ᠢᠰᠠᠢᠶᠠ ᠵᠢᠷᠠᠨ ᠭᠤᠷᠪᠠ
ᠥᠰᠢᠶᠡ ᠠᠪᠤᠯᠲᠠ᠂ ᠵᠣᠯᠢᠨ ᠠᠪᠤᠯᠲᠠ
1 ᠡᠳᠣᠮ ᠤᠨ ᠪᠣᠽᠷᠠ ᠠᠴᠠ ᠠᠢᠰᠤᠢ ᠤᠯᠠᠭᠠᠨ ᠬᠤᠪᠴᠠᠰᠤ ᠲᠠᠢ ᠨᠢᠭᠡᠨ ᠢᠷᠠᠭᠤ ᠠᠯᠳᠠᠷᠲᠤ ᠳᠡᠪᠡᠯ ᠡᠮᠦᠰᠦᠨ ᠠᠭᠤᠤ ᠬᠦᠴᠦ ᠪᠡᠷ ᠢᠶᠠᠨ ᠠᠯᠬᠤᠭᠴᠢ ᠡᠨᠡ ᠬᠡᠨ ᠪᠤᠢ︖ 《ᠵᠥᠪ ᠢ ᠠᠢᠯᠠᠳᠤᠭᠴᠢ᠂ ᠠᠪᠤᠷᠠᠬᠤ ᠬᠦᠴᠦᠲᠡᠨ ᠪᠢ ᠪᠠᠢᠨᠠ᠃》
2 ᠲᠠᠨ ᠤ ᠳᠡᠪᠡᠯ ᠶᠠᠭᠠᠬᠢᠭᠠᠳ ᠤᠯᠠᠭᠠᠨ ᠶᠠᠭᠠᠬᠢᠭᠠᠳ ᠦᠵᠦᠮ ᠦᠨ ᠰᠢᠬᠠᠭᠤᠷᠭᠠ ᠭᠢᠰᠬᠢᠭ᠍ᠴᠢ ᠶᠢᠨ ᠬᠤᠪᠴᠠᠰᠤ ᠮᠡᠲᠦ ᠪᠠᠢᠨᠠ ᠪᠤᠢ︖
3 《ᠦᠵᠦᠮ ᠦᠨ ᠰᠢᠬᠠᠭᠤᠷᠭᠠ ᠶᠢ ᠪᠢ ᠭᠠᠭᠴᠠᠭᠠᠷ ᠢᠶᠠᠨ ᠭᠢᠰᠬᠢᠪᠡ ᠦᠨᠳᠦᠰᠦᠲᠡᠨ ᠨᠦᠭᠦᠳ ᠦᠨ ᠳᠤᠮᠳᠠ ᠠᠴᠠ ᠬᠡᠨ ᠨᠢ ᠴᠤ ᠨᠠᠳᠠ ᠲᠠᠢ ᠬᠠᠮᠲᠤ ᠪᠠᠢᠭᠠ ᠦᠭᠡᠢ᠃ ᠪᠢ ᠬᠢᠯᠢᠩ ᠲᠠᠢ ᠪᠠᠷ ᠲᠡᠳᠡᠨ ᠢ ᠭᠢᠰᠬᠢᠯᠡᠵᠦ ᠠᠭᠤᠷ ᠲᠠᠢ ᠪᠠᠷ ᠲᠡᠳᠡᠨ ᠢ ᠳᠡᠪᠰᠡᠯᠡᠬᠦ ᠳᠦ ᠰᠢᠭᠦᠰᠦ 23 ᠨᠢ ᠬᠤᠪᠴᠠᠰᠤᠨ ᠳᠡᠭᠡᠷᠡ ᠮᠢᠨᠢ ᠦᠰᠦᠷᠴᠦ ᠳᠡᠪᠡᠯ ᠢ ᠮᠢᠨᠢ ᠪᠦᠷ ᠲᠣᠯᠪᠣᠳᠠᠭᠤᠯᠪᠠ᠃
4 ᠥᠰᠢᠶᠡ ᠠᠪᠤᠯᠲᠠ ᠶᠢᠨ ᠡᠳᠦᠷ ᠮᠢᠨᠦ ᠵᠢᠷᠦᠬᠡᠨ ᠳᠦ ᠪᠠᠢᠨᠠ ᠵᠣᠯᠢᠨ ᠠᠪᠬᠤ ᠵᠢᠯ ᠮᠢᠨᠢ ᠢᠷᠡᠯᠡ᠃
5 ᠲᠤᠰᠠᠯᠠᠭᠴᠢ ᠦᠭᠡᠢ ᠪᠠᠢᠬᠤ ᠶᠢ ᠪᠢ ᠬᠠᠷᠠᠪᠠ ᠳᠡᠮᠵᠢᠭᠴᠢ ᠦᠭᠡᠢ ᠪᠠᠢᠬᠤ ᠳᠤ ᠪᠢ ᠭᠠᠢᠬᠠᠪᠠ ᠲᠡᠢᠮᠦ ᠡᠴᠡ ᠥᠪᠡᠷ ᠦᠨ ᠮᠢᠨᠢ ᠭᠠᠷ ᠮᠢᠨᠦ ᠡᠮᠦᠨᠡ ᠡᠴᠡ ᠠᠪᠤᠷᠠᠯ ᠢ ᠭᠦᠢᠴᠡᠳᠬᠡᠵᠦ ᠥᠪᠡᠷ ᠦᠨ ᠮᠢᠨᠢ ᠠᠭᠤᠷ ᠨᠠᠮᠠᠶᠢ ᠳᠡᠮᠵᠢᠪᠡ᠃
6 ᠪᠢ ᠦᠨᠳᠦᠰᠦᠲᠡᠨ ᠨᠦᠭᠦᠳ ᠢ ᠠᠭᠤᠷ ᠢᠶᠠᠷ ᠢᠶᠠᠨ ᠲᠠᠯᠬᠢᠳᠠᠪᠠ ᠬᠢᠯᠢᠩ ᠢᠶᠠᠷ ᠢᠶᠠᠨ ᠲᠡᠳᠡᠨ ᠢ ᠰᠣᠭᠲᠣᠭᠠᠨ ᠰᠢᠭᠦᠰᠦ ᠶᠢ ᠨᠢ ᠭᠠᠵᠠᠷ ᠲᠤ ᠠᠰᠬᠠᠭᠰᠠᠨ ᠶᠤᠮ᠃》
7 ᠬᠠᠷᠢᠨ ᠪᠢ ᠶᠣᠬᠣᠸᠠ ᠶᠢᠨ ᠡᠨᠡᠷᠢᠯ ᠢ ᠳᠤᠷᠠᠳᠤᠶᠠ ᠶᠣᠬᠣᠸᠠ ᠶᠢᠨ ᠪᠢᠳᠡᠨ ᠳᠦ ᠰᠣᠶᠣᠷᠬᠠᠭᠰᠠᠨ ᠪᠦᠬᠦᠨ ᠦ ᠶᠣᠰᠣᠭᠠᠷ ᠮᠠᠭᠲᠠᠭᠤᠰᠢᠲᠠᠢ ᠦᠢᠯᠡᠰ ᠢ ᠨᠢ ᠬᠡᠯᠡᠶᠡ᠂ ᠥᠪᠡᠷ ᠦᠨ ᠢᠶᠠᠨ ᠥᠷᠥᠰᠢᠶᠡᠯ᠂ ᠦᠯᠡᠮᠵᠢ ᠡᠨᠡᠷᠢᠯ ᠤᠨ ᠢᠶᠠᠨ ᠳᠠᠭᠠᠤ ᠢᠰᠷᠧᠯ ᠤᠨ ᠭᠡᠷ ᠲᠦ ᠦᠵᠡᠭᠦᠯᠦᠭᠰᠡᠨ ᠦᠯᠡᠮᠵᠢ ᠰᠠᠢᠨ ᠢ ᠨᠢ ᠪᠢ ᠬᠡᠯᠡᠶᠡ᠂
8 ᠶᠣᠬᠣᠸᠠ 《ᠲᠡᠳᠡ ᠪᠣᠯ ᠦᠨᠡᠬᠡᠷ ᠮᠢᠨᠦ ᠠᠷᠠᠳ ᠲᠦᠮᠡᠨ ᠬᠠᠭᠤᠷᠮᠠᠴᠢ ᠪᠢᠰᠢ ᠬᠡᠦᠬᠡᠳ ᠤᠳ》 ᠭᠡᠳ ᠲᠡᠳᠡᠨ ᠦ ᠠᠪᠤᠷᠠᠭᠴᠢ ᠪᠣᠯᠵᠤ
9 ᠵᠣᠪᠠᠬᠤ ᠪᠣᠯᠭᠠᠨ ᠳᠤᠨᠢ ᠵᠣᠪᠠᠵᠤ ᠥᠪᠡᠷ ᠦᠨ ᠢᠶᠠᠨ ᠡᠮᠦᠨᠡᠬᠢ ᠲᠩᠷᠢ ᠡᠯᠴᠢ ᠪᠠᠷ ᠲᠡᠳᠡᠨ ᠢ ᠠᠪᠤᠷᠠᠵᠤ ᠥᠪᠡᠷ ᠦᠨ ᠢᠶᠠᠨ ᠬᠠᠢᠷᠠ ᠡᠨᠡᠷᠢᠯ ᠢᠶᠠᠷ ᠲᠡᠳᠡᠨ ᠢ ᠵᠣᠯᠢᠵᠤ ᠡᠷᠲᠡᠨ ᠦ ᠪᠦᠬᠦᠢᠯᠡ ᠡᠳᠦᠷ ᠤᠳ ᠲᠤ ᠲᠡᠳᠡᠨ ᠢ ᠡᠷᠭᠦᠵᠦ᠂ ᠡᠭᠦᠷᠴᠦ ᠢᠷᠡᠭᠰᠡᠨ ᠪᠢᠯᠡ᠃
10 ᠬᠠᠷᠢᠨ ᠲᠡᠳᠡ ᠲᠡᠷᠰᠯᠡᠨ ᠠᠷᠢᠭᠤᠨ ᠰᠦᠨᠡᠰᠦ ᠶᠢ ᠨᠢ ᠵᠣᠪᠠᠭᠠᠪᠠ᠂ ᠲᠡᠢᠮᠦ ᠡᠴᠡ ᠲᠡᠷᠡ ᠡᠷᠭᠢᠨ ᠲᠡᠳᠡᠨ ᠦ ᠳᠠᠢᠰᠤᠨ ᠪᠣᠯᠵᠤ ᠲᠡᠳᠡᠨ ᠲᠡᠢ ᠲᠡᠮᠡᠴᠡᠪᠡ᠃
11 ᠬᠠᠷᠢᠨ ᠲᠡᠷᠡ ᠡᠷᠲᠡᠨ ᠦ ᠡᠳᠦᠷ ᠤᠳ ᠢ ᠮᠣᠰᠧ ᠪᠣᠯᠣᠨ ᠲᠡᠭᠦᠨ ᠦ ᠠᠷᠠᠳ ᠲᠦᠮᠡᠨ ᠦ ᠦᠶᠡ ᠶᠢ ᠰᠠᠨᠠᠭᠰᠠᠨ ᠴᠤ ᠪᠣᠯᠣᠭᠠᠰᠠᠢ᠂ ᠲᠡᠳᠡᠨ ᠢ ᠰᠦᠷᠦᠭ ᠦᠨ ᠬᠢᠨᠢ ᠬᠣᠨᠢᠴᠢᠨ ᠲᠠᠢ ᠬᠠᠮᠲᠤ ᠲᠠᠩᠭᠢᠰ ᠠᠴᠠ ᠭᠠᠷᠭᠠᠭᠰᠠᠨ ᠲᠡᠷᠡ ᠬᠠᠮᠢᠭᠠ ᠪᠠᠢᠨᠠ︖ ᠲᠡᠳᠡᠨ ᠦ ᠳᠤᠮᠳᠠ ᠠᠷᠢᠭᠤᠨ ᠰᠦᠨᠡᠰᠦ ᠪᠡᠨ ᠣᠷᠣᠭᠤᠯᠤᠭᠰᠠᠨ ᠲᠡᠷᠡ ᠬᠠᠮᠢᠭᠠ ᠪᠠᠢᠨᠠ︖
12 ᠢᠷᠠᠭᠤ ᠠᠯᠳᠠᠷᠲᠤ ᠮᠤᠲᠤᠷ ᠢᠶᠠᠷ ᠢᠶᠠᠨ ᠮᠣᠰᠧ ᠶᠢᠨ ᠪᠠᠷᠠᠭᠤᠨ ᠭᠠᠷ ᠢ ᠬᠥᠲᠥᠯᠥᠨ ᠲᠡᠳᠡᠨ ᠦ ᠡᠮᠦᠨᠡ ᠤᠰᠤ ᠶᠢ ᠬᠤᠪᠢᠶᠠᠵᠤ ᠠᠯᠳᠠᠷ ᠨᠡᠷᠡ ᠪᠡᠨ ᠮᠥᠩᠬᠡᠳᠡ ᠳᠠᠭᠤᠷᠢᠰᠬᠠᠭᠰᠠᠨ
13 ᠲᠡᠳᠡᠨ ᠢ ᠭᠦᠨ ᠤᠰᠤᠨ ᠳᠤᠮᠳᠠᠭᠤᠷ ᠬᠥᠲᠥᠯᠥᠭᠰᠡᠨ ᠲᠡᠷᠡ ᠬᠠᠮᠢᠭᠠ ᠪᠠᠢᠨᠠ︖ ᠡᠵᠡᠭᠦᠢ ᠲᠠᠯᠠ ᠳᠡᠭᠡᠷᠡᠬᠢ ᠮᠣᠷᠢ ᠮᠡᠲᠦ ᠲᠡᠳᠡ ᠪᠦᠳᠦᠷᠢᠭᠡ ᠦᠭᠡᠢ ᠪᠠᠢᠭᠰᠠᠨ᠂
14 ᠶᠣᠬᠣᠸᠠ ᠶᠢᠨ ᠰᠦᠨᠡᠰᠦ ᠲᠡᠳᠡᠨ ᠢ ᠬᠥᠨᠳᠡᠢ ᠤᠷᠤᠭᠤ ᠪᠠᠭᠤᠬᠤ ᠮᠠᠯ ᠰᠦᠷᠦᠭ ᠮᠡᠲᠦ ᠠᠮᠠᠷᠠᠭᠠᠪᠠ᠂ ᠲᠡᠢᠨ ᠬᠦ ᠲᠠ ᠠᠷᠠᠳ ᠲᠦᠮᠡᠨ ᠢᠶᠡᠨ ᠤᠳᠤᠷᠢᠳᠴᠤ᠂ ᠠᠯᠳᠠᠷ ᠨᠡᠷᠡ ᠪᠡᠨ ᠳᠠᠭᠤᠷᠢᠰᠬᠠᠭᠰᠠᠨ᠃
15 ᠲᠩᠷᠢ ᠡᠴᠡ ᠳᠣᠭᠣᠭᠰᠢ ᠬᠠᠷᠠᠭᠠᠴᠢ ᠠᠷᠢᠭᠤᠨ᠂ ᠵᠢᠪᠬᠤᠯᠠᠩᠲᠤ ᠣᠷᠣᠨ ᠠᠴᠠ ᠪᠠᠨ ᠦᠵᠡᠭᠡᠴᠢ ᠲᠠᠨ ᠤ ᠬᠦᠴᠦ᠂ ᠲᠠᠨ ᠤ ᠬᠠᠯᠠᠭᠤᠨ ᠰᠡᠳᠬᠢᠯ ᠬᠠᠮᠢᠭᠠ ᠪᠠᠢᠨᠠ ᠪᠤᠢ︖ ᠨᠠᠳᠠ ᠳᠤ ᠬᠠᠨᠳᠤᠭᠰᠠᠨ ᠥᠷᠥᠪᠳᠥᠯ ᠪᠠ ᠥᠷᠥᠰᠢᠶᠡᠯ ᠲᠠᠨᠢ ᠵᠣᠭᠰᠣᠵᠠᠢ᠃
16 ᠬᠠᠷᠢᠨ ᠲᠠ ᠯᠠ ᠪᠢᠳᠡᠨ ᠦ ᠡᠴᠢᠭᠡ ᠪᠢᠯᠡ ᠠᠪᠷᠠᠬᠠᠮ ᠪᠢᠳᠡᠨ ᠢ ᠲᠠᠨᠢᠬᠤ ᠦᠭᠡᠢ ᠢᠰᠷᠧᠯ ᠪᠢᠳᠡᠨ ᠢ ᠲᠣᠭᠣᠬᠤ ᠦᠭᠡᠢ ᠪᠠᠢᠪᠠᠴᠤ ᠲᠠ ᠯᠠ ᠪᠢᠳᠡᠨ ᠦ ᠡᠴᠢᠭᠡ᠂ ᠥᠨᠢ ᠡᠷᠲᠡᠨ ᠡᠴᠡ ᠪᠢᠳᠡᠨ ᠦ ᠠᠪᠤᠷᠠᠭᠴᠢ ᠭᠡᠭᠳᠡᠳᠡᠭ ᠪᠠᠢᠭᠰᠠᠨ᠃
17 ᠶᠣᠬᠣᠸᠠ᠂ ᠶᠠᠭᠤᠨ ᠳᠤ ᠲᠠ ᠪᠢᠳᠡᠨ ᠢ ᠵᠠᠮ ᠠᠴᠠ ᠪᠠᠨ ᠲᠥᠭᠡᠷᠢᠭᠦᠯᠦᠨ ᠪᠢᠳᠡᠨ ᠦ ᠵᠢᠷᠦᠬᠡ ᠶᠢ ᠬᠠᠲᠠᠭᠤᠷᠠᠭᠤᠯᠵᠤ ᠲᠠᠨ ᠠᠴᠠ ᠡᠮᠢᠶᠡᠯᠭᠡᠬᠦ ᠦᠭᠡᠢ ᠪᠣᠯᠭᠠᠭᠰᠠᠨ ᠶᠤᠮ ᠪᠤᠢ︖ ᠥᠪᠡᠷ ᠦᠨ ᠢᠶᠠᠨ ᠵᠠᠷᠤᠴᠠ ᠨᠠᠷ ᠤᠨ ᠲᠥᠯᠥᠭᠡ ᠥᠮᠴᠢ ᠪᠣᠯᠬᠤ ᠣᠪᠣᠭ ᠤᠨ ᠢᠶᠠᠨ ᠲᠥᠯᠥᠭᠡ ᠲᠠ ᠪᠤᠴᠠᠭᠠᠳ ᠢᠷᠡᠭᠡᠴᠢ᠃
18 ᠠᠷᠢᠭᠤᠨ ᠠᠷᠠᠳ ᠲᠦᠮᠡᠨ ᠴᠢᠨᠢ ᠠᠷᠢᠭᠤᠨ ᠭᠠᠵᠠᠷ ᠢ ᠲᠠᠨᠢ ᠲᠦᠷ ᠡᠵᠡᠮᠰᠢᠭᠡᠳ ᠪᠠᠢᠬᠤ ᠳᠤ ᠪᠢᠳᠡᠨ ᠦ ᠳᠠᠢᠰᠤᠨ ᠨᠤᠭᠤᠳ ᠲᠡᠭᠦᠨ ᠢ ᠭᠢᠰᠬᠢᠯᠡᠭᠰᠡᠨ ᠢᠶᠡᠷ
19 ᠪᠢᠳᠡ ᠥᠨᠢ ᠡᠷᠲᠡᠨ ᠡᠴᠡ ᠬᠡᠵᠢᠶᠡ ᠴᠤ ᠲᠠᠨ ᠳᠤ ᠵᠠᠬᠢᠷᠤᠭᠳᠠᠵᠤ ᠪᠠᠢᠭᠠ ᠦᠭᠡᠢ ᠲᠠᠨ ᠤ ᠨᠡᠷᠡ ᠪᠡᠷ ᠨᠡᠷᠡᠯᠡᠭᠳᠡᠵᠦ ᠪᠠᠢᠭᠠ ᠦᠭᠡᠢ ᠮᠡᠲᠦ ᠪᠣᠯᠣᠯᠠ᠃