ᠢᠰᠠᠢᠶᠠ ᠲᠠᠪᠢᠨ ᠨᠢᠭᠡ
ᠠᠪᠤᠷᠠᠯ ᠤᠨ ᠠᠮᠠᠯᠠᠯᠲᠠ
1 《ᠮᠢᠨᠦᠬᠢ ᠶᠢ ᠰᠣᠨᠣᠰ᠂ ᠵᠥᠪ ᠢ ᠬᠥᠭᠡᠭᠡᠴᠡᠯᠳᠦᠨ ᠶᠣᠬᠣᠸᠠ ᠶᠢ ᠬᠠᠢᠭᠴᠢᠳ ᠡ᠂ ᠲᠠ ᠨᠠᠷ ᠢ ᠭᠠᠷᠭᠠᠬᠤ ᠭᠡᠵᠦ ᠴᠠᠪᠴᠢᠭᠤᠯᠤᠭᠰᠠᠨ ᠬᠠᠳᠠ ᠪᠠᠨ ᠰᠠᠨᠠ ᠲᠠ ᠨᠠᠷ ᠢ ᠭᠠᠷᠭᠠᠬᠤ ᠭᠡᠵᠦ ᠤᠬᠤᠭᠤᠯᠤᠭᠰᠠᠨ ᠨᠦᠬᠡ ᠪᠡᠨ ᠰᠠᠨᠠ
2 ᠮᠥᠨ ᠡᠪᠦᠭᠡ ᠠᠪᠷᠠᠬᠠᠮ ᠢᠶᠠᠨ᠂ ᠪᠠᠰᠠ ᠥᠪᠡᠷᠰᠡᠳ ᠢ ᠴᠢᠨᠢ ᠲᠥᠷᠥᠭᠦᠯᠦᠭᠰᠡᠨ ᠰᠠᠷᠠᠾ ᠢ ᠰᠠᠨᠠ ᠪᠢ ᠲᠡᠭᠦᠨ ᠢ ᠭᠠᠭᠴᠠᠭᠠᠷ ᠢᠶᠠᠨ ᠪᠠᠢᠬᠤ ᠳᠤᠨᠢ ᠳᠠᠭᠤᠳᠠᠭᠠᠳ᠂ ᠢᠪᠡᠭᠡᠵᠦ᠂ ᠥᠨᠢᠷ ᠥᠳᠬᠡᠨ ᠪᠣᠯᠭᠠᠭᠰᠠᠨ ᠶᠤᠮ᠃
3 ᠲᠡᠢᠨ ᠬᠦ ᠶᠣᠬᠣᠸᠠ ᠽᠢᠶᠣᠨ ᠢ ᠲᠠᠢᠪᠤᠰᠢᠷᠠᠭᠤᠯᠤᠨᠠ᠂ ᠬᠣᠭᠣᠰᠣᠷᠠᠭᠰᠠᠨ ᠭᠠᠵᠠᠷ ᠪᠣᠯᠭᠠᠨ ᠢ ᠨᠢ ᠲᠠᠢᠪᠤᠰᠢᠷᠠᠭᠤᠯᠵᠤ ᠵᠡᠯᠢᠭᠦᠳ ᠲᠠᠯᠠ ᠶᠢ ᠨᠢ ᠡᠳᠧᠨ ᠰᠢᠭ ᠴᠥᠯ ᠢ ᠨᠢ ᠶᠣᠬᠣᠸᠠ ᠶᠢᠨ ᠴᠡᠴᠡᠷᠯᠢᠭ ᠮᠡᠲᠦ ᠪᠣᠯᠭᠠᠨᠠ᠂ ᠲᠡᠨᠳᠡ ᠪᠠᠶᠠᠷ ᠪᠠᠶᠠᠰᠬᠤᠯᠠᠩ ᠪᠠ ᠲᠠᠯᠠᠷᠬᠠᠯ ᠤᠨ ᠠᠶᠠ ᠳᠠᠭᠤᠤ ᠪᠠᠢᠬᠤ ᠪᠣᠯᠣᠨᠠ᠃
4 ᠨᠠᠳᠠ ᠤᠷᠤᠭᠤ ᠠᠩ᠋ᠬᠠᠷ᠂ ᠠᠷᠠᠳ ᠲᠦᠮᠡᠨ ᠮᠢᠨᠢ᠂ ᠨᠠᠳᠠ ᠤᠷᠤᠭᠤ ᠴᠢᠬᠢ ᠲᠠᠯᠪᠢ᠂ ᠦᠨᠳᠦᠰᠦᠲᠡᠨ ᠮᠢᠨᠢ᠂ ᠨᠠᠳᠠ ᠠᠴᠠ ᠰᠤᠷᠭᠠᠯ ᠭᠠᠷᠤᠨᠠ ᠪᠢ ᠰᠢᠳᠤᠷᠭᠤ ᠶᠣᠰᠣ ᠪᠠᠨ ᠦᠨᠳᠦᠰᠦᠲᠡᠨ ᠨᠦᠭᠦᠳ ᠦᠨ ᠭᠡᠷᠡᠯ ᠪᠣᠯᠭᠠᠵᠤ ᠲᠣᠭᠲᠠᠭᠠᠨᠠ᠃
5 ᠵᠥᠪ ᠮᠢᠨᠢ ᠣᠢᠷᠠ ᠠᠪᠤᠷᠠᠯ ᠮᠢᠨᠢ ᠭᠠᠷᠤᠯᠠ ᠮᠤᠲᠤᠷ ᠮᠢᠨᠢ ᠦᠨᠳᠦᠰᠦᠲᠡᠨ ᠨᠦᠭᠦᠳ ᠢ ᠰᠢᠭᠦᠨᠡ ᠠᠷᠠᠯ ᠤᠳ ᠨᠠᠳᠠ ᠤᠷᠤᠭᠤ ᠲᠡᠮᠡᠦᠯᠦᠨ ᠮᠤᠲᠤᠷ ᠲᠤ ᠮᠢᠨᠢ ᠨᠠᠢᠳᠠᠨᠠ᠃
6 ᠲᠠ ᠨᠠᠷ ᠲᠩᠷᠢ ᠥᠭᠡᠳᠡ ᠨᠢᠳᠦ ᠪᠡᠨ ᠡᠷᠭᠦᠨ ᠳᠣᠭᠣᠭᠰᠢ ᠪᠠᠨ ᠭᠠᠵᠠᠷ ᠤᠷᠤᠭᠤ ᠬᠠᠷᠠ ᠲᠩᠷᠢ ᠤᠲᠤᠭᠠ ᠮᠡᠲᠦ ᠠᠷᠢᠯᠵᠤ ᠭᠠᠵᠠᠷ ᠬᠤᠪᠴᠠᠰᠤ ᠮᠡᠲᠦ ᠡᠯᠡᠭᠳᠡᠨ ᠰᠠᠭᠤᠭᠠᠯᠢᠴᠢᠳ ᠨᠢ ᠰᠢᠮᠠᠭᠤᠯ ᠮᠡᠲᠦ ᠦᠬᠦᠵᠡᠭᠡᠨᠡ᠂ ᠬᠠᠷᠢᠨ ᠵᠥᠪ ᠮᠢᠨᠢ ᠮᠥᠬᠥᠬᠦ ᠦᠭᠡᠢ ᠠᠪᠤᠷᠠᠯ ᠮᠢᠨᠢ ᠮᠥᠩᠬᠡᠳᠡ᠃
7 ᠮᠢᠨᠦᠬᠢ ᠶᠢ ᠰᠣᠨᠣᠰ᠂ ᠵᠥᠪ ᠢ ᠮᠡᠳᠡᠳᠡᠭ᠂ ᠵᠢᠷᠦᠬᠡᠨ ᠳᠦᠨᠢ ᠰᠤᠷᠭᠠᠯ ᠮᠢᠨᠢ ᠪᠠᠢᠳᠠᠭ ᠠᠷᠠᠳ ᠲᠦᠮᠡᠨ ᠡ ᠬᠥᠮᠦᠨ ᠦ ᠳᠣᠷᠣᠮᠵᠢᠯᠠᠯ ᠠᠴᠠ ᠪᠦᠦ ᠠᠶᠤ ᠭᠦᠳᠬᠡᠯ ᠡᠴᠡ ᠨᠢ ᠪᠦᠦ ᠰᠦᠷᠳᠡ᠃
8 ᠬᠦᠷᠢᠳ ᠬᠣᠷᠣᠬᠠᠢ ᠲᠡᠳᠡᠨ ᠢ ᠬᠤᠪᠴᠠᠰᠤ ᠢᠳᠡᠬᠦ ᠮᠡᠲᠦ ᠢᠳᠡᠵᠦ ᠥᠲᠥ ᠬᠣᠷᠣᠬᠠᠢ ᠲᠡᠳᠡᠨ ᠢ ᠨᠣᠣᠰᠣ ᠢᠳᠡᠬᠦ ᠮᠡᠲᠦ ᠢᠳᠡᠨᠡ ᠬᠠᠷᠢᠨ ᠵᠥᠪ ᠮᠢᠨᠢ ᠮᠥᠩᠬᠡᠳᠡ ᠠᠪᠤᠷᠠᠯ ᠮᠢᠨᠢ ᠦᠶᠡ ᠶᠢᠨ ᠦᠶᠡ ᠳᠦ ᠣᠷᠣᠰᠢᠨᠠ᠃》
9 ᠶᠣᠬᠣᠸᠠ ᠶᠢᠨ ᠮᠤᠲᠤᠷ ᠡ᠂ ᠰᠡᠷᠢᠭᠡᠴᠢ᠂ ᠰᠡᠷᠢᠭᠡᠴᠢ︕ ᠰᠦᠷ ᠬᠦᠴᠦ ᠪᠡᠨ ᠨᠥᠮᠥᠷᠥᠭᠡᠴᠢ ᠥᠨᠢ ᠡᠷᠲᠡᠨ ᠦ ᠦᠶᠡ᠂ ᠥᠩᠭᠡᠷᠡᠭᠰᠡᠨ ᠡᠳᠦᠷ ᠤᠳ ᠤᠨ ᠬᠢ ᠰᠢᠭ ᠢᠶᠠᠨ ᠰᠡᠷᠢᠭᠡᠴᠢ ᠷᠠᠬᠠᠪ 20 ᠢ ᠴᠠᠪᠴᠢᠵᠤ᠂ ᠯᠤᠤ ᠶᠢ ᠴᠣᠭᠣ ᠬᠠᠳᠬᠤᠭᠰᠠᠨ ᠨᠢ ᠲᠠ ᠪᠢᠰᠢ ᠤᠤ︖
10 ᠳᠠᠯᠠᠢ ᠶᠢᠨ ᠦᠯᠡᠮᠵᠢ ᠭᠦᠨ ᠤᠰᠤ ᠶᠢ ᠰᠢᠷᠭᠢᠭᠡᠨ ᠳᠠᠯᠠᠢ ᠶᠢᠨ ᠭᠦᠨ ᠳᠦ ᠵᠠᠮ ᠲᠠᠯᠪᠢᠵᠤ ᠵᠣᠯᠢᠭᠳᠠᠭᠰᠠᠳ ᠢᠶᠠᠨ ᠭᠠᠲᠤᠯᠤᠭᠤᠯᠤᠭᠰᠠᠨ ᠨᠢ ᠲᠠ ᠪᠢᠰᠢ ᠤᠤ︖
11 ᠶᠣᠬᠣᠸᠠ ᠶᠢᠨ ᠵᠣᠯᠢᠨ ᠠᠪᠤᠭᠰᠠᠳ ᠡᠷᠭᠢᠵᠦ ᠽᠢᠶᠣᠨ ᠤᠷᠤᠭᠤ ᠳᠠᠭᠤᠤ ᠳᠠᠭᠤᠯᠠᠨ ᠢᠷᠡᠨᠡ ᠲᠣᠯᠣᠭᠠᠢ ᠳᠡᠭᠡᠷᠡ ᠨᠢ ᠮᠥᠩᠬᠡ ᠶᠢᠨ ᠪᠠᠶᠠᠰᠬᠤᠯᠠᠩ ᠪᠠᠢᠨᠠ ᠪᠠᠶᠠᠷ ᠬᠥᠷ ᠲᠡᠳᠡᠨ ᠢ ᠨᠥᠮᠥᠷᠴᠦ᠂ ᠭᠤᠨᠢᠭ ᠭᠠᠰᠠᠯᠠᠩ ᠨᠢ ᠳᠠᠯᠳᠠ ᠣᠷᠣᠨᠠ᠃
12 《ᠪᠢ᠂ ᠪᠢ ᠯᠠ ᠲᠠ ᠨᠠᠷ ᠤᠨ ᠲᠠᠢᠪᠤᠰᠢᠷᠠᠭᠤᠯᠤᠭᠴᠢ ᠪᠠᠢᠬᠤ ᠳᠤ ᠴᠢ ᠶᠠᠭᠤᠨ ᠳᠤ ᠦᠬᠦᠳᠡᠭ ᠬᠥᠮᠦᠨ ᠡᠴᠡ᠂ ᠡᠪᠡᠰᠦ ᠪᠣᠯᠳᠠᠭ ᠬᠥᠮᠦᠨ ᠦ ᠦᠷᠡ ᠡᠴᠡ ᠠᠶᠤᠳᠠᠭ ᠶᠤᠮ ᠪᠤᠢ︖
13 ᠲᠩᠷᠢ ᠶᠢ ᠳᠡᠯᠭᠡᠵᠦ᠂ ᠭᠠᠵᠠᠷ ᠤᠨ ᠰᠠᠭᠤᠷᠢ ᠶᠢ ᠲᠠᠯᠪᠢᠭᠰᠠᠨ ᠪᠦᠲᠦᠭᠡᠭᠴᠢ ᠶᠣᠬᠣᠸᠠ ᠪᠠᠨ ᠴᠢ ᠮᠠᠷᠲᠠᠵᠠᠢ᠂ ᠤᠰᠠᠳᠬᠠᠬᠤ ᠭᠡᠵᠦ ᠪᠠᠢᠭᠠ ᠳᠠᠷᠤᠯᠠᠭᠴᠢ ᠶᠢᠨ ᠢᠶᠠᠨ ᠠᠭᠤᠷᠯᠠᠬᠤ ᠠᠴᠠ ᠴᠢ ᠡᠳᠦᠷᠵᠢᠨ᠂ ᠦᠷᠭᠦᠯᠵᠢ ᠠᠶᠤᠳᠠᠭ᠂ ᠭᠡᠪᠡᠴᠦ ᠳᠠᠷᠤᠯᠠᠭᠴᠢ ᠶᠢᠨ ᠠᠭᠤᠷ ᠬᠠᠮᠢᠭᠠ ᠪᠠᠢᠨᠠ︖
14 ᠣᠯᠵᠠᠯᠠᠭᠳᠠᠭᠰᠠᠳ ᠤᠳᠠᠬᠤ ᠦᠭᠡᠢ ᠰᠤᠯᠠᠯᠠᠭᠳᠠᠨᠠ ᠲᠡᠳᠡ ᠨᠦᠬᠡᠨ ᠳᠦ ᠣᠷᠣᠬᠤ ᠦᠭᠡᠢ ᠬᠦᠨᠡᠰᠦ ᠨᠢ ᠳᠤᠲᠠᠬᠤ ᠦᠭᠡᠢ᠃
15 ᠴᠢᠨᠦ ᠪᠤᠷᠬᠠᠨ ᠪᠣᠯ ᠠᠤᠭᠠ ᠬᠦᠴᠦᠲᠦ ᠶᠣᠬᠣᠸᠠ ᠭᠡᠭᠳᠡᠳᠡᠭ᠂ ᠳᠠᠪᠠᠯᠭᠠᠨ ᠲᠠᠢ ᠳᠠᠯᠠᠢ ᠶᠢ ᠬᠤᠪᠢᠶᠠᠭᠰᠠᠨ ᠶᠣᠬᠣᠸᠠ ᠪᠢ ᠶᠤᠮ᠃
16 ᠪᠢ ᠠᠮᠠᠨ ᠳᠤ ᠴᠢᠨᠢ ᠦᠭᠡ ᠪᠡᠨ ᠲᠠᠯᠪᠢᠵᠤ᠂ ᠮᠤᠲᠤᠷ ᠤᠨ ᠢᠶᠠᠨ ᠰᠡᠭᠦᠳᠡᠷ ᠢᠶᠡᠷ ᠴᠢᠮᠠ ᠶᠢ ᠳᠠᠯᠳᠠᠯᠠᠭᠰᠠᠨ ᠲᠡᠢᠨ ᠬᠦ ᠪᠢ ᠲᠩᠷᠢ ᠶᠢ ᠲᠣᠭᠲᠠᠭᠠᠵᠤ᠂ ᠭᠠᠵᠠᠷ ᠤᠨ ᠰᠠᠭᠤᠷᠢ ᠶᠢ ᠲᠠᠯᠪᠢᠨ᠂ ᠽᠢᠶᠣᠨ ᠳᠤ᠄ 〈ᠴᠢ ᠪᠣᠯ ᠮᠢᠨᠦ ᠠᠷᠠᠳ ᠲᠦᠮᠡᠨ〉 ᠭᠡᠵᠦ ᠬᠡᠯᠡᠨᠡ᠃
17 ᠶᠣᠬᠣᠸᠠ ᠶᠢᠨ ᠮᠤᠲᠤᠷ ᠳᠠᠬᠢ ᠬᠢᠯᠢᠩ ᠤᠨ ᠠᠶᠠᠭᠠᠨ ᠠᠴᠠ ᠤᠤᠭᠤᠭᠰᠠᠨ ᠭᠤᠢᠪᠢᠭᠤᠯᠳᠠᠭ ᠠᠶᠠᠭᠠᠨ ᠠᠴᠠ ᠰᠢᠪᠬᠠᠷᠤᠤ ᠶᠢ ᠨᠢ ᠬᠦᠷᠲᠡᠯᠡ ᠰᠢᠷᠭᠢᠲᠡᠯᠡ ᠤᠤᠭᠤᠭᠰᠠᠨ ᠶᠧᠷᠦ᠋ᠰᠠᠯᠧᠮ ᠡ ᠰᠡᠷᠢ᠂ ᠰᠡᠷᠢ᠂ ᠪᠣᠰ᠂
18 ᠲᠥᠷᠥᠭᠦᠯᠦᠭᠰᠡᠨ ᠬᠠᠮᠤᠭ ᠬᠥᠪᠡᠭᠦᠨ ᠦ ᠬᠢᠨᠢ ᠳᠤᠮᠳᠠ ᠥᠪᠡᠷ ᠢ ᠨᠢ ᠬᠥᠲᠥᠯᠦᠭᠴᠢ ᠠᠯᠠᠭᠠ ᠥᠰᠭᠡᠭᠰᠡᠨ ᠬᠠᠮᠤᠭ ᠬᠥᠪᠡᠭᠦᠨ ᠦ ᠬᠢᠨᠢ ᠳᠤᠮᠳᠠ ᠭᠠᠷ ᠠᠴᠠ ᠨᠢ ᠠᠳᠬᠤᠭᠴᠢ ᠠᠯᠠᠭᠠ ᠪᠠᠢᠭᠰᠠᠨ ᠠᠵᠢ᠃
19 ᠴᠢᠮᠠ ᠳᠤ ᠬᠣᠶᠠᠷ ᠭᠠᠢ ᠲᠣᠬᠢᠶᠠᠯᠳᠤᠭᠰᠠᠨ ᠴᠢᠨᠦ ᠲᠥᠯᠥᠭᠡ ᠬᠡᠨ ᠭᠠᠰᠢᠭᠤᠳᠠᠬᠤ ᠪᠤᠢ︖ ᠦᠭᠡᠶᠢᠷᠡᠯ ᠪᠠ ᠰᠦᠢᠷᠡᠯ᠂ ᠥᠯᠥᠰᠬᠥᠯᠡᠩ ᠪᠠ ᠢᠯᠳᠦ ᠪᠠᠢᠨᠠ ᠬᠡᠨ ᠴᠢᠮᠠᠶᠢ ᠲᠠᠢᠪᠤᠰᠢᠷᠠᠭᠤᠯᠬᠤ ᠪᠤᠢ︖
20 ᠬᠡᠦᠬᠡᠳ ᠤᠳ ᠴᠢᠨᠢ ᠰᠤᠯᠠᠳᠠᠵᠠᠢ ᠭᠤᠳᠤᠮᠵᠢ ᠪᠦᠷᠢ ᠶᠢᠨ ᠡᠬᠢᠨ ᠳᠤ ᠲᠣᠣᠷ ᠲᠤ ᠣᠷᠣᠭᠰᠠᠨ ᠭᠥᠷᠥᠭᠡᠰᠦ ᠰᠢᠭ ᠬᠡᠪᠲᠡᠪᠡ ᠶᠣᠬᠣᠸᠠ ᠶᠢᠨ ᠬᠢᠯᠢᠩ᠂ ᠴᠢᠨᠦ ᠪᠤᠷᠬᠠᠨ ᠤ ᠭᠡᠰᠬᠡᠯᠲᠡ ᠳᠦᠭᠦᠷᠡᠩ ᠪᠠᠢᠨᠠ᠃
21 ᠬᠠᠷᠢᠨ ᠣᠳᠣ ᠡᠭᠦᠨ ᠢ ᠰᠣᠨᠣᠰ ᠳᠠᠷᠠᠰᠤ ᠤᠤᠭᠤᠭᠠ ᠦᠭᠡᠢ᠂ ᠵᠣᠪᠠᠯᠠᠩ ᠢᠶᠠᠷ ᠰᠣᠭᠲᠣᠭᠰᠠᠨ ᠴᠢ᠂
22 ᠴᠢᠨᠦ ᠡᠵᠡᠨ ᠶᠣᠬᠣᠸᠠ᠂ ᠠᠷᠠᠳ ᠲᠦᠮᠡᠨ ᠢᠶᠡᠨ ᠥᠮᠥᠭᠯᠡᠭᠴᠢ ᠪᠤᠷᠬᠠᠨ ᠴᠢᠨᠢ ᠡᠢᠨ ᠬᠦ ᠠᠢᠯᠠᠳᠴᠤ ᠪᠠᠢᠨᠠ᠄ 《ᠬᠠᠷᠠ᠂ ᠪᠢ ᠭᠠᠷ ᠠᠴᠠ ᠴᠢᠨᠢ ᠭᠤᠢᠪᠢᠭᠤᠯᠳᠠᠭ ᠠᠶᠠᠭᠠ ᠶᠢ ᠠᠪᠤᠯᠠ ᠮᠢᠨᠦ ᠬᠢᠯᠢᠩ ᠤᠨ ᠠᠶᠠᠭᠠᠨ ᠠᠴᠠ ᠴᠢ ᠳᠠᠬᠢᠭᠠᠳ ᠤᠤᠭᠤᠬᠤ ᠦᠭᠡᠢ᠃
23 ᠲᠡᠷᠡ ᠠᠶᠠᠭᠠ ᠶᠢ ᠪᠢ ᠴᠢᠮᠠᠶᠢ ᠵᠣᠪᠠᠭᠠᠭᠴᠢᠳ ᠤᠨ ᠭᠠᠷ ᠳᠡᠭᠡᠷᠡ ᠲᠠᠯᠪᠢᠨᠠ ᠲᠡᠳᠡ᠄ 〈ᠪᠥᠬᠥᠢ᠂ ᠪᠢᠳᠡ ᠳᠡᠭᠡᠭᠦᠷ ᠴᠢᠨᠢ ᠥᠩᠭᠡᠷᠡᠨᠡ〉 ᠭᠡᠵᠦ ᠪᠠᠢᠭᠰᠠᠨ᠂ ᠳᠡᠭᠡᠭᠦᠷ ᠴᠢᠨᠢ ᠥᠩᠭᠡᠷᠡᠭᠰᠡᠳ ᠦᠨ ᠲᠥᠯᠥᠭᠡ ᠴᠢ ᠨᠢᠷᠤᠭᠤ ᠪᠠᠨ ᠭᠠᠵᠠᠷ ᠮᠡᠲᠦ ᠭᠤᠳᠤᠮᠵᠢ ᠮᠡᠲᠦ ᠪᠣᠯᠭᠠᠵᠠᠢ᠃》