ᠢᠰᠠᠢᠶᠠ ᠵᠢᠷᠠ
ᠪᠤᠷᠬᠠᠨ ᠤ ᠬᠠᠭᠠᠨᠴᠢᠯᠠᠯ ᠤᠨ ᠵᠢᠪᠬᠤᠯᠠᠩ
1 《ᠪᠣᠰ᠂ ᠭᠡᠷᠡᠯᠲᠦ︕ ᠴᠢᠨᠦ ᠭᠡᠷᠡᠯ ᠢᠷᠡᠯᠡ᠂ ᠶᠣᠬᠣᠸᠠ ᠶᠢᠨ ᠴᠣᠭ ᠵᠢᠪᠬᠤᠯᠠᠩ ᠴᠢᠨᠦ ᠳᠡᠭᠡᠷᠡ ᠮᠠᠨᠳᠤᠯᠠ᠃
2 ᠬᠠᠷᠠ᠂ ᠭᠠᠵᠠᠷ ᠢ ᠬᠠᠷᠠᠩ᠋ᠭᠤᠢ ᠪᠦᠷᠬᠦᠵᠦ ᠦᠨᠳᠦᠰᠦᠲᠡᠨ ᠨᠦᠭᠦᠳ ᠦᠨ ᠳᠡᠭᠡᠷᠡ ᠲᠦᠨᠡᠷ ᠬᠠᠷᠠᠩ᠋ᠭᠤᠢ ᠪᠠᠢᠬᠤ ᠳᠤ ᠶᠣᠬᠣᠸᠠ ᠴᠢᠨᠦ ᠳᠡᠭᠡᠷᠡ ᠮᠠᠨᠳᠤᠨᠠ ᠴᠣᠭ ᠵᠢᠪᠬᠤᠯᠠᠩ ᠨᠢ ᠴᠢᠨᠦ ᠳᠡᠭᠡᠷᠡ ᠦᠵᠡᠭᠳᠡᠨᠡ
3 ᠬᠠᠷᠢᠴᠤᠳ ᠴᠢᠨᠦ ᠭᠡᠷᠡᠯ ᠤᠷᠤᠭᠤ ᠢᠷᠡᠨᠡ ᠬᠠᠭᠠᠳ ᠮᠠᠨᠳᠤᠬᠤ ᠲᠤᠶᠠᠭᠠ ᠤᠷᠤᠭᠤ ᠴᠢᠨᠢ ᠢᠷᠡᠨᠡ᠃
4 ᠨᠢᠳᠦ ᠪᠡᠨ ᠡᠷᠭᠦᠨ ᠡᠷᠭᠢᠨ ᠲᠣᠭᠣᠷᠢᠨ ᠢᠶᠠᠨ ᠬᠠᠷᠠ ᠲᠡᠳᠡ ᠪᠦᠭᠦᠳᠡ ᠴᠤᠭᠯᠠᠨ᠂ ᠴᠢᠮᠠ ᠳᠡᠭᠡᠷᠡ ᠢᠷᠡᠵᠦ ᠪᠠᠢᠨᠠ ᠬᠥᠪᠡᠭᠦᠳ ᠴᠢᠨᠢ ᠠᠯᠤᠰ ᠠᠴᠠ ᠢᠷᠡᠨᠡ ᠥᠬᠢᠳ ᠴᠢᠨᠢ ᠲᠡᠪᠡᠷᠢᠭᠦᠯᠦᠨ ᠢᠷᠡᠨᠡ᠃
5 ᠲᠡᠭᠡᠬᠦ ᠳᠦ ᠴᠢ ᠬᠠᠷᠠᠵᠤ᠂ ᠲᠤᠶᠠᠭᠠᠷᠠᠨᠠ ᠵᠢᠷᠦᠬᠡ ᠴᠢᠨᠢ ᠰᠠᠭᠭᠠᠬᠤ ᠪᠥᠭᠡᠳ ᠠᠭᠤᠵᠢᠷᠠᠨᠠ ᠳᠠᠯᠠᠢ ᠶᠢᠨ ᠪᠠᠶᠠᠯᠢᠭ ᠴᠢᠮᠠ ᠤᠷᠤᠭᠤ ᠡᠷᠭᠢᠵᠦ ᠦᠨᠳᠦᠰᠦᠲᠡᠨ ᠨᠦᠭᠦᠳ ᠦᠨ ᠬᠥᠷᠥᠩᠭᠡ ᠴᠢᠮᠠ ᠤᠷᠤᠭᠤ ᠢᠷᠡᠨᠡ᠃
6 ᠦᠯᠡᠮᠵᠢ ᠣᠯᠠᠨ ᠲᠡᠮᠡᠭᠡ ᠮᠢᠳᠢᠶᠠᠨ ᠪᠣᠯᠣᠨ ᠡᠹᠠ ᠶᠢᠨ ᠪᠣᠲᠣᠭᠣ ᠨᠤᠭᠤᠳ ᠴᠢᠮᠠᠶᠢ ᠪᠦᠷᠬᠦᠨᠡ ᠱᠧᠪᠠᠴᠤᠳ ᠪᠦᠭᠦᠳᠡᠭᠡᠷ ᠠᠯᠲᠠ ᠪᠣᠯᠣᠨ ᠭᠦᠭᠦᠯ ᠠᠪᠴᠢᠷᠠᠵᠤ ᠶᠣᠬᠣᠸᠠ ᠶᠢᠨ ᠮᠠᠭᠲᠠᠭᠠᠯ ᠲᠠᠢ ᠦᠢᠯᠡᠰ ᠢ ᠲᠤᠩ᠋ᠬᠠᠭᠯᠠᠨᠠ᠃
7 ᠺᠧᠳᠠᠷ ᠤᠨ ᠪᠦᠬᠦ ᠬᠣᠨᠢᠨ ᠰᠦᠷᠦᠭ ᠴᠢᠮᠠ ᠤᠷᠤᠭᠤ ᠴᠤᠭᠯᠠᠷᠠᠵᠤ ᠨᠧᠪᠠᠶᠣᠲ ᠤᠨ ᠬᠤᠴᠠ ᠨᠤᠭᠤᠳ ᠴᠢᠮᠠ ᠳᠤ ᠦᠢᠯᠡᠴᠢᠯᠡᠨᠡ ᠲᠡᠳᠡ ᠲᠠᠬᠢᠯ ᠤᠨ ᠰᠢᠷᠡᠭᠡᠨ ᠳᠡᠭᠡᠷᠡ ᠮᠢᠨᠢ ᠭᠠᠷᠤᠭᠠᠳ ᠲᠠᠭᠠᠯᠠᠮᠵᠢᠲᠤ ᠡᠷᠭᠦᠯ ᠪᠣᠯᠬᠤ ᠳᠤ ᠪᠢ ᠠᠯᠳᠠᠷ ᠤᠨ ᠢᠶᠠᠨ ᠭᠡᠷ ᠲᠦ ᠠᠯᠳᠠᠷᠰᠢᠬᠤ ᠪᠣᠯᠣᠨᠠ᠃
8 ᠡᠭᠦᠯᠡ ᠮᠡᠲᠦ᠂ ᠡᠭᠦᠷ ᠲᠡᠭᠡᠨ ᠪᠤᠴᠠᠬᠤ ᠲᠠᠭᠲᠠᠭᠠ ᠨᠤᠭᠤᠳ ᠮᠡᠲᠦ ᠨᠢᠰᠴᠦ ᠢᠷᠡᠭᠴᠢᠳ ᠨᠢ ᠬᠡᠨ ᠪᠤᠢ︖
9 ᠠᠷᠠᠯ ᠤᠨ ᠣᠷᠣᠨ ᠨᠤᠭᠤᠳ ᠨᠠᠳᠠ ᠳᠤ ᠨᠠᠢᠳᠠᠵᠤ ᠪᠠᠢᠨᠠ ᠲᠦᠷᠦᠭᠦᠨ ᠳᠦᠨᠢ ᠲᠠᠷᠱᠢᠱ ᠤᠨ ᠣᠩ᠋ᠭᠣᠴᠠ ᠨᠤᠭᠤᠳ ᠠᠯᠤᠰ ᠬᠣᠯᠠ ᠠᠴᠠ ᠦᠷᠡ ᠬᠡᠦᠬᠡᠳ ᠤᠳ ᠢ ᠴᠢᠨᠢ ᠠᠯᠲᠠ ᠮᠥᠩᠭᠥ ᠲᠠᠢ ᠪᠠᠨ ᠠᠪᠴᠢᠷᠠᠵᠤ ᠴᠢᠮᠠᠶᠢ ᠠᠯᠳᠠᠷᠰᠢᠭᠤᠯᠤᠭᠰᠠᠨ ᠴᠢᠨᠦ ᠪᠤᠷᠬᠠᠨ ᠶᠣᠬᠣᠸᠠ᠂ ᠢᠰᠷᠧᠯ ᠤᠨ ᠠᠷᠢᠭᠤᠨ ᠨᠢᠭᠡᠨ ᠦ ᠨᠡᠷᠡ ᠳᠦ ᠵᠣᠷᠢᠭᠤᠯᠤᠨᠠ᠃
10 ᠬᠠᠷᠢᠴᠤᠳ ᠬᠠᠨᠠ ᠬᠡᠷᠡᠮ ᠢ ᠴᠢᠨᠢ ᠪᠣᠰᠬᠠᠨᠠ ᠬᠠᠭᠠᠳ ᠨᠢ ᠴᠢᠮᠠ ᠳᠤ ᠦᠢᠯᠡᠴᠢᠯᠡᠨᠡ᠂ ᠴᠢᠮᠠᠶᠢ ᠪᠢ ᠠᠭᠤᠷ ᠢᠶᠠᠷ ᠢᠶᠠᠨ ᠴᠣᠬᠢᠭᠰᠠᠨ ᠪᠣᠯᠪᠠᠴᠤ ᠴᠢᠮᠠᠶᠢ ᠪᠢ ᠡᠨᠡᠷᠢᠯ ᠢᠶᠠᠷ ᠢᠶᠠᠨ ᠥᠷᠥᠰᠢᠶᠡᠨᠡ᠃
11 ᠬᠠᠭᠠᠯᠭᠠ ᠨᠤᠭᠤᠳ ᠴᠢᠨᠢ ᠡᠳᠦᠷ ᠴᠤ᠂ ᠰᠥᠨᠢ ᠴᠤ ᠬᠠᠭᠠᠭᠳᠠᠬᠤ ᠦᠭᠡᠢ᠂ ᠦᠷᠭᠦᠯᠵᠢ ᠨᠡᠭᠡᠭᠡᠯᠲᠡ ᠲᠠᠢ ᠪᠠᠢᠭᠰᠠᠭᠠᠷ ᠦᠨᠳᠦᠰᠦᠲᠡᠨ ᠨᠦᠭᠦᠳ ᠦᠨ ᠡᠳ᠋ ᠪᠠᠶᠠᠯᠢᠭ ᠴᠢᠮᠠ ᠳᠤ ᠠᠪᠴᠢᠷᠠᠭᠳᠠᠨᠠ ᠬᠠᠭᠠᠳ ᠨᠢ ᠴᠤ ᠬᠥᠭᠡᠭᠡᠭᠳᠡᠨ ᠢᠷᠡᠨᠡ᠃
12 ᠴᠢᠮᠠ ᠳᠤ ᠦᠢᠯᠡᠴᠢᠯᠡᠬᠦ ᠳᠤᠷᠠ ᠦᠭᠡᠢ ᠦᠨᠳᠦᠰᠦᠲᠡᠨ᠂ ᠬᠠᠭᠠᠨᠴᠢᠯᠠᠯ ᠤᠳ ᠰᠥᠨᠥᠨᠡ ᠲᠡᠳᠡᠭᠡᠷ ᠦᠨᠳᠦᠰᠦᠲᠡᠨ ᠪᠦᠷᠢᠮᠦᠰᠦᠨ ᠤᠰᠠᠳᠬᠠᠭᠳᠠᠨᠠ᠃
13 ᠯᠧᠪᠠᠨᠣᠨ ᠤ ᠪᠠᠬᠠᠷᠬᠠᠯ ᠪᠣᠯᠬᠤ ᠠᠷᠴᠠ᠂ ᠴᠦᠭᠦᠷᠰᠦ᠂ ᠨᠠᠷᠠᠰᠤ ᠵᠡᠷᠭᠡ ᠨᠢ ᠴᠢᠮᠠ ᠤᠷᠤᠭᠤ ᠢᠷᠡᠵᠦ ᠠᠷᠢᠭᠤᠨ ᠭᠠᠵᠠᠷ ᠢ ᠮᠢᠨᠢ ᠴᠢᠮᠡᠭᠯᠡᠨᠡ ᠡᠢᠨ ᠬᠦ ᠪᠢ ᠬᠥᠯ ᠲᠠᠯᠪᠢᠬᠤ ᠭᠠᠵᠠᠷ ᠢᠶᠠᠨ ᠠᠯᠳᠠᠷᠰᠢᠭᠤᠯᠤᠨᠠ᠃
14 ᠴᠢᠮᠠᠶᠢ ᠵᠣᠪᠠᠭᠠᠭᠴᠢᠳ ᠤᠨ ᠬᠥᠪᠡᠭᠦᠳ ᠴᠢᠮᠠ ᠳᠤ ᠢᠷᠡᠵᠦ ᠮᠡᠬᠦᠢᠨ ᠴᠢᠮᠠᠶᠢ ᠪᠠᠰᠤᠮᠵᠢᠯᠠᠭᠴᠢ ᠪᠦᠬᠦᠨ ᠬᠥᠯ ᠦᠨ ᠴᠢᠨᠢ ᠳᠣᠣᠷᠠ ᠪᠥᠬᠥᠢᠵᠦ ᠴᠢᠮᠠᠶᠢ ᠶᠣᠬᠣᠸᠠ ᠶᠢᠨ ᠬᠣᠲᠠ᠂ ᠢᠰᠷᠧᠯ ᠤᠨ ᠠᠷᠢᠭᠤᠨ ᠨᠢᠭᠡᠨ ᠦ ᠽᠢᠶᠣᠨ ᠭᠡᠵᠦ ᠳᠠᠭᠤᠳᠠᠨᠠ᠃
15 ᠴᠢ ᠬᠠᠶᠠᠭᠳᠠᠵᠤ᠂ ᠵᠢᠭ᠍ᠰᠢᠭᠳᠡᠭᠰᠡᠨ ᠲᠤᠯᠠ ᠴᠢᠮᠠ ᠪᠠᠷ ᠥᠩᠭᠡᠷᠡᠭᠴᠢ ᠪᠠᠢᠬᠤ ᠦᠭᠡᠢ ᠪᠠᠢᠭᠰᠠᠨ᠂ ᠬᠠᠷᠢᠨ ᠪᠢ ᠴᠢᠮᠠᠶᠢ ᠮᠥᠩᠬᠡ ᠶᠢᠨ ᠪᠠᠬᠠᠷᠬᠠᠯ ᠪᠦᠬᠦ ᠦᠶᠡ ᠶᠢᠨ ᠪᠠᠶᠠᠰᠤᠯ ᠪᠣᠯᠭᠠᠨᠠ᠃
16 ᠴᠢ ᠬᠠᠷᠢᠴᠤᠳ ᠤᠨ ᠰᠦ᠋ ᠶᠢ ᠰᠣᠷᠣᠨ ᠬᠠᠭᠠᠳ ᠤᠨ ᠬᠥᠬᠥ ᠶᠢ ᠬᠥᠬᠥᠨᠡ ᠴᠢᠮᠠᠶᠢ ᠠᠪᠤᠷᠠᠭᠴᠢ᠂ ᠴᠢᠮᠠᠶᠢ ᠵᠣᠯᠢᠭᠴᠢ᠂ ᠶᠠᠺᠣᠪ ᠤᠨ ᠬᠦᠴᠦᠲᠦ ᠨᠢᠭᠡᠨ ᠪᠣᠯ ᠶᠣᠬᠣᠸᠠ ᠪᠢ ᠭᠡᠳᠡᠭ ᠢ ᠴᠢ ᠮᠡᠳᠡᠬᠦ ᠪᠣᠯᠣᠨᠠ᠃
17 ᠪᠢ ᠵᠡᠰ ᠦᠨ ᠣᠷᠣᠨ ᠳᠤ ᠠᠯᠲᠠ ᠲᠡᠮᠦᠷ ᠦᠨ ᠣᠷᠣᠨ ᠳᠤ ᠮᠥᠩᠭᠥ ᠠᠪᠴᠢᠷᠠᠨᠠ᠂ ᠪᠢ ᠮᠣᠳᠣᠨ ᠤ ᠣᠷᠣᠨ ᠳᠤ ᠵᠡᠰ ᠴᠢᠯᠠᠭᠤᠨ ᠤ ᠣᠷᠣᠨ ᠳᠤ ᠲᠡᠮᠦᠷ ᠠᠪᠴᠢᠷᠠᠵᠤ ᠠᠮᠤᠷ ᠠᠮᠤᠭᠤᠯᠠᠩ ᠢ ᠴᠢᠨᠦ ᠬᠠᠷᠠᠭᠠᠯᠵᠠᠭᠴᠢ ᠵᠥᠪ ᠢ ᠴᠢᠨᠦ ᠵᠠᠬᠢᠷᠤᠭᠴᠢ ᠪᠣᠯᠭᠠᠨᠠ᠃
18 ᠨᠤᠲᠤᠭ ᠲᠤ ᠴᠢᠨᠢ ᠳᠠᠬᠢᠭᠠᠳ ᠬᠦᠴᠦᠷᠬᠡᠭᠯᠡᠯ ᠰᠣᠨᠣᠰᠳᠠᠬᠤ ᠦᠭᠡᠢ ᠬᠢᠯᠢ ᠬᠢᠵᠠᠭᠠᠷ ᠤᠨ ᠴᠢᠨᠢ ᠳᠣᠲᠣᠷᠠ ᠬᠣᠬᠢᠷᠠᠯ ᠪᠠ ᠰᠦᠢᠷᠡᠯ ᠰᠣᠨᠣᠰᠳᠠᠬᠤ ᠪᠠᠨ ᠪᠣᠯᠢᠨᠠ ᠴᠢ ᠬᠠᠨᠠ ᠬᠡᠷᠡᠮ ᠢᠶᠡᠨ ᠠᠪᠤᠷᠠᠯ ᠬᠠᠭᠠᠯᠭᠠ ᠪᠠᠨ ᠮᠠᠭᠲᠠᠭᠠᠯ ᠭᠡᠵᠦ ᠳᠠᠭᠤᠳᠠᠨᠠ᠃
19 ᠨᠠᠷᠠ ᠡᠳᠦᠷ ᠢᠶᠡᠷ ᠴᠢᠨᠦ ᠭᠡᠷᠡᠯ ᠪᠠᠢᠬᠤ ᠪᠠᠨ ᠪᠣᠯᠢᠵᠤ ᠰᠠᠷᠠᠨ ᠤ ᠲᠤᠶᠠᠭᠠ ᠴᠢᠮᠠᠶᠢ ᠭᠡᠶᠢᠭᠦᠯᠬᠦ ᠪᠡᠨ ᠪᠣᠯᠢᠨᠠ ᠬᠠᠷᠢᠨ ᠶᠣᠬᠣᠸᠠ ᠴᠢᠨᠦ ᠡᠭᠦᠷᠢᠳᠡ ᠶᠢᠨ ᠭᠡᠷᠡᠯ ᠪᠣᠯᠵᠤ ᠴᠢᠨᠦ ᠪᠤᠷᠬᠠᠨ ᠴᠢᠨᠦ ᠠᠯᠳᠠᠷ ᠪᠣᠯᠣᠨᠠ᠃
20 ᠨᠠᠷᠠ ᠴᠢᠨᠢ ᠳᠠᠬᠢᠨ ᠰᠢᠩᠭᠡᠬᠦ ᠦᠭᠡᠢ ᠰᠠᠷᠠ ᠴᠢᠨᠢ ᠳᠠᠬᠢᠨ ᠬᠠᠪᠢᠷᠭᠠᠯᠠᠬᠤ ᠦᠭᠡᠢ ᠤᠴᠢᠷ ᠨᠢ ᠶᠣᠬᠣᠸᠠ ᠴᠢᠨᠦ ᠡᠭᠦᠷᠢᠳᠡ ᠶᠢᠨ ᠭᠡᠷᠡᠯ ᠪᠣᠯᠵᠤ ᠭᠠᠰᠢᠭᠤᠳᠠᠯ ᠤᠨ ᠡᠳᠦᠷ ᠤᠳ ᠴᠢᠨᠢ ᠲᠡᠭᠦᠰᠦᠨᠡ᠃
21 ᠲᠡᠭᠡᠬᠦ ᠳᠦ ᠠᠷᠠᠳ ᠲᠦᠮᠡᠨ ᠴᠢᠨᠢ ᠪᠦᠭᠦᠳᠡ ᠵᠥᠪᠲᠡᠨ ᠪᠣᠯᠵᠤ ᠭᠠᠵᠠᠷ ᠢ ᠮᠥᠩᠬᠡᠳᠡ ᠡᠵᠡᠮᠰᠢᠨᠡ ᠲᠡᠳᠡ ᠪᠣᠯ ᠮᠢᠨᠦ ᠠᠯᠳᠠᠷ ᠤᠨ ᠢᠶᠠᠨ ᠲᠥᠯᠥᠭᠡ ᠲᠠᠷᠢᠭᠰᠠᠨ ᠮᠥᠴᠢᠷ ᠭᠠᠷ ᠢᠶᠠᠷ ᠢᠶᠠᠨ ᠬᠢᠭᠰᠡᠨ ᠮᠢᠨᠦ ᠪᠦᠲᠦᠭᠡᠯ
22 ᠬᠠᠮᠤᠭ ᠤᠨ ᠪᠠᠭᠠ ᠨᠢ ᠮᠢᠩ᠋ᠭᠠ ᠪᠣᠯᠵᠤ ᠬᠠᠮᠤᠭ ᠤᠨ ᠳᠣᠷᠣᠢ ᠨᠢ ᠬᠦᠴᠦᠷᠬᠡᠭ ᠦᠨᠳᠦᠰᠦᠲᠡᠨ ᠪᠣᠯᠣᠨᠠ ᠶᠣᠬᠣᠸᠠ ᠪᠢ ᠴᠠᠭ ᠲᠤᠨᠢ ᠶᠠᠭᠠᠷᠠᠯᠲᠠᠢ ᠭᠦᠢᠴᠡᠳᠬᠡᠨᠡ᠃》