ᠢᠰᠠᠢᠶᠠ ᠬᠣᠷᠢᠨ ᠵᠢᠷᠭᠤᠭᠠ
ᠰᠢᠨᠡ ᠬᠠᠭᠠᠨᠴᠢᠯᠠᠯ ᠤᠨ ᠮᠠᠭᠲᠠᠭᠠᠯ
1 ᠲᠡᠷᠡ ᠡᠳᠦᠷ ᠶᠦᠳᠠ ᠶᠢᠨ ᠨᠤᠲᠤᠭ ᠲᠤ ᠡᠨᠡ ᠳᠠᠭᠤᠤ ᠳᠠᠭᠤᠯᠠᠭᠳᠠᠨᠠ᠄ 《ᠪᠢᠳᠡᠨ ᠳᠦ ᠬᠦᠴᠦᠷᠬᠡᠭ ᠬᠣᠲᠠ ᠪᠠᠢᠨᠠ ᠪᠤᠷᠬᠠᠨ ᠠᠪᠤᠷᠠᠯ ᠢ ᠲᠡᠭᠦᠨ ᠦ ᠬᠠᠨᠠ᠂ ᠬᠡᠷᠡᠮ ᠪᠣᠯᠭᠠᠵᠠᠢ
2 ᠡᠭᠦᠳᠡ ᠬᠠᠭᠠᠯᠭᠠ ᠪᠠᠨ ᠨᠡᠭᠡᠭᠡ ᠦᠨᠡᠨ ᠢ ᠰᠠᠬᠢᠭᠴᠢ ᠵᠥᠪᠲᠦ ᠦᠨᠳᠦᠰᠦᠲᠡᠨ ᠢ ᠣᠷᠣᠭᠤᠯ᠃
3 ᠲᠠᠨ ᠳᠤ ᠢᠲᠡᠭᠡᠯ ᠲᠡᠢ᠂ ᠲᠤᠤᠱᠲᠠᠢ ᠰᠠᠨᠠᠭᠠ ᠲᠠᠢ ᠨᠢᠭᠡᠨ ᠢ ᠲᠠ ᠠᠮᠤᠷ ᠠᠮᠤᠭᠤᠯᠠᠩ ᠢᠶᠠᠷ ᠬᠠᠮᠠᠭᠠᠯᠠᠨᠠ᠃
4 ᠶᠣᠬᠣᠸᠠ᠂ ᠶᠣᠬᠣᠸᠠ ᠪᠣᠯ ᠮᠥᠩᠬᠡ ᠶᠢᠨ ᠬᠠᠳᠠ ᠶᠣᠬᠣᠸᠠ ᠳᠤ ᠡᠭᠦᠷᠢᠳᠡ ᠢᠲᠡᠭᠡᠭᠲᠦᠨ
5 ᠥᠨᠳᠥᠷ ᠲᠦ ᠪᠠᠢᠷᠢᠯᠠᠭᠴᠢᠳ ᠢ ᠲᠡᠷᠡ ᠪᠠᠭᠤᠯᠭᠠᠨᠠ ᠡᠷᠭᠦᠮᠵᠢᠯᠡᠭᠳᠡᠭᠰᠡᠨ ᠬᠣᠲᠠ ᠶᠢ ᠲᠡᠷᠡ ᠨᠤᠷᠠᠭᠠᠵᠤ ᠭᠠᠵᠠᠷ ᠤᠨ ᠬᠥᠷᠥᠰᠥᠨ ᠳᠤ ᠤᠨᠠᠭᠠᠨᠠ
6 ᠬᠥᠯ ᠦᠨ ᠳᠣᠣᠷᠠ ᠲᠡᠭᠦᠨ ᠢ ᠭᠢᠰᠬᠢᠭᠦᠯᠦᠨᠡ ᠳᠠᠷᠤᠯᠠᠭᠳᠠᠭᠰᠠᠳ ᠤᠨ ᠬᠥᠯ᠂ ᠶᠠᠳᠠᠭᠤᠰ ᠤᠨ ᠠᠯᠬᠤᠭᠠ ᠪᠠᠷ ᠲᠠᠯᠬᠢᠳᠠᠭᠤᠯᠤᠨᠠ᠃》
7 ᠵᠥᠪᠲᠡᠨ ᠦ ᠵᠠᠮ ᠰᠢᠯᠤᠭᠤᠨ ᠵᠥᠪᠲᠡᠨ ᠦ ᠵᠠᠮ ᠢ ᠴᠢᠭ᠍ᠴᠢ ᠲᠠ ᠲᠡᠭᠰᠢᠯᠡᠨᠡ᠃
8 ᠶᠣᠬᠣᠸᠠ᠂ ᠲᠠᠨ ᠤ ᠰᠢᠭᠦᠯᠲᠡ ᠶᠢᠨ ᠵᠠᠮ ᠳᠡᠭᠡᠷᠡ ᠪᠢᠳᠡ ᠲᠠᠨ ᠳᠤ ᠨᠠᠢᠳᠠᠨᠠ ᠲᠠᠨ ᠤ ᠨᠡᠷᠡ᠂ ᠲᠠᠨ ᠤ ᠳᠤᠷᠠᠰᠤᠮᠵᠢ ᠪᠣᠯ ᠪᠢᠳᠡᠨ ᠦ ᠰᠡᠳᠬᠢᠯ ᠤᠨ ᠲᠡᠮᠡᠦᠯᠦᠯ ᠶᠤᠮ᠃
9 ᠰᠡᠳᠬᠢᠯ ᠮᠢᠨᠢ ᠰᠥᠨᠢ ᠪᠠᠷ ᠲᠠᠨ ᠤᠷᠤᠭᠤ ᠲᠡᠮᠡᠦᠯᠦᠨ ᠰᠦᠨᠡᠰᠦ ᠮᠢᠨᠢ ᠦᠷ ᠢᠶᠡᠷ ᠲᠠᠨ ᠢ ᠡᠷᠢᠯᠬᠢᠯᠡᠨᠡ ᠤᠴᠢᠷ ᠨᠢ ᠲᠠᠨ ᠤ ᠰᠢᠭᠦᠯᠲᠡ ᠭᠠᠵᠠᠷ ᠳᠡᠭᠡᠷᠡ ᠢᠷᠡᠬᠦ ᠳᠦ ᠳᠡᠯᠡᠬᠡᠢ ᠶᠢᠨ ᠰᠠᠭᠤᠭᠠᠯᠢᠴᠢᠳ ᠵᠥᠪ ᠢ ᠰᠤᠷᠤᠨᠠ᠃
10 ᠪᠤᠷᠤᠭᠤᠲᠠᠨ ᠨᠢ ᠡᠨᠡᠷᠢᠭᠳᠡᠭᠰᠡᠨ ᠴᠤ ᠵᠥᠪ ᠢ ᠦᠯᠦ ᠰᠤᠷᠤᠨᠠ ᠰᠢᠯᠤᠭᠤᠨ ᠭᠠᠵᠠᠷ ᠲᠤ ᠴᠤ ᠶᠣᠬᠣᠸᠠ ᠶᠢᠨ ᠴᠣᠭ ᠵᠢᠪᠬᠤᠯᠠᠩ ᠢ ᠬᠠᠷᠠᠯ ᠦᠭᠡᠢ ᠭᠠᠵᠢᠨᠠ᠃
11 ᠶᠣᠬᠣᠸᠠ᠂ ᠲᠠ ᠨᠢᠳᠤᠷᠭᠠ ᠪᠠᠨ ᠳᠠᠯᠠᠢᠭᠰᠠᠨ ᠠᠲᠠᠯᠠ ᠲᠡᠳᠡ ᠦᠯᠦ ᠬᠠᠷᠠᠨᠠ ᠭᠡᠪᠡᠴᠦ ᠲᠡᠳᠡ ᠠᠷᠠᠳ ᠲᠦᠮᠡᠨ ᠦ ᠪᠠᠨ ᠲᠥᠯᠥᠭᠡᠬᠢ ᠬᠠᠯᠠᠭᠤᠨ ᠰᠡᠳᠬᠢᠯ ᠢ ᠲᠠᠨᠢ ᠬᠠᠷᠠᠭᠠᠳ ᠢᠴᠢᠬᠦ ᠪᠣᠯᠣᠨᠠ ᠦᠨᠡᠬᠡᠷ ᠭᠠᠯ ᠳᠠᠢᠰᠤᠨ ᠨᠤᠭᠤᠳ ᠢ ᠲᠠᠨᠢ ᠵᠠᠯᠭᠢᠭᠠᠰᠠᠢ︕
12 ᠬᠠᠷᠢᠨ ᠶᠣᠬᠣᠸᠠ᠂ ᠲᠠ ᠪᠢᠳᠡᠨ ᠦ ᠲᠥᠯᠥᠭᠡ ᠡᠩᠬᠡ ᠶᠢ ᠲᠣᠭᠲᠠᠭᠠᠨᠠ ᠦᠨᠡᠨ ᠳᠡᠭᠡᠨ ᠪᠢᠳᠡᠨ ᠦ ᠲᠥᠯᠥᠭᠡ ᠪᠦᠬᠦᠢᠯᠡ ᠠᠵᠢᠯ ᠢ ᠲᠠ ᠬᠢᠭᠰᠡᠨ ᠶᠤᠮ᠃
13 ᠪᠢᠳᠡᠨ ᠦ ᠪᠤᠷᠬᠠᠨ ᠶᠣᠬᠣᠸᠠ᠂ ᠲᠠᠨ ᠠᠴᠠ ᠥᠭᠡᠷᠡ ᠡᠵᠡᠳ ᠪᠢᠳᠡᠨ ᠢ ᠨᠣᠶᠠᠷᠬᠠᠭᠰᠠᠨ ᠪᠣᠯᠪᠠᠴᠤ ᠪᠢᠳᠡ ᠵᠥᠪᠬᠡᠨ ᠲᠠᠨ ᠤ ᠨᠡᠷᠡ ᠶᠢ ᠰᠠᠨᠠᠵᠤ ᠶᠠᠪᠤᠳᠠᠭ᠃
14 ᠲᠡᠳᠡ ᠦᠬᠦᠭᠰᠡᠨ᠂ ᠠᠮᠢᠳᠤᠷᠠᠬᠤ ᠦᠭᠡᠢ ᠲᠡᠳᠡ ᠮᠥᠬᠥᠭᠰᠡᠨ᠂ ᠪᠣᠰᠬᠤ ᠦᠭᠡᠢ ᠲᠠ ᠲᠡᠳᠡᠨ ᠤᠷᠤᠭᠤ ᠡᠷᠭᠢᠨ᠂ ᠲᠡᠳᠡᠨ ᠢ ᠤᠰᠠᠳᠬᠠᠵᠤ ᠲᠡᠳᠡᠨ ᠦ ᠳᠤᠷᠠᠰᠤᠮᠵᠢ ᠶᠢ ᠪᠦᠷᠢᠮᠦᠰᠦᠨ ᠠᠷᠢᠯᠭᠠᠭᠰᠠᠨ᠃
15 ᠶᠣᠬᠣᠸᠠ ᠲᠠ ᠡᠨᠡ ᠦᠨᠳᠦᠰᠦᠲᠡᠨ ᠢ ᠠᠷᠪᠢᠵᠢᠭᠤᠯᠤᠭᠰᠠᠨ ᠲᠠ ᠡᠨᠡ ᠦᠨᠳᠦᠰᠦᠲᠡᠨ ᠢ ᠠᠷᠪᠢᠵᠢᠭᠤᠯᠤᠭᠰᠠᠨ ᠶᠤᠮ ᠲᠠ ᠠᠯᠳᠠᠷᠰᠢᠪᠠ ᠲᠠ ᠡᠨᠡ ᠨᠤᠲᠤᠭ ᠤᠨ ᠪᠦᠬᠦ ᠬᠢᠵᠠᠭᠠᠷ ᠢ ᠳᠡᠯᠡᠭᠰᠡᠨ᠃
16 ᠶᠣᠬᠣᠸᠠ ᠮᠢᠨᠢ᠂ ᠲᠡᠳᠡ ᠰᠢᠨᠠᠯᠬᠤ ᠳᠠᠭᠠᠨ ᠲᠠᠨ ᠤᠷᠤᠭᠤ ᠡᠷᠭᠢᠭᠰᠡᠨ ᠲᠠᠨ ᠤ ᠭᠡᠰᠬᠡᠯᠲᠡ ᠢᠷᠡᠬᠦ ᠳᠦ᠂ ᠲᠡᠳᠡ ᠳᠠᠭᠠᠳᠬᠠᠯ ᠢ ᠠᠰᠬᠠᠪᠠ᠂
17 ᠵᠢᠷᠮᠦᠰᠦᠨ ᠡᠮᠡᠭᠲᠡᠢ ᠨᠢᠷᠠᠢᠯᠠᠬᠤ ᠳᠠᠭᠠᠨ ᠵᠣᠪᠠᠵᠤ ᠳᠤᠩᠰᠢᠨ ᠡᠪᠡᠳᠦᠭᠡᠳ ᠣᠷᠢᠯᠠᠳᠠᠭ ᠰᠢᠭ᠋ ᠪᠢᠳᠡ ᠴᠤ ᠲᠠᠨ ᠤ ᠡᠮᠦᠨᠡ ᠡᠢᠮᠦ ᠪᠠᠢᠭᠰᠠᠨ᠂ ᠶᠣᠬᠣᠸᠠ ᠡ
18 ᠪᠢᠳᠡ ᠵᠢᠷᠮᠦᠰᠦᠯᠡᠨ᠂ ᠡᠪᠡᠳᠦᠭᠰᠡᠨ ᠪᠣᠯᠪᠠᠴᠤ ᠰᠠᠯᠬᠢ ᠶᠢ ᠲᠥᠷᠥᠭᠦᠯᠦᠭᠰᠡᠨ ᠪᠢᠳᠡ ᠭᠠᠵᠠᠷ ᠳᠡᠭᠡᠷᠡ ᠠᠪᠤᠷᠠᠯ ᠤᠨ ᠦᠢᠯᠡ ᠶᠢ ᠬᠢᠭᠡ ᠦᠭᠡᠢ ᠶᠢᠷᠲᠢᠨᠴᠦ ᠶᠢᠨ ᠰᠠᠭᠤᠭᠠᠯᠢᠴᠢᠳ ᠢ ᠴᠤ ᠭᠠᠷᠭᠠᠭᠠ ᠦᠭᠡᠢ᠃
19 ᠬᠠᠷᠢᠨ ᠲᠠᠨ ᠤ ᠦᠬᠦᠭᠰᠡᠳ ᠠᠮᠢᠯᠠᠨᠠ᠂ ᠴᠣᠭᠴᠠᠰ ᠨᠢ ᠪᠣᠰᠣᠨᠠ ᠰᠢᠷᠣᠢ ᠳᠤ ᠣᠷᠣᠭᠰᠠᠳ ᠡ᠂ ᠪᠣᠰᠣᠭᠠᠳ ᠪᠠᠶᠠᠷ ᠲᠠᠢ ᠪᠠᠷ ᠳᠠᠭᠤᠯᠠᠭᠲᠤᠨ᠂ ᠲᠠᠨ ᠤ ᠰᠢᠭᠦᠳᠡᠷᠢ ᠪᠣᠯ ᠭᠡᠷᠡᠯ ᠦᠨ ᠰᠢᠭᠦᠳᠡᠷᠢ᠂ ᠭᠠᠵᠠᠷ ᠨᠢ ᠦᠬᠦᠭᠰᠡᠳ ᠢ ᠭᠠᠷᠭᠠᠨᠠ᠃
20 ᠢᠷᠡᠵᠡᠭᠡ᠂ ᠠᠷᠠᠳ ᠲᠦᠮᠡᠨ ᠮᠢᠨᠢ ᠥᠷᠥᠭᠡᠨ ᠳᠡᠭᠡᠨ ᠣᠷᠣᠭᠠᠳ ᠬᠠᠭᠠᠯᠭᠠ ᠪᠠᠨ ᠬᠠᠭᠠᠵᠤ ᠠᠭᠤᠷ ᠬᠢᠯᠢᠩ ᠥᠩᠭᠡᠷᠡᠲᠡᠯᠡ ᠲᠦᠷ ᠵᠠᠭᠤᠷᠠ ᠨᠢᠭᠤᠭᠳᠠᠭᠲᠤᠨ᠃
21 ᠬᠠᠷᠠ᠂ ᠶᠣᠬᠣᠸᠠ ᠪᠠᠢᠷᠢ ᠡᠴᠡ ᠪᠡᠨ ᠭᠠᠷᠴᠤ ᠭᠠᠵᠠᠷ ᠤᠨ ᠰᠠᠭᠤᠭᠠᠯᠢᠴᠢᠳ ᠢ ᠨᠢᠭᠦᠯ ᠦᠨ ᠬᠢᠨᠢ ᠤᠯᠠᠮ ᠢᠶᠠᠷ ᠰᠢᠳᠬᠡᠨᠡ ᠭᠠᠵᠠᠷ ᠠᠯᠠᠭᠳᠠᠭᠰᠠᠳ ᠢᠶᠠᠨ ᠳᠠᠯᠳᠠᠯᠠᠬᠤ ᠪᠠᠨ ᠪᠣᠯᠢᠵᠤ ᠴᠢᠰᠤ ᠶᠢ ᠨᠢ ᠢᠯᠡᠷᠡᠭᠦᠯᠦᠨᠡ᠃