ᠢᠰᠠᠢᠶᠠ ᠠᠷᠪᠠᠨ ᠵᠢᠷᠭᠤᠭᠠ
1 ᠲᠠ ᠨᠠᠷ ᠡᠨᠡ ᠨᠤᠲᠤᠭ ᠤᠨ ᠵᠠᠬᠢᠷᠤᠭᠴᠢ ᠳᠤ ᠬᠤᠷᠠᠭᠠ ᠶᠢ ᠰᠧᠯᠠ ᠠᠴᠠ ᠴᠥᠯ ᠦᠨ ᠵᠠᠮ ᠢᠶᠠᠷ ᠽᠢᠶᠣᠨ ᠥᠬᠢᠨ ᠤ ᠠᠭᠤᠯᠠ ᠤᠷᠤᠭᠤ ᠶᠠᠪᠤᠭᠤᠯ᠃
2 ᠠᠷᠨᠣᠨ ᠤ ᠭᠠᠷᠠᠮ ᠳᠡᠭᠡᠷᠡ ᠮᠣᠶᠠᠪ ᠤᠨ ᠥᠬᠢᠳ ᠡᠭᠦᠷ ᠡᠴᠡ ᠪᠡᠨ ᠪᠤᠲᠠᠷᠠᠭᠠᠳ ᠳᠠᠷᠪᠢᠵᠤ ᠪᠠᠢᠭᠠ ᠰᠢᠪᠠᠭᠤ ᠮᠡᠲᠦ ᠪᠣᠯᠣᠯᠠ᠃
3 《ᠲᠠ ᠨᠠᠷ ᠵᠥᠪᠯᠡᠯᠳᠦᠵᠦ ᠰᠢᠢᠳᠦᠭᠲᠦᠨ ᠰᠡᠭᠦᠳᠡᠷ ᠢᠶᠡᠷ ᠢᠶᠠᠨ ᠵᠢᠩ ᠦᠳᠡ ᠶᠢ ᠰᠥᠨᠢ ᠮᠡᠲᠦ ᠪᠣᠯᠭᠠᠵᠤ ᠳᠦᠷᠪᠡᠭᠴᠢᠳ ᠢ ᠨᠢ ᠳᠠᠯᠳᠠᠯᠠᠭᠤᠯ᠂ ᠣᠷᠭᠣᠳᠤᠤᠯ ᠤᠳ ᠢ ᠪᠦᠦ ᠢᠯᠡᠷᠡᠭᠦᠯ᠃
4 ᠮᠣᠶᠠᠪ ᠤᠨ ᠳᠦᠷᠪᠡᠭᠴᠢᠳ ᠢ ᠥᠪᠡᠷ ᠲᠡᠢ ᠪᠡᠨ ᠬᠠᠮᠲᠤ ᠪᠠᠢᠯᠭᠠᠨ ᠲᠡᠳᠡᠨ ᠳᠦ ᠰᠦᠢᠳᠬᠡᠭᠴᠢ ᠡᠴᠡ ᠨᠢᠭᠤᠭᠳᠠᠬᠤ ᠭᠠᠵᠠᠷ ᠨᠢ ᠪᠣᠯᠣᠭᠠᠴᠢ᠃》 ᠰᠦᠷᠳᠡᠭᠦᠯᠦᠭᠴᠢ ᠰᠥᠨᠥᠵᠦ᠂ ᠰᠦᠢᠷᠡᠯ ᠵᠣᠭᠰᠣᠨᠠ ᠳᠠᠷᠤᠯᠠᠭᠴᠢᠳ ᠭᠠᠵᠠᠷ ᠠᠴᠠ ᠠᠷᠢᠯᠤᠨᠠ᠃
5 ᠳ᠋ᠠᠸᠢᠳ᠋ ᠤᠨ ᠴᠠᠴᠠᠷ ᠲᠤ ᠬᠠᠢᠷᠠ ᠡᠨᠡᠷᠢᠯ ᠤᠨ ᠤᠯᠠᠮ ᠢᠶᠠᠷ ᠨᠢᠭᠡᠨ ᠰᠡᠨᠲᠢ ᠲᠣᠭᠲᠠᠨᠠ ᠰᠢᠳᠤᠷᠭᠤ ᠶᠢ ᠳᠠᠭᠠᠨ᠂ ᠵᠥᠪ ᠢ ᠲᠦᠷᠭᠡᠨ ᠪᠡᠶᠡᠯᠡᠭᠦᠯᠳᠡᠭ ᠢᠲᠡᠭᠡᠮᠵᠢᠲᠦ ᠵᠠᠬᠢᠷᠤᠭᠴᠢ ᠲᠡᠭᠦᠨ ᠳᠡᠭᠡᠷᠡ ᠵᠠᠯᠠᠷᠠᠨᠠ᠃
6 ᠪᠢᠳᠡ ᠮᠣᠶᠠᠪ ᠤᠨ ᠪᠠᠷᠳᠠᠮᠨᠠᠯ ᠢ ᠰᠣᠨᠣᠰᠪᠠ ᠲᠡᠷᠡ ᠬᠡᠲᠦ ᠪᠠᠷᠳᠠᠮ ᠪᠠᠢᠵᠠᠢ ᠪᠠᠷᠳᠠᠮ ᠳᠡᠭᠡᠷᠡᠩᠭᠦᠢ᠂ ᠪᠠᠯᠠᠮᠠᠳ ᠵᠠᠩ ᠤᠨ ᠬᠢᠨᠢ ᠲᠤᠬᠠᠢ ᠪᠢᠳᠡ ᠰᠣᠨᠣᠰᠴᠤ ᠪᠠᠢᠭᠰᠠᠨ᠂ ᠬᠠᠷᠢᠨ ᠲᠡᠷᠡ ᠣᠳᠣ ᠲᠡᠢᠮᠦ ᠪᠢᠰᠢ᠂ ᠳᠡᠮᠡᠢ ᠪᠣᠯᠣᠯᠠ᠃
7 ᠲᠡᠢᠮᠦ ᠡᠴᠡ ᠮᠣᠶᠠᠪᠴᠤᠳ ᠥᠪᠡᠷ ᠦᠨ ᠢᠶᠠᠨ ᠲᠥᠯᠥᠭᠡ ᠭᠠᠰᠢᠭᠤᠳᠠᠨᠠ ᠮᠣᠶᠠᠪ ᠤᠨ ᠬᠥᠮᠦᠨ ᠪᠦᠷᠢ ᠭᠠᠰᠢᠭᠤᠳᠠᠨᠠ ᠺᠢᠷ ᠬᠠᠷᠧᠰᠧᠲ ᠤᠨ ᠦᠵᠦᠮ ᠦᠨ ᠪᠣᠣᠪᠣ ᠪᠠᠢᠬᠤ ᠦᠭᠡᠢ ᠪᠣᠯᠣᠭᠰᠠᠨ ᠳᠤ ᠭᠠᠰᠢᠭᠤᠳᠠᠨᠠ ᠪᠤᠲᠠ ᠴᠣᠬᠢᠭᠳᠠᠭᠠᠳ ᠭᠠᠰᠠᠯᠤᠨᠠ᠃
8 ᠾᠧᠱᠪᠣᠨ ᠤ ᠲᠠᠯᠠᠪᠠᠢ᠂ ᠰᠢᠪᠮᠠ ᠶᠢᠨ ᠦᠵᠦᠮ ᠬᠠᠲᠠᠪᠠ ᠦᠵᠦᠮ ᠦᠨ ᠣᠷᠢᠶᠠᠩ᠋ᠭᠤ ᠨᠢ ᠶᠠᠽᠧᠷ ᠬᠦᠷᠴᠦ᠂ ᠴᠥᠯ ᠤᠷᠤᠭᠤ ᠵᠠᠯᠠᠯᠠᠵᠤ᠂ ᠮᠥᠴᠢᠷ ᠨᠢ ᠰᠤᠨᠵᠤ᠂ ᠳᠠᠯᠠᠢ ᠶᠢ ᠭᠡᠲᠦᠯᠦᠭᠰᠡᠨ ᠪᠠᠢᠪᠠ ᠬᠠᠷᠢᠨ ᠦᠨᠳᠦᠰᠦᠲᠡᠨ ᠨᠦᠭᠦᠳ ᠦᠨ ᠡᠵᠡᠳ ᠰᠢᠯᠢᠮᠡᠯ ᠮᠥᠴᠢᠷ ᠢ ᠨᠢ ᠴᠠᠪᠴᠢᠵᠠᠢ᠃
9 ᠲᠡᠢᠮᠦ ᠤᠴᠢᠷ ᠠᠴᠠ ᠪᠢ ᠶᠠᠽᠧᠷ ᠤᠨ ᠤᠬᠢᠯᠠᠬᠤ ᠲᠠᠢ ᠠᠳᠠᠯᠢ ᠰᠢᠪᠮᠠ ᠶᠢᠨ ᠦᠵᠦᠮ ᠦᠨ ᠲᠥᠯᠥᠭᠡ ᠤᠬᠢᠯᠠᠨᠠ ᠾᠧᠱᠪᠣᠨ ᠡ᠂ ᠡᠯᠧᠶᠠᠯᠧ ᠡ︕ ᠪᠢ ᠨᠢᠯᠪᠤᠰᠤ ᠪᠠᠷ ᠢᠶᠠᠨ ᠴᠢᠮᠠᠶᠢ ᠨᠣᠷᠭᠠᠨᠠ ᠵᠤᠨ ᠤ ᠵᠢᠮᠢᠰ ᠤᠨ ᠴᠢᠨᠢ ᠲᠥᠯᠥᠭᠡᠬᠢ᠂ ᠬᠤᠷᠢᠶᠠᠯᠲᠠ ᠶᠢᠨ ᠴᠢᠨᠢ ᠲᠥᠯᠥᠭᠡᠬᠢ ᠪᠠᠶᠠᠷ ᠤᠨ ᠳᠠᠭᠤ ᠵᠣᠭᠰᠣᠯᠠ
10 ᠵᠢᠮᠢᠰ ᠤᠨ ᠲᠠᠯᠠᠪᠠᠢ ᠠᠴᠠ ᠪᠠᠶᠠᠷ ᠬᠥᠷ ᠠᠷᠢᠯᠪᠠ ᠠᠶᠠ ᠳᠠᠭᠤᠤ ᠠᠯᠠᠭᠠ᠂ ᠤᠤᠬᠠᠢ ᠠᠯᠠᠭᠠ ᠦᠵᠦᠮ ᠦᠨ ᠰᠢᠬᠠᠭᠤᠷᠭᠠ ᠶᠢ ᠭᠢᠰᠬᠢᠬᠦ ᠬᠥᠮᠦᠨ ᠴᠤ ᠠᠯᠠᠭᠠ ᠪᠠᠶᠠᠷ ᠤᠨ ᠳᠠᠭᠤ ᠶᠢ ᠪᠢ ᠵᠣᠭᠰᠣᠭᠠᠭᠰᠠᠨ ᠶᠤᠮ᠃
11 ᠲᠡᠢᠮᠦ ᠡᠴᠡ ᠵᠢᠷᠦᠬᠡ ᠮᠢᠨᠢ ᠮᠣᠶᠠᠪ ᠤᠨ ᠲᠥᠯᠥᠭᠡ ᠳᠣᠲᠣᠷᠠ ᠮᠢᠨᠢ ᠺᠢᠷ ᠬᠠᠷᠧᠰᠧᠲ ᠤᠨ ᠲᠥᠯᠥᠭᠡ ᠶᠠᠲᠤᠭᠠ ᠶᠢᠨ ᠳᠠᠭᠤ ᠮᠡᠲᠦ ᠭᠠᠰᠢᠭᠤᠳᠠᠨᠠ᠃
12 ᠮᠣᠶᠠᠪᠴᠤᠳ ᠮᠥᠷᠭᠥᠯ ᠦᠨ ᠮᠠᠨᠳᠠᠯ ᠤᠳ ᠲᠠᠭᠠᠨ ᠭᠠᠷᠤᠭᠠᠳ ᠵᠦᠳᠡᠷᠡᠭᠰᠡᠨ ᠴᠤ ᠥᠪᠡᠷᠰᠡᠳ ᠦᠨ ᠢᠶᠠᠨ ᠭᠠᠵᠠᠷ ᠲᠤ ᠣᠴᠢᠭᠠᠳ ᠳᠠᠭᠠᠳᠬᠠᠭᠰᠠᠨ ᠴᠤ ᠶᠠᠮᠠᠷ ᠴᠤ ᠨᠠᠮᠠᠷᠢ ᠦᠭᠡᠢ᠃
13 ᠮᠣᠶᠠᠪ ᠤᠨ ᠲᠠᠯᠠ ᠪᠠᠷ ᠶᠣᠬᠣᠸᠠ ᠬᠡᠳᠦᠢᠨᠡᠢ ᠲᠡᠢᠨ ᠬᠦ ᠠᠢᠯᠠᠳᠴᠠᠢ᠂ 14 ᠣᠳᠣ ᠶᠣᠬᠣᠸᠠ᠄ 《ᠬᠥᠯᠥᠰᠥᠨ ᠦ ᠠᠵᠢᠯᠴᠢᠨ ᠵᠢᠯ ᠢᠶᠠᠨ ᠲᠣᠭᠠᠯᠠᠳᠠᠭ ᠤᠨ ᠠᠳᠠᠯᠢ ᠶᠠᠭ ᠭᠤᠷᠪᠠᠨ ᠵᠢᠯ ᠤᠨ ᠳᠣᠲᠣᠷᠠ ᠮᠣᠶᠠᠪ ᠤᠨ ᠢᠷᠠᠭᠤ ᠠᠯᠳᠠᠷ ᠣᠯᠠᠨ ᠪᠦᠭᠦᠳᠡ ᠲᠠᠢ ᠪᠠᠨ ᠬᠠᠮᠲᠤ ᠳᠣᠷᠣᠮᠵᠢᠯᠠᠯ ᠪᠣᠯᠣᠨᠠ᠃ ᠠᠮᠢᠳᠤ ᠦᠯᠡᠳᠡᠭᠰᠡᠳ ᠨᠢ ᠴᠥᠭᠡᠨ ᠬᠡᠳᠦᠬᠡᠨ ᠪᠥᠭᠡᠳ ᠬᠦᠴᠦ ᠦᠭᠡᠢ ᠪᠠᠢᠬᠤ ᠪᠣᠯᠣᠨᠠ》 ᠭᠡᠵᠦ ᠠᠢᠯᠠᠳᠴᠤ ᠪᠠᠢᠨᠠ᠃