ᠢᠰᠠᠢᠶᠠ ᠳᠥᠴᠢ ᠶᠢᠰᠦ
ᠮᠧᠰᠢᠶᠠ ᠶᠢᠨ ᠡᠭᠦᠷᠭᠡᠯᠡᠯ
1 ᠠᠷᠠᠯ ᠤᠳ ᠡ᠂ ᠮᠢᠨᠦᠬᠢ ᠶᠢ ᠰᠣᠨᠣᠰ ᠠᠯᠤᠰ ᠤᠨ ᠦᠨᠳᠦᠰᠦᠲᠡᠨ ᠨᠦᠭᠦᠳ ᠡ᠂ ᠠᠩ᠋ᠬᠠᠷ ᠲᠥᠷᠥᠬᠦ ᠡᠴᠡ ᠮᠢᠨᠢ ᠡᠮᠦᠨᠡ ᠶᠣᠬᠣᠸᠠ ᠨᠠᠮᠠᠶᠢ ᠳᠠᠭᠤᠳᠠᠭᠰᠠᠨ ᠡᠬᠡ ᠶᠢᠨ ᠬᠡᠪᠡᠯᠢ ᠳᠤ ᠪᠠᠢᠬᠤ ᠠᠴᠠ ᠮᠢᠨᠢ ᠲᠡᠷᠡ ᠨᠡᠷᠡ ᠶᠢ ᠮᠢᠨᠢ ᠳᠤᠷᠠᠳᠤᠭᠰᠠᠨ᠃
2 ᠠᠮᠠ ᠶᠢ ᠮᠢᠨᠢ ᠲᠡᠷᠡ ᠬᠤᠷᠴᠠ ᠢᠯᠳᠦ ᠮᠡᠲᠦ ᠪᠣᠯᠭᠠᠨ ᠮᠤᠲᠤᠷ ᠤᠨ ᠢᠶᠠᠨ ᠰᠡᠭᠦᠳᠡᠷ ᠲᠦ ᠨᠠᠮᠠᠶᠢ ᠳᠠᠯᠳᠠᠯᠠᠵᠤ ᠢᠷᠯᠡᠭᠰᠡᠨ ᠰᠤᠮᠤ ᠮᠡᠲᠦ ᠪᠣᠯᠭᠠᠨ ᠰᠠᠭᠠᠳᠠᠭ ᠳᠣᠲᠣᠷᠠ ᠪᠠᠨ ᠨᠠᠮᠠᠶᠢ ᠨᠢᠭᠤᠵᠤ᠂
3 ᠨᠠᠳᠠ ᠳᠤ᠄ 《ᠴᠢ ᠪᠣᠯ ᠮᠢᠨᠦ ᠵᠠᠷᠤᠴᠠ᠂ ᠢᠰᠷᠧᠯ ᠡ ᠴᠢᠮᠠ ᠪᠠᠷ ᠳᠠᠮᠵᠢᠨ ᠪᠢ ᠠᠯᠳᠠᠷᠰᠢᠨᠠ》 ᠭᠡᠵᠡᠢ᠃
4 ᠬᠠᠷᠢᠨ ᠪᠢ᠄ 《ᠳᠡᠮᠡᠢ ᠵᠦᠳᠡᠷᠡᠵᠦ᠂ ᠬᠦᠴᠦ ᠪᠡᠨ ᠬᠡᠷᠡᠭ ᠦᠭᠡᠢ ᠬᠣᠭᠣᠰᠣᠨ ᠳᠤ ᠵᠠᠷᠤᠴᠠᠭᠤᠯᠵᠠᠢ ᠭᠡᠪᠡᠴᠦ ᠰᠢᠭᠦᠯᠲᠡ ᠮᠢᠨᠢ ᠶᠣᠬᠣᠸᠠ ᠳᠤ ᠱᠠᠩᠨᠠᠯ ᠮᠢᠨᠢ ᠪᠤᠷᠬᠠᠨ ᠳᠤ ᠪᠠᠢᠨᠠ》 ᠭᠡᠰᠡᠨ᠃
5 ᠣᠳᠣ ᠶᠣᠬᠣᠸᠠ ᠠᠢᠯᠠᠳᠴᠤ ᠪᠠᠢᠨᠠ᠄ ᠲᠡᠷᠡ ᠪᠣᠯ ᠶᠠᠺᠣᠪ ᠢ ᠥᠪᠡᠷ ᠲᠡᠭᠡᠨ ᠪᠤᠴᠠᠭᠠᠨ ᠠᠪᠴᠢᠷᠠᠵᠤ ᠢᠰᠷᠧᠯ ᠢ ᠥᠪᠡᠷ ᠤᠷᠤᠭᠤ ᠪᠠᠨ ᠴᠤᠭᠯᠠᠷᠠᠭᠤᠯᠬᠤ ᠪᠠᠷ ᠡᠬᠡ ᠶᠢᠨ ᠬᠡᠪᠡᠯᠢ ᠳᠤ ᠪᠠᠢᠬᠤ ᠠᠴᠠ ᠮᠢᠨᠢ ᠨᠠᠮᠠᠶᠢ ᠬᠡᠯᠪᠡᠷᠢᠵᠢᠭᠦᠯᠦᠭᠰᠡᠨ ᠨᠢᠭᠡᠨ ᠶᠤᠮ᠂ ᠶᠣᠬᠣᠸᠠ ᠶᠢᠨ ᠮᠡᠯᠮᠡᠢ ᠳᠦ ᠪᠢ ᠠᠯᠳᠠᠷ ᠬᠦᠨᠳᠦ ᠲᠠᠢ ᠮᠢᠨᠦ ᠪᠤᠷᠬᠠᠨ ᠮᠢᠨᠦ ᠬᠦᠴᠦ ᠪᠣᠯᠣᠯᠠ᠃
6 ᠲᠡᠷᠡ᠄ 《ᠮᠢᠨᠦ ᠵᠠᠷᠤᠴᠠ ᠪᠣᠯᠵᠤ ᠶᠠᠺᠣᠪ ᠤᠨ ᠣᠪᠣᠭ ᠤᠳ ᠢ ᠪᠣᠰᠬᠠᠨ ᠢᠰᠷᠧᠯ ᠤᠨ ᠦᠯᠡᠳᠡᠭᠰᠡᠳ ᠢ ᠰᠡᠷᠭᠦᠭᠡᠬᠦ ᠨᠢ ᠴᠢᠮᠠ ᠳᠤ ᠬᠥᠩᠭᠡᠨ ᠪᠢ ᠴᠢᠮᠠᠶᠢ ᠬᠠᠷᠢᠴᠤᠳ ᠤᠨ ᠭᠡᠷᠡᠯ ᠪᠣᠯᠭᠠᠶᠠ ᠴᠢ ᠳᠡᠯᠡᠬᠡᠢ ᠶᠢᠨ ᠬᠢᠵᠠᠭᠠᠷ ᠬᠦᠷᠲᠡᠯᠡ ᠮᠢᠨᠦ ᠠᠪᠤᠷᠠᠯ ᠢ ᠬᠦᠷᠭᠡᠬᠦ ᠪᠣᠯᠣᠨᠠ》 ᠭᠡᠪᠡ᠃
7 ᠬᠥᠮᠦᠨ ᠦ ᠪᠠᠰᠤᠮᠵᠢᠯᠠᠯ᠂ ᠦᠨᠳᠦᠰᠦᠲᠡᠨ ᠦ ᠵᠢᠭ᠍ᠰᠢᠯ ᠵᠠᠬᠢᠷᠤᠭᠴᠢᠳ ᠤᠨ ᠵᠠᠷᠤᠴᠠ ᠪᠣᠯᠣᠭᠰᠠᠨ ᠲᠡᠭᠦᠨ ᠳᠦ ᠢᠰᠷᠧᠯ ᠢ ᠵᠣᠯᠢᠭᠴᠢ᠂ ᠠᠷᠢᠭᠤᠨ ᠨᠢᠭᠡᠨ᠂ ᠶᠣᠬᠣᠸᠠ ᠡᠢᠨ ᠬᠦ ᠠᠢᠯᠠᠳᠴᠤ ᠪᠠᠢᠨᠠ᠄ 《ᠢᠲᠡᠭᠡᠮᠵᠢᠲᠦ ᠶᠣᠬᠣᠸᠠ᠂ ᠴᠢᠮᠠᠶᠢ ᠰᠣᠩ᠋ᠭᠣᠭᠰᠠᠨ ᠢᠰᠷᠧᠯ ᠤᠨ ᠠᠷᠢᠭᠤᠨ ᠨᠢᠭᠡᠨ ᠦ ᠤᠯᠠᠮ ᠢᠶᠠᠷ ᠬᠠᠭᠠᠳ ᠦᠵᠡᠭᠡᠳ ᠪᠣᠰᠣᠨᠠ ᠨᠣᠶᠠᠳ ᠴᠤ ᠮᠥᠷᠭᠥᠨᠡ᠃》
ᠢᠰᠷᠧᠯ ᠤᠨ ᠰᠡᠷᠭᠦᠯᠲᠡ
8 ᠶᠣᠬᠣᠸᠠ ᠡᠢᠨ ᠬᠦ ᠠᠢᠯᠠᠳᠴᠤ ᠪᠠᠢᠨᠠ᠄ 《ᠲᠠᠭᠠᠯᠠᠯ ᠤᠨ ᠴᠠᠭ ᠲᠠᠭᠠᠨ ᠪᠢ ᠴᠢᠮᠠ ᠳᠤ ᠬᠠᠷᠢᠭᠤᠯᠤᠨᠠ ᠠᠪᠤᠷᠠᠯ ᠤᠨ ᠡᠳᠦᠷ ᠪᠢ ᠴᠢᠮᠠ ᠳᠤ ᠲᠤᠰᠠᠯᠠᠨᠠ ᠪᠢ ᠴᠢᠮᠠᠶᠢ ᠬᠠᠮᠠᠭᠠᠯᠠᠵᠤ ᠠᠷᠠᠳ ᠲᠦᠮᠡᠨ ᠦ ᠭᠡᠷᠡ ᠪᠣᠯᠭᠠᠨᠠ ᠲᠡᠢᠨ ᠬᠦ ᠭᠠᠵᠠᠷ ᠢ ᠰᠡᠷᠭᠦᠭᠡᠵᠦ ᠡᠵᠡᠭᠦᠢᠷᠡᠭᠰᠡᠨ ᠥᠮᠴᠢ ᠶᠢ ᠨᠢ ᠡᠵᠡᠮᠰᠢᠭᠦᠯᠦᠨᠡ᠂
9 ᠲᠡᠢᠨ ᠬᠦ ᠬᠣᠷᠢᠭᠳᠠᠭᠰᠠᠳ ᠲᠤ᠄ 〈ᠭᠠᠷᠴᠤ ᠢᠷᠡ〉 ᠭᠡᠵᠦ ᠬᠠᠷᠠᠩ᠋ᠭᠤᠢ ᠳᠤ ᠪᠠᠢᠭᠰᠠᠳ ᠲᠤ᠄ 〈ᠢᠯᠡ ᠭᠠᠷ〉 ᠭᠡᠵᠦ ᠬᠡᠯᠡᠨᠡ ᠨᠢᠴᠦᠭᠦᠨ ᠲᠣᠯᠣᠭᠠᠳ ᠪᠣᠯᠭᠠᠨ ᠲᠡᠳᠡᠨ ᠦ ᠪᠡᠯᠴᠢᠭᠡᠷ ᠪᠣᠯᠵᠤ ᠲᠡᠳᠡ ᠵᠠᠮ ᠳᠡᠭᠡᠷᠡ ᠪᠡᠨ ᠢᠳᠡᠰᠢᠯᠡᠬᠦ ᠪᠣᠯᠣᠨᠠ᠃
10 ᠲᠡᠳᠡ ᠥᠯᠥᠰᠬᠦ ᠦᠭᠡᠢ᠂ ᠴᠠᠩ᠋ᠭᠠᠬᠤ ᠦᠭᠡᠢ ᠬᠠᠯᠠᠭᠤᠨ ᠳᠤ ᠴᠤ᠂ ᠨᠠᠷᠠᠨ ᠳᠤ ᠴᠤ ᠴᠣᠬᠢᠭᠤᠯᠬᠤ ᠦᠭᠡᠢ ᠲᠡᠳᠡᠨ ᠢ ᠡᠨᠡᠷᠢᠭ᠍ᠴᠢ ᠨᠢ ᠲᠡᠳᠡᠨ ᠢ ᠬᠥᠲᠥᠯᠥᠨ ᠤᠰᠤᠨ ᠤ ᠤᠨᠳᠤᠷᠭᠠ ᠤᠷᠤᠭᠤ ᠤᠳᠤᠷᠢᠳᠤᠨᠠ᠃
11 ᠪᠢ ᠪᠦᠬᠦ ᠠᠭᠤᠯᠠ ᠪᠠᠨ ᠵᠠᠮ ᠪᠣᠯᠭᠠᠵᠤ ᠶᠡᠬᠡ ᠵᠠᠮ ᠤᠳ ᠢᠶᠠᠨ ᠥᠨᠳᠥᠷ ᠪᠣᠯᠭᠠᠨᠠ᠃
12 〈ᠬᠠᠷᠠ᠂ ᠠᠯᠤᠰ ᠬᠣᠯᠠ ᠠᠴᠠ ᠲᠡᠳᠡ ᠠᠢᠰᠤᠢ ᠬᠠᠷᠠ᠂ ᠵᠠᠷᠢᠮ ᠨᠢ ᠤᠮᠠᠷᠠᠲᠤ ᠠᠴᠠ᠂ ᠥᠷᠥᠨᠡᠲᠦ ᠡᠴᠡ ᠵᠠᠷᠢᠮ ᠨᠢ ᠰᠢᠨᠢᠮ ᠨᠤᠲᠤᠭ ᠠᠴᠠ ᠠᠢᠰᠤᠢ᠂
13 ᠲᠩᠷᠢ ᠡ᠂ ᠳᠠᠭᠤᠯᠠᠭᠲᠤᠨ ᠭᠠᠵᠠᠷ ᠡ᠂ ᠪᠠᠶᠠᠰᠤᠭᠲᠤᠨ ᠠᠭᠤᠯᠠᠰ ᠡ᠂ ᠪᠠᠬᠠᠳᠤᠨ ᠳᠠᠭᠤᠯᠠᠭᠲᠤᠨ ᠶᠣᠬᠣᠸᠠ ᠠᠷᠠᠳ ᠲᠦᠮᠡᠨ ᠢᠶᠡᠨ ᠲᠠᠢᠪᠤᠰᠢᠷᠠᠭᠤᠯᠤᠭᠰᠠᠨ ᠶᠣᠬᠣᠸᠠ ᠵᠣᠪᠠᠭᠰᠠᠨ ᠬᠥᠮᠦᠰ ᠢᠶᠡᠨ ᠡᠨᠡᠷᠢᠨᠡ᠂
14 ᠭᠡᠪᠡᠴᠦ ᠽᠢᠶᠣᠨ᠄ 〈ᠶᠣᠬᠣᠸᠠ ᠨᠠᠮᠠᠶᠢ ᠣᠷᠬᠢᠭᠰᠠᠨ᠂ ᠡᠵᠡᠨ ᠨᠠᠮᠠᠶᠢ ᠤᠮᠠᠷᠲᠠᠭᠰᠠᠨ〉》 ᠭᠡᠨᠡ᠂
15 《ᠡᠬᠡ ᠬᠥᠮᠦᠨ ᠬᠡᠪᠡᠯᠢ ᠳᠠᠬᠢ ᠬᠦᠦ ᠪᠡᠨ ᠡᠨᠡᠷᠢᠬᠦ ᠦᠭᠡᠢ ᠬᠥᠬᠥᠭᠦᠯ ᠬᠡᠦᠬᠡᠳ ᠢᠶᠡᠨ ᠮᠠᠷᠲᠠᠨᠠ ᠭᠡᠵᠢ ᠤᠤ︖ ᠲᠡᠳᠡ ᠮᠠᠷᠲᠠᠵᠤ ᠪᠣᠯᠬᠤ ᠴᠤ ᠪᠢ ᠴᠢᠮᠠᠶᠢ ᠮᠠᠷᠲᠠᠬᠤ ᠦᠭᠡᠢ᠃
16 ᠬᠠᠷᠠ᠂ ᠪᠢ ᠴᠢᠮᠠᠶᠢ ᠠᠯᠠᠭᠠᠨ ᠳᠠᠭᠠᠨ ᠰᠡᠢᠯᠦᠭᠰᠡᠨ ᠬᠠᠨᠠ᠂ ᠬᠡᠷᠡᠮ ᠤᠳ ᠴᠢᠨᠢ ᠦᠷᠭᠦᠯᠵᠢ ᠮᠢᠨᠦ ᠡᠮᠦᠨᠡ ᠪᠠᠢᠨᠠ᠃
17 ᠴᠢᠨᠦ ᠬᠥᠪᠡᠭᠦᠳ ᠶᠠᠭᠠᠷᠠᠨ ᠢᠷᠡᠨᠡ ᠴᠢᠮᠠᠶᠢ ᠲᠠᠯᠬᠢᠳᠠᠭᠴᠢᠳ ᠪᠠ ᠰᠦᠢᠳᠬᠡᠭᠴᠢᠳ ᠴᠢᠮᠠ ᠠᠴᠠ ᠰᠠᠯᠤᠨᠠ᠂
18 ᠴᠢ ᠨᠢᠳᠦ ᠪᠡᠨ ᠡᠷᠭᠦᠨ᠂ ᠡᠷᠭᠢᠨ ᠲᠣᠭᠣᠷᠢᠨ ᠢᠶᠠᠨ ᠬᠠᠷᠠ ᠲᠡᠳᠡ ᠪᠦᠭᠦᠳᠡ ᠴᠤᠭᠯᠠᠨ ᠴᠢᠮᠠ ᠤᠷᠤᠭᠤ ᠠᠢᠰᠤᠢ᠂ ᠶᠣᠬᠣᠸᠠ ᠲᠤᠩ᠋ᠬᠠᠭᠯᠠᠵᠤ ᠪᠠᠢᠨᠠ᠄ 《ᠮᠢᠨᠦ ᠠᠮᠢᠳᠤ ᠯᠤᠭᠠ ᠨᠢᠭᠡᠨ ᠠᠳᠠᠯᠢ ᠪᠠᠲᠤ ᠦᠨᠡᠨ ᠭᠡᠪᠡᠯ᠂ ᠴᠢ ᠯᠠᠪᠲᠠᠢ ᠲᠡᠳᠡᠨ ᠢ ᠴᠢᠮᠡᠭ ᠮᠡᠲᠦ ᠵᠡᠭᠦᠵᠦ ᠰᠦᠢᠲᠦ ᠪᠦᠰᠡᠭᠦᠢ ᠮᠡᠲᠦ ᠲᠡᠳᠡᠨ ᠢᠶᠡᠷ ᠭᠣᠶᠣᠬᠤ ᠪᠣᠯᠣᠨᠠ᠃
19 ᠰᠦᠢᠷᠡᠵᠦ ᠬᠣᠭᠣᠰᠣᠷᠠᠭᠰᠠᠨ᠂ ᠡᠵᠡᠭᠦᠢ ᠪᠠᠢᠭᠰᠠᠨ ᠨᠤᠲᠤᠭ ᠴᠢᠨᠢ ᠡᠳᠦᠭᠡ ᠰᠠᠭᠤᠭᠠᠯᠢᠴᠢᠳ ᠢᠶᠠᠨ ᠪᠠᠭᠲᠠᠭᠠᠵᠤ ᠶᠠᠳᠠᠬᠤ ᠪᠣᠯᠵᠠᠢ᠂ ᠴᠢᠮᠠᠶᠢ ᠵᠠᠯᠭᠢᠭᠴᠢᠳ ᠨᠢ ᠬᠣᠯᠠᠳᠠᠬᠤ ᠪᠣᠯᠣᠨᠠ᠃
20 ᠬᠠᠭᠠᠴᠠᠭᠰᠠᠨ ᠤ ᠳᠠᠷᠠᠭᠠ ᠬᠡᠦᠬᠡᠳ ᠤᠳ ᠴᠢᠨᠢ ᠴᠢᠨᠦ ᠴᠢᠬᠢᠨ ᠳᠤ᠄ 〈ᠡᠨᠡ ᠭᠠᠵᠠᠷ ᠳᠠᠪᠴᠢᠭᠤ ᠪᠠᠢᠨᠠ ᠰᠠᠭᠤᠬᠤ ᠭᠠᠵᠠᠷ ᠣᠯᠵᠤ ᠥᠭᠭᠥᠭᠡᠴᠢ〉 ᠭᠡᠬᠦ ᠪᠣᠯᠣᠨᠠ᠃
21 ᠲᠡᠭᠡᠬᠦ ᠳᠦ ᠴᠢ ᠳᠣᠲᠣᠷᠠ ᠪᠠᠨ 〈ᠬᠡᠨ ᠲᠡᠳᠡᠨ ᠢ ᠨᠠᠳᠠ ᠳᠤ ᠲᠥᠷᠥᠭᠦᠯᠦᠭᠰᠡᠨ ᠪᠤᠢ︖ ᠬᠠᠷᠠ᠂ ᠪᠢ ᠭᠠᠭᠴᠠᠭᠠᠷ ᠦᠯᠡᠳᠡᠭᠡᠳ ᠪᠠᠢᠭᠰᠠᠨ ᠲᠡᠳᠡ ᠬᠠᠮᠢᠭᠠ ᠨᠢ ᠪᠠᠢᠪᠠ︖ ᠪᠢ ᠬᠡᠦᠬᠡᠳ ᠦᠭᠡᠢ ᠭᠠᠭᠴᠠᠭᠠᠷ ᠴᠥᠯᠡᠭᠳᠡᠵᠦ ᠬᠠᠶᠠᠭᠳᠠᠭᠰᠠᠨ ᠬᠡᠨ ᠲᠡᠳᠡᠨ ᠢ ᠥᠰᠭᠡᠪᠡ︖〉 ᠭᠡᠬᠦ ᠪᠣᠯᠣᠨᠠ᠃》
22 ᠡᠵᠡᠨ ᠶᠣᠬᠣᠸᠠ ᠡᠢᠨ ᠬᠦ ᠠᠢᠯᠠᠳᠴᠤ ᠪᠠᠢᠨᠠ᠄ 《ᠬᠠᠷᠠ᠂ ᠪᠢ ᠬᠠᠷᠢᠴᠤᠳ ᠢ ᠳᠣᠬᠢᠨ ᠳᠠᠭᠤᠳᠠᠨᠠ ᠦᠨᠳᠦᠰᠦᠲᠡᠨ ᠨᠦᠭᠦᠳ ᠦᠨ ᠲᠥᠯᠥᠭᠡ ᠲᠤᠭ ᠢᠶᠠᠨ ᠡᠷᠭᠦᠨᠡ ᠲᠡᠳᠡ ᠬᠥᠪᠡᠭᠦᠳ ᠢ ᠴᠢᠨᠢ ᠡᠪᠦᠷ ᠲᠡᠭᠡᠨ ᠲᠡᠪᠡᠷᠢᠵᠦ ᠥᠬᠢᠳ ᠢ ᠴᠢᠨᠢ ᠮᠥᠷᠥᠨ ᠳᠡᠭᠡᠷᠡ ᠪᠡᠨ ᠡᠭᠦᠷᠦᠨᠡ᠃
23 ᠬᠠᠭᠠᠳ ᠨᠢ ᠴᠢᠮᠠᠶᠢ ᠥᠰᠭᠡᠭᠴᠢᠳ ᠬᠠᠲᠤᠳ ᠨᠢ ᠴᠢᠨᠦ ᠥᠷᠯᠥᠭ ᠡᠬᠡ ᠪᠣᠯᠵᠤ ᠨᠢᠭᠤᠷ ᠢᠶᠠᠨ ᠭᠠᠵᠠᠷ ᠲᠤ ᠨᠠᠭᠠᠨ ᠴᠢᠮᠠ ᠳᠤ ᠪᠥᠬᠥᠢᠵᠦ ᠬᠥᠯ ᠦᠨ ᠴᠢᠨᠢ ᠲᠣᠭᠣᠰᠣ ᠶᠢ ᠳᠣᠯᠢᠶᠠᠬᠤ ᠳᠤ ᠨᠠᠮᠠᠶᠢ ᠶᠣᠬᠣᠸᠠ ᠭᠡᠳᠡᠭ ᠢ ᠴᠢ ᠮᠡᠳᠡᠬᠦ ᠪᠣᠯᠣᠨᠠ ᠨᠠᠳᠠ ᠳᠤ ᠨᠠᠢᠳᠠᠭᠴᠢᠳ ᠢᠴᠢᠭᠦᠷᠢ ᠳᠤ ᠣᠷᠣᠬᠤ ᠦᠭᠡᠢ᠃
24 ᠳᠠᠢᠴᠢᠨ ᠠᠴᠠ ᠣᠯᠵᠠ ᠶᠢ ᠨᠢ ᠪᠤᠯᠢᠶᠠᠵᠤ ᠴᠢᠳᠠᠬᠤ ᠤᠤ︖ ᠳᠠᠷᠤᠯᠠᠭᠴᠢ ᠡᠴᠡ ᠣᠯᠵᠠᠯᠠᠭᠳᠠᠭᠴᠢ ᠶᠢ ᠨᠢ ᠠᠪᠴᠤ ᠴᠢᠳᠠᠬᠤ ᠤᠤ︖》
25 ᠶᠣᠬᠣᠸᠠ ᠡᠢᠨ ᠬᠦ ᠠᠢᠯᠠᠳᠴᠤ ᠪᠠᠢᠨᠠ᠄ 《ᠳᠠᠢᠴᠢᠨ ᠠᠴᠠ ᠣᠯᠵᠠᠯᠠᠭᠳᠠᠭᠴᠢ ᠶᠢ ᠨᠢ ᠪᠤᠯᠢᠶᠠᠵᠤ ᠳᠠᠷᠤᠯᠠᠭᠴᠢ ᠡᠴᠡ ᠣᠯᠵᠠ ᠶᠢ ᠨᠢ ᠠᠪᠤᠨᠠ ᠪᠢ ᠴᠢᠮᠠ ᠲᠠᠢ ᠲᠡᠮᠡᠴᠡᠭᠴᠢ ᠲᠠᠢ ᠲᠡᠮᠡᠴᠡᠵᠦ ᠬᠡᠦᠬᠡᠳ ᠢ ᠴᠢᠨᠢ ᠠᠪᠤᠷᠠᠨᠠ᠃
26 ᠪᠢ ᠴᠢᠮᠠᠶᠢ ᠳᠠᠷᠤᠯᠠᠭᠴᠢᠳ ᠢ ᠥᠪᠡᠷᠰᠡᠳ ᠦᠨ ᠬᠢᠨᠢ ᠮᠢᠬᠠ ᠪᠠᠷ ᠬᠣᠭᠣᠯᠠᠯᠠᠨᠠ ᠲᠡᠳᠡ ᠴᠢᠰᠤ ᠪᠠᠨ ᠠᠮᠲᠠᠲᠤ ᠳᠠᠷᠠᠰᠤ ᠮᠡᠲᠦ ᠤᠤᠭᠤᠵᠤ᠂ ᠰᠣᠭᠲᠣᠨᠠ ᠲᠡᠭᠡᠬᠦ ᠳᠦ ᠮᠢᠬᠠᠨ ᠪᠡᠶᠡᠲᠦ ᠪᠦᠬᠦᠨ ᠴᠢᠨᠦ ᠠᠪᠤᠷᠠᠭᠴᠢ᠂ ᠴᠢᠨᠦ ᠵᠣᠯᠢᠭᠴᠢ ᠶᠠᠺᠣᠪ ᠤᠨ ᠬᠦᠴᠦᠲᠦ ᠨᠢᠭᠡᠨ ᠪᠣᠯ ᠶᠣᠬᠣᠸᠠ ᠪᠢ ᠭᠡᠳᠡᠭ ᠢ ᠮᠡᠳᠡᠬᠦ ᠪᠣᠯᠣᠨᠠ᠃》