ᠢᠰᠠᠢᠶᠠ ᠠᠷᠪᠠ
1 ᠭᠠᠰᠠᠯᠠᠩᠲᠠᠶᠠ᠂ ᠰᠢᠳᠤᠷᠭᠤ ᠪᠤᠰᠤ ᠲᠣᠭᠲᠠᠭᠠᠯ ᠢ ᠲᠣᠭᠲᠠᠭᠠᠵᠤ ᠵᠥᠪ ᠪᠤᠰᠤ ᠲᠤᠰᠢᠶᠠᠯ ᠢ ᠲᠤᠰᠢᠶᠠᠭᠴᠢᠳ ᠡ᠂
2 ᠲᠡᠳᠡ ᠶᠠᠳᠠᠭᠤᠰ ᠢ ᠰᠢᠳᠤᠷᠭᠤ ᠰᠢᠭᠦᠯᠲᠡ ᠡᠴᠡ ᠬᠣᠯᠠᠳᠠᠭᠤᠯᠵᠤ ᠠᠷᠠᠳ ᠲᠦᠮᠡᠨ ᠦ ᠮᠢᠨᠢ ᠦᠭᠡᠶᠢᠭᠦᠴᠦᠳ ᠦᠨ ᠡᠷᠬᠡ ᠶᠢ ᠪᠤᠯᠢᠶᠠᠳᠠᠭ ᠲᠡᠳᠡ ᠪᠡᠯᠪᠡᠰᠦᠨ ᠢ ᠲᠣᠨᠣᠵᠤ᠂ ᠥᠨᠥᠴᠢᠨ ᠢ ᠳᠡᠭᠡᠷᠡᠮᠳᠡᠳᠡᠭ᠌᠃
3 ᠰᠢᠳᠬᠡᠯ ᠪᠠᠭᠤᠬᠤ ᠳᠤ᠂ ᠰᠦᠢᠷᠡᠯ ᠬᠣᠯᠠ ᠠᠴᠠ ᠢᠷᠡᠬᠦ ᠳᠦ ᠲᠠ ᠨᠠᠷ ᠶᠠᠭᠠᠬᠢᠬᠤ ᠪᠣᠯ︖ ᠡᠳ᠋ ᠪᠠᠶᠠᠯᠢᠭ ᠢᠶᠠᠨ ᠬᠠᠮᠢᠭᠠ ᠣᠷᠬᠢᠵᠤ᠂ ᠲᠤᠰᠠᠯᠠᠭᠤᠯᠬᠤ ᠪᠠᠷ ᠬᠡᠨ ᠤᠷᠤᠭᠤ ᠵᠢᠭᠤᠲᠠᠬᠤ ᠪᠣᠯ︖
4 ᠣᠯᠵᠠᠯᠠᠭᠳᠠᠭᠰᠠᠳ ᠤᠨ ᠳᠤᠮᠳᠠ ᠪᠥᠬᠥᠢᠨ ᠠᠯᠠᠭᠳᠠᠭᠰᠠᠳ ᠤᠨ ᠳᠤᠮᠳᠠ ᠤᠨᠠᠬᠤ ᠠᠴᠠ ᠥᠭᠡᠷᠡ ᠵᠠᠮ ᠦᠭᠡᠢ ᠪᠣᠯᠣᠨᠠ ᠡᠨᠡ ᠪᠦᠬᠦᠨ ᠢᠶᠡᠷ ᠴᠤ ᠶᠣᠬᠣᠸᠠ ᠶᠢᠨ ᠠᠭᠤᠷ ᠨᠠᠮᠳᠠᠭᠠ ᠦᠭᠡᠢ ᠨᠢᠳᠤᠷᠭᠠ ᠨᠢ ᠳᠠᠯᠠᠢᠭᠰᠠᠨ ᠬᠡᠪ ᠢᠶᠡᠷ ᠢᠶᠠᠨ ᠪᠠᠢᠨᠠ᠃
ᠠᠰᠢᠷᠢᠶᠠ ᠰᠢᠳᠬᠡᠭᠳᠡᠨᠡ
5 ᠮᠢᠨᠦ ᠬᠢᠯᠢᠩ ᠤᠨ ᠲᠠᠶᠠᠭ ᠪᠣᠯᠬᠤ ᠠᠰᠢᠷᠢᠶᠠ ᠭᠠᠰᠠᠯᠠᠩᠲᠠᠶᠠ︕ ᠮᠢᠨᠦ ᠵᠢᠪᠡᠭᠦᠴᠡᠯ ᠦᠨ ᠰᠢᠳᠠᠮ ᠲᠡᠭᠦᠨ ᠦ ᠭᠠᠷ ᠲᠤ ᠪᠤᠢ᠂
6 ᠪᠢ ᠲᠡᠭᠦᠨ ᠢ ᠰᠦᠰᠦᠭ ᠦᠭᠡᠢ ᠦᠨᠳᠦᠰᠦᠲᠡᠨ ᠤᠷᠤᠭᠤ ᠬᠢᠯᠢᠩ ᠢ ᠮᠢᠨᠢ ᠬᠥᠳᠡᠯᠭᠡᠭᠰᠡᠨ ᠠᠷᠠᠳ ᠲᠦᠮᠡᠨ ᠤᠷᠤᠭᠤ ᠶᠠᠪᠤᠭᠤᠯᠵᠤ ᠣᠯᠵᠠ ᠣᠯᠣᠭᠤᠯᠵᠤ᠂ ᠲᠣᠨᠣᠭᠤᠯ ᠬᠢᠯᠭᠡᠨ ᠲᠡᠳᠡᠨ ᠢ ᠪᠦᠭᠦᠳᠡ ᠶᠢ ᠨᠢ ᠭᠤᠳᠤᠮᠵᠢᠨ ᠤ ᠱᠠᠯᠪᠠᠭ ᠮᠡᠲᠦ ᠭᠢᠰᠬᠢᠭᠦᠯᠬᠦ ᠭᠡᠰᠡᠨ᠂
7 ᠬᠠᠷᠢᠨ ᠲᠡᠭᠦᠨ ᠦ ᠰᠠᠨᠠᠭᠠ ᠲᠡᠢᠮᠦ ᠪᠢᠰᠢ ᠲᠡᠭᠦᠨ ᠦ ᠰᠡᠳᠬᠢᠯ ᠲᠡᠢᠮᠦ ᠪᠢᠰᠢ ᠣᠯᠠᠨ ᠦᠨᠳᠦᠰᠦᠲᠡᠨ ᠢ ᠠᠷᠢᠯᠭᠠᠨ ᠤᠰᠠᠳᠬᠠᠬᠤ ᠨᠢ ᠲᠡᠭᠦᠨ ᠦ ᠵᠣᠷᠢᠯᠭᠠ ᠶᠤᠮ᠃
8 ᠲᠡᠷᠡ᠄ 《ᠨᠣᠶᠠᠳ ᠮᠢᠨᠢ ᠪᠦᠭᠦᠳᠡᠭᠡᠷ ᠬᠠᠭᠠᠨ ᠪᠢᠰᠢ ᠤᠤ︖
9 ᠺᠠᠯᠨᠣ᠋ ᠨᠢ ᠺᠠᠷᠾᠧᠮᠢᠱ ᠰᠢᠭ᠋ ᠬᠠᠮᠠᠲ ᠨᠢ ᠠᠷᠫᠠᠳ᠋ ᠰᠢᠭ᠋ ᠰᠠᠮᠠᠷᠢᠶᠠ ᠨᠢ ᠳ᠋ᠠᠮᠠᠰᠺᠦ᠋ᠰ ᠰᠢᠭ᠋ ᠪᠣᠯᠣᠭᠰᠠᠨ ᠪᠢᠰᠢ ᠤᠤ︖
10 ᠪᠢ ᠪᠤᠷᠬᠠᠳ ᠲᠠᠢ ᠬᠠᠭᠠᠨᠴᠢᠯᠠᠯ ᠤᠳ ᠢ ᠰᠢᠲᠦᠭᠡᠨ ᠨᠦᠭᠦᠳ ᠢᠶᠡᠷ ᠢᠶᠠᠨ ᠶᠧᠷᠦ᠋ᠰᠠᠯᠧᠮ ᠪᠣᠯᠣᠨ ᠰᠠᠮᠠᠷᠢᠶᠠ ᠠᠴᠠ ᠳᠠᠪᠠᠭᠰᠠᠨ ᠬᠠᠭᠠᠨᠴᠢᠯᠠᠯ ᠤᠳ ᠢ ᠬᠡᠳᠦᠢᠨ ᠭᠠᠷ ᠲᠠᠭᠠᠨ ᠣᠷᠣᠭᠤᠯᠤᠭᠰᠠᠨ ᠶᠤᠮ᠂
11 ᠪᠢ ᠰᠠᠮᠠᠷᠢᠶᠠ ᠪᠣᠯᠣᠨ ᠪᠤᠷᠬᠠᠳ ᠲᠤᠨᠢ ᠦᠢᠯᠡᠳᠦᠭᠰᠡᠨ ᠦ ᠠᠳᠠᠯᠢ ᠶᠧᠷᠦ᠋ᠰᠠᠯᠧᠮ ᠪᠣᠯᠣᠨ ᠬᠥᠷᠥᠭ ᠤᠳ ᠲᠤ ᠦᠢᠯᠡᠳᠬᠦ ᠦᠭᠡᠢ ᠭᠡᠵᠢ ᠤᠤ︖》 ᠭᠡᠨᠡ᠃
12 ᠲᠡᠢᠮᠦ ᠡᠴᠡ ᠡᠵᠡᠨ ᠽᠢᠶᠣᠨ ᠠᠭᠤᠯᠠ ᠪᠣᠯᠣᠨ ᠶᠧᠷᠦ᠋ᠰᠠᠯᠧᠮ ᠳᠤ ᠪᠦᠬᠦ ᠠᠵᠢᠯ ᠢᠶᠠᠨ ᠳᠠᠭᠤᠰᠬᠠᠪᠠᠯ ᠠᠰᠢᠷᠢᠶᠠ ᠶᠢᠨ ᠬᠠᠭᠠᠨ ᠤ ᠪᠠᠷᠳᠠᠮ ᠦᠢᠯᠡ ᠪᠠ ᠳᠡᠭᠡᠷᠡᠩᠭᠦᠢ ᠬᠠᠷᠠᠴᠠ ᠶᠢ ᠰᠢᠳᠬᠡᠨᠡ᠃
13 ᠤᠴᠢᠷ ᠨᠢ ᠲᠡᠷᠡ᠄ 《ᠪᠢ ᠭᠠᠷ ᠤᠨ ᠢᠶᠠᠨ ᠬᠦᠴᠦ ᠪᠡᠷ᠂ ᠮᠡᠷᠭᠡᠨ ᠤᠬᠠᠭᠠᠨ ᠢᠶᠠᠷ ᠢᠶᠠᠨ ᠲᠡᠢᠨ ᠬᠦ ᠦᠢᠯᠡᠳᠦᠭᠰᠡᠨ ᠪᠢ ᠤᠬᠠᠭᠠᠨ ᠲᠠᠢ ᠪᠢ ᠦᠨᠳᠦᠰᠦᠲᠡᠨ ᠨᠦᠭᠦᠳ ᠦᠨ ᠬᠢᠯᠢ ᠬᠢᠵᠠᠭᠠᠷ ᠢ ᠪᠠᠯᠠᠯᠤᠨ ᠡᠳ᠋ ᠪᠠᠶᠠᠯᠢᠭ ᠢ ᠨᠢ ᠪᠤᠯᠢᠶᠠᠵᠤ ᠬᠦᠴᠦᠲᠡᠨ ᠪᠣᠯᠵᠤ ᠰᠠᠭᠤᠭᠠᠯᠢᠴᠢᠳ ᠢ ᠨᠢ ᠪᠥᠬᠥᠢᠯᠭᠡᠪᠡ᠃
14 ᠭᠠᠷ ᠮᠢᠨᠢ ᠰᠢᠪᠠᠭᠤᠨ ᠤ ᠡᠭᠦᠷ ᠲᠦ ᠬᠦᠷᠬᠦ ᠮᠡᠲᠦ ᠦᠨᠳᠦᠰᠦᠲᠡᠨ ᠨᠦᠭᠦᠳ ᠦᠨ ᠡᠳ᠋ ᠪᠠᠶᠠᠯᠢᠭ ᠲᠤ ᠬᠦᠷᠪᠡ ᠪᠢ ᠬᠠᠶᠠᠭᠳᠠᠭᠰᠠᠨ ᠥᠨᠳᠡᠭᠡ ᠶᠢ ᠬᠤᠷᠢᠶᠠᠬᠤ ᠮᠡᠲᠦ ᠬᠠᠮᠤᠭ ᠦᠨᠳᠦᠰᠦᠲᠡᠨ ᠢ ᠬᠤᠷᠢᠶᠠᠪᠠ ᠵᠢᠭᠦᠷ ᠢᠶᠡᠨ ᠳᠡᠪᠢᠭᠰᠡᠨ ᠪᠤᠶᠤ ᠬᠣᠰᠢᠭᠤ ᠪᠠᠨ ᠨᠡᠭᠡᠭᠡᠵᠦ ᠵᠢᠷᠭᠢᠭᠰᠡᠨ ᠨᠢ ᠠᠯᠠᠭᠠ》 ᠭᠡᠪᠡ᠃
15 ᠰᠦᠬᠡ ᠨᠢ ᠴᠠᠪᠴᠢᠭᠴᠢ ᠳᠠᠭᠠᠨ ᠰᠠᠢᠷᠬᠠᠬᠤ ᠤᠤ︖ ᠬᠢᠷᠥᠭᠡ ᠨᠢ ᠬᠢᠷᠥᠭᠡᠳᠡᠭᠴᠢ ᠳᠡᠭᠡᠨ ᠣᠩᠭᠢᠷᠠᠬᠤ ᠤᠤ︖ ᠰᠠᠪᠠᠭᠠ ᠨᠢ ᠳᠠᠯᠠᠢᠭᠴᠢ ᠤᠷᠤᠭᠤ ᠪᠠᠨ ᠳᠠᠯᠠᠢᠬᠤ ᠮᠡᠲᠦ ᠰᠢᠯᠪᠢᠭᠦᠷ ᠨᠢ ᠥᠪᠡᠷ ᠢᠶᠡᠨ ᠮᠣᠳᠣ ᠪᠢᠰᠢ ᠰᠢᠭ ᠡᠵᠡᠨ ᠢᠶᠡᠨ ᠡᠷᠭᠢᠯᠳᠦᠭᠦᠯᠬᠦ ᠮᠡᠲᠦ᠂
16 ᠲᠡᠢᠮᠦ ᠡᠴᠡ ᠠᠤᠭᠠ ᠬᠦᠴᠦᠲᠦ ᠡᠵᠡᠨ ᠶᠣᠬᠣᠸᠠ ᠲᠠᠷᠭᠤᠨ ᠤᠷᠤᠭᠤ ᠨᠢ ᠲᠤᠷᠠᠭᠠᠭᠤᠯᠢ ᠶᠠᠪᠤᠭᠤᠯᠤᠨᠠ ᠴᠣᠭ ᠵᠢᠪᠬᠤᠭᠠ ᠶᠢᠨ ᠬᠢᠨᠢ ᠳᠣᠣᠷᠠ ᠳᠦᠷᠡᠯᠵᠡᠬᠦ ᠭᠠᠯ ᠢ ᠨᠣᠴᠣᠭᠠᠨᠠ᠃
17 ᠢᠰᠷᠧᠯ ᠤᠨ ᠭᠡᠷᠡᠯ ᠨᠢ ᠭᠠᠯ ᠠᠷᠢᠭᠤᠨ ᠨᠢᠭᠡᠨ ᠨᠢ ᠳᠥᠯᠥ ᠪᠣᠯᠵᠤ ᠦᠭᠦᠷᠭᠡᠨᠡ ᠪᠠ ᠬᠠᠯᠠᠭᠠᠢ ᠶᠢ ᠨᠢ ᠭᠠᠭᠴᠠᠬᠠᠨ ᠡᠳᠦᠷ ᠲᠦ ᠰᠢᠲᠠᠭᠠᠨᠠ
18 ᠰᠢᠭᠢᠭᠦᠦ ᠣᠢ᠂ ᠰᠢᠮᠡ ᠲᠠᠢ ᠲᠠᠯᠠᠪᠠᠢ ᠨᠤᠭᠤᠳ ᠨᠢ ᠪᠦᠷᠢᠮᠦᠰᠦᠨ ᠰᠥᠨᠥᠨᠡ ᠳᠣᠷᠣᠢ ᠬᠥᠮᠦᠨ ᠳᠣᠷᠣᠢᠲᠠᠬᠤ ᠶᠢᠨ ᠠᠳᠠᠯᠢ ᠪᠣᠯᠣᠨᠠ
19 ᠣᠢ ᠶᠢᠨ ᠬᠢᠨᠢ ᠮᠣᠳᠣ ᠬᠡᠦᠬᠡᠳ ᠲᠣᠭᠠᠯᠠᠮᠠᠷ ᠴᠥᠭᠡᠨ ᠦᠯᠡᠳᠡᠨᠡ᠃
ᠦᠯᠡᠳᠡᠭᠰᠡᠳ ᠠᠪᠤᠷᠠᠭᠳᠠᠨᠠ
20 ᠲᠡᠷᠡ ᠡᠳᠦᠷ ᠢᠰᠷᠧᠯ ᠤᠨ ᠦᠯᠡᠳᠡᠭᠰᠡᠳ᠂ ᠶᠠᠺᠣᠪ ᠤᠨ ᠭᠡᠷ ᠦᠨ ᠬᠢᠨ ᠤ ᠠᠮᠢᠳᠤ ᠦᠯᠡᠳᠡᠭᠰᠡᠳ ᠥᠪᠡᠷᠰᠡᠳ ᠢ ᠨᠢ ᠴᠣᠬᠢᠭᠰᠠᠨ ᠨᠢᠭᠡᠨ ᠳᠦ ᠨᠠᠢᠳᠠᠬᠤ ᠪᠠᠨ ᠪᠣᠯᠢᠵᠤ ᠢᠰᠷᠧᠯ ᠤᠨ ᠠᠷᠢᠭᠤᠨ ᠨᠢᠭᠡᠨ ᠪᠣᠯᠬᠤ ᠶᠣᠬᠣᠸᠠ ᠳᠤ ᠦᠨᠡᠬᠡᠷ ᠨᠠᠢᠳᠠᠨᠠ᠃
21 ᠲᠡᠢᠨ ᠬᠦ ᠦᠯᠡᠳᠡᠭᠰᠡᠳ ᠡᠷᠭᠢᠨᠡ᠂ ᠶᠠᠺᠣᠪ ᠤᠨ ᠦᠯᠡᠳᠡᠭᠰᠡᠳ ᠬᠦᠴᠦᠲᠦ ᠪᠤᠷᠬᠠᠨ ᠤᠷᠤᠭᠤ ᠡᠷᠭᠢᠨᠡ᠃
22 ᠢᠰᠷᠧᠯ ᠡ ᠠᠷᠠᠳ ᠲᠦᠮᠡᠨ ᠴᠢᠨᠢ ᠳᠠᠯᠠᠢ ᠶᠢᠨ ᠡᠯᠡᠰᠦ ᠮᠡᠲᠦ ᠪᠠᠢᠯᠠ ᠴᠤ ᠦᠯᠡᠳᠡᠭᠰᠡᠳ ᠨᠢ ᠯᠠ ᠡᠷᠭᠢᠨᠡ ᠰᠦᠢᠷᠡᠭᠦᠯᠬᠦ ᠰᠢᠢᠳᠪᠦᠷᠢ ᠭᠠᠷᠪᠠ ᠵᠥᠪ ᠨᠢ ᠪᠢᠯᠬᠠᠨᠠ᠂
23 ᠠᠤᠭᠠ ᠬᠦᠴᠦᠲᠦ ᠡᠵᠡᠨ ᠶᠣᠬᠣᠸᠠ ᠲᠣᠪᠯᠠᠭᠰᠠᠨ ᠰᠦᠢᠷᠡᠯ ᠢᠶᠡᠨ ᠪᠦᠬᠦ ᠭᠠᠵᠠᠷ ᠤᠨ ᠭᠣᠣᠯ ᠳᠤ ᠭᠦᠢᠴᠡᠭᠡᠨᠡ᠃
24 ᠠᠤᠭᠠ ᠬᠦᠴᠦᠲᠦ ᠡᠵᠡᠨ ᠶᠣᠬᠣᠸᠠ ᠡᠢᠨ ᠬᠦ ᠠᠢᠯᠠᠳᠪᠠ᠄ ᠽᠢᠶᠣᠨ ᠳᠤ ᠰᠠᠭᠤᠳᠠᠭ ᠠᠷᠠᠳ ᠲᠦᠮᠡᠨ ᠮᠢᠨᠢ ᠠᠰᠢᠷᠢᠶᠠᠴᠤᠳ ᠶᠧᠵᠢᠫᠲ ᠢ ᠳᠠᠭᠤᠷᠢᠶᠠᠨ ᠴᠢᠮᠠᠶᠢ ᠰᠢᠯᠪᠢᠭᠦᠷ ᠢᠶᠡᠷ ᠴᠣᠬᠢᠵᠤ᠂ ᠴᠢᠮᠠ ᠤᠷᠤᠭᠤ ᠰᠢᠳᠠᠮ ᠳᠠᠯᠠᠢᠭᠰᠠᠨ ᠴᠤ ᠲᠡᠳᠡᠨ ᠡᠴᠡ ᠪᠦᠦ ᠠᠶᠤ᠃
25 ᠠᠭᠤᠷ ᠬᠢᠯᠢᠩ ᠮᠠᠨᠢ ᠤᠳᠠᠵᠤ ᠲᠦᠳᠡᠯ ᠦᠭᠡᠢ ᠴᠢᠮᠠ ᠳᠡᠭᠡᠷᠡ ᠪᠠᠢᠬᠤ ᠪᠠᠨ ᠪᠣᠯᠢᠵᠤ ᠲᠡᠳᠡᠨ ᠦ ᠰᠦᠢᠷᠡᠯ ᠳᠡᠭᠡᠷᠡ ᠪᠠᠢᠬᠤ ᠪᠣᠯᠣᠨᠠ᠂
26 ᠣᠷᠧᠪ ᠤᠨ ᠬᠠᠳᠠᠨ ᠳᠤ ᠮᠢᠳᠢᠶᠠᠨ ᠢ ᠴᠣᠬᠢᠭᠰᠠᠨ ᠰᠢᠭ᠋ ᠢᠶᠠᠨ ᠠᠤᠭᠠ ᠬᠦᠴᠦᠲᠦ ᠶᠣᠬᠣᠸᠠ ᠲᠡᠳᠡᠨ ᠢ ᠲᠠᠰᠢᠭᠤᠷᠳᠠᠨᠠ ᠶᠧᠵᠢᠫᠲ ᠲᠤ ᠦᠢᠯᠡᠳᠦᠭᠰᠡᠨ ᠰᠢᠭ ᠢᠶᠠᠨ ᠲᠠᠶᠠᠭ ᠢᠶᠠᠨ ᠳᠠᠯᠠᠢ ᠤᠷᠤᠭᠤ ᠰᠤᠩ᠋ᠭᠠᠨᠠ᠃
27 ᠲᠡᠷᠡ ᠡᠳᠦᠷ ᠲᠡᠭᠦᠨ ᠦ ᠠᠴᠢᠶᠠ ᠮᠥᠷᠥᠨ ᠡᠴᠡ ᠴᠢᠨᠢ ᠲᠡᠭᠦᠨ ᠦ ᠪᠤᠭᠤᠯᠠᠭᠠ ᠬᠦᠵᠦᠭᠦᠨ ᠡᠴᠡ ᠴᠢᠨᠢ ᠰᠠᠯᠤᠨᠠ ᠲᠣᠰᠣᠯᠠᠯᠭᠠ ᠠᠴᠠ ᠪᠣᠯᠵᠤ᠂ ᠪᠤᠭᠤᠯᠠᠭᠠ ᠨᠢ ᠡᠪᠳᠡᠷᠡᠨᠡ᠃
28 ᠲᠡᠳᠡ ᠠᠶᠠᠲ ᠲᠤ ᠢᠷᠡᠯᠡ ᠮᠢᠭᠷᠣᠨ ᠢᠶᠠᠷ ᠳᠠᠮᠵᠢᠨ ᠮᠢᠺᠮᠠᠱ ᠲᠤ ᠡᠳ᠋ ᠶᠠᠭᠤᠮᠠ ᠪᠠᠨ ᠬᠠᠳᠠᠭᠠᠯᠠᠯᠠ᠃
29 ᠲᠡᠳᠡ ᠳᠠᠪᠠᠭᠠ ᠶᠢ ᠳᠠᠪᠠᠭᠠᠳ ᠭᠧᠪᠠ ᠳᠤ ᠬᠣᠨᠣᠭᠯᠠᠬᠤ ᠭᠡᠬᠦ ᠳᠦ ᠷᠠᠮᠠ ᠴᠡᠴᠡᠷᠡᠵᠦ᠂ ᠰᠠᠦ᠋ᠯ ᠤᠨ ᠭᠧᠪᠧᠶᠠ ᠵᠢᠭᠤᠲᠠᠯᠠ᠃
30 ᠴᠢᠩᠭ᠍ᠠ ᠪᠠᠷ ᠬᠠᠰᠬᠢᠷ᠂ ᠭᠠᠯᠢᠮ ᠥᠬᠢᠨ ᠡ ᠴᠢᠩᠨᠠᠭᠲᠤᠨ᠂ ᠯᠠᠢᠱᠠ ᠡ ᠥ᠂ ᠬᠥᠭᠡᠷᠦᠬᠦᠢ ᠠᠨᠠᠲ᠋ᠣᠲ ᠡ︕
31 ᠮᠠᠳ᠋ᠮᠧᠨᠠ ᠵᠢᠭᠤᠲᠠᠵᠤ ᠭᠧᠪᠢᠮ ᠤᠨ ᠰᠠᠭᠤᠭᠠᠯᠢᠴᠢᠳ ᠬᠣᠷᠭᠣᠳᠠᠬᠤ ᠭᠠᠵᠠᠷ ᠬᠠᠢᠵᠤ ᠪᠠᠢᠨᠠ᠃
32 ᠲᠡᠷᠡ ᠡᠳᠦᠷ ᠲᠡᠳᠡ ᠨᠣᠪ ᠲᠤ ᠵᠣᠭᠰᠣᠵᠤ ᠽᠢᠶᠣᠨ ᠥᠬᠢᠨ ᠤ ᠠᠭᠤᠯᠠ ᠶᠧᠷᠦ᠋ᠰᠠᠯᠧᠮ ᠤᠨ ᠲᠣᠯᠣᠭᠠᠳ ᠳᠡᠭᠡᠷᠡ ᠨᠢᠳᠤᠷᠭᠠ ᠪᠠᠨ ᠳᠠᠯᠠᠢᠨᠠ᠃
33 ᠬᠠᠷᠠ᠂ ᠠᠤᠭᠠ ᠬᠦᠴᠦᠲᠦ ᠡᠵᠡᠨ ᠶᠣᠬᠣᠸᠠ ᠠᠶᠤᠮᠰᠢᠭᠲᠤ ᠬᠦᠴᠦ ᠪᠡᠷ ᠢᠶᠠᠨ ᠲᠡᠭᠦᠨ ᠦ ᠮᠥᠴᠢᠷ ᠢ ᠲᠠᠰᠤᠯᠤᠨᠠ ᠥᠨᠳᠥᠷ ᠨᠢ ᠴᠠᠪᠴᠢᠭᠳᠠᠨᠠ ᠳᠡᠭᠡᠳᠦ ᠨᠢ ᠳᠣᠣᠷᠠᠳᠤ ᠪᠣᠯᠣᠨᠠ᠃
34 ᠲᠡᠮᠦᠷ ᠰᠦᠬᠡ ᠪᠡᠷ ᠰᠢᠭᠢᠭᠦᠦ ᠣᠢ ᠶᠢ ᠴᠠᠪᠴᠢᠬᠤ ᠳᠤᠨᠢ ᠬᠦᠴᠦᠲᠦ ᠨᠢᠭᠡᠨ ᠦ ᠡᠮᠦᠨᠡ ᠯᠧᠪᠠᠨᠣᠨ ᠤᠨᠠᠨᠠ᠃