ᠢᠰᠠᠢᠶᠠ ᠶᠢᠰᠦ
ᠮᠧᠰᠢᠶᠠ ᠶᠢᠨ ᠮᠡᠨᠳᠦᠯᠡᠯ ᠪᠠ ᠵᠠᠰᠠᠭᠯᠠᠯ
1 ᠬᠠᠷᠢᠨ ᠵᠣᠪᠠᠭᠰᠠᠳ ᠬᠠᠷᠠᠩ᠋ᠭᠤᠢ ᠳᠤ ᠪᠠᠢᠬᠤ ᠪᠠᠨ ᠪᠣᠯᠢᠨᠠ᠃ ᠤᠷᠢᠳᠤ ᠴᠠᠭ ᠲᠤ ᠶᠣᠬᠣᠸᠠ ᠽᠧᠪᠦ᠋ᠯᠣᠨ ᠨᠤᠲᠤᠭ ᠪᠣᠯᠣᠨ ᠨᠠᠹᠲ᠋ᠠᠯᠢ ᠨᠤᠲᠤᠭ ᠢ ᠥᠴᠦᠬᠡᠨ ᠳᠦ ᠲᠣᠭᠠᠴᠠᠭᠰᠠᠨ ᠪᠣᠯ᠂ ᠬᠣᠵᠢᠮ ᠨᠢ ᠳᠠᠯᠠᠢ ᠶᠢᠨ ᠵᠠᠮ᠂ ᠶᠣᠷᠳᠠᠨ ᠤ ᠴᠢᠨᠠᠳᠤ ᠳᠠᠬᠢ ᠬᠠᠷᠢᠴᠤᠳ ᠤᠨ ᠨᠤᠲᠤᠭ ᠭᠠᠯᠢᠯᠠᠶᠠ ᠶᠢ ᠠᠯᠳᠠᠷ ᠬᠦᠨᠳᠦ ᠲᠠᠢ ᠪᠣᠯᠭᠠᠨᠠ᠃
2 ᠬᠠᠷᠠᠩ᠋ᠭᠤᠢ ᠳᠤ ᠠᠯᠬᠤᠭᠴᠢ ᠠᠷᠠᠳ ᠲᠦᠮᠡᠨ ᠦᠯᠡᠮᠵᠢ ᠶᠢᠨ ᠭᠡᠷᠡᠯ ᠢ ᠬᠠᠷᠠᠪᠠ ᠦᠬᠦᠯ ᠦᠨ ᠰᠡᠭᠦᠳᠡᠷᠲᠦ ᠨᠤᠲᠤᠭ ᠲᠤ ᠰᠠᠭᠤᠭᠰᠠᠳ ᠳᠡᠭᠡᠷᠡ ᠭᠡᠷᠡᠯ ᠲᠤᠰᠪᠠ᠂
3 ᠲᠠ ᠡᠨᠡ ᠦᠨᠳᠦᠰᠦᠲᠡᠨ ᠢ ᠣᠯᠠᠰᠢᠷᠠᠭᠤᠯᠤᠨ ᠪᠠᠶᠠᠷ ᠬᠥᠷ ᠢ ᠨᠢ ᠪᠠᠳᠠᠷᠠᠭᠠᠵᠠᠢ ᠲᠡᠳᠡ ᠤᠷᠭᠤᠴᠠ ᠬᠤᠷᠢᠶᠠᠵᠤ ᠪᠠᠢᠭᠠ ᠮᠡᠲᠦ᠂ ᠣᠯᠵᠠ ᠬᠤᠪᠢᠶᠠᠵᠤ ᠪᠠᠢᠭᠠ ᠮᠡᠲᠦ ᠣᠷᠣᠰᠢᠬᠤᠢ ᠶᠢᠨ ᠲᠠᠨᠢ ᠡᠮᠦᠨᠡ ᠪᠠᠶᠠᠷᠯᠠᠳᠠᠭ᠃
4 ᠤᠴᠢᠷ ᠨᠢ ᠲᠠ ᠮᠢᠳᠢᠶᠠᠨ ᠢ ᠴᠣᠬᠢᠭᠰᠠᠨ ᠡᠳᠦᠷ ᠦᠨ ᠬᠢ ᠮᠡᠲᠦ ᠲᠡᠳᠡᠨ ᠢ ᠳᠠᠷᠤᠮᠲᠠᠯᠠᠳᠠᠭ ᠪᠤᠭᠤᠯᠠᠭᠠ ᠶᠢ ᠲᠡᠳᠡᠨ ᠦ ᠮᠥᠷᠥᠨ ᠳᠡᠭᠡᠷᠡᠬᠢ ᠳᠥᠩᠭᠡ ᠶᠢ ᠲᠡᠳᠡᠨ ᠢ ᠳᠠᠷᠤᠩ᠋ᠭᠤᠢᠯᠠᠭᠴᠢ ᠶᠢᠨ ᠲᠠᠰᠢᠭᠤᠷ ᠢ ᠬᠤᠭᠤᠯᠤᠭᠰᠠᠨ ᠠᠵᠢ᠃
5 ᠴᠡᠷᠢᠭ ᠬᠥᠮᠦᠨ ᠦ ᠲᠤᠯᠤᠯᠳᠤᠭᠠᠨ ᠳᠤ ᠡᠮᠦᠰᠦᠭᠰᠡᠨ ᠭᠤᠲᠤᠯ ᠪᠣᠯᠭᠠᠨ ᠴᠢᠰᠤ ᠪᠢᠯᠳᠠᠭᠰᠠᠨ ᠬᠤᠪᠴᠠᠰᠤ ᠪᠣᠯᠭᠠᠨ ᠲᠦᠯᠡᠰᠢ ᠪᠣᠯᠵᠤ ᠭᠠᠯ ᠳᠤ ᠰᠢᠲᠠᠭᠠᠭᠳᠠᠨᠠ᠂
6 ᠤᠴᠢᠷ ᠨᠢ ᠪᠢᠳᠡᠨ ᠦ ᠲᠥᠯᠥᠭᠡ ᠬᠡᠦᠬᠡᠳ ᠮᠡᠨᠳᠦᠯᠡᠪᠡ ᠪᠢᠳᠡᠨ ᠳᠦ ᠬᠦᠦ ᠰᠣᠶᠣᠷᠬᠠᠭᠳᠠᠭᠰᠠᠨ ᠠᠵᠢ ᠲᠡᠭᠦᠨ ᠦ ᠮᠥᠷᠥᠨ ᠳᠡᠭᠡᠷᠡ ᠵᠠᠰᠠᠭᠯᠠᠯ ᠪᠠᠢᠨᠠ ᠲᠡᠭᠦᠨ ᠦ ᠨᠡᠷᠡ ᠶᠢ ᠭᠠᠢᠬᠠᠮᠰᠢᠭ᠂ ᠵᠥᠪᠯᠡᠭᠴᠢ᠂ ᠬᠦᠴᠦᠲᠦ ᠪᠤᠷᠬᠠᠨ᠂ ᠮᠥᠩᠬᠡ ᠶᠢᠨ ᠡᠴᠢᠭᠡ᠂ ᠡᠩᠬᠡ ᠶᠢᠨ ᠬᠠᠭᠠᠨ ᠭᠡᠬᠦ ᠪᠣᠯᠣᠨᠠ᠃
7 ᠲᠡᠭᠦᠨ ᠦ ᠵᠠᠰᠠᠭᠯᠠᠯ ᠪᠠ ᠡᠩᠬᠡ ᠲᠠᠢᠪᠤᠩ ᠡᠴᠦᠰ ᠦᠭᠡᠢ ᠳᠡᠯᠡᠨᠡ ᠲᠡᠷᠡ ᠪᠡᠷ ᠳ᠋ᠠᠸᠢᠳ᠋ ᠤᠨ ᠰᠡᠨᠲᠢ ᠳᠡᠭᠡᠷᠡ ᠬᠠᠭᠠᠨᠴᠢᠯᠠᠯ ᠤᠨ ᠢᠶᠠᠨ ᠳᠡᠭᠡᠷᠡ ᠵᠠᠯᠠᠷᠠᠵᠤ ᠲᠡᠭᠦᠨ ᠢ ᠪᠠᠲᠤᠵᠢᠭᠤᠯᠤᠨ ᠣᠳᠣ ᠠᠴᠠ ᠮᠥᠩᠬᠡᠳᠡ ᠵᠥᠪ ᠰᠢᠳᠤᠷᠭᠤ ᠪᠠᠷ ᠬᠠᠮᠠᠭᠠᠯᠠᠨᠠ ᠠᠤᠭᠠ ᠬᠦᠴᠦᠲᠦ ᠶᠣᠬᠣᠸᠠ ᠶᠢᠨ ᠬᠠᠯᠠᠭᠤᠨ ᠰᠡᠳᠬᠢᠯ ᠡᠭᠦᠨ ᠢ ᠪᠡᠶᠡᠯᠡᠭᠦᠯᠦᠨᠡ᠃
ᠤᠮᠠᠷᠠᠲᠤ ᠢᠰᠷᠧᠯ ᠳᠤ ᠪᠠᠭᠤᠬᠤ ᠰᠢᠳᠬᠡᠯ
8 ᠡᠵᠡᠨ ᠶᠠᠺᠣᠪ ᠲᠤ ᠦᠭᠡ ᠢᠯᠡᠭᠡᠪᠡ ᠲᠡᠷᠡ ᠦᠭᠡ ᠢᠰᠷᠧᠯ ᠳᠤ ᠪᠠᠭᠤᠵᠤ
9 ᠡᠹᠷᠠᠢᠮ ᠪᠣᠯᠣᠨ ᠰᠠᠮᠠᠷᠢᠶᠠ ᠶᠢᠨ ᠰᠠᠭᠤᠭᠠᠯᠢᠴᠢᠳ ᠪᠦᠭᠦᠳᠡ ᠡᠭᠦᠨ ᠢ ᠮᠡᠳᠡᠬᠦ ᠪᠣᠯᠣᠨᠠ᠂ ᠬᠠᠷᠢᠨ ᠲᠡᠳᠡ ᠪᠠᠷᠳᠠᠮ ᠳᠡᠭᠡᠷᠡᠩᠭᠦᠢ ᠵᠠᠩ ᠢᠶᠠᠷ᠄
10 《ᠲᠣᠭᠣᠰᠬᠠ ᠰᠦᠢᠷᠡᠪᠡᠯ ᠵᠠᠰᠠᠭᠰᠠᠨ ᠴᠢᠯᠠᠭᠤ ᠪᠠᠷ ᠰᠡᠷᠭᠦᠭᠡᠶᠡ ᠢᠯᠠᠮᠠ ᠶᠢᠨ ᠮᠣᠳᠣ ᠣᠭᠲᠣᠯᠣᠭᠳᠠᠪᠠᠯ ᠢᠨᠵᠢᠷ ᠤᠨ ᠮᠣᠳᠣ ᠪᠠᠷ ᠣᠷᠣᠯᠠᠭᠤᠯᠤᠶᠠ》 ᠭᠡᠯᠴᠡᠨᠡ᠃
11 ᠡᠢᠮᠦ ᠡᠴᠡ ᠶᠣᠬᠣᠸᠠ ᠲᠡᠳᠡᠨ ᠦ ᠥᠰᠲᠡᠨ ᠢ ᠥᠳᠥᠭᠡᠵᠦ ᠲᠡᠳᠡᠨ ᠦ ᠳᠡᠭᠡᠭᠦᠷ ᠷᠧᠽᠢᠨ ᠤ ᠳᠠᠢᠰᠤᠨ ᠢ ᠡᠷᠭᠦᠮᠵᠢᠯᠡᠪᠡ᠂
12 ᠳᠣᠷᠣᠨᠠ ᠵᠦᠭ ᠡᠴᠡ ᠠᠷᠠᠮᠴᠤᠳ ᠪᠠᠷᠠᠭᠤᠨ ᠵᠦᠭ ᠡᠴᠡ ᠹᠢᠯᠢᠰᠲ᠋ᠴᠦᠳ ᠢ ᠶᠠᠪᠤᠭᠤᠯᠪᠠ ᠲᠡᠳᠡ ᠠᠮᠠ ᠪᠠᠨ ᠠᠩ᠋ᠭᠠᠢᠯᠭᠠᠨ ᠢᠰᠷᠧᠯ ᠢ ᠵᠠᠯᠭᠢᠪᠠ ᠡᠨᠡ ᠪᠦᠬᠦᠨ ᠢᠶᠡᠷ ᠴᠤ ᠶᠣᠬᠣᠸᠠ ᠶᠢᠨ ᠠᠭᠤᠷ ᠨᠠᠮᠳᠠᠭᠠ ᠦᠭᠡᠢ ᠨᠢᠳᠤᠷᠭᠠ ᠨᠢ ᠳᠠᠯᠠᠢᠭᠰᠠᠨ ᠬᠡᠪ ᠢᠶᠡᠷ ᠢᠶᠠᠨ ᠪᠠᠢᠨᠠ᠃
13 ᠬᠠᠷᠢᠨ ᠡᠨᠡ ᠠᠷᠠᠳ ᠲᠦᠮᠡᠨ ᠥᠪᠡᠷᠰᠡᠳ ᠢ ᠨᠢ ᠴᠣᠬᠢᠭᠰᠠᠨ ᠡᠵᠡᠨ ᠤᠷᠤᠭᠤ ᠡᠷᠭᠢᠳᠡᠭ ᠦᠭᠡᠢ ᠠᠤᠭᠠ ᠬᠦᠴᠦᠲᠦ ᠶᠣᠬᠣᠸᠠ ᠶᠢ ᠡᠷᠢᠳᠡᠭ ᠦᠭᠡᠢ᠂
14 ᠡᠢᠮᠦ ᠡᠴᠡ ᠶᠣᠬᠣᠸᠠ ᠢᠰᠷᠧᠯ ᠤᠨ ᠲᠣᠯᠣᠭᠠᠢ ᠪᠠ ᠰᠡᠭᠦᠯ ᠢ ᠳᠠᠯᠳᠠᠤ ᠮᠣᠳᠣᠨ ᠤ ᠮᠥᠴᠢᠷ ᠢ ᠨᠢ ᠴᠤ᠂ ᠵᠡᠭᠡᠰᠦ ᠶᠢ ᠨᠢ ᠴᠤ ᠭᠠᠭᠴᠠᠬᠠᠨ ᠡᠳᠦᠷ ᠲᠦ ᠲᠠᠰᠤ ᠴᠠᠪᠴᠢᠨᠠ᠂
15 ᠲᠣᠯᠣᠭᠠᠢ ᠨᠢ ᠠᠬᠠᠮᠠᠳ ᠬᠢᠭᠡᠳ ᠬᠦᠨᠳᠦᠲᠡᠢ ᠬᠥᠮᠦᠰ ᠰᠡᠭᠦᠯ ᠨᠢ ᠬᠤᠳᠠᠯ ᠨᠣᠮᠯᠠᠵᠤ ᠪᠠᠢᠭᠠ ᠡᠰᠢ ᠦᠵᠡᠭᠦᠯᠦᠭᠴᠢᠳ ᠶᠤᠮ
16 ᠠᠷᠠᠳ ᠲᠦᠮᠡᠨ ᠦ ᠤᠳᠤᠷᠢᠳᠤᠭᠴᠢ ᠨᠢ ᠲᠥᠭᠡᠷᠢᠭᠦᠯᠵᠦ ᠤᠳᠤᠷᠢᠳᠤᠭᠤᠯᠤᠭᠴᠢᠳ ᠨᠢ ᠵᠠᠯᠭᠢᠭᠤᠯᠵᠤ ᠪᠠᠢᠨᠠ᠃
17 ᠲᠡᠳᠡ ᠪᠦᠭᠦᠳᠡ ᠰᠦᠰᠦᠭ ᠦᠭᠡᠢ᠂ ᠮᠠᠭᠤ ᠶᠢ ᠦᠢᠯᠡᠳᠦᠭᠴᠢ ᠠᠮᠠ ᠨᠢ ᠮᠤᠩ᠋ᠬᠠᠭ ᠢ ᠶᠠᠷᠢᠳᠠᠭ ᠤᠴᠢᠷ ᠡᠵᠡᠨ ᠢᠳᠡᠷ ᠵᠠᠯᠠᠭᠤᠰ ᠢ ᠨᠢ ᠲᠠᠭᠠᠯᠠᠬᠤ ᠦᠭᠡᠢ ᠥᠨᠥᠴᠢᠨ᠂ ᠪᠡᠯᠪᠡᠰᠦᠨ ᠢ ᠨᠢ ᠴᠤ ᠥᠷᠥ ᠡᠪᠡᠳᠬᠦ ᠦᠭᠡᠢ ᠡᠨᠡ ᠪᠦᠬᠦᠨ ᠢᠶᠡᠷ ᠴᠤ ᠶᠣᠬᠣᠸᠠ ᠶᠢᠨ ᠠᠭᠤᠷ ᠨᠠᠮᠳᠠᠭᠠ ᠦᠭᠡᠢ ᠨᠢᠳᠤᠷᠭᠠ ᠨᠢ ᠳᠠᠯᠠᠢᠭᠰᠠᠨ ᠬᠡᠪ ᠢᠶᠡᠷ ᠢᠶᠠᠨ ᠪᠠᠢᠨᠠ᠃
18 ᠬᠣᠷᠣᠨ ᠮᠠᠭᠤ ᠨᠢ ᠭᠠᠯ ᠮᠡᠲᠦ ᠰᠢᠲᠠᠵᠤ ᠦᠭᠦᠷᠭᠡᠨᠡ ᠪᠣᠯᠣᠨ ᠥᠷᠭᠡᠰᠦᠲᠦ ᠪᠤᠲᠠ ᠶᠢ ᠲᠦᠢᠮᠡᠷᠳᠡᠳᠡᠭ᠌ ᠣᠢ ᠶᠢᠨ ᠰᠢᠷᠢᠩᠭᠢ ᠶᠢ ᠬᠦᠷᠲᠡᠯᠡ ᠨᠣᠴᠣᠭᠠᠵᠤ ᠤᠲᠤᠭᠠᠨ ᠪᠠᠭᠠᠨᠠ ᠮᠡᠲᠦ ᠳᠡᠭᠡᠭᠰᠢᠯᠡᠳᠡᠭ᠌᠃
19 ᠠᠤᠭᠠ ᠬᠦᠴᠦᠲᠦ ᠶᠣᠬᠣᠸᠠ ᠶᠢᠨ ᠠᠭᠤᠷ ᠠᠴᠠ ᠪᠣᠯᠵᠤ ᠡᠨᠡ ᠨᠤᠲᠤᠭ ᠰᠢᠲᠠᠭᠠᠭᠳᠠᠵᠤ ᠠᠷᠠᠳ ᠲᠦᠮᠡᠨ ᠭᠠᠯ ᠤᠨ ᠲᠦᠯᠡᠭᠡ ᠮᠡᠲᠦ ᠪᠣᠯᠣᠨᠠ ᠬᠥᠮᠦᠨ ᠠᠬᠠ ᠳᠡᠭᠦᠦ ᠪᠡᠨ ᠴᠤ ᠥᠷᠥ ᠡᠪᠡᠳᠬᠦ ᠦᠭᠡᠢ
20 ᠪᠠᠷᠠᠭᠤᠨ ᠲᠠᠯᠠ ᠳᠤ ᠪᠠᠢᠭᠠ ᠪᠠᠨ ᠵᠠᠳᠠᠯᠤᠭᠰᠠᠨ ᠴᠤ ᠥᠯᠥᠰᠥᠭᠰᠡᠨ ᠬᠡᠪ ᠢᠶᠡᠷ ᠢᠶᠠᠨ ᠵᠡᠭᠦᠨ ᠲᠠᠯᠠ ᠳᠤ ᠪᠠᠢᠭᠠ ᠪᠠᠨ ᠵᠠᠯᠭᠢᠭᠰᠠᠨ ᠴᠤ ᠡᠰᠡ ᠴᠠᠳᠤᠨᠠ ᠬᠥᠮᠦᠨ ᠪᠦᠷᠢ ᠬᠠᠷᠢᠳᠤᠨ ᠤ ᠪᠠᠨ ᠮᠢᠬᠠ ᠶᠢ ᠢᠳᠡᠨᠡ᠃
21 ᠮᠠᠨᠠᠰᠧ ᠡᠹᠷᠠᠢᠮ ᠢ ᠡᠹᠷᠠᠢᠮ ᠮᠠᠨᠠᠰᠧ ᠶᠢ ᠢᠳᠡᠨ ᠲᠡᠳᠡ ᠬᠠᠮᠲᠤᠷᠠᠵᠤ ᠶᠦᠳᠠ ᠶᠢ ᠡᠰᠡᠷᠭᠦᠴᠡᠨᠡ ᠡᠨᠡ ᠪᠦᠬᠦᠨ ᠢᠶᠡᠷ ᠴᠤ ᠶᠣᠬᠣᠸᠠ ᠶᠢᠨ ᠠᠭᠤᠷ ᠨᠠᠮᠳᠠᠭᠠ ᠦᠭᠡᠢ ᠨᠢᠳᠤᠷᠭᠠ ᠨᠢ ᠳᠠᠯᠠᠢᠭᠰᠠᠨ ᠬᠡᠪ ᠢᠶᠡᠷ ᠢᠶᠠᠨ ᠪᠠᠢᠨᠠ᠃