ᠢᠰᠠᠢᠶᠠ ᠠᠷᠪᠠᠨ ᠳᠥᠷᠪᠡ
1 ᠶᠣᠬᠣᠸᠠ ᠶᠠᠺᠣᠪ ᠢ ᠥᠷᠥ ᠡᠪᠡᠳᠦᠨ᠂ ᠢᠰᠷᠧᠯ ᠢ ᠳᠠᠬᠢᠨ ᠰᠣᠩ᠋ᠭᠣᠵᠤ᠂ ᠥᠪᠡᠷ ᠦᠨ ᠬᠢᠨᠢ ᠨᠤᠲᠤᠭ ᠲᠤ ᠰᠠᠭᠤᠷᠢᠰᠢᠭᠤᠯᠤᠨᠠ᠂ ᠬᠠᠷᠢ ᠶᠢᠨ ᠬᠥᠮᠦᠰ ᠲᠡᠳᠡᠨ ᠲᠡᠢ ᠨᠡᠢᠯᠡᠵᠦ᠂ ᠶᠠᠺᠣᠪ ᠤᠨ ᠭᠡᠷ ᠲᠦ ᠨᠢᠭᠡᠳᠦᠨᠡ᠃ 2 ᠦᠨᠳᠦᠰᠦᠲᠡᠨ ᠨᠦᠭᠦᠳ ᠲᠡᠳᠡᠨ ᠢ ᠥᠪᠡᠷᠰᠡᠳ ᠦᠨ ᠬᠢᠨᠢ ᠨᠤᠲᠤᠭ ᠲᠤ ᠠᠪᠴᠢᠷᠠᠨᠠ᠃ ᠢᠰᠷᠧᠯ ᠤᠨ ᠭᠡᠷ ᠶᠣᠬᠣᠸᠠ ᠶᠢᠨ ᠨᠤᠲᠤᠭ ᠲᠤ ᠲᠡᠳᠡᠨ ᠢ ᠵᠠᠷᠤᠴᠠ ᠰᠢᠪᠡᠭᠴᠢᠳ ᠪᠣᠯᠭᠠᠨ ᠡᠵᠡᠮᠰᠢᠵᠦ᠂ ᠥᠪᠡᠷᠰᠡᠳ ᠢ ᠨᠢ ᠣᠯᠵᠠᠯᠠᠭᠰᠠᠳ ᠢ ᠣᠯᠵᠠᠯᠠᠨ ᠥᠪᠡᠷᠰᠡᠳ ᠢ ᠨᠢ ᠳᠠᠷᠤᠯᠠᠭᠴᠢᠳ ᠢ ᠵᠠᠬᠢᠷᠬᠤ ᠪᠣᠯᠣᠨᠠ᠃
3 ᠶᠣᠬᠣᠸᠠ ᠴᠢᠮᠠᠶᠢ ᠵᠣᠪᠠᠯᠠᠩ᠂ ᠵᠦᠳᠡᠭᠦᠷᠢ ᠪᠣᠯᠣᠨ ᠬᠦᠨᠳᠦ ᠪᠣᠭᠣᠯᠴᠢᠯᠠᠯ ᠠᠴᠠ ᠴᠢᠨᠢ ᠠᠮᠠᠷᠠᠭᠠᠬᠤ ᠡᠳᠦᠷ 4 ᠴᠢ ᠪᠠᠪᠢᠯᠣᠨ ᠤ ᠬᠠᠭᠠᠨ ᠢ ᠶᠥᠭᠡᠳᠡᠨ ᠡᠢᠨ ᠬᠦ ᠳᠠᠭᠤᠯᠠᠨᠠ᠄ 《ᠥ᠂ ᠳᠠᠷᠤᠩ᠋ᠭᠤᠢᠯᠠᠭᠴᠢ ᠳᠠᠭᠤᠰᠤᠯᠠ ᠳᠣᠭᠰᠢᠨ ᠶᠠᠪᠤᠳᠠᠯ ᠨᠢ ᠳᠠᠭᠤᠰᠤᠯᠠ
5 ᠪᠤᠷᠤᠭᠤᠲᠠᠳ ᠤᠨ ᠰᠢᠳᠠᠮ ᠢ ᠵᠠᠬᠢᠷᠤᠭᠴᠢᠳ ᠤᠨ ᠲᠠᠶᠠᠭ ᠢ ᠶᠣᠬᠣᠸᠠ ᠬᠤᠭᠤᠯᠵᠠᠢ᠃
6 ᠲᠡᠳᠡ ᠠᠭᠤᠷ ᠲᠠᠢ ᠪᠠᠷ ᠦᠨᠳᠦᠰᠦᠲᠡᠨ ᠨᠦᠭᠦᠳ ᠢ ᠵᠣᠭᠰᠣᠯᠲᠠ ᠦᠭᠡᠢ ᠴᠣᠬᠢᠯᠠᠨ ᠴᠣᠬᠢᠯᠠᠭᠰᠠᠭᠠᠷ ᠬᠢᠯᠢᠩ ᠲᠠᠢ ᠪᠠᠷ ᠭᠦᠷᠦᠨ ᠨᠦᠭᠦᠳ ᠢ ᠬᠣᠷᠢᠭᠠ ᠦᠭᠡᠢ ᠳᠠᠷᠤᠯᠠᠨ ᠳᠠᠷᠤᠯᠠᠭᠰᠠᠭᠠᠷ ᠪᠠᠢᠭᠰᠠᠨ᠂
7 ᠪᠦᠬᠦ ᠭᠠᠵᠠᠷ ᠠᠮᠤᠷ ᠵᠢᠮᠦᠷ ᠪᠣᠯᠣᠯᠠ ᠪᠠᠶᠠᠷ ᠤᠨ ᠤᠤᠬᠠᠢ ᠬᠠᠳᠠᠵᠤ ᠪᠠᠢᠨᠠ᠂
8 ᠴᠢᠨᠦ ᠤᠯᠠᠮ ᠢᠶᠠᠷ ᠨᠠᠷᠠᠰᠤ ᠨᠤᠭᠤᠳ ᠴᠤ᠂ ᠯᠧᠪᠠᠨᠣᠨ ᠤ ᠬᠤᠱᠢ ᠮᠣᠳᠣ ᠴᠤ ᠪᠠᠶᠠᠷᠯᠠᠨ᠄ 〈ᠴᠢ ᠤᠨᠠᠵᠠᠢ᠂ ᠪᠢᠳᠡᠨ ᠢ ᠴᠠᠪᠴᠢᠬᠤ ᠪᠠᠷ ᠢᠷᠡᠬᠦ ᠬᠥᠮᠦᠨ ᠠᠯᠠᠭᠠ ᠪᠣᠯᠣᠯᠠ〉 ᠭᠡᠨᠡ᠃
9 ᠴᠢᠮᠠᠶᠢ ᠬᠦᠯᠢᠶᠡᠨ ᠠᠪᠬᠤ ᠪᠠᠷ ᠳᠣᠣᠷᠠ ᠠᠴᠠ ᠦᠬᠦᠭᠰᠡᠳ ᠦᠨ ᠣᠷᠣᠨ ᠬᠥᠭᠡᠷᠴᠦ ᠴᠢᠮᠠᠶᠢ ᠤᠭᠲᠤᠬᠤ ᠪᠠᠷ ᠦᠬᠦᠭᠰᠡᠳ ᠪᠣᠯᠣᠨ ᠳᠡᠯᠡᠬᠡᠢ ᠶᠢᠨ ᠤᠳᠤᠷᠢᠳᠤᠭᠴᠢᠳ ᠪᠠᠢᠭᠰᠠᠨ ᠪᠦᠭᠦᠳᠡ ᠶᠢ ᠰᠡᠷᠢᠭᠡᠨ ᠦᠨᠳᠦᠰᠦᠲᠡᠨ ᠨᠦᠭᠦᠳ ᠦᠨ ᠬᠠᠭᠠᠳ ᠪᠠᠢᠭᠰᠠᠨ ᠪᠦᠭᠦᠳᠡ ᠶᠢ ᠰᠡᠨᠲᠢ ᠡᠴᠡ ᠨᠢ ᠪᠣᠰᠬᠠᠨᠠ᠃
10 ᠲᠡᠳᠡ ᠪᠦᠭᠦᠳᠡ ᠴᠢᠮᠠ ᠳᠤ ᠦᠭᠡ ᠶᠠᠷᠢᠵᠤ᠄ 〈ᠴᠢ ᠴᠤ ᠪᠢᠳᠡᠨ ᠲᠡᠢ ᠠᠳᠠᠯᠢ ᠪᠢᠳᠡ ᠰᠢᠭ ᠳᠣᠷᠣᠢ ᠪᠣᠯᠵᠠᠢ
11 ᠢᠷᠠᠭᠤ ᠠᠯᠳᠠᠷ ᠴᠢᠨᠢ ᠶᠠᠲᠤᠭᠠ ᠶᠢᠨ ᠴᠢᠨᠢ ᠳᠠᠭᠤ ᠲᠠᠢ ᠬᠠᠮᠲᠤ ᠦᠬᠦᠭᠰᠡᠳ ᠦᠨ ᠣᠷᠣᠨ ᠤᠷᠤᠭᠤ ᠤᠷᠤᠭᠤᠳᠠᠵᠠᠢ ᠥᠲᠥ ᠨᠢ ᠴᠢᠨᠦ ᠳᠡᠪᠢᠰᠬᠡᠷ ᠬᠣᠷᠣᠬᠠᠢ ᠴᠢᠨᠦ ᠬᠥᠨᠵᠢᠯᠡ ᠪᠣᠯᠣᠨᠠ〉 ᠭᠡᠨᠡ᠂
12 ᠥ᠂ ᠦᠷ ᠦᠨ ᠬᠦᠦ᠂ ᠭᠢᠯᠪᠠᠭᠠᠲᠤ ᠴᠣᠯᠮᠣᠨ ᠴᠢ ᠲᠩᠷᠢ ᠡᠴᠡ ᠤᠨᠠᠪᠠ ᠦᠨᠳᠦᠰᠦᠲᠡᠨ ᠨᠦᠭᠦᠳ ᠢ ᠡᠵᠡᠯᠡᠭᠰᠡᠨ ᠴᠢ ᠴᠠᠪᠴᠢᠭᠳᠠᠨ ᠭᠠᠵᠠᠷ ᠲᠤ ᠬᠠᠶᠠᠭᠳᠠᠪᠠ︕
13 ᠤᠴᠢᠷ ᠨᠢ ᠴᠢ ᠰᠡᠳᠬᠢᠯ ᠳᠡᠭᠡᠨ 〈ᠪᠢ ᠲᠩᠷᠢ ᠥᠭᠡᠳᠡ ᠭᠠᠷᠤᠨᠠ ᠪᠢ ᠪᠤᠷᠬᠠᠨ ᠤ ᠣᠳᠣᠳ ᠤᠨ ᠳᠡᠭᠡᠷᠡ ᠰᠡᠨᠲᠢ ᠪᠠᠨ ᠪᠣᠰᠬᠠᠨᠠ ᠬᠤᠷᠠᠯ ᠤᠨ ᠠᠭᠤᠯᠠᠨ ᠳᠡᠭᠡᠷᠡ᠂ ᠠᠷᠢᠭᠤᠨ ᠠᠭᠤᠯᠠ ᠶᠢᠨ ᠣᠷᠣᠢ ᠳᠡᠭᠡᠷᠡ ᠵᠠᠯᠠᠷᠠᠨᠠ᠃
14 ᠪᠢ ᠡᠭᠦᠯᠡᠰ ᠦᠨ ᠣᠷᠣᠢ ᠳᠡᠭᠡᠭᠦᠷ ᠭᠠᠷᠤᠨᠠ ᠪᠢ ᠬᠠᠮᠤᠭ ᠤᠨ ᠳᠡᠭᠡᠳᠦ ᠨᠢᠭᠡᠨ ᠯᠦᠭᠡ ᠠᠳᠠᠯᠢ ᠪᠣᠯᠣᠨᠠ〉 ᠭᠡᠰᠡᠨ᠃
15 ᠬᠠᠷᠢᠨ ᠴᠢ ᠦᠬᠦᠭᠰᠡᠳ ᠦᠨ ᠣᠷᠣᠨ ᠤᠷᠤᠭᠤ ᠬᠠᠮᠤᠭ ᠤᠨ ᠭᠦᠨ ᠨᠦᠬᠡ ᠤᠷᠤᠭᠤ ᠬᠠᠶᠠᠭᠳᠠᠨᠠ᠃
16 ᠴᠢᠮᠠᠶᠢ ᠬᠠᠷᠠᠬᠤ ᠬᠥᠮᠦᠨ ᠪᠣᠯᠭᠠᠨ ᠴᠢᠮᠠᠶᠢ ᠠᠩ᠋ᠬᠠᠷᠤᠯ ᠲᠠᠢ ᠰᠢᠷᠲᠡᠵᠦ 〈ᠳᠡᠯᠡᠬᠡᠢ ᠶᠢ ᠳᠣᠩᠰᠣᠯᠭᠠᠨ ᠬᠠᠭᠠᠨᠴᠢᠯᠠᠯ ᠤᠳ ᠢ ᠴᠡᠴᠡᠷᠡᠭᠦᠯᠦᠭᠰᠡᠨ ᠬᠥᠮᠦᠨ ᠡᠨᠡ ᠮᠥᠨ ᠤᠤ︖
17 ᠬᠣᠷᠸᠠ ᠶᠢ ᠴᠥᠯ ᠮᠡᠲᠦ ᠬᠣᠭᠣᠰᠣᠷᠠᠭᠤᠯᠵᠤ ᠬᠣᠲᠠ ᠨᠤᠭᠤᠳ ᠢ ᠨᠢ ᠬᠥᠮᠥᠷᠢᠵᠦ ᠣᠯᠵᠠᠯᠠᠭᠰᠠᠳ ᠢᠶᠠᠨ ᠭᠡᠷ ᠲᠤᠨᠢ ᠦᠯᠦ ᠬᠠᠷᠢᠭᠤᠯᠤᠭᠰᠠᠨ ᠬᠥᠮᠦᠨ ᠡᠨᠡ ᠤᠤ︖〉 ᠭᠡᠵᠡᠭᠡᠨᠡ᠃
18 ᠦᠨᠳᠦᠰᠦᠲᠡᠨ ᠨᠦᠭᠦᠳ ᠦᠨ ᠬᠠᠭᠠᠳ ᠪᠦᠭᠦᠳᠡ ᠠᠯᠳᠠᠷ ᠳᠣᠲᠣᠷᠠ ᠥᠪᠡᠷᠰᠡᠳ ᠦᠨ ᠢᠶᠠᠨ ᠪᠤᠯᠠᠰᠢᠨ ᠳᠤ ᠬᠡᠪᠲᠡᠵᠦ ᠪᠠᠢᠬᠤ ᠳᠤ
19 ᠴᠢ ᠵᠢᠭᠰᠢᠭᠦᠷᠢᠲᠦ ᠭᠢᠰᠢᠭᠦᠦ ᠮᠡᠲᠦ ᠪᠤᠯᠠᠰᠢᠨ ᠠᠴᠠ ᠪᠠᠨ ᠭᠠᠳᠠᠨᠠ ᠬᠠᠶᠠᠭᠳᠠᠪᠠ ᠴᠢ ᠢᠯᠳᠦᠨ ᠳᠦ ᠬᠠᠳᠬᠤᠭᠤᠯᠵᠤ ᠴᠢᠯᠠᠭᠤ ᠲᠠᠢ ᠨᠦᠬᠡᠨ ᠳᠦ ᠬᠠᠶᠠᠭᠳᠠᠭᠰᠠᠨ ᠬᠡᠭᠦᠷ ᠤᠳ ᠤᠨ ᠪᠦᠲᠡᠭᠡᠯᠭᠡ ᠮᠡᠲᠦ ᠪᠣᠯᠣᠨᠠ᠃ ᠴᠢ ᠭᠢᠰᠬᠢᠭᠳᠡᠭᠰᠡᠨ ᠦᠬᠦᠳᠡᠯ ᠮᠡᠲᠦ ᠪᠣᠯᠵᠤ
20 ᠪᠤᠰᠤᠳ ᠲᠠᠢ ᠬᠠᠮᠲᠤ ᠪᠤᠯᠠᠰᠢᠨ ᠳᠤ ᠨᠡᠢᠯᠡᠬᠦ ᠦᠭᠡᠢ ᠤᠴᠢᠷ ᠨᠢ ᠴᠢ ᠥᠪᠡᠷ ᠦᠨ ᠢᠶᠠᠨ ᠨᠤᠲᠤᠭ ᠢ ᠰᠦᠢᠷᠡᠭᠦᠯᠵᠦ ᠥᠪᠡᠷ ᠦᠨ ᠢᠶᠠᠨ ᠠᠷᠠᠳ ᠲᠦᠮᠡᠨ ᠢ ᠰᠥᠨᠥᠭᠡᠭᠰᠡᠨ ᠶᠤᠮ᠃ ᠮᠠᠭᠤ ᠶᠢ ᠦᠢᠯᠡᠳᠦᠭᠴᠢ ᠶᠢᠨ ᠦᠷᠡ ᠤᠳᠤᠮ ᠳᠠᠬᠢᠨ ᠬᠡᠵᠢᠶᠡ ᠴᠤ ᠳᠤᠷᠠᠰᠤᠭᠳᠠᠬᠤ ᠦᠭᠡᠢ᠃
21 ᠬᠥᠪᠡᠭᠦᠳ ᠢ ᠨᠢ ᠡᠴᠢᠭᠡᠴᠦᠦᠯ ᠦᠨ ᠬᠢᠨᠢ ᠨᠢᠭᠦᠯ ᠦᠨ ᠤᠯᠠᠮ ᠢᠶᠠᠷ ᠴᠠᠭᠠᠵᠠᠯᠠᠬᠤ ᠲᠠᠪᠴᠠᠩ ᠢ ᠪᠡᠯᠡᠳᠬᠡᠭᠲᠦᠨ᠂ ᠲᠡᠳᠡ ᠪᠣᠰᠴᠤ ᠭᠠᠵᠠᠷ ᠢ ᠡᠵᠡᠮᠰᠢᠬᠦ ᠪᠠ ᠭᠠᠵᠠᠷ ᠢ ᠥᠪᠡᠷᠰᠡᠳ ᠦᠨ ᠢᠶᠠᠨ ᠬᠣᠲᠠᠳ ᠢᠶᠠᠷ ᠳᠦᠭᠦᠷᠭᠡᠬᠦ ᠪᠤᠢ᠃》
22 ᠠᠤᠭᠠ ᠬᠦᠴᠦᠲᠦ ᠶᠣᠬᠣᠸᠠ ᠠᠢᠯᠠᠳᠴᠤ ᠪᠠᠢᠨᠠ᠄ 《ᠪᠢ ᠲᠡᠳᠡᠨ ᠦ ᠡᠰᠡᠷᠭᠦ ᠪᠣᠰᠣᠨᠠ》᠂ 《ᠪᠢ ᠪᠠᠪᠢᠯᠣᠨ ᠤ ᠨᠡᠷᠡ ᠶᠢ᠂ ᠮᠥᠨ ᠠᠮᠢᠳᠤ ᠦᠯᠡᠳᠡᠭᠰᠡᠳ᠂ ᠦᠷᠡ ᠤᠳᠤᠮ ᠪᠠ ᠬᠣᠢᠴᠢ ᠦᠶᠡ ᠶᠢ ᠨᠢ ᠤᠰᠠᠳᠬᠠᠨᠠ᠂》 23 《ᠪᠢ ᠪᠠᠪᠢᠯᠣᠨ ᠢ ᠵᠠᠷᠠᠭᠠᠨ ᠤ ᠡᠵᠡᠮᠰᠢᠯ᠂ ᠤᠰᠤ ᠲᠠᠢ ᠨᠠᠮᠤᠭ ᠪᠣᠯᠭᠠᠵᠤ᠂ ᠰᠦᠢᠷᠡᠭᠦᠯᠦᠭᠴᠢ ᠱᠦᠭᠦᠷ ᠢᠶᠡᠷ ᠠᠷᠢᠯᠭᠠᠨᠠ᠂》 ᠠᠤᠭᠠ ᠬᠦᠴᠦᠲᠦ ᠶᠣᠬᠣᠸᠠ ᠠᠢᠯᠠᠳᠴᠤ ᠪᠠᠢᠨᠠ᠃
ᠠᠰᠢᠷᠢᠶᠠ ᠶᠢᠨ ᠲᠠᠯᠠ ᠪᠠᠷ ᠬᠢ ᠡᠰᠢ ᠦᠵᠡᠭᠦᠯᠦᠯᠭᠡ
24 ᠠᠤᠭᠠ ᠬᠦᠴᠦᠲᠦ ᠶᠣᠬᠣᠸᠠ ᠲᠠᠩ᠋ᠭᠠᠷᠢᠭᠯᠠᠨ᠄ 《ᠪᠣᠳᠣᠭᠰᠠᠨ ᠶᠣᠰᠣᠭᠠᠷ ᠮᠢᠨᠢ ᠵᠠᠪᠠᠯ ᠪᠡᠶᠡᠯᠡᠵᠦ᠂ ᠰᠢᠢᠳᠦᠭᠰᠡᠨ ᠶᠣᠰᠣᠭᠠᠷ ᠮᠢᠨᠢ ᠵᠠᠪᠠᠯ ᠪᠦᠲᠦᠨᠡ᠃ 25 ᠪᠢ ᠠᠰᠢᠷᠢᠶᠠ ᠶᠢ ᠥᠪᠡᠷ ᠦᠨ ᠢᠶᠠᠨ ᠭᠠᠵᠠᠷ ᠲᠤ ᠤᠰᠠᠳᠬᠠᠨ᠂ ᠥᠪᠡᠷ ᠦᠨ ᠢᠶᠠᠨ ᠠᠭᠤᠯᠠᠨ ᠳᠡᠭᠡᠷᠡ ᠭᠢᠰᠬᠢᠨᠡ᠃ ᠲᠡᠭᠦᠨ ᠦ ᠪᠤᠭᠤᠯᠠᠭᠠ ᠠᠷᠠᠳ ᠲᠦᠮᠡᠨ ᠡᠴᠡ ᠮᠢᠨᠢ ᠵᠠᠢᠯᠠᠵᠤ᠂ ᠲᠡᠭᠦᠨ ᠦ ᠠᠴᠢᠶᠠ ᠲᠡᠳᠡᠨ ᠦ ᠮᠥᠷᠥ ᠡᠴᠡ ᠰᠠᠯᠤᠨᠠ᠃ 26 ᠪᠦᠬᠦ ᠳᠡᠯᠡᠬᠡᠢ ᠶᠢᠨ ᠲᠥᠯᠥᠭᠡ ᠰᠢᠢᠳᠦᠭᠰᠡᠨ ᠰᠢᠢᠳᠪᠦᠷᠢ ᠡᠨᠡ᠂ ᠦᠨᠳᠦᠰᠦᠲᠡᠨ ᠨᠦᠭᠦᠳ ᠦᠨ ᠳᠡᠭᠡᠷᠡ ᠰᠤᠩ᠋ᠭᠠᠭᠰᠠᠨ ᠮᠤᠲᠤᠷ ᠡᠨᠡ᠃ 27 ᠠᠤᠭᠠ ᠬᠦᠴᠦᠲᠦ ᠶᠣᠬᠣᠸᠠ ᠰᠢᠢᠳᠦᠭᠰᠡᠨ᠂ ᠬᠡᠨ ᠴᠤᠴᠠᠯᠤᠨᠠ ᠪᠤᠢ︖ ᠲᠡᠭᠦᠨ ᠦ ᠮᠤᠲᠤᠷ ᠰᠤᠩ᠋ᠭᠠᠭᠰᠠᠨ᠂ ᠬᠡᠨ ᠪᠤᠴᠠᠭᠠᠨᠠ ᠪᠤᠢ︖》 ᠭᠡᠪᠡ᠃
ᠹᠢᠯᠢᠰᠲ ᠤᠨ ᠲᠠᠯᠠ ᠪᠠᠷ ᠬᠢ ᠡᠰᠢ ᠦᠵᠡᠭᠦᠯᠦᠯᠭᠡ
28 ᠠᠬᠠᠽ ᠬᠠᠭᠠᠨ ᠤ ᠥᠭᠡᠳᠡ ᠪᠣᠯᠣᠭᠰᠠᠨ ᠵᠢᠯ ᠡᠨᠡ ᠰᠡᠷᠡᠮᠵᠢᠯᠡᠭᠦᠯᠦᠯᠭᠡ ᠢᠷᠡᠯᠡ᠃
29 《ᠪᠦᠬᠦ ᠹᠢᠯᠢᠰᠲ ᠡ ᠥᠪᠡᠷᠰᠡᠳ ᠢ ᠴᠢᠨᠢ ᠴᠣᠬᠢᠳᠠᠭ ᠰᠢᠳᠠᠮ ᠬᠤᠭᠤᠷᠠᠯᠠ ᠭᠡᠵᠦ ᠪᠦᠦ ᠪᠠᠶᠠᠰ ᠥᠨᠥᠬᠢ ᠮᠣᠭᠠᠢ ᠶᠢᠨ ᠦᠨᠳᠦᠰᠦᠨ ᠡᠴᠡ ᠬᠣᠣᠷᠲᠤ ᠮᠣᠭᠠᠢ ᠭᠠᠷᠴᠤ ᠦᠷᠡ ᠵᠢᠮᠢᠰ ᠨᠢ ᠨᠢᠰᠳᠡᠭ ᠭᠠᠯᠲᠤ ᠮᠣᠭᠠᠢ ᠪᠣᠯᠣᠨᠠ᠃
30 ᠦᠭᠡᠭᠦᠦᠴᠦᠳ ᠦᠨ ᠤᠤᠭᠠᠨ ᠬᠦᠦ ᠲᠠᠷᠭᠤᠨ ᠴᠠᠳᠬᠤᠯᠠᠩ ᠪᠣᠯᠵᠤ ᠶᠠᠳᠠᠭᠤᠰ ᠠᠶᠤᠯ ᠦᠭᠡᠢ ᠠᠮᠤᠭᠤᠯᠠᠩ ᠬᠡᠪᠲᠡᠬᠦ ᠳᠦ ᠪᠢ ᠦᠨᠳᠦᠰᠦ ᠶᠢ ᠴᠢᠨᠢ ᠥᠯᠥᠰᠬᠥᠯᠡᠩ ᠢᠶᠡᠷ ᠦᠬᠦᠭᠦᠯᠦᠨᠡ ᠦᠯᠡᠳᠡᠭᠰᠡᠳ ᠢ ᠴᠢᠨᠢ ᠲᠡᠷᠡ ᠠᠯᠠᠨᠠ᠃
31 ᠬᠠᠭᠠᠯᠭᠠ ᠡ᠂ ᠤᠬᠢᠯᠠ︕ ᠬᠣᠲᠠ ᠡ᠂ ᠬᠠᠰᠬᠢᠷ︕ ᠹᠢᠯᠢᠰᠲ᠋ᠴᠦᠳ ᠪᠦᠭᠦᠳᠡ ᠬᠠᠢᠯᠬᠤ ᠪᠣᠯᠣᠯᠠ︕ ᠤᠮᠠᠷᠠᠲᠤ ᠠᠴᠠ ᠤᠲᠤᠭᠠ ᠢᠷᠡᠵᠦ ᠪᠠᠢᠨᠠ ᠡᠩᠨᠡᠭᠡᠨ ᠡᠴᠡ ᠪᠡᠨ ᠬᠣᠴᠣᠷᠣᠭᠴᠢ ᠭᠡᠵᠦ ᠠᠯᠠᠭᠠ᠃
32 ᠲᠡᠷᠡ ᠦᠨᠳᠦᠰᠦᠲᠡᠨ ᠦ ᠡᠯᠴᠢᠳ ᠲᠤ ᠶᠠᠭᠠᠬᠢᠵᠤ ᠬᠠᠷᠢᠭᠤᠯᠬᠤ ᠪᠤᠢ︖ 〈ᠶᠣᠬᠣᠸᠠ ᠽᠢᠶᠣᠨ ᠢ ᠪᠠᠢᠭᠤᠯᠤᠭᠰᠠᠨ ᠵᠦᠳᠡᠷᠡᠭᠰᠡᠨ ᠠᠷᠠᠳ ᠲᠦᠮᠡᠨ ᠨᠢ ᠲᠡᠭᠦᠨ ᠳᠣᠲᠣᠷᠠ ᠬᠣᠷᠭᠣᠳᠠᠨᠠ᠃〉》