ᠢᠰᠠᠢᠶᠠ ᠭᠤᠷᠪᠠ
ᠶᠦᠳᠠ ᠨᠢᠭᠦᠯ ᠳᠡᠭᠡᠨ ᠤᠨᠠᠨᠠ
1 ᠬᠠᠷᠠ᠂ ᠠᠤᠭᠠ ᠬᠦᠴᠦᠲᠦ ᠡᠵᠡᠨ ᠶᠣᠬᠣᠸᠠ ᠶᠧᠷᠦ᠋ᠰᠠᠯᠧᠮ ᠪᠣᠯᠣᠨ ᠶᠦᠳᠠ ᠶᠢᠨ ᠲᠦᠰᠢᠭᠯᠡᠳᠡᠭ ᠬᠠᠩ᠋ᠭᠠᠮᠵᠢ ᠶᠢ ᠲᠠᠰᠤᠯᠬᠤ ᠭᠡᠵᠦ ᠪᠠᠢᠨᠠ᠂ ᠬᠦᠨᠡᠰᠦᠨ ᠦ ᠪᠦᠬᠦ ᠬᠠᠩ᠋ᠭᠠᠮᠵᠢ ᠤᠰᠤᠨ ᠤ ᠪᠦᠬᠦ ᠬᠠᠩ᠋ᠭᠠᠮᠵᠢ
2 ᠪᠠᠭᠠᠲᠤᠷ ᠪᠠ ᠪᠠᠢᠯᠳᠤᠭᠴᠢ ᠰᠢᠭᠦᠭᠴᠢ ᠪᠠ ᠡᠰᠢ ᠦᠵᠡᠭᠦᠯᠦᠭᠴᠢ ᠲᠥᠯᠭᠡᠴᠢ ᠪᠠ ᠠᠬᠠᠯᠠᠭᠴᠢ
3 ᠲᠠᠪᠢᠲᠤ ᠶᠢᠨ ᠳᠠᠷᠤᠭᠠ ᠪᠠ ᠳᠡᠭᠡᠳᠦ ᠲᠤᠰᠢᠶᠠᠯᠲᠠᠨ ᠵᠥᠪᠯᠡᠭᠴᠢ᠂ ᠤᠷᠠᠨ ᠳᠠᠷᠬᠠᠨ ᠪᠣᠯᠣᠨ ᠤᠪᠰᠠᠭᠠ ᠲᠠᠢ ᠶᠢᠯᠸᠢᠴᠢᠨ ᠢ ᠴᠤ ᠲᠠᠰᠤᠯᠤᠨᠠ᠃
4 ᠪᠢ ᠵᠠᠯᠠᠭᠤᠰ ᠢ ᠲᠡᠳᠡᠨ ᠦ ᠵᠠᠬᠢᠷᠤᠭᠴᠢ ᠪᠣᠯᠭᠠᠵᠤ ᠨᠢᠯᠬᠠ ᠬᠡᠦᠬᠡᠳ ᠢᠶᠡᠷ ᠲᠡᠳᠡᠨ ᠢ ᠨᠣᠶᠠᠷᠬᠠᠭᠤᠯᠤᠨᠠ᠃
5 ᠠᠷᠠᠳ ᠣᠯᠠᠨ ᠤ ᠨᠢᠭᠡ ᠨᠢ ᠨᠥᠭᠥᠭᠡ ᠪᠡᠨ ᠬᠥᠮᠦᠨ ᠪᠦᠷᠢ ᠬᠥᠷᠰᠢ ᠪᠠᠨ ᠳᠠᠷᠤᠯᠠᠵᠤ ᠵᠠᠯᠠᠭᠤ ᠨᠢ ᠬᠥᠭᠰᠢᠨ ᠤᠷᠤᠭᠤ ᠪᠠᠨ ᠳᠣᠣᠷᠠᠳᠤᠰ ᠨᠢ ᠶᠡᠬᠡᠰ ᠤᠷᠤᠭᠤ ᠪᠠᠨ ᠳᠠᠭᠠᠷᠢᠨᠠ᠃
6 ᠨᠢᠭᠡ ᠬᠥᠮᠦᠨ ᠡᠴᠢᠭᠡ ᠶᠢᠨ ᠢᠶᠠᠨ ᠭᠡᠷ ᠲᠦ ᠳᠡᠭᠦᠦ ᠪᠡᠨ ᠪᠠᠷᠢᠵᠤ ᠠᠪᠤᠭᠠᠳ 《ᠴᠢ ᠨᠥᠮᠥᠷᠭᠡ ᠲᠠᠢ ᠪᠣᠯᠬᠣᠷ ᠪᠢᠳᠡᠨ ᠦ ᠵᠠᠬᠢᠷᠤᠭᠴᠢ ᠪᠣᠯ᠂ ᠡᠨᠡ ᠪᠠᠯᠭᠠᠰᠤᠨ ᠳᠡᠭᠡᠷᠡ ᠪᠢᠳᠡ ᠴᠢᠨᠦ ᠭᠠᠷ ᠳᠣᠣᠷᠠ ᠣᠷᠣᠶᠠ》 ᠭᠡᠨᠡ᠂
7 ᠲᠡᠷᠡ ᠡᠳᠦᠷ ᠥᠨᠥᠬᠢ ᠬᠥᠮᠦᠨ ᠥᠨᠳᠥᠷ ᠳᠠᠭᠤ ᠪᠠᠷ 《ᠪᠢ ᠲᠤᠰᠠᠯᠠᠵᠤ ᠴᠢᠳᠠᠬᠤ ᠦᠭᠡᠢ ᠮᠠᠨ ᠤ ᠭᠡᠷ ᠲᠦ ᠬᠦᠨᠡᠰᠦ ᠴᠤ᠂ ᠨᠥᠮᠥᠷᠭᠡ ᠴᠤ ᠪᠠᠢᠬᠤ ᠦᠭᠡᠢ ᠪᠢ ᠠᠷᠠᠳ ᠲᠦᠮᠡᠨ ᠦ ᠵᠠᠬᠢᠷᠤᠭᠴᠢ ᠪᠣᠯᠬᠤ ᠦᠭᠡᠢ》 ᠭᠡᠬᠦ ᠪᠣᠯᠣᠨᠠ᠃
8 ᠶᠧᠷᠦ᠋ᠰᠠᠯᠧᠮ ᠪᠦᠳᠦᠷᠢᠵᠦ ᠶᠦᠳᠠ ᠤᠨᠠᠬᠤ ᠪᠣᠯᠣᠯᠠ ᠲᠡᠳᠡ ᠬᠡᠯᠡ ᠪᠠ ᠦᠢᠯᠡᠰ ᠢᠶᠡᠷ ᠢᠶᠠᠨ ᠶᠣᠬᠣᠸᠠ ᠶᠢ ᠰᠥᠷᠴᠦ ᠠᠯᠳᠠᠷ ᠰᠤᠤᠲᠤ ᠮᠡᠯᠮᠡᠢ ᠶᠢᠨ ᠬᠢᠨᠢ ᠡᠮᠦᠨᠡ ᠵᠥᠷᠢᠭᠦᠳᠯᠡᠵᠡᠢ᠃
9 ᠲᠡᠳᠡᠨ ᠦ ᠪᠤᠷᠤᠭᠤ ᠶᠢ ᠥᠪᠡᠷᠰᠡᠳ ᠦᠨ ᠬᠢᠨᠢ ᠴᠢᠷᠠᠢ ᠭᠡᠷᠡᠴᠢᠯᠡᠳᠡᠭ ᠲᠡᠳᠡ ᠥᠪᠡᠷᠰᠡᠳ ᠦᠨ ᠢᠶᠠᠨ ᠨᠢᠭᠦᠯ ᠢ ᠰᠣᠳᠣᠮ ᠰᠢᠭ᠋ ᠢᠯᠡ ᠪᠣᠯᠭᠠᠳᠠᠭ ᠭᠠᠰᠠᠯᠠᠩᠲᠠᠶᠠ᠂ ᠲᠡᠳᠡ ᠥᠪᠡᠷᠰᠡᠳ ᠦᠨ ᠢᠶᠠᠨ ᠳᠡᠭᠡᠷᠡ ᠭᠠᠮᠰᠢᠭ ᠢ ᠠᠪᠴᠢᠷᠠᠵᠠᠢ︕
10 ᠲᠠ ᠨᠠᠷ ᠵᠥᠪᠲᠡᠨ ᠳᠦ 《ᠪᠤᠶᠠᠨ ᠲᠠᠢ》 ᠭᠡᠵᠦ ᠬᠡᠯᠡ ᠲᠡᠳᠡ ᠦᠢᠯᠡᠰ ᠦᠨ ᠢᠶᠠᠨ ᠦᠷᠡ ᠵᠢᠮᠢᠰ ᠢ ᠠᠮᠰᠠᠨᠠ᠃
11 ᠪᠤᠷᠤᠭᠤᠲᠠᠨ ᠭᠠᠰᠠᠯᠠᠩ ᠲᠠᠢ᠂ ᠲᠡᠷᠡ ᠭᠠᠷ ᠢᠶᠠᠷ ᠢᠶᠠᠨ ᠬᠢᠭᠰᠡᠨ ᠦ ᠪᠠᠨ ᠶᠣᠰᠣᠭᠠᠷ ᠬᠠᠷᠢᠭᠤ ᠪᠠᠨ ᠣᠯᠣᠨᠠ᠃
12 ᠠᠷᠠᠳ ᠲᠦᠮᠡᠨ ᠢ ᠮᠢᠨᠢ ᠵᠠᠯᠠᠭᠤᠰ ᠳᠠᠷᠤᠯᠠᠵᠤ ᠡᠮᠡᠭᠲᠡᠢᠴᠦᠳ ᠵᠠᠬᠢᠷᠳᠠᠭ᠂ ᠠᠷᠠᠳ ᠲᠦᠮᠡᠨ ᠮᠢᠨᠢ ᠡ ᠳᠠᠭᠠᠭᠤᠯᠤᠭᠴᠢᠳ ᠵᠠᠮ ᠢ ᠴᠢᠨᠢ ᠲᠥᠭᠡᠷᠢᠭᠦᠯᠵᠦ ᠵᠢᠮ ᠢ ᠴᠢᠨᠢ ᠪᠤᠳᠤᠯᠢᠭᠤᠯᠵᠠᠢ᠃
13 ᠶᠣᠬᠣᠸᠠ ᠶᠠᠯᠠᠯᠠᠬᠤ ᠪᠠᠷ ᠪᠣᠰᠴᠤ ᠦᠨᠳᠦᠰᠦᠲᠡᠨ ᠨᠦᠭᠦᠳ ᠢ ᠰᠢᠭᠦᠬᠦ ᠪᠡᠷ ᠵᠣᠭᠰᠣᠯᠠ᠃
14 ᠶᠣᠬᠣᠸᠠ ᠠᠷᠠᠳ ᠲᠦᠮᠡᠨ ᠦ ᠪᠠᠨ ᠠᠬᠠᠯᠠᠭᠴᠢᠳ ᠪᠣᠯᠣᠨ ᠨᠣᠶᠠᠳ ᠢ ᠰᠢᠭᠦᠬᠦ ᠪᠡᠷ ᠣᠷᠣᠪᠠ᠄ 《ᠲᠠ ᠨᠠᠷ ᠦᠵᠦᠮ ᠦᠨ ᠲᠠᠯᠠᠪᠠᠢ ᠶᠢ ᠮᠢᠨᠢ ᠴᠥᠯᠮᠥᠵᠡᠢ ᠲᠠᠨ ᠤ ᠭᠡᠷ ᠲᠦ ᠶᠠᠳᠠᠭᠤᠰ ᠠᠴᠠ ᠪᠤᠯᠢᠶᠠᠭᠰᠠᠨ ᠣᠯᠵᠠ ᠪᠤᠢ᠃
15 ᠶᠠᠭᠠᠬᠢᠭᠠᠳ ᠲᠠ ᠨᠠᠷ ᠠᠷᠠᠳ ᠲᠦᠮᠡᠨ ᠢ ᠮᠢᠨᠢ ᠪᠢᠴᠠᠯᠵᠤ ᠶᠠᠳᠠᠭᠤᠰ ᠤᠨ ᠨᠢᠭᠤᠷ ᠳᠡᠭᠡᠭᠦᠷ ᠲᠡᠭᠡᠷᠮᠡᠳᠡᠨᠡ ᠪᠤᠢ︖》 ᠠᠤᠭᠠ ᠬᠦᠴᠦᠲᠦ ᠡᠵᠡᠨ ᠶᠣᠬᠣᠸᠠ ᠠᠢᠯᠠᠳᠴᠤ ᠪᠠᠢᠨᠠ᠃
16 ᠶᠣᠬᠣᠸᠠ ᠡᠢᠨ ᠬᠦ ᠠᠢᠯᠠᠳᠤᠯᠠ᠄ 《ᠽᠢᠶᠣᠨ ᠤ ᠥᠬᠢᠳ ᠪᠠᠷᠳᠠᠮᠨᠠᠵᠤ ᠬᠦᠵᠦᠭᠦᠦ ᠭᠡᠳᠡᠢᠯᠭᠡᠨ ᠥᠳᠥᠭᠡᠭᠰᠡᠨ ᠬᠠᠷᠠᠴᠠ ᠭᠦᠶᠦᠯᠭᠡᠨ ᠰᠢᠯᠪᠢ ᠶᠢᠨ ᠬᠣᠩ᠋ᠬᠣ ᠪᠠᠨ ᠵᠢᠩᠭᠢᠨᠡᠭᠦᠯᠦᠨ ᠮᠠᠶ᠋ᠢᠭ ᠲᠠᠢ ᠠᠯᠬᠤᠵᠤ ᠪᠠᠢᠨᠠ᠃
17 ᠬᠠᠷᠢᠨ ᠡᠵᠡᠨ ᠶᠣᠬᠣᠸᠠ ᠽᠢᠶᠣᠨ ᠤ ᠥᠬᠢᠳ ᠤᠨ ᠲᠣᠯᠣᠭᠠᠢ ᠳᠤᠨᠢ ᠬᠠᠮᠠᠭᠤ ᠭᠠᠷᠭᠠᠨ ᠮᠠᠩᠨᠠᠢ ᠶᠢ ᠨᠢ ᠬᠠᠯᠵᠠᠯᠠᠨᠠ᠃》
18 ᠲᠡᠷᠡ ᠡᠳᠦᠷ ᠡᠵᠡᠨ ᠴᠢᠮᠡᠭ ᠢ ᠨᠢ ᠬᠤᠷᠢᠶᠠᠨᠠ᠂ ᠭᠠᠷᠠᠬᠠ᠂ ᠭᠡᠵᠢᠭᠡᠨ ᠦ ᠤᠶᠠᠭᠠ᠂ ᠰᠠᠷᠠᠨ ᠬᠡᠯᠪᠡᠷᠢᠲᠡᠢ ᠭᠣᠶᠣᠯ
19 ᠡᠭᠡᠮᠦᠭ᠂ ᠪᠠᠭᠤᠪᠴᠢ᠂ ᠭᠢᠪᠯᠡᠭᠦᠷ
20 ᠮᠠᠯᠠᠭᠠᠢ᠂ ᠰᠢᠯᠪᠢ ᠶᠢᠨ ᠭᠠᠷᠠᠬᠠ᠂ ᠪᠦᠰᠡ᠂ ᠦᠨᠦᠷᠲᠡᠨ ᠦ ᠬᠠᠢᠷᠴᠠᠭ᠂ ᠰᠠᠬᠢᠭᠤᠰᠤ
21 ᠪᠥᠭᠡᠵᠢ᠂ ᠬᠠᠮᠠᠷ ᠤᠨ ᠭᠠᠷᠠᠬᠠ
22 ᠶᠣᠰᠣᠯᠠᠯ ᠤᠨ ᠬᠤᠪᠴᠠᠰᠤ᠂ ᠳᠡᠪᠡᠯ᠂ ᠨᠥᠮᠥᠷᠭᠡ᠂ ᠲᠦᠷᠡᠢᠪᠴᠢ
23 ᠲᠣᠯᠢ᠂ ᠮᠠᠭᠠᠯᠢᠩ᠋ᠭᠤᠨ ᠬᠤᠪᠴᠠᠰᠤ᠂ ᠣᠷᠢᠶᠠᠯᠲᠠ᠂ ᠠᠯᠴᠢᠭᠤᠷ ᠵᠡᠷᠭᠡ ᠶᠢ ᠪᠦᠭᠦᠳᠡ ᠶᠢ ᠨᠢ ᠬᠤᠷᠢᠶᠠᠨᠠ᠂
24 ᠠᠩᠬᠢᠯᠤᠭ ᠤᠨ ᠣᠷᠣᠨ ᠳᠤ ᠥᠮᠡᠬᠡᠢ ᠦᠨᠦᠷ ᠪᠦᠰᠡ ᠶᠢᠨ ᠣᠷᠣᠨ ᠳᠤ ᠣᠯᠣᠰᠣ ᠭᠣᠶᠣᠮᠰᠣᠭ ᠭᠡᠵᠢᠭᠡ ᠶᠢᠨ ᠣᠷᠣᠨ ᠳᠤ ᠬᠠᠯᠵᠠᠨ ᠮᠠᠩᠨᠤᠭ ᠳᠡᠪᠡᠯ ᠦᠨ ᠣᠷᠣᠨ ᠳᠤ ᠲᠠᠭᠠᠷ ᠦᠵᠡᠰᠬᠦᠯᠡᠩ ᠭᠤᠸᠠ ᠶᠢᠨ ᠣᠷᠣᠨ ᠳᠤ ᠤᠯᠠᠢᠰᠤᠭᠰᠠᠨ ᠲᠠᠮᠠᠭᠠ ᠪᠠᠢᠬᠤ ᠪᠣᠯᠣᠨᠠ᠃
25 ᠲᠠᠨ ᠤ ᠡᠷᠡᠴᠦᠳ ᠢᠯᠳᠦᠨ ᠳᠦ ᠲᠠᠨ ᠤ ᠳᠠᠢᠴᠢᠳ ᠳᠠᠢᠨ ᠳᠤ ᠤᠨᠠᠨᠠ᠃
26 ᠬᠠᠭᠠᠯᠭᠠ ᠨᠤᠭᠤᠳ ᠨᠢ ᠭᠠᠰᠢᠭᠤᠳᠠᠨ ᠤᠬᠢᠯᠠᠵᠤ ᠬᠣᠲᠠ ᠶᠢᠨ ᠬᠢᠨ ᠬᠠᠶᠠᠭᠳᠠᠵᠤ ᠭᠠᠵᠠᠷ ᠳᠡᠭᠡᠷᠡ ᠰᠠᠭᠤᠨᠠ᠃