ᠢᠰᠠᠢᠶᠠ ᠭᠤᠴᠢᠨ ᠲᠠᠪᠤ
ᠠᠪᠤᠷᠠᠭᠳᠠᠭᠰᠠᠳ ᠤᠨ ᠪᠠᠶᠠᠰᠤᠯ
1 ᠵᠡᠯᠢᠭᠦᠳ ᠬᠠᠲᠠᠭᠰᠠᠨ ᠭᠠᠵᠠᠷ ᠪᠠᠶᠠᠷᠯᠠᠨᠠ᠂ ᠴᠥᠯ ᠪᠠᠶᠠᠰᠤᠨ ᠴᠡᠴᠡᠭᠯᠡᠨᠡ᠂ ᠰᠠᠷᠨᠠᠢ ᠴᠡᠴᠡᠭ ᠮᠡᠲᠦ
2 ᠪᠠᠳᠠᠷᠠᠨ ᠳᠡᠯᠭᠡᠷᠡᠵᠦ ᠦᠯᠡᠮᠵᠢ ᠶᠡᠬᠡ ᠪᠠᠶᠠᠰᠤᠨ᠂ ᠪᠠᠶᠠᠷ ᠲᠠᠢ ᠪᠠᠷ ᠳᠠᠭᠤᠯᠠᠨᠠ ᠯᠧᠪᠠᠨᠣᠨ ᠤ ᠠᠯᠳᠠᠷ᠂ ᠺᠠᠷᠮᠧᠯ ᠪᠠ ᠱᠠᠷᠣᠨ ᠤ ᠭᠤᠸᠠ ᠦᠵᠡᠰᠬᠦᠯᠡᠩ ᠲᠡᠭᠦᠨ ᠳᠦ ᠰᠣᠶᠣᠷᠬᠠᠭᠳᠠᠵᠤ ᠬᠥᠮᠦᠰ ᠶᠣᠬᠣᠸᠠ ᠶᠢᠨ ᠠᠯᠳᠠᠷ᠂ ᠪᠢᠳᠡᠨ ᠦ ᠪᠤᠷᠬᠠᠨ ᠤ ᠭᠤᠸᠠ ᠦᠵᠡᠰᠬᠦᠯᠡᠩ ᠢ ᠬᠠᠷᠠᠨᠠ᠃
3 ᠲᠠ ᠨᠠᠷ ᠳᠣᠷᠣᠢ ᠭᠠᠷ ᠢ ᠬᠦᠴᠦᠵᠢᠭᠦᠯ ᠳᠠᠭᠵᠢᠭᠰᠠᠨ ᠡᠪᠦᠳᠦᠭ ᠢ ᠪᠠᠲᠤᠵᠢᠭᠤᠯ᠃
4 ᠬᠤᠯᠴᠢᠭᠠᠷ ᠵᠢᠷᠦᠬᠡᠲᠡᠨ ᠳᠦ 《ᠬᠦᠴᠦᠲᠡᠢ ᠪᠠᠢ᠂ ᠪᠦᠦ ᠠᠶᠤ︕ ᠬᠠᠷᠠ᠂ ᠲᠠ ᠨᠠᠷ ᠤᠨ ᠪᠤᠷᠬᠠᠨ ᠠᠢᠰᠤᠢ ᠲᠡᠷᠡ ᠪᠡᠷ ᠥᠰᠢᠶᠡ ᠠᠪᠴᠤ ᠬᠠᠷᠢᠭᠤ ᠥᠭᠭᠥᠨᠡ᠂ ᠲᠡᠷᠡ ᠢᠷᠡᠵᠦ ᠲᠠ ᠨᠠᠷ ᠢ ᠠᠪᠤᠷᠠᠨᠠ》 ᠭᠡᠵᠦ ᠬᠡᠯᠡ᠃
5 ᠲᠡᠷᠡ ᠦᠶᠡ ᠳᠦ ᠰᠣᠬᠣᠷ ᠤᠨ ᠨᠢᠳᠦ ᠨᠡᠭᠡᠭᠡᠭᠳᠡᠵᠦ ᠳᠦᠯᠡᠢ ᠶᠢᠨ ᠴᠢᠬᠢ ᠣᠩ᠋ᠭᠣᠢᠨᠠ
6 ᠲᠡᠷᠡ ᠦᠶᠡ ᠳᠦ ᠳᠣᠭᠣᠯᠠᠩ ᠨᠢ ᠪᠤᠭᠤ ᠮᠡᠲᠦ ᠳᠡᠭᠦᠯᠢᠵᠦ ᠬᠡᠯᠡ ᠦᠭᠡᠢ ᠨᠢ ᠪᠠᠶᠠᠷ ᠲᠠᠢ ᠪᠠᠷ ᠬᠠᠰᠬᠢᠷᠤᠨᠠ ᠴᠥᠯ ᠡᠴᠡ ᠤᠰᠤ ᠭᠠᠷᠴᠤ᠂ ᠡᠵᠡᠭᠦᠢ ᠲᠠᠯᠠ ᠪᠠᠷ ᠤᠷᠤᠰᠤᠨ
7 ᠬᠠᠲᠠᠭᠰᠠᠨ ᠭᠠᠵᠠᠷ ᠨᠠᠭᠤᠷ᠂ ᠴᠠᠩ᠋ᠭᠠᠭᠰᠠᠨ ᠭᠠᠵᠠᠷ ᠱᠠᠩᠳᠠ ᠪᠣᠯᠣᠨᠠ᠂ ᠴᠢᠨᠣᠠ ᠶᠢᠨ ᠬᠡᠪᠲᠡᠳᠡᠭ ᠨᠦᠬᠡᠨ ᠳᠦ ᠡᠪᠡᠰᠦ᠂ ᠬᠤᠯᠤᠰᠤ ᠵᠡᠭᠡᠰᠦ ᠤᠷᠭᠤᠨᠠ᠃
8 ᠲᠡᠨᠳᠡ ᠶᠡᠬᠡ ᠵᠠᠮ ᠪᠠᠢᠬᠤ ᠪᠣᠯᠣᠨᠠ ᠲᠡᠭᠦᠨ ᠢ ᠠᠷᠢᠭᠤᠨ ᠵᠠᠮ ᠭᠡᠨᠡ᠂ ᠲᠡᠷᠡᠭᠦᠷ ᠪᠤᠵᠠᠷ ᠨᠢ ᠦᠯᠦ ᠥᠩᠭᠡᠷᠡᠨᠡ ᠲᠡᠷᠡ ᠵᠠᠮ ᠨᠢ ᠲᠡᠷᠡᠭᠦᠷ ᠠᠯᠬᠤᠭᠴᠢᠳ ᠤᠨ ᠬᠢ ᠲᠡᠨᠡᠭ ᠨᠢ ᠴᠤ ᠲᠡᠨᠳᠡ ᠲᠥᠭᠡᠷᠢᠬᠦ ᠦᠭᠡᠢ᠃
9 ᠲᠡᠨᠳᠡ ᠠᠷᠰᠯᠠᠨ ᠠᠯᠠᠭᠠ ᠳᠣᠭᠰᠢᠨ ᠠᠷᠢᠶᠠᠲᠠᠨ ᠴᠤ ᠭᠠᠷᠬᠤ ᠦᠭᠡᠢ᠂ ᠲᠡᠳᠡ ᠲᠡᠨᠳᠡ ᠣᠯᠳᠠᠬᠤ ᠦᠭᠡᠢ ᠭᠠᠭᠴᠠ ᠬᠦ ᠵᠣᠯᠢᠭᠳᠠᠭᠰᠠᠳ ᠨᠢ ᠲᠡᠷᠡᠭᠦᠷ ᠠᠯᠬᠤᠨᠠ᠃
10 ᠶᠣᠬᠣᠸᠠ ᠶᠢᠨ ᠵᠣᠯᠢᠨ ᠠᠪᠤᠭᠰᠠᠳ ᠡᠷᠭᠢᠵᠦ ᠽᠢᠶᠣᠨ ᠤᠷᠤᠭᠤ ᠳᠠᠭᠤᠤ ᠳᠠᠭᠤᠯᠠᠨ ᠢᠷᠡᠨᠡ ᠲᠣᠯᠣᠭᠠᠢ ᠳᠡᠭᠡᠷᠡ ᠨᠢ ᠮᠥᠩᠬᠡ ᠶᠢᠨ ᠪᠠᠶᠠᠰᠬᠤᠯᠠᠩ ᠪᠠᠢᠨᠠ ᠪᠠᠶᠠᠷ ᠬᠥᠷ ᠲᠡᠳᠡᠨ ᠢ ᠨᠥᠮᠥᠷᠴᠦ ᠭᠤᠨᠢᠭ ᠭᠠᠰᠠᠯᠠᠩ ᠨᠢ ᠳᠠᠯᠳᠠ ᠣᠷᠣᠨᠠ᠃