ᠢᠰᠠᠢᠶᠠ ᠲᠠᠪᠢᠨ ᠳᠣᠯᠣᠭᠠ
ᠵᠥᠪᠲᠡᠨ ᠦ ᠲᠡᠭᠦᠰᠬᠡᠯ ᠢᠷᠥᠭᠡᠯ ᠲᠡᠢ
1 ᠵᠥᠪᠲᠡᠨ ᠨᠠᠰᠤ ᠪᠠᠷᠠᠭᠰᠠᠨ ᠴᠤ ᠰᠠᠨᠠᠭᠠ ᠲᠠᠯᠪᠢᠳᠠᠭ ᠬᠥᠮᠦᠨ ᠠᠯᠠᠭᠠ ᠰᠦᠰᠦᠭᠲᠡᠨ ᠠᠪᠠᠴᠢᠭᠳᠠᠭᠰᠠᠨ ᠴᠤ 《ᠵᠥᠪᠲᠡᠨ ᠮᠠᠭᠤ ᠠᠴᠠ ᠠᠪᠠᠴᠢᠭᠳᠠᠵᠠᠢ》 ᠭᠡᠵᠦ ᠣᠢᠯᠠᠭᠠᠳᠠᠭ ᠬᠥᠮᠦᠨ ᠠᠯᠠᠭᠠ᠂
2 ᠲᠡᠳᠡ ᠠᠮᠤᠷ ᠠᠮᠤᠭᠤᠯᠠᠩ ᠳᠤ ᠣᠷᠣᠨᠠ ᠴᠢᠭ᠍ᠴᠢ ᠠᠮᠢᠳᠤᠷᠠᠭᠴᠢ ᠪᠦᠬᠦᠨ ᠣᠷᠣ ᠳᠡᠭᠡᠷᠡ ᠪᠡᠨ ᠠᠮᠠᠷᠠᠨᠠ᠃
ᠰᠢᠲᠦᠭᠡᠨ ᠲᠡᠢ ᠵᠠᠪᠬᠠᠢᠷᠠᠭᠴᠢᠳ
3 ᠬᠠᠷᠢᠨ ᠲᠠ ᠨᠠᠷ ᠨᠠᠰᠢ ᠢᠷᠡ᠂ ᠶᠢᠯᠸᠢᠴᠢᠨ ᠡᠮᠡ ᠶᠢᠨ ᠬᠡᠦᠬᠡᠳ ᠤᠳ ᠵᠠᠪᠬᠠᠢᠷᠠᠭᠴᠢ᠂ ᠶᠠᠩ᠋ᠬᠠᠨ ᠤ ᠦᠷᠡ ᠡ
4 ᠲᠠ ᠨᠠᠷ ᠬᠡᠨ ᠢ ᠱᠣᠣᠯᠠᠵᠤ ᠪᠠᠢᠨᠠ ᠪᠤᠢ︖ ᠬᠡᠨ ᠦ ᠡᠰᠡᠷᠭᠦ ᠠᠮᠠ ᠪᠠᠨ ᠠᠩ᠋ᠭᠠᠢᠯᠭᠠᠨ᠂ ᠬᠡᠯᠡ ᠪᠡᠨ ᠭᠠᠷᠭᠠᠨᠠ ᠪᠤᠢ︖ ᠲᠠ ᠨᠠᠷ ᠭᠡᠮᠲᠡᠳ ᠦᠨ ᠲᠥᠯ ᠬᠠᠭᠤᠷᠮᠠᠭ ᠤᠨ ᠦᠷᠡᠰ ᠪᠤᠰᠤ ᠤᠤ︖
5 ᠲᠠ ᠨᠠᠷ ᠱᠠᠩᠰᠢ ᠮᠣᠳᠣ ᠪᠣᠯᠭᠠᠨ ᠤ ᠳᠣᠣᠷᠠ᠂ ᠱᠠᠩᠰᠢ ᠮᠣᠳᠣᠳ ᠤᠨ ᠬᠣᠭᠣᠷᠣᠨᠳᠣ ᠲᠠᠴᠢᠶᠠᠯ ᠳᠤ ᠠᠪᠲᠠᠨ᠂ ᠬᠠᠳᠠᠨ ᠤ ᠬᠠᠪᠴᠢᠯ ᠳᠣᠣᠷᠠ᠂ ᠭᠤᠤ ᠵᠢᠯᠠᠭᠠᠨ ᠳᠤ ᠬᠡᠦᠬᠡᠳ ᠢᠶᠡᠷ ᠢᠶᠠᠨ ᠲᠠᠬᠢᠯ ᠡᠷᠭᠦᠳᠡᠭ ᠪᠠᠢᠨᠠ᠃
6 ᠭᠤᠤ ᠵᠢᠯᠠᠭᠠᠨ ᠳᠠᠬᠢ ᠭᠥᠯᠢᠭᠡᠷ ᠴᠢᠯᠠᠭᠤᠳ ᠤᠨ ᠳᠤᠮᠳᠠᠬᠢ ᠨᠢ ᠴᠢᠨᠦ ᠥᠪ ᠪᠠᠢᠨᠠ ᠲᠡᠳᠡᠭᠡᠷ ᠨᠢ ᠯᠠ ᠴᠢᠨᠦ ᠬᠤᠪᠢ ᠶᠤᠮ᠃ ᠴᠢ ᠲᠡᠳᠡᠭᠡᠷ ᠲᠦ ᠤᠮᠳᠠᠭᠠᠨ ᠡᠷᠭᠦᠯ ᠠᠰᠬᠠᠵᠤ ᠢᠳᠡᠭᠡᠨ ᠡᠷᠭᠦᠯ ᠡᠷᠭᠦᠳᠡᠭ᠂ ᠡᠳᠡᠭᠡᠷ ᠦᠨ ᠴᠢᠨᠢ ᠤᠴᠢᠷ ᠢᠶᠠᠷ ᠪᠢ ᠰᠠᠨᠠᠭᠠ ᠠᠮᠤᠷ ᠪᠠᠢᠨᠠ ᠭᠡᠵᠢ ᠤᠤ︖
7 ᠥᠨᠳᠥᠷ ᠰᠦᠷᠯᠢᠭ ᠠᠭᠤᠯᠠᠨ ᠳᠡᠭᠡᠷᠡ ᠴᠢ ᠣᠷᠣ ᠪᠠᠨ ᠵᠠᠰᠠᠵᠤ ᠲᠠᠬᠢᠯ ᠡᠷᠭᠦᠬᠦ ᠪᠡᠷ ᠲᠡᠰᠢ ᠪᠠᠨ ᠭᠠᠷᠳᠠᠭ᠃
8 ᠬᠠᠭᠠᠯᠭᠠ ᠬᠠᠲᠠᠪᠴᠢᠨ ᠤ ᠠᠷᠤ ᠳᠤ ᠴᠢ ᠲᠡᠮᠳᠡᠭ ᠲᠠᠯᠪᠢᠵᠠᠢ᠂ ᠲᠡᠢᠨ ᠬᠦ ᠴᠢ ᠨᠠᠮᠠᠶᠢ ᠣᠭᠣᠷᠣᠨ ᠣᠷᠣ ᠪᠠᠨ ᠢᠯᠡ ᠭᠠᠷᠭᠠᠵᠤ ᠳᠡᠭᠡᠷᠡ ᠨᠢ ᠭᠠᠷᠴᠤ᠂ ᠲᠡᠭᠦᠨ ᠢ ᠥᠷᠭᠡᠰᠭᠡᠳᠡᠭ ᠴᠢ ᠲᠡᠳᠡᠨ ᠲᠡᠢ ᠲᠣᠬᠢᠷᠠᠵᠤ ᠨᠢᠴᠦᠭᠦᠨ ᠢ ᠨᠢ ᠬᠠᠷᠠᠨ ᠲᠡᠳᠡᠨ ᠲᠡᠢ ᠬᠡᠪᠲᠡᠬᠦ ᠳᠤᠷᠠᠲᠠᠢ
9 ᠴᠢ ᠮᠣᠯᠧᠺ ᠤᠷᠤᠭᠤ ᠲᠣᠰᠣ ᠲᠠᠢ ᠣᠴᠢᠵᠤ ᠦᠨᠦᠷᠲᠡᠨ ᠢᠶᠡᠨ ᠴᠤ ᠠᠷᠪᠢᠨ ᠠᠪᠠᠴᠢᠳᠠᠭ ᠴᠢ ᠡᠯᠴᠢᠣᠨ ᠢᠶᠠᠨ ᠬᠣᠯᠠ ᠢᠯᠡᠭᠡᠨ ᠦᠬᠦᠭᠰᠡᠳ ᠦᠨ ᠣᠷᠣᠨ ᠤᠷᠤᠭᠤ ᠴᠤ ᠶᠠᠪᠤᠭᠤᠯᠳᠠᠭ᠃
10 ᠬᠣᠯᠠ ᠶᠢᠨ ᠵᠠᠮ ᠳᠤ ᠶᠠᠳᠠᠷᠠᠭᠰᠠᠨ ᠴᠤ 《ᠬᠣᠭᠣᠰᠣᠨ》 ᠭᠡᠵᠦ ᠬᠡᠯᠡᠳᠡᠭ ᠦᠭᠡᠢ ᠬᠦᠴᠦ ᠪᠡᠨ ᠰᠡᠷᠭᠦᠭᠡᠵᠦ᠂ ᠳᠣᠷᠣᠢᠲᠠᠳᠠᠭ ᠦᠭᠡᠢ᠃
11 ᠴᠢ ᠬᠡᠨ ᠡᠴᠡ ᠠᠶᠤᠵᠤ ᠡᠮᠢᠶᠡᠭᠰᠡᠨ ᠳᠡᠭᠡᠨ ᠨᠠᠮᠠᠶᠢ ᠮᠠᠷᠲᠠᠵᠤ ᠰᠠᠨᠠᠭᠠᠨ ᠳᠠᠭᠠᠨ ᠠᠪᠤᠯ ᠦᠭᠡᠢ ᠬᠤᠳᠠᠯ ᠶᠠᠷᠢᠭᠰᠠᠭᠠᠷ ᠪᠠᠢᠨᠠ ᠪᠤᠢ︖ ᠪᠢ ᠡᠷᠲᠡᠨ ᠡᠴᠡ ᠳᠠᠭᠤ ᠦᠭᠡᠢ ᠪᠠᠢᠭᠰᠠᠨ ᠢᠶᠠᠷ ᠴᠢ ᠨᠠᠳᠠ ᠠᠴᠠ ᠡᠮᠢᠶᠡᠬᠦ ᠦᠭᠡᠢ ᠪᠣᠯᠣᠭᠰᠠᠨ ᠤᠤ︖
12 ᠪᠢ ᠵᠥᠪ ᠭᠡᠭᠳᠡᠭᠰᠡᠨ ᠦᠢᠯᠡᠰ ᠢ ᠴᠢᠨᠢ ᠢᠯᠡᠷᠬᠡᠶᠢᠯᠡᠭᠰᠡᠨ ᠴᠤ ᠲᠡᠳᠡᠭᠡᠷ ᠨᠢ ᠴᠢᠮᠠ ᠳᠤ ᠨᠡᠮᠡᠷᠢ ᠪᠣᠯᠬᠤ ᠦᠭᠡᠢ᠃
ᠭᠡᠮᠰᠢᠭ᠍ᠴᠢ ᠨᠢ ᠡᠨᠡᠷᠢᠭᠳᠡᠨᠡ
13 ᠴᠢ ᠬᠠᠰᠬᠢᠷᠬᠤ ᠳᠤ ᠴᠤᠭᠯᠠᠭᠤᠯᠤᠭᠰᠠᠨ ᠪᠤᠷᠬᠠᠳ ᠴᠢᠨᠢ ᠠᠪᠤᠷᠠᠭ᠂ ᠰᠠᠯᠬᠢ ᠲᠡᠳᠡᠨ ᠢ ᠴᠢᠨᠢ ᠪᠦᠭᠦᠳᠡ ᠶᠢ ᠨᠢ ᠬᠡᠶᠢᠰᠭᠡᠨᠡ ᠨᠢᠭᠡ ᠠᠮᠢᠰᠬᠤᠯ ᠳᠤ ᠲᠡᠳᠡᠨ ᠢ ᠠᠷᠢᠯᠭᠠᠨᠠ᠂ ᠭᠡᠪᠡᠴᠦ ᠨᠠᠳᠠ ᠳᠤ ᠬᠣᠷᠭᠣᠳᠠᠭᠴᠢ ᠨᠢ ᠭᠠᠵᠠᠷ ᠢ ᠥᠪᠯᠡᠨ ᠠᠷᠢᠭᠤᠨ ᠠᠭᠤᠯᠠ ᠶᠢ ᠮᠢᠨᠢ ᠡᠵᠡᠮᠰᠢᠨᠡ᠃
14 《ᠥᠨᠳᠥᠷᠰᠡᠭᠡ᠂ ᠥᠨᠳᠥᠷᠰᠡᠭᠡ᠂ ᠵᠠᠮ ᠪᠡᠯᠡᠳᠬᠡᠭᠲᠦᠨ ᠠᠷᠠᠳ ᠲᠦᠮᠡᠨ ᠦ ᠮᠢᠨᠢ ᠵᠠᠮ ᠠᠴᠠ ᠰᠠᠭᠠᠳ ᠢ ᠵᠠᠢᠯᠠᠭᠤᠯ》 ᠭᠡᠵᠦ ᠲᠡᠷᠡ ᠠᠢᠯᠠᠳᠤᠨᠠ᠃
15 ᠥᠨᠳᠥᠷ ᠲᠦ ᠡᠷᠭᠦᠮᠵᠢᠯᠡᠭᠳᠡᠨ᠂ ᠡᠭᠦᠷᠢᠳᠡ ᠣᠷᠣᠰᠢᠭᠴᠢ᠂ ᠠᠷᠢᠭᠤᠨ ᠭᠡᠭᠳᠡᠳᠡᠭ ᠨᠢᠭᠡᠨ ᠡᠢᠨ ᠬᠦ ᠠᠢᠯᠠᠳᠴᠤ ᠪᠠᠢᠨᠠ᠄ 《ᠪᠢ ᠥᠨᠳᠥᠷ᠂ ᠠᠷᠢᠭᠤᠨ ᠭᠠᠵᠠᠷ ᠲᠤ ᠣᠷᠣᠰᠢᠵᠤ ᠪᠠᠰᠠ ᠪᠤᠷᠤᠭᠤ ᠪᠠᠨ ᠬᠦᠯᠢᠶᠡᠳᠡᠭ ᠳᠠᠷᠤᠤ ᠰᠦᠨᠡᠰᠦᠲᠡᠨ ᠲᠡᠢ ᠬᠠᠮᠲᠤ ᠪᠠᠢᠨᠠ᠂ ᠲᠡᠢᠨ ᠬᠦ ᠪᠢ ᠳᠠᠷᠤᠤ ᠬᠥᠮᠦᠰ ᠦᠨ ᠰᠦᠨᠡᠰᠦ ᠶᠢ ᠰᠡᠷᠭᠦᠭᠡᠵᠦ ᠮᠥᠨ ᠪᠤᠷᠤᠭᠤ ᠪᠠᠨ ᠬᠦᠯᠢᠶᠡᠭᠴᠢᠳ ᠤᠨ ᠰᠡᠳᠬᠢᠯ ᠢ ᠰᠡᠷᠭᠦᠭᠡᠨᠡ᠃
16 ᠪᠢ ᠡᠭᠦᠷᠢᠳᠡ ᠮᠠᠷᠭᠤᠯᠳᠤᠭᠠᠳ ᠪᠠᠢᠳᠠᠭ ᠪᠢᠰᠢ ᠢᠮᠠᠭᠲᠠ ᠠᠭᠤᠷᠯᠠᠭᠠᠳ ᠪᠠᠢᠳᠠᠭ ᠪᠢᠰᠢ ᠡᠰᠡ ᠲᠡᠭᠡᠪᠡᠯ ᠮᠢᠨᠦ ᠪᠦᠲᠦᠭᠡᠭᠰᠡᠨ ᠠᠮᠢ ᠪᠠ ᠰᠦᠨᠡᠰᠦ ᠪᠠᠯᠠᠷᠠᠬᠤ ᠪᠣᠯᠣᠨᠠ᠃
17 ᠨᠢᠭᠦᠯᠲᠦ ᠰᠢᠨᠤᠯ ᠠᠴᠠ ᠨᠢ ᠪᠣᠯᠵᠤ ᠪᠢ ᠬᠢᠯᠢᠩᠨᠡᠨ᠂ ᠲᠡᠭᠦᠨ ᠢ ᠴᠣᠬᠢᠪᠠ ᠨᠢᠭᠤᠷ ᠢᠶᠠᠨ ᠨᠢᠭᠤᠵᠤ ᠠᠭᠤᠷᠯᠠᠪᠠ ᠭᠡᠪᠡᠴᠦ ᠲᠡᠷᠡ ᠥᠪᠡᠷ ᠦᠨ ᠢᠶᠠᠨ ᠰᠠᠨᠠᠭᠠ ᠪᠠᠷ ᠥᠪᠡᠷ ᠦᠨ ᠢᠶᠠᠨ ᠵᠠᠮ ᠢᠶᠠᠷ ᠪᠤᠴᠠᠨ ᠶᠠᠪᠤᠭᠰᠠᠭᠠᠷ ᠪᠠᠢᠨᠠ᠃
18 ᠪᠢ ᠲᠡᠭᠦᠨ ᠦ ᠵᠠᠮ ᠢ ᠨᠢ ᠬᠠᠷᠠᠭᠰᠠᠨ᠂ ᠬᠠᠷᠢᠨ ᠪᠢ ᠲᠡᠭᠦᠨ ᠢ ᠡᠳᠡᠭᠡᠭᠡᠨᠡ ᠪᠠᠰᠠ ᠲᠡᠭᠦᠨ ᠢ ᠤᠳᠤᠷᠢᠳᠴᠤ ᠲᠠᠢᠪᠤᠰᠢᠷᠠᠯ ᠢ ᠲᠡᠭᠦᠨ ᠳᠦ ᠳᠠᠬᠢᠨ ᠣᠯᠭᠣᠬᠤ ᠪᠥᠭᠡᠳ
19 ᠢᠰᠷᠧᠯ ᠤᠨ ᠭᠠᠰᠢᠭᠤᠳᠠᠭᠰᠠᠳ ᠤᠨ ᠣᠷᠣᠭᠤᠯ ᠳᠤ ᠪᠢ ᠮᠠᠭᠲᠠᠭᠠᠯ ᠢ ᠪᠤᠢ ᠪᠣᠯᠭᠠᠨᠠ᠂ ᠠᠮᠤᠭᠤᠯᠠᠩ ᠨᠢ᠂ ᠠᠮᠤᠭᠤᠯᠠᠩ ᠨᠢ ᠬᠣᠯᠠ ᠣᠢᠷᠠ ᠶᠢᠨ ᠬᠢᠨ ᠳᠤ ᠪᠠᠢᠬᠤ ᠪᠣᠯᠣᠨᠠ᠂ ᠪᠢ ᠲᠡᠭᠦᠨ ᠢ ᠡᠳᠡᠭᠡᠭᠡᠨᠡ ᠶᠣᠬᠣᠸᠠ ᠠᠢᠯᠠᠳᠤᠯᠠ᠃
20 ᠬᠠᠷᠢᠨ ᠪᠤᠷᠤᠭᠤᠲᠠᠳ ᠳᠥᠯᠭᠡᠨ ᠪᠠᠢᠵᠤ ᠴᠢᠳᠠᠳᠠᠭ ᠦᠭᠡᠢ᠂ ᠲᠡᠳᠡ ᠤᠰᠤᠨ ᠠᠴᠠ ᠨᠢ ᠰᠢᠪᠠᠷ ᠰᠢᠪᠠᠬᠠᠢ ᠭᠠᠷᠳᠠᠭ ᠳᠣᠭᠰᠢᠨ ᠳᠠᠯᠠᠢ ᠮᠡᠲᠦ ᠶᠤᠮ᠃
21 ᠪᠤᠷᠤᠭᠤᠲᠠᠨ ᠳᠤ ᠠᠮᠤᠭᠤᠯᠠᠩ ᠪᠠᠢᠬᠤ ᠦᠭᠡᠢ᠂ ᠮᠢᠨᠦ ᠪᠤᠷᠬᠠᠨ ᠠᠢᠯᠠᠳᠴᠤ ᠪᠠᠢᠨᠠ᠃