ᠢᠰᠠᠢᠶᠠ ᠵᠢᠷᠠᠨ ᠬᠣᠶᠠᠷ
ᠰᠡᠷᠭᠦᠯᠲᠡ ᠪᠠ ᠬᠠᠷᠠᠭᠤᠯ ᠤᠳ
1 ᠵᠥᠪᠲᠥᠭᠡᠯ ᠨᠢ ᠥᠨᠢᠳᠡ ᠶᠢᠨ ᠭᠡᠭᠡ ᠮᠡᠲᠦ ᠠᠪᠤᠷᠠᠯ ᠨᠢ ᠳᠦᠷᠡᠯᠵᠡᠵᠦ ᠪᠠᠢᠭᠠ ᠪᠠᠮᠪᠠᠷ ᠮᠡᠲᠦ ᠽᠢᠶᠣᠨ ᠤ ᠲᠥᠯᠥᠭᠡ ᠪᠢ ᠳᠠᠭᠤ ᠪᠠᠨ ᠬᠤᠷᠢᠶᠠᠬᠤ ᠦᠭᠡᠢ ᠶᠧᠷᠦ᠋ᠰᠠᠯᠧᠮ ᠤᠨ ᠲᠥᠯᠥᠭᠡ ᠴᠢᠮᠡᠭᠡ ᠦᠭᠡᠢ ᠪᠠᠢᠵᠤ ᠴᠢᠳᠠᠬᠤ ᠦᠭᠡᠢ᠃
2 ᠬᠠᠷᠢᠴᠤᠳ ᠵᠥᠪᠲᠥᠭᠡᠭᠳᠡᠬᠦ ᠶᠢ ᠴᠢᠨᠢ ᠬᠠᠷᠠᠨᠠ᠂ ᠬᠠᠮᠤᠭ ᠬᠠᠭᠠᠨ ᠠᠯᠳᠠᠷ ᠢ ᠴᠢᠨᠢ ᠦᠵᠡᠨᠡ ᠴᠢ ᠶᠣᠬᠣᠸᠠ ᠶᠢᠨ ᠠᠮᠠ ᠪᠠᠷ ᠢᠶᠠᠨ ᠨᠡᠷᠡᠯᠡᠭᠰᠡᠨ ᠰᠢᠨᠡ ᠨᠡᠷᠡ ᠪᠡᠷ ᠳᠠᠭᠤᠳᠠᠭᠳᠠᠵᠤ
3 ᠶᠣᠬᠣᠸᠠ ᠶᠢᠨ ᠮᠤᠲᠤᠷ ᠳᠠᠬᠢ ᠦᠵᠡᠰᠬᠦᠯᠡᠩᠲᠦ ᠲᠢᠲᠢᠮ ᠪᠤᠷᠬᠠᠨ ᠤ ᠪᠠᠨ ᠮᠤᠲᠤᠷ ᠳᠠᠬᠢ ᠬᠠᠭᠠᠨ ᠤ ᠮᠠᠯᠠᠭᠠᠢ ᠪᠣᠯᠣᠨᠠ᠃
4 ᠳᠠᠬᠢᠨ ᠴᠢ 《ᠬᠠᠶᠠᠭᠳᠠᠭᠰᠠᠨ》 ᠭᠡᠵᠦ ᠨᠡᠷᠡᠯᠡᠭᠳᠡᠬᠦ ᠦᠭᠡᠢ ᠨᠤᠲᠤᠭ ᠴᠢᠨᠢ 《ᠡᠵᠡᠭᠦᠢᠷᠡᠭᠰᠡᠨ》 ᠭᠡᠭᠳᠡᠬᠦ ᠦᠭᠡᠢ ᠬᠠᠷᠢᠨ ᠴᠢ 《ᠮᠢᠨᠦ ᠲᠠᠭᠠᠯᠠᠯ ᠲᠡᠭᠦᠨ ᠳᠦ》 ᠭᠡᠭᠳᠡᠵᠦ ᠨᠤᠲᠤᠭ ᠴᠢᠨᠢ 《ᠬᠠᠨᠢ ᠲᠠᠢ》 ᠭᠡᠵᠦ ᠨᠡᠷᠡᠯᠡᠭᠳᠡᠨᠡ ᠤᠴᠢᠷ ᠨᠢ ᠶᠣᠬᠣᠸᠠ ᠴᠢᠮᠠᠶᠢ ᠲᠠᠭᠠᠯᠠᠵᠤ ᠨᠤᠲᠤᠭ ᠴᠢᠨᠢ ᠬᠠᠨᠢ ᠲᠠᠢ ᠪᠠᠢᠬᠤ ᠪᠣᠯᠣᠨᠠ᠃
5 ᠵᠠᠯᠠᠭᠤ ᠡᠷᠡ ᠣᠩ᠋ᠭᠣᠨ ᠥᠬᠢᠨ ᠲᠠᠢ ᠭᠡᠷᠯᠡᠳᠡᠭ ᠰᠢᠭ ᠴᠢᠨᠦ ᠨᠤᠲᠤᠭ ᠤᠨ ᠬᠢᠨ ᠴᠢᠮᠠ ᠲᠠᠢ ᠭᠡᠷᠯᠡᠨᠡ ᠰᠦᠢᠲᠦ ᠵᠠᠯᠠᠭᠤ ᠰᠦᠢᠲᠦ ᠪᠦᠰᠡᠭᠦᠢ ᠪᠡᠨ ᠲᠠᠭᠠᠯᠠᠳᠠᠭ ᠰᠢᠭ᠋ ᠴᠢᠨᠦ ᠪᠤᠷᠬᠠᠨ ᠴᠢᠮᠠᠶᠢ ᠲᠠᠭᠠᠯᠠᠨᠠ᠃
6 ᠶᠧᠷᠦ᠋ᠰᠠᠯᠧᠮ ᠡ ᠪᠢ ᠬᠡᠷᠡᠮ ᠳᠡᠭᠡᠷᠡ ᠴᠢᠨᠢ ᠬᠠᠷᠠᠭᠤᠯ ᠤᠳ ᠢ ᠲᠠᠯᠪᠢᠯᠠ ᠲᠡᠳᠡ ᠡᠳᠦᠷ ᠴᠤ᠂ ᠰᠥᠨᠢ ᠴᠤ ᠳᠠᠭᠤ ᠪᠠᠨ ᠬᠤᠷᠢᠶᠠᠬᠤ ᠦᠭᠡᠢ ᠶᠣᠬᠣᠸᠠ ᠶᠢ ᠰᠠᠨᠠᠭᠤᠯᠤᠭᠴᠢᠳ ᠡ ᠥᠪᠡᠷᠰᠡᠳ ᠢ ᠪᠠᠨ ᠪᠦᠦ ᠠᠮᠠᠷᠠᠭᠠ᠂
7 ᠶᠧᠷᠦ᠋ᠰᠠᠯᠧᠮ ᠢ ᠪᠠᠲᠤᠵᠢᠭᠤᠯᠵᠤ᠂ ᠭᠠᠵᠠᠷ ᠤᠨ ᠮᠠᠭᠲᠠᠭᠠᠯ ᠪᠣᠯᠭᠠᠬᠤ ᠬᠦᠷᠲᠡᠯᠡ ᠨᠢ ᠶᠣᠬᠣᠸᠠ ᠶᠢ ᠪᠦᠦ ᠠᠮᠠᠷᠠᠭᠠ᠃
8 ᠶᠣᠬᠣᠸᠠ ᠥᠪᠡᠷ ᠦᠨ ᠢᠶᠠᠨ ᠪᠠᠷᠠᠭᠤᠨ ᠮᠤᠲᠤᠷ ᠢᠶᠠᠷ ᠬᠦᠴᠦᠲᠦ ᠮᠤᠲᠤᠷ ᠢᠶᠠᠷ ᠢᠶᠠᠨ ᠲᠠᠩ᠋ᠭᠠᠷᠢᠭᠯᠠᠯᠠ᠄ 《ᠪᠢ ᠦᠷᠡ ᠲᠠᠷᠢᠶᠠ ᠶᠢ ᠴᠢᠨᠢ ᠳᠠᠬᠢᠨ ᠴᠢᠨᠦ ᠳᠠᠢᠰᠤᠨ ᠨᠤᠭᠤᠳ ᠲᠤ ᠬᠦᠨᠡᠰᠦ ᠪᠣᠯᠭᠠᠨ ᠥᠭᠬᠦ ᠦᠭᠡᠢ ᠬᠥᠳᠡᠯᠮᠦᠷᠢ ᠪᠠᠷ ᠣᠯᠣᠭᠰᠠᠨ ᠳᠠᠷᠠᠰᠤ ᠶᠢ ᠴᠢᠨᠢ ᠬᠠᠷᠢᠴᠤᠳ ᠲᠤ ᠤᠤᠭᠤᠯᠭᠠᠬᠤ ᠦᠭᠡᠢ᠂
9 ᠬᠠᠳᠤᠭᠴᠢᠳ ᠨᠢ ᠲᠡᠳᠡᠭᠡᠷ ᠢ ᠢᠳᠡᠵᠦ᠂ ᠶᠣᠬᠣᠸᠠ ᠶᠢ ᠮᠠᠭᠲᠠᠨᠠ ᠬᠤᠷᠢᠶᠠᠭᠴᠢᠳ ᠨᠢ ᠲᠡᠳᠡᠭᠡᠷ ᠢ ᠠᠷᠢᠭᠤᠨ ᠭᠠᠵᠠᠷ ᠤᠨ ᠮᠢᠨᠢ ᠬᠠᠰᠢᠶᠠᠨ ᠳᠣᠲᠣᠷᠠ ᠤᠤᠭᠤᠨᠠ᠃》
10 ᠭᠠᠷ᠂ ᠬᠠᠭᠠᠯᠭᠠ ᠪᠠᠷ ᠭᠠᠷ ᠠᠷᠠᠳ ᠲᠦᠮᠡᠨ ᠦ ᠮᠢᠨᠢ ᠢᠷᠡᠬᠦ ᠵᠠᠮ ᠢ ᠪᠡᠯᠡᠳᠵᠡᠭᠡ ᠲᠠᠯᠪᠢ᠂ ᠶᠡᠬᠡ ᠵᠠᠮ ᠢ ᠲᠠᠯᠪᠢ ᠴᠢᠯᠠᠭᠤ ᠶᠢ ᠨᠢ ᠵᠠᠢᠯᠠᠭᠤᠯᠵᠤ ᠦᠨᠳᠦᠰᠦᠲᠡᠨ ᠨᠦᠭᠦᠳ ᠦᠨ ᠲᠥᠯᠥᠭᠡ ᠲᠤᠭ ᠮᠠᠨᠳᠤᠭᠤᠯ᠃
11 ᠬᠠᠷᠠ᠂ ᠶᠣᠬᠣᠸᠠ ᠳᠡᠯᠡᠬᠡᠢ ᠶᠢᠨ ᠬᠢᠵᠠᠭᠠᠷ ᠬᠦᠷᠲᠡᠯᠡ ᠲᠤᠩ᠋ᠬᠠᠭᠯᠠᠨ᠄ 《〈ᠬᠠᠷᠠ᠂ ᠠᠪᠤᠷᠠᠯ ᠴᠢᠨᠢ ᠠᠢᠰᠤᠢ᠂ ᠬᠠᠷᠠ᠂ ᠱᠠᠩᠨᠠᠯ ᠨᠢ ᠲᠡᠭᠦᠨ ᠲᠡᠢ ᠬᠠᠮᠲᠤ ᠬᠠᠷᠢᠭᠤ ᠨᠢ ᠲᠡᠭᠦᠨ ᠦ ᠡᠮᠦᠨᠡ ᠪᠠᠢᠨᠠ〉 ᠭᠡᠵᠦ ᠽᠢᠶᠣᠨ ᠤ ᠥᠬᠢᠨ ᠳᠤ ᠶᠠᠷᠢ》 ᠭᠡᠪᠡ᠃
12 ᠲᠡᠳᠡ 《ᠠᠷᠢᠭᠤᠨ ᠠᠷᠠᠳ ᠲᠦᠮᠡᠨ᠂ ᠶᠣᠬᠣᠸᠠ ᠶᠢᠨ ᠵᠣᠯᠢᠵᠤ ᠠᠪᠤᠭᠰᠠᠨ ᠬᠥᠮᠦᠰ》 ᠭᠡᠵᠦ ᠨᠡᠷᠡᠯᠡᠭᠳᠡᠨᠡ ᠴᠢ 《ᠬᠠᠢᠭᠳᠠᠵᠤ ᠪᠠᠢᠭᠰᠠᠨ ᠬᠣᠲᠠ᠂ ᠬᠠᠶᠠᠭᠳᠠᠭᠠ ᠦᠭᠡᠢ ᠬᠣᠲᠠ》 ᠭᠡᠵᠦ ᠨᠡᠷᠡᠯᠡᠭᠳᠡᠨᠡ᠃