ᠢᠰᠠᠢᠶᠠ ᠳᠥᠴᠢᠨ ᠲᠠᠪᠤ
1 ᠶᠣᠬᠣᠸᠠ ᠺᠦᠷᠣᠰ ᠲᠤ᠂ ᠥᠪᠡᠷ ᠦᠨ ᠢᠶᠠᠨ ᠲᠣᠰᠣᠯᠠᠭᠰᠠᠨ ᠨᠢᠭᠡᠨ ᠳᠦ ᠡᠢᠨ ᠬᠦ ᠠᠢᠯᠠᠳᠴᠤ ᠪᠠᠢᠨᠠ᠄ 《ᠪᠢ ᠪᠠᠷᠠᠭᠤᠨ ᠭᠠᠷ ᠢ ᠴᠢᠨᠢ ᠠᠳᠬᠤᠵᠤ ᠦᠨᠳᠦᠰᠦᠲᠡᠨ ᠨᠦᠭᠦᠳ ᠢ ᠴᠢᠨᠦ ᠡᠮᠦᠨᠡ ᠪᠥᠬᠥᠢᠯᠭᠡᠨ ᠬᠠᠭᠠᠳ ᠤᠨ ᠬᠤᠶᠠᠭ ᠢ ᠲᠠᠢᠯᠤᠭᠤᠯᠵᠤ ᠬᠠᠭᠠᠯᠭᠠ ᠨᠤᠭᠤᠳ ᠢ ᠨᠢ ᠬᠠᠭᠠᠯᠲᠠ ᠦᠭᠡᠢ ᠡᠭᠦᠳᠡ ᠶᠢ ᠨᠢ ᠨᠡᠭᠡᠭᠡᠯᠲᠡ ᠲᠠᠢ ᠪᠠᠢᠯᠭᠠᠬᠤ ᠭᠡᠵᠦ ᠪᠠᠢᠨᠠ᠂
2 ᠪᠢ ᠴᠢᠨᠦ ᠡᠮᠦᠨᠡ ᠶᠠᠪᠤᠵᠤ ᠪᠠᠷᠲᠠᠭᠠ ᠲᠠᠢ ᠭᠠᠵᠠᠷ ᠢ ᠲᠡᠭᠰᠢᠯᠡᠨ ᠬᠦᠷᠡᠯ ᠬᠠᠭᠠᠯᠭᠠ ᠨᠤᠭᠤᠳ ᠢ ᠪᠤᠲᠠᠯᠵᠤ ᠲᠡᠮᠦᠷ ᠲᠦᠭᠵᠢᠶᠡ ᠨᠦᠭᠦᠳ ᠢ ᠴᠠᠪᠴᠢᠨ
3 ᠬᠠᠷᠠᠩ᠋ᠭᠤᠢ ᠳᠤ ᠪᠠᠢᠭᠰᠠᠨ ᠡᠷᠳᠡᠨᠢᠰ ᠨᠢᠭᠤᠴᠠ ᠭᠠᠵᠠᠷ ᠤᠨ ᠡᠳ᠋ ᠪᠠᠶᠠᠯᠢᠭ ᠢ ᠴᠢᠮᠠ ᠳᠤ ᠥᠭᠭᠥᠨᠡ᠂ ᠲᠡᠭᠡᠬᠦ ᠳᠦ ᠴᠢ ᠢᠰᠷᠧᠯ ᠤᠨ ᠪᠤᠷᠬᠠᠨ ᠶᠣᠬᠣᠸᠠ ᠪᠢ ᠴᠢᠮᠠᠶᠢ ᠨᠡᠷᠡ ᠪᠡᠷ ᠴᠢᠨᠢ ᠳᠠᠭᠤᠳᠠᠭᠰᠠᠨ ᠢ ᠮᠡᠳᠡᠬᠦ ᠪᠣᠯᠣᠨᠠ᠃
4 ᠮᠢᠨᠦ ᠵᠠᠷᠤᠴᠠ ᠶᠠᠺᠣᠪ ᠮᠢᠨᠦ ᠰᠣᠩ᠋ᠭᠣᠭᠰᠠᠨ ᠢᠰᠷᠧᠯ ᠤᠨ ᠲᠥᠯᠥᠭᠡ ᠪᠢ ᠴᠢᠮᠠᠶᠢ ᠨᠡᠷᠡ ᠪᠡᠷ ᠴᠢᠨᠢ ᠳᠠᠭᠤᠳᠠᠭᠰᠠᠨ᠂ ᠴᠢ ᠨᠠᠮᠠᠶᠢ ᠲᠠᠨᠢᠬᠤ ᠦᠭᠡᠢ ᠪᠣᠯᠪᠠᠴᠤ ᠪᠢ ᠴᠢᠮᠠ ᠳᠤ ᠴᠣᠯᠠ ᠶᠢ ᠣᠯᠭᠣᠭᠰᠠᠨ᠃
5 ᠪᠢ ᠯᠠ ᠶᠣᠬᠣᠸᠠ ᠥᠭᠡᠷᠡ ᠪᠠᠢᠬᠤ ᠦᠭᠡᠢ ᠨᠠᠳᠠ ᠠᠴᠠ ᠥᠭᠡᠷᠡ ᠪᠤᠷᠬᠠᠨ ᠭᠡᠵᠦ ᠠᠯᠠᠭᠠ ᠴᠢ ᠨᠠᠮᠠᠶᠢ ᠲᠠᠨᠢᠬᠤ ᠦᠭᠡᠢ ᠴᠤ ᠪᠢ ᠴᠢᠮᠠᠶᠢ ᠬᠦᠴᠦᠷᠬᠡᠭᠵᠢᠭᠦᠯᠵᠦ
6 ᠨᠠᠷᠠᠨ ᠮᠠᠨᠳᠤᠬᠤ ᠠᠴᠠ ᠵᠢᠷᠭᠠᠬᠤ ᠬᠦᠷᠲᠡᠯᠡᠬᠢ ᠭᠠᠵᠠᠷ ᠤᠨ ᠬᠢᠨ ᠳᠤ ᠨᠠᠳᠠ ᠠᠴᠠ ᠥᠭᠡᠷᠡ ᠪᠤᠷᠬᠠᠨ ᠠᠯᠠᠭᠠ ᠭᠡᠳᠡᠭ ᠢ ᠮᠡᠳᠡᠭᠦᠯᠦᠨᠡ᠂ ᠪᠢ ᠯᠠ ᠶᠣᠬᠣᠸᠠ᠂ ᠥᠭᠡᠷᠡ ᠠᠯᠠᠭᠠ᠂
7 ᠪᠢ ᠪᠣᠯ ᠭᠡᠷᠡᠯ ᠢ ᠡᠭᠦᠳᠦᠭᠴᠢ ᠬᠠᠷᠠᠩ᠋ᠭᠤᠢ ᠶᠢ ᠪᠦᠲᠦᠭᠡᠭᠴᠢ ᠡᠩᠬᠡ ᠶᠢ ᠪᠤᠢ ᠪᠣᠯᠭᠠᠭᠴᠢ ᠵᠣᠪᠠᠯᠠᠩ ᠢ ᠴᠤ ᠪᠦᠲᠦᠭᠡᠭᠴᠢ ᠪᠢ ᠪᠣᠯ ᠶᠣᠬᠣᠸᠠ᠂ ᠡᠨᠡ ᠪᠦᠭᠦᠳᠡ ᠶᠢ ᠵᠣᠬᠢᠶᠠᠭᠴᠢ ᠶᠤᠮ᠂
8 ᠲᠩᠷᠢ ᠡ᠂ ᠳᠡᠭᠡᠷᠡ ᠡᠴᠡ ᠳᠤᠰᠤᠯᠠᠭᠤᠯ ᠡᠭᠦᠯᠡᠰ ᠵᠥᠪ ᠢ ᠴᠢᠳᠬᠤᠵᠤ ᠭᠠᠵᠠᠷ ᠨᠡᠭᠡᠭᠡᠭᠳᠡᠵᠦ ᠠᠪᠤᠷᠠᠯ ᠵᠢᠮᠢᠰᠯᠡᠵᠦ ᠵᠥᠪ ᠨᠢ ᠨᠠᠬᠢᠶᠠᠯᠠᠨᠠ ᠡᠳᠡᠭᠡᠷ ᠢ ᠶᠣᠬᠣᠸᠠ ᠪᠢ ᠪᠦᠲᠦᠭᠡᠭᠰᠡᠨ ᠶᠤᠮ᠃
9 ᠰᠢᠪᠠᠷ ᠰᠠᠪᠠ ᠶᠢᠨ ᠬᠠᠭᠠᠷᠬᠠᠢ ᠪᠠᠢᠵᠤ ᠪᠦᠲᠦᠭᠡᠭᠴᠢ ᠲᠠᠢ ᠪᠠᠨ ᠮᠠᠷᠭᠤᠯᠳᠤᠭᠴᠢ ᠭᠠᠰᠠᠯᠠᠩᠲᠠᠶᠠ︕ ᠰᠢᠪᠠᠷ ᠨᠢ ᠸᠠᠭᠠᠷᠴᠢᠨ ᠳᠠᠭᠠᠨ᠄ 〈ᠴᠢ ᠶᠠᠭᠤ ᠬᠢᠵᠦ ᠪᠠᠢᠨᠠ ᠪᠤᠢ︖〉 ᠭᠡᠬᠦ ᠤᠤ︖ ᠪᠦᠲᠦᠭᠡᠯ ᠴᠢᠨᠢ ᠴᠢᠮᠠ ᠶᠢ᠄ 〈ᠴᠢᠳᠠᠪᠤᠷᠢ ᠦᠭᠡᠢ ᠶᠤᠮ〉 ᠭᠡᠬᠦ ᠤᠤ︖
10 ᠡᠴᠢᠭᠡ ᠬᠥᠮᠦᠨ ᠳᠦ᠄ 〈ᠲᠠ ᠶᠠᠭᠤ ᠲᠥᠷᠥᠭᠦᠯᠪᠡ︖〉 ᠭᠡᠵᠦ ᠡᠬᠡ ᠬᠥᠮᠦᠨ ᠳᠦ᠄ 〈ᠲᠠ ᠶᠠᠭᠤ ᠭᠠᠷᠭᠠᠴᠢᠬᠠᠪᠠ︖〉 ᠭᠡᠭᠴᠢ ᠨᠢ ᠭᠠᠰᠠᠯᠠᠩᠲᠠᠶᠠ᠃》
11 ᠢᠰᠷᠧᠯ ᠤᠨ ᠠᠷᠢᠭᠤᠨ ᠨᠢᠭᠡᠨ ᠲᠡᠭᠦᠨ ᠢ ᠪᠦᠲᠦᠭᠡᠭᠰᠡᠨ ᠶᠣᠬᠣᠸᠠ ᠡᠢᠨ ᠬᠦ ᠠᠢᠯᠠᠳᠴᠤ ᠪᠠᠢᠨᠠ᠄ 《ᠬᠥᠪᠡᠭᠦᠳ ᠦᠨ ᠮᠢᠨᠢ ᠢᠷᠡᠭᠡᠳᠦᠢ ᠶᠢᠨ ᠲᠠᠯᠠ ᠪᠠᠷ ᠨᠠᠳᠠ ᠠᠴᠠ ᠠᠰᠠᠭᠤᠵᠤ ᠭᠠᠷ ᠤᠨ ᠮᠢᠨᠢ ᠠᠵᠢᠯ ᠢ ᠨᠠᠳᠠ ᠳᠤ ᠳᠠᠭᠠᠭᠠᠯᠭᠠ᠂
12 ᠪᠢ ᠯᠠ ᠳᠡᠯᠡᠬᠡᠢ ᠶᠢ ᠵᠣᠬᠢᠶᠠᠵᠤ ᠳᠡᠭᠡᠷᠡ ᠨᠢ ᠬᠥᠮᠦᠨ ᠢ ᠪᠦᠲᠦᠭᠡᠭᠰᠡᠨ ᠪᠢ ᠥᠪᠡᠷ ᠦᠨ ᠢᠶᠠᠨ ᠭᠠᠷ ᠢᠶᠠᠷ ᠲᠩᠷᠢ ᠶᠢ ᠳᠡᠯᠭᠡᠭᠡᠳ ᠲᠦᠭ ᠲᠦᠮᠡᠨ ᠣᠳᠣ ᠶᠢ ᠲᠣᠮᠢᠯᠠᠭᠰᠠᠨ᠃
13 ᠪᠢ ᠺᠦᠷᠣᠰ ᠢ ᠵᠥᠪ ᠦᠨ ᠢᠶᠠᠨ ᠲᠥᠯᠥᠭᠡ ᠪᠣᠰᠬᠠᠵᠤ ᠪᠦᠬᠦ ᠵᠠᠮ ᠢ ᠨᠢ ᠲᠡᠭᠰᠢᠯᠡᠨᠡ ᠲᠡᠷᠡ ᠪᠡᠷ ᠬᠣᠲᠠ ᠶᠢ ᠮᠢᠨᠢ ᠰᠡᠷᠭᠦᠭᠡᠨ ᠴᠥᠯᠡᠭᠳᠡᠭᠰᠡᠳ ᠢ ᠮᠢᠨᠢ ᠵᠣᠯᠢᠶᠠ ᠪᠠ ᠬᠠᠷᠢᠭᠤ ᠠᠪᠤᠯ ᠦᠭᠡᠢ ᠪᠠᠷ ᠴᠢᠯᠥᠭᠡᠯᠡᠨᠡ᠂ ᠠᠤᠭᠠ ᠬᠦᠴᠦᠲᠦ ᠶᠣᠬᠣᠸᠠ ᠠᠢᠯᠠᠳᠤᠯᠠ᠃
14 ᠶᠣᠬᠣᠸᠠ ᠡᠢᠨ ᠬᠦ ᠠᠢᠯᠠᠳᠴᠤ ᠪᠠᠢᠨᠠ᠂ 《ᠶᠧᠵᠢᠫᠲ ᠤᠨ ᠡᠳ᠋ ᠬᠥᠷᠥᠩᠭᠡ ᠺᠦᠱ ᠤᠨ ᠣᠯᠵᠠ ᠠᠰᠢᠭ ᠥᠨᠳᠥᠷ ᠪᠡᠶᠡ ᠲᠠᠢ ᠰᠠᠪᠧᠴᠤᠳ ᠴᠢᠮᠠ ᠳᠡᠭᠡᠷᠡ ᠢᠷᠡᠵᠦ ᠴᠢᠨᠦᠬᠢ ᠪᠣᠯᠣᠨᠠ ᠲᠡᠳᠡ ᠭᠢᠨᠵᠢ ᠲᠠᠢ ᠪᠠᠷ ᠠᠷᠤ ᠠᠴᠠ ᠴᠢᠨᠢ ᠳᠠᠭᠠᠭᠰᠠᠭᠠᠷ ᠴᠢᠮᠠ ᠳᠤ ᠢᠷᠡᠭᠡᠳ᠂ ᠪᠥᠬᠥᠢᠨ᠄ 〈ᠦᠨᠡᠬᠡᠷ ᠪᠤᠷᠬᠠᠨ ᠲᠠᠨ ᠤ ᠳᠣᠲᠣᠷᠠ ᠪᠠᠢᠨᠠ ᠲᠡᠭᠦᠨ ᠡᠴᠡ ᠥᠭᠡᠷᠡ ᠪᠤᠷᠬᠠᠨ ᠭᠡᠵᠦ ᠦᠭᠡᠢ ᠥᠭᠡᠷᠡ ᠪᠠᠢᠬᠤ ᠦᠭᠡᠢ〉 ᠭᠡᠳ ᠴᠢᠮᠠ ᠲᠠᠢ ᠬᠠᠮᠲᠤ ᠳᠠᠭᠠᠳᠬᠠᠬᠤ ᠪᠣᠯᠣᠨᠠ᠃》
15 ᠦᠨᠡᠬᠡᠷ ᠲᠠ ᠥᠪᠡᠷ ᠢ ᠪᠠᠨ ᠨᠢᠭᠤᠳᠠᠭ ᠪᠤᠷᠬᠠᠨ ᠶᠤᠮ ᠢᠰᠷᠧᠯ ᠤᠨ ᠪᠤᠷᠬᠠᠨ᠂ ᠪᠢᠳᠡᠨ ᠦ ᠠᠪᠤᠷᠠᠭᠴᠢ ᠡ᠃
16 ᠰᠢᠲᠦᠭᠡᠨ ᠦ ᠳᠠᠷᠬᠠᠳ ᠪᠦᠭᠦᠳᠡ ᠰᠢᠪᠰᠢᠭ ᠪᠣᠯᠵᠤ ᠢᠴᠢᠬᠦ ᠪᠣᠯᠣᠨᠠ ᠬᠠᠮᠲᠤ ᠳᠠᠭᠠᠨ ᠢᠴᠢᠭᠦᠷᠢ ᠳᠤ ᠣᠷᠣᠨᠠ᠃
17 ᠬᠠᠷᠢᠨ ᠢᠰᠷᠧᠯ ᠶᠣᠬᠣᠸᠠ ᠶᠢᠨ ᠠᠴᠢ ᠪᠠᠷ ᠠᠪᠤᠷᠠᠭᠳᠠᠨᠠ ᠲᠡᠷᠡ ᠪᠡᠷ ᠮᠥᠩᠬᠡ ᠶᠢᠨ ᠠᠪᠤᠷᠠᠯ ᠢ ᠣᠯᠣᠨᠠ ᠲᠠ ᠨᠠᠷ ᠦᠶᠡ ᠶᠢᠨ ᠦᠶᠡ ᠳᠦ ᠰᠢᠪᠰᠢᠭ ᠪᠣᠯᠬᠤ ᠦᠭᠡᠢ ᠢᠴᠢᠭᠦᠷᠢ ᠳᠤ ᠣᠷᠣᠬᠤ ᠦᠭᠡᠢ᠃
18 ᠲᠩᠷᠢ ᠶᠢ ᠪᠦᠲᠦᠭᠡᠭᠰᠡᠨ ᠶᠣᠬᠣᠸᠠ ᠡᠢᠨ ᠬᠦ ᠠᠢᠯᠠᠳᠴᠤ ᠪᠠᠢᠨᠠ᠄ (ᠲᠡᠷᠡ ᠯᠠ ᠪᠤᠷᠬᠠᠨ ᠲᠡᠷᠡ ᠭᠠᠵᠠᠷ ᠢ ᠬᠡᠯᠪᠡᠷᠢᠵᠢᠭᠦᠯᠵᠦ ᠵᠣᠬᠢᠶᠠᠨ ᠲᠣᠭᠲᠠᠭᠠᠭᠰᠠᠨ ᠲᠡᠷᠡ ᠲᠡᠭᠦᠨ ᠢ ᠬᠣᠭᠣᠰᠣᠨ ᠢᠶᠠᠷ ᠪᠦᠲᠦᠭᠡᠭᠰᠡᠨ ᠪᠢᠰᠢ ᠣᠷᠣᠰᠢᠨ ᠰᠠᠭᠤᠭᠴᠢ ᠲᠠᠢ ᠪᠠᠢᠬᠤ ᠪᠠᠷ ᠬᠡᠯᠪᠡᠷᠢᠵᠢᠭᠦᠯᠦᠭᠰᠡᠨ) 《ᠪᠢ ᠪᠣᠯ ᠶᠣᠬᠣᠸᠠ᠂ ᠥᠭᠡᠷᠡ ᠪᠤᠷᠬᠠᠨ ᠭᠡᠵᠦ ᠦᠭᠡᠢ᠃
19 ᠪᠢ ᠬᠠᠷᠠᠩ᠋ᠭᠤᠢ ᠭᠠᠵᠠᠷ ᠠᠴᠠ ᠨᠢᠭᠤᠴᠠ ᠪᠠᠷ ᠶᠠᠷᠢᠭᠠ ᠦᠭᠡᠢ ᠨᠠᠮᠠᠶᠢ 《ᠬᠣᠭᠣᠰᠣᠨ ᠢᠶᠠᠷ ᠬᠠᠢ》 ᠭᠡᠵᠦ ᠪᠢ ᠶᠠᠺᠣᠪ ᠤᠨ ᠦᠷᠡ ᠬᠣᠢᠴᠢ ᠳᠤ ᠬᠡᠯᠡᠭᠡ ᠦᠭᠡᠢ ᠶᠣᠬᠣᠸᠠ ᠪᠢ ᠦᠨᠡᠨ ᠢ ᠬᠡᠯᠡᠵᠦ ᠰᠢᠳᠤᠷᠭᠤ ᠶᠢ ᠯᠠ ᠮᠡᠳᠡᠭᠦᠯᠳᠡᠭ ᠶᠤᠮ᠃
20 ᠴᠤᠭᠯᠠᠷᠠᠵᠤ ᠢᠷᠡᠵᠡᠭᠡ᠂ ᠭᠦᠷᠦᠨ ᠨᠦᠭᠦᠳ ᠡᠴᠡ ᠳᠦᠷᠪᠡᠭᠰᠡᠳ ᠡ ᠴᠥᠮ ᠢᠶᠡᠷ ᠢᠶᠠᠨ ᠨᠠᠰᠢ ᠢᠷᠡ ᠮᠣᠳᠣᠨ ᠰᠢᠲᠦᠭᠡᠨ ᠨᠦᠭᠦᠳ ᠢᠶᠡᠨ ᠡᠭᠦᠷᠦᠨ ᠶᠠᠪᠤᠭᠰᠠᠳ᠂ ᠠᠪᠤᠷᠠᠵᠤ ᠴᠢᠳᠠᠬᠤ ᠦᠭᠡᠢ ᠪᠤᠷᠬᠠᠨ ᠳᠤ ᠳᠠᠭᠠᠳᠬᠠᠭᠴᠢᠳ ᠨᠢ ᠮᠡᠳᠡᠯᠭᠡ ᠦᠭᠡᠢ᠃
21 ᠢᠯᠡᠷᠬᠡᠶᠢᠯᠡ᠂ ᠤᠴᠢᠷ ᠢᠶᠠᠨ ᠳᠡᠯᠭᠡ᠂ ᠲᠡᠳᠡ ᠬᠠᠮᠲᠤ ᠳᠠᠭᠠᠨ ᠵᠥᠪᠯᠡᠯᠳᠦᠭ ᠬᠡᠨ ᠡᠷᠲᠡᠨ ᠡᠴᠡ ᠡᠳᠡᠭᠡᠷ ᠢ ᠰᠣᠨᠣᠰᠬᠠᠭᠰᠠᠨ ᠪᠤᠢ︖ ᠬᠡᠨ ᠤᠷᠢᠳᠠ ᠠᠴᠠ ᠢᠯᠡᠷᠬᠡᠶᠢᠯᠡᠭᠰᠡᠨ ᠪᠤᠢ︖ ᠶᠣᠬᠣᠸᠠ ᠪᠢ ᠪᠢᠰᠢ ᠤᠤ︖ ᠨᠠᠳᠠ ᠠᠴᠠ ᠥᠭᠡᠷᠡ ᠪᠤᠷᠬᠠᠨ ᠭᠡᠵᠦ ᠦᠭᠡᠢ᠂ ᠨᠠᠳᠠ ᠠᠴᠠ ᠥᠭᠡᠷᠡ ᠵᠥᠪᠲᠦ ᠪᠥᠭᠡᠳ ᠠᠪᠤᠷᠠᠭᠴᠢ ᠪᠤᠷᠬᠠᠨ ᠭᠡᠵᠦ ᠦᠭᠡᠢ᠃
22 ᠳᠡᠯᠡᠬᠡᠢ ᠶᠢᠨ ᠪᠦᠬᠦ ᠬᠢᠵᠠᠭᠠᠷ ᠤᠨ ᠬᠢᠨ ᠡ ᠨᠠᠳᠠ ᠤᠷᠤᠭᠤ ᠡᠷᠭᠢ᠂ ᠲᠡᠭᠡᠪᠡᠯ ᠠᠪᠤᠷᠠᠭᠳᠠᠨᠠ ᠪᠢ ᠪᠣᠯ ᠪᠤᠷᠬᠠᠨ᠂ ᠥᠭᠡᠷᠡ ᠪᠠᠢᠬᠤ ᠦᠭᠡᠢ᠃
23 ᠪᠢ ᠥᠪᠡᠷ ᠢᠶᠡᠷ ᠢᠶᠠᠨ ᠲᠠᠩ᠋ᠭᠠᠷᠢᠭᠯᠠᠶᠠ ᠪᠤᠴᠠᠰᠢ ᠦᠭᠡᠢ ᠦᠨᠡᠨ ᠦ ᠦᠭᠡ ᠠᠮᠠᠨ ᠠᠴᠠ ᠮᠢᠨᠢ ᠭᠠᠷᠤᠯᠠ ᠡᠪᠦᠳᠦᠭ ᠪᠣᠯᠭᠠᠨ ᠨᠠᠳᠠ ᠳᠤ ᠰᠥᠭᠥᠳᠴᠦ ᠬᠡᠯᠡ ᠪᠦᠷᠢ ᠲᠠᠩ᠋ᠭᠠᠷᠢᠭᠯᠠᠨᠠ᠃
24 ᠬᠥᠮᠦᠨ ᠮᠢᠨᠦ ᠲᠤᠬᠠᠢ ᠶᠠᠷᠢᠬᠤ ᠳᠠᠭᠠᠨ᠄ 〈ᠭᠠᠭᠴᠠ ᠬᠦ ᠶᠣᠬᠣᠸᠠ ᠳᠤ ᠵᠥᠪ ᠪᠠ ᠬᠦᠴᠦ ᠪᠤᠢ〉 ᠭᠡᠬᠦ ᠪᠣᠯᠣᠨᠠ᠂》 ᠲᠡᠭᠦᠨ ᠳᠦ ᠠᠭᠤᠷᠯᠠᠭᠴᠢ ᠪᠦᠬᠦᠨ ᠲᠡᠭᠦᠨ ᠤᠷᠤᠭᠤ ᠣᠴᠢᠬᠤ ᠳᠠᠭᠠᠨ ᠢᠴᠢᠭᠦᠷᠢ ᠳᠤ ᠣᠷᠣᠬᠤ ᠪᠣᠯᠪᠠᠴᠤ
25 ᠢᠰᠷᠧᠯ ᠤᠨ ᠪᠦᠬᠦ ᠦᠷᠡ ᠤᠳᠤᠮ ᠶᠣᠬᠣᠸᠠ ᠪᠠᠷ ᠵᠥᠪᠲᠥᠭᠡᠭᠳᠡᠵᠦ᠂ ᠠᠯᠳᠠᠷᠰᠢᠬᠤ ᠪᠣᠯᠣᠨᠠ᠃