠬᠤ ᠦᠭᠡᠢ ᠶᠢ ᠰᠣᠩ᠋ᠭᠣᠭᠰᠠᠨ ᠶᠤᠮ᠃
5 ᠶᠣᠬᠣᠸᠠ ᠶᠢᠨ ᠦᠭᠡ ᠶᠢ ᠰᠣᠨᠣᠰᠴᠠᠭᠠ᠂ ᠲᠡᠭᠦᠨ ᠦ ᠦᠭᠡᠨ ᠡᠴᠡ ᠡᠮᠢᠶᠡᠭᠴᠢᠳ ᠡ᠄ 《ᠮᠢᠨᠦ ᠨᠡᠷᠡ ᠡᠴᠡ ᠪᠣᠯᠵᠤ ᠲᠠ ᠨᠠᠷ ᠢ ᠦᠵᠡᠨ ᠶᠠᠳᠠᠵᠤ ᠭᠠᠳᠠᠭᠤᠷᠬᠠᠳᠠᠭ ᠠᠬᠠ ᠳᠡᠭᠦᠦᠰ ᠴᠢᠨᠢ 〈ᠶᠣᠬᠣᠸᠠ ᠠᠯᠳᠠᠷᠰᠢᠭ ᠳᠠ ᠪᠢᠳᠡ ᠪᠠᠶᠠᠷᠯᠠᠬᠤ ᠶᠢ ᠴᠢᠨᠢ ᠦᠵᠡᠶᠡ ᠳᠠ〉 ᠭᠡᠯᠴᠡᠪᠡ᠂ ᠢᠴᠢᠭᠦᠷᠢ ᠳᠤ ᠣᠷᠣᠬᠤ ᠨᠢ ᠲᠡᠳᠡ ᠪᠣᠯᠣᠨᠠ᠃
6 ᠬᠣᠲᠠ ᠠᠴᠠ ᠱᠤᠤᠭᠢᠶᠠᠨ ᠭᠠᠷᠴᠤ ᠥᠷᠭᠥᠭᠡᠨ ᠡᠴᠡ ᠳᠠᠭᠤ ᠭᠠᠷᠴᠤ ᠪᠠᠢᠨᠠ᠂ ᠥᠰᠲᠡᠨ ᠨᠦᠭᠦᠳ ᠲᠡᠭᠡᠨ ᠬᠠᠷᠢᠭᠤ ᠥᠭᠴᠦ ᠪᠠᠢᠭᠠ ᠶᠣᠬᠣᠸᠠ ᠶᠢᠨ ᠳᠠᠭᠤ ᠪᠠᠢᠨᠠ᠃
7 ᠲᠡᠷᠡ ᠳᠣᠩᠰᠢᠵᠤ ᠡᠪᠡᠳᠬᠦ ᠡᠴᠡ ᠪᠡᠨ ᠡᠮᠦᠨᠡ ᠲᠥᠷᠥᠭᠦᠯᠦᠭᠰᠡᠨ ᠲᠡᠷᠡ ᠳᠤᠩᠰᠢᠯᠲᠠ ᠢᠷᠡᠬᠦ ᠡᠴᠡ ᠡᠮᠦᠨᠡ ᠬᠦᠦ ᠭᠠᠷᠭᠠᠭᠰᠠᠨ
8 ᠡᠢᠮᠦ ᠵᠦᠢᠯ ᠢ ᠬᠡᠨ ᠰᠣᠨᠣᠰᠴᠤ ᠪᠠᠢᠪᠠ︖ ᠡᠢᠮᠦ ᠵᠦᠢᠯ ᠢ ᠬᠡᠨ ᠦᠵᠡᠵᠦ ᠪᠠᠢᠪᠠ︖ ᠭᠠᠭᠴᠠ ᠡᠳᠦᠷ ᠲᠦ ᠭᠠᠵᠠᠷ ᠪᠤᠢ ᠪᠣᠯᠵᠤ ᠴᠢᠳᠠᠬᠤ ᠤᠤ︖ ᠭᠠᠭᠴᠠ ᠮᠥᠴᠡ ᠳᠦ ᠦᠨᠳᠦᠰᠦᠲᠡᠨ ᠲᠥᠷᠥᠵᠦ ᠴᠢᠳᠠᠬᠤ ᠤᠤ︖ ᠬᠠᠷᠢᠨ ᠽᠢᠶᠣᠨ ᠳᠤᠩᠰᠢᠨ ᠡᠪᠡᠳᠦᠩᠭᠦᠲᠡ ᠬᠡᠦᠬᠡᠳ ᠤᠳ ᠢᠶᠠᠨ ᠲᠥᠷᠥᠭᠦᠯᠪᠡ᠃
9 ᠶᠣᠬᠣᠸᠠ ᠠᠢᠯᠠᠳᠴᠤ ᠪᠠᠢᠨᠠ᠂ ᠠᠮᠠᠰᠠᠷ ᠳᠡᠭᠡᠷᠡ ᠨᠢ ᠠᠪᠴᠢᠷᠠᠭᠰᠠᠨ ᠪᠢ ᠲᠥᠷᠥᠭᠦᠯᠬᠦ ᠦᠭᠡᠢ ᠭᠡᠵᠢ ᠤᠤ︖ ᠴᠢᠨᠦ ᠪᠤᠷᠬᠠᠨ ᠠᠢᠯᠠᠳᠴᠤ ᠪᠠᠢᠨᠠ᠂ ᠲᠥᠷᠥᠯᠲᠡ ᠶᠢ ᠵᠥᠪᠰᠢᠶᠡᠷᠡᠭᠰᠡᠨ ᠪᠢ ᠤᠮᠠᠢ ᠶᠢ ᠬᠠᠭᠠᠨᠠ ᠭᠡᠵᠢ ᠤᠤ︖
10 ᠶᠧᠷᠦ᠋ᠰᠠᠯᠧᠮ ᠢ ᠬᠠᠢᠷᠠᠯᠠᠭᠴᠢᠳ ᠪᠦᠭᠦᠳᠡ ᠲᠡᠭᠦᠨ ᠳᠣᠲᠣᠷᠠ ᠪᠠᠶᠠᠷᠯᠠᠵᠠᠭᠠ᠂ ᠲᠡᠭᠦᠨ ᠳᠣᠲᠣᠷᠠ ᠨᠠᠷᠭᠢᠯᠳᠤ ᠲᠡᠭᠦᠨ ᠦ ᠲᠥᠯᠥᠭᠡ ᠭᠠᠰᠢᠭᠤᠳᠠᠭᠰᠠᠳ ᠪᠦᠭᠦᠳᠡ ᠲᠡᠭᠦᠨ ᠲᠡᠢ ᠬᠠᠮᠲᠤ ᠪᠠᠶᠠᠰᠤᠨ ᠪᠠᠶᠠᠰᠤᠭᠲᠤᠨ᠃
11 ᠤᠴᠢᠷ ᠨᠢ ᠲᠠ ᠨᠠᠷ ᠲᠠᠢᠪᠤᠰᠢᠷᠠᠭᠤᠯᠤᠭᠴᠢ ᠬᠥᠬᠥᠨ ᠡᠴᠡ ᠨᠢ ᠬᠥᠬᠥᠵᠦ ᠴᠠᠳᠬᠤ ᠪᠣᠯᠣᠨᠠ ᠬᠠᠨᠲᠠᠯᠠ ᠪᠠᠨ ᠬᠥᠬᠥᠵᠦ ᠦᠯᠡᠮᠵᠢ ᠠᠯᠳᠠᠷ ᠢᠶᠠᠷ ᠨᠢ ᠪᠠᠶᠠᠰᠤᠨᠠ᠂
12 ᠶᠣᠬᠣᠸᠠ ᠡᠢᠨ ᠬᠦ ᠠᠢᠯᠠᠳᠴᠤ ᠪᠠᠢᠨᠠ᠄ 《ᠬᠠᠷᠠ᠂ ᠪᠢ ᠲᠡᠭᠦᠨ ᠤᠷᠤᠭᠤ ᠠᠮᠤᠭᠤᠯᠠᠩ ᠢᠶᠠᠨ ᠭᠣᠣᠯ ᠮᠡᠲᠦ ᠤᠷᠤᠰᠬᠠᠵᠤ ᠬᠠᠷᠢᠴᠤᠳ ᠤᠨ ᠡᠳ᠋ ᠪᠠᠶᠠᠯᠢᠭ 24 ᠢ ᠦᠶᠡᠷ ᠮᠡᠲᠦ ᠶᠠᠪᠤᠭᠤᠯᠤᠨᠠ᠂ ᠲᠠ ᠨᠠᠷ ᠬᠥᠬᠥᠵᠦ᠂ ᠭᠠᠷ ᠳᠡᠭᠡᠷᠡ ᠨᠢ ᠲᠡᠪᠡᠷᠢᠭᠦᠯᠵᠦ᠂ ᠡᠪᠦᠳᠦᠭ ᠳᠡᠭᠡᠷᠡ ᠨᠢ ᠡᠩᠬᠦᠷᠡᠢᠯᠡᠭᠳᠡᠨᠡ᠃
13 ᠡᠬᠡ ᠬᠥᠮᠦᠨ ᠲᠠᠢᠪᠤᠰᠢᠷᠠᠭᠤᠯᠳᠠᠭ ᠰᠢᠭ᠋ ᠪᠢ ᠲᠠ ᠨᠠᠷ ᠢ ᠲᠠᠢᠪᠤᠰᠢᠷᠠᠭᠤᠯᠤᠨᠠ ᠲᠠ ᠨᠠᠷ ᠶᠧᠷᠦ᠋ᠰᠠᠯᠧᠮ ᠳᠤ ᠲᠠᠢᠪᠤᠰᠢᠷᠠᠯ ᠢ ᠣᠯᠣᠨᠠ᠃
14 ᠡᠳᠡᠭᠡᠷ ᠢ ᠦᠵᠡᠭᠡᠳ ᠵᠢᠷᠦᠬᠡ ᠴᠢᠨᠢ ᠪᠠᠶᠠᠰᠤᠨᠠ ᠶᠠᠰᠤ ᠴᠢᠨᠢ ᠰᠢᠨᠡᠬᠡᠨ ᠡᠪᠡᠰᠦ ᠮᠡᠲᠦ ᠰᠡᠷᠭᠦᠨᠡ ᠶᠣᠬᠣᠸᠠ ᠵᠠᠷᠤᠴᠠ ᠨᠠᠷ ᠲᠠᠭᠠᠨ ᠮᠤᠲᠤᠷ ᠢᠶᠠᠨ ᠲᠠᠨᠢᠭᠤᠯᠵᠤ ᠠᠭᠤᠷ ᠢᠶᠠᠨ ᠥᠰᠲᠡᠨ ᠨᠦᠭᠦᠳ ᠲᠡᠭᠡᠨ ᠢᠯᠡᠷᠬᠡᠶᠢᠯᠡᠨᠡ᠃
15 ᠬᠠᠷᠠ᠂ ᠶᠣᠬᠣᠸᠠ ᠭᠠᠯ ᠤᠨ ᠳᠤᠮᠳᠠ ᠠᠢᠰᠤᠢ᠂ ᠲᠡᠷᠭᠡ ᠨᠦᠭᠦᠳ ᠨᠢ ᠬᠤᠢ ᠰᠠᠯᠬᠢ ᠮᠡᠲᠦ᠂ ᠲᠡᠷᠡ ᠰᠢᠲᠠᠭᠰᠠᠨ ᠬᠢᠯᠢᠩ ᠢᠶᠠᠷ ᠬᠠᠷᠢᠭᠤᠯᠵᠤ ᠭᠠᠯ ᠤᠨ ᠳᠥᠯᠥ ᠪᠡᠷ ᠭᠡᠰᠬᠡᠨᠡ᠃
16 ᠶᠣᠬᠣᠸᠠ ᠭᠠᠯ ᠪᠠ ᠢᠯᠳᠦ ᠪᠡᠷ ᠢᠶᠠᠨ ᠮᠢᠬᠠᠨ ᠪᠡᠶᠡᠲᠦ ᠪᠦᠬᠦᠨ ᠢ ᠰᠢᠭᠦᠬᠦ ᠳᠦ ᠶᠣᠬᠣᠸᠠ ᠳᠤ ᠨᠢᠳᠤᠯᠤᠭᠤᠯᠬᠤ ᠨᠢ ᠣᠯᠠᠨ᠃
17 ᠭᠣᠣᠯ ᠳᠤᠮᠳᠠᠬᠢ ᠨᠢᠭᠡᠨ ᠢ ᠳᠠᠭᠠᠵᠤ ᠴᠡᠴᠡᠷᠯᠢᠭ ᠤᠷᠤᠭᠤ ᠣᠷᠣᠬᠤ ᠪᠠᠷ ᠪᠡᠶᠡ ᠪᠡᠨ ᠲᠤᠰᠠᠭᠠᠷᠯᠠᠨ ᠴᠡᠪᠡᠷᠰᠢᠭᠦᠯᠵᠦ ᠭᠠᠬᠠᠢ᠂ ᠵᠢᠭᠰᠢᠭᠦᠷᠢᠲᠦ ᠵᠦᠢᠯ ᠪᠠ ᠬᠤᠯᠤᠭᠠᠨᠠ ᠶᠢ ᠢᠳᠡᠭᠴᠢᠳ ᠬᠠᠮᠲᠤ ᠳᠠᠭᠠᠨ ᠡᠴᠦᠰᠯᠡᠬᠦ ᠪᠣᠯᠣᠨᠠ᠂ ᠶᠣᠬᠣᠸᠠ ᠠᠢᠯᠠᠳᠴᠤ ᠪᠠᠢᠨᠠ᠂
18 ᠪᠢ ᠲᠡᠳᠡᠨ ᠦ ᠦᠢᠯᠡᠰ᠂ ᠲᠡᠳᠡᠨ ᠦ ᠪᠣᠳᠣᠯ ᠢ ᠮᠡᠳᠡᠨᠡ᠃ ᠴᠠᠭ ᠪᠣᠯᠬᠤ ᠳᠤ᠂ ᠪᠢ ᠬᠠᠮᠤᠭ ᠦᠨᠳᠦᠰᠦᠲᠡᠨ ᠪᠠ ᠬᠡᠯᠡᠲᠡᠨ ᠢ ᠴᠤᠭᠯᠠᠭᠤᠯᠬᠤ ᠪᠥᠭᠡᠳ ᠲᠡᠳᠡ ᠢᠷᠡᠵᠦ᠂ ᠴᠣᠭ ᠵᠢᠪᠬᠤᠯᠠᠩ ᠢ ᠮᠢᠨᠢ ᠬᠠᠷᠠᠨᠠ᠃ 19 ᠪᠢ ᠲᠡᠳᠡᠨ ᠦ ᠳᠤᠮᠳᠠ ᠲᠡᠮᠳᠡᠭ ᠲᠠᠯᠪᠢᠵᠤ᠂ ᠲᠡᠳᠡᠨ ᠦ ᠳᠦᠷᠪᠡᠭᠰᠡᠳ ᠢ ᠲᠠᠷᠱᠢᠱ᠂ ᠯᠢᠪᠢᠶᠠ᠂ ᠬᠠᠷᠪᠤᠭᠠᠴᠢᠨ ᠯᠦᠳ᠋᠂ ᠲᠦᠪᠠᠯ᠂ ᠭᠷᠧᠭ ᠤᠷᠤᠭᠤ᠂ ᠮᠥᠨ ᠮᠢᠨᠦ ᠨᠡᠷᠡ ᠠᠯᠳᠠᠷ ᠢ ᠰᠣᠨᠣᠰᠣᠭᠠ ᠦᠭᠡᠢ᠂ ᠮᠢᠨᠦ ᠴᠣᠭ ᠵᠢᠪᠬᠤᠯᠠᠩ ᠢ ᠦᠵᠡᠭᠡ ᠦᠭᠡᠢ ᠬᠣᠯᠠ ᠶᠢᠨ ᠠᠷᠠᠯ ᠤᠨ ᠣᠷᠣᠨ ᠢᠶᠠᠷ ᠶᠠᠪᠤᠭᠤᠯᠤᠨᠠ᠃ ᠲᠡᠳᠡ ᠠᠯᠳᠠᠷ ᠢ ᠮᠢᠨᠢ ᠬᠠᠷᠢᠴᠤᠳ ᠤᠨ ᠳᠤᠮᠳᠠ ᠲᠤᠩ᠋ᠬᠠᠭᠯᠠᠬᠤ ᠪᠣᠯᠣᠨᠠ᠃ 20 ᠲᠡᠳᠡ ᠲᠠ ᠨᠠᠷ ᠤᠨ ᠠᠬᠠ ᠳᠡᠭᠦᠦᠰ ᠢ ᠶᠣᠬᠣᠸᠠ ᠳᠤ ᠡᠷᠭᠦᠬᠦ ᠪᠡᠯᠡᠭ ᠪᠣᠯᠭᠠᠨ ᠮᠣᠷᠢ᠂ ᠲᠡᠷᠭᠡ᠂ ᠰᠡᠦᠬᠡ᠂ ᠯᠠᠭᠤᠰᠠ᠂ ᠲᠡᠮᠡᠭᠡᠨ ᠳᠡᠭᠡᠷᠡ ᠠᠴᠢᠨ ᠮᠢᠨᠦ ᠠᠷᠢᠭᠤᠨ ᠠᠭᠤᠯᠠ ᠪᠦᠬᠦᠢ ᠶᠧᠷᠦ᠋ᠰᠠᠯᠧᠮ ᠤᠷᠤᠭᠤ ᠠᠪᠴᠢᠷᠠᠬᠤ ᠪᠥᠭᠡᠳ ᠡᠨᠡ ᠨᠢ ᠢᠰᠷᠧᠯᠴᠦᠳ ᠦᠨ ᠢᠳᠡᠭᠡᠨ ᠡᠷᠭᠦᠯ ᠢᠶᠡᠨ ᠴᠡᠪᠡᠷ ᠰᠠᠪᠠᠨ ᠳᠤ ᠬᠢᠵᠦ ᠶᠣᠬᠣᠸᠠ ᠶᠢᠨ ᠥᠷᠭᠥᠭᠡᠨ ᠳᠦ ᠠᠪᠴᠢᠷᠠᠳᠠᠭ ᠲᠠᠢ ᠠᠳᠠᠯᠢ ᠪᠣᠯᠣᠨᠠ᠂ ᠶᠣᠬᠣᠸᠠ ᠠᠢᠯᠠᠳᠴᠤ ᠪᠠᠢᠨᠠ᠃ 21 ᠪᠢ ᠲᠡᠳᠡᠨ ᠦ ᠳᠣᠲᠣᠷᠠ ᠠᠴᠠ ᠴᠤ ᠲᠠᠬᠢᠯᠴᠢ ᠪᠣᠯᠣᠨ ᠯᠧᠸᠢ ᠬᠥᠮᠦᠨ ᠢ ᠰᠢᠯᠢᠵᠦ ᠠᠪᠤᠨᠠ᠂ ᠶᠣᠬᠣᠸᠠ ᠠᠢᠯᠠᠳᠤᠯᠠ᠃
22 ᠶᠣᠬᠣᠸᠠ ᠠᠢᠯᠠᠳᠴᠤ ᠪᠠᠢᠨᠠ᠂ ᠮᠢᠨᠦ ᠪᠦᠲᠦᠭᠡᠬᠦ ᠰᠢᠨᠡ ᠲᠩᠷᠢ᠂ ᠰᠢᠨᠡ ᠭᠠᠵᠠᠷ ᠮᠢᠨᠦ ᠡᠮᠦᠨᠡ ᠦᠷᠭᠦᠯᠵᠢ ᠪᠠᠢᠳᠠᠭ ᠮᠡᠲᠦ ᠲᠠ ᠨᠠᠷ ᠤᠨ ᠦᠷᠡ ᠤᠳᠤᠮ ᠲᠠ ᠨᠠᠷ ᠤᠨ ᠨᠡᠷᠡ ᠲᠡᠢᠨ ᠬᠦ ᠪᠠᠢᠬᠤ ᠪᠣᠯᠣᠨᠠ᠂
23 ᠶᠣᠬᠣᠸᠠ ᠠᠢᠯᠠᠳᠴᠤ ᠪᠠᠢᠨᠠ᠂ ᠮᠢᠬᠠᠨ ᠪᠡᠶᠡᠲᠦ ᠪᠦᠬᠦᠨ ᠰᠠᠷᠠ ᠶᠢᠨ ᠡᠬᠢᠨ ᠪᠣᠯᠭᠠᠨ ᠳᠤ ᠮᠥᠨ ᠠᠮᠠᠷᠠᠯ ᠤᠨ ᠡᠳᠦᠷ ᠪᠣᠯᠭᠠᠨ ᠳᠤ ᠮᠢᠨᠦ ᠡᠮᠦᠨᠡ ᠮᠥᠷᠭᠥᠬᠦ ᠪᠡᠷ ᠢᠷᠡᠨᠡ᠂
24 ᠲᠡᠳᠡ ᠭᠠᠷᠴᠤ ᠶᠠᠪᠤᠨᠠ᠂ ᠨᠠᠮᠠᠶᠢ ᠡᠰᠡᠷᠭᠦᠴᠡᠭᠴᠢᠳ ᠤᠨ ᠬᠡᠭᠦᠷ ᠢ ᠦᠵᠡᠨᠡ ᠲᠡᠳᠡᠨ ᠦ ᠥᠲᠥ ᠨᠢ ᠦᠬᠦᠬᠦ ᠦᠭᠡᠢ ᠭᠠᠯ ᠨᠢ ᠤᠨᠲᠠᠷᠠᠬᠤ ᠦᠭᠡᠢ ᠲᠡᠳᠡ ᠮᠢᠬᠠᠨ ᠪᠡᠶᠡᠲᠦ ᠪᠦᠬᠦᠨ ᠦ ᠵᠢᠪᠡᠭᠦᠴᠡᠯ ᠪᠣᠯᠣᠨᠠ᠃