ᠢᠰᠠᠢᠶᠠ ᠲᠠᠪᠤ
ᠦᠵᠦᠮᠴᠢᠨ ᠤ ᠳᠠᠭᠤᠤ
1 《ᠪᠢ ᠬᠠᠢᠷᠠᠲᠤ ᠳᠠᠭᠠᠨ ᠵᠣᠷᠢᠭᠤᠯᠵᠤ ᠬᠠᠢᠷᠠᠲᠤ ᠶᠢᠨ ᠢᠶᠠᠨ ᠦᠵᠦᠮ ᠦᠨ ᠲᠠᠯᠠᠪᠠᠢ ᠶᠢᠨ ᠲᠤᠬᠠᠢ ᠳᠠᠭᠤᠤ ᠶᠢ ᠨᠢ ᠳᠠᠭᠤᠯᠠᠶᠠ ᠬᠠᠢᠷᠠᠲᠤ ᠮᠢᠨᠢ ᠦᠷᠡᠵᠢᠯ ᠰᠢᠮᠡ ᠲᠠᠢ ᠳᠣᠪᠣ ᠳᠡᠭᠡᠷᠡ ᠦᠵᠦᠮ ᠦᠨ ᠲᠠᠯᠠᠪᠠᠢ ᠲᠠᠢ ᠪᠠᠢᠵᠠᠢ᠃
2 ᠲᠡᠷᠡ ᠪᠡᠷ ᠭᠠᠵᠠᠷ ᠤᠬᠤᠵᠤ ᠴᠢᠯᠠᠭᠤ ᠨᠤᠭᠤᠳ ᠢ ᠨᠢ ᠵᠠᠢᠯᠠᠭᠤᠯᠤᠭᠠᠳ ᠰᠢᠯᠢᠮᠡᠯ ᠦᠵᠦᠮ ᠦᠨ ᠮᠣᠳᠣ ᠲᠠᠷᠢᠵᠤ ᠳᠤᠮᠳᠠ ᠨᠢ ᠴᠠᠮᠬᠠᠭ ᠪᠣᠰᠬᠠᠭᠠᠳ ᠲᠡᠨᠳᠡ ᠦᠵᠦᠮ ᠦᠨ ᠰᠢᠬᠠᠭᠤᠷᠭᠠ ᠪᠠᠢᠷᠢᠯᠠᠭᠤᠯᠵᠤ ᠭᠡᠨᠡ᠂ ᠲᠡᠷᠡ ᠦᠵᠦᠮ ᠭᠠᠷᠤᠨᠠ ᠭᠡᠵᠦ ᠨᠠᠢᠳᠠᠪᠠ ᠬᠠᠷᠢᠨ ᠥᠮᠡᠬᠡᠢ ᠵᠢᠮᠢᠰ ᠭᠠᠷᠴᠠᠢ᠃
3 ᠣᠳᠣ ᠶᠧᠷᠦ᠋ᠰᠠᠯᠧᠮ ᠤᠨ ᠰᠠᠭᠤᠭᠠᠯᠢᠴᠢᠳ ᠡ ᠶᠦᠳᠠ ᠶᠢᠨ ᠬᠥᠮᠦᠰ ᠡ ᠪᠢ ᠪᠣᠯᠣᠨ ᠮᠢᠨᠦ ᠦᠵᠦᠮ ᠦᠨ ᠲᠠᠯᠠᠪᠠᠢ ᠶᠢᠨ ᠬᠣᠭᠣᠷᠣᠨᠳᠣᠬᠢ ᠶᠢ ᠰᠢᠭᠦᠭᠲᠦᠨ᠂
4 ᠪᠢ ᠦᠵᠦᠮ ᠦᠨ ᠲᠠᠯᠠᠪᠠᠢ ᠳᠠᠭᠠᠨ ᠶᠠᠭᠤ ᠬᠢᠬᠦ ᠨᠢ ᠳᠤᠲᠠᠭᠠᠳ ᠶᠠᠭᠤ ᠨᠡᠮᠡᠵᠦ ᠬᠢᠬᠦ ᠶᠣᠰᠣᠲᠠᠢ ᠪᠣᠯᠵᠤ ᠪᠠᠢᠨᠠ ᠪᠤᠢ︖ ᠦᠵᠦᠮ ᠭᠠᠷᠤᠨᠠ ᠭᠡᠵᠦ ᠨᠠᠢᠳᠠᠭᠰᠠᠨ ᠠᠲᠠᠯᠠ ᠶᠠᠭᠠᠬᠢᠭᠠᠳ ᠥᠮᠡᠬᠡᠢ ᠵᠢᠮᠢᠰ ᠭᠠᠷᠤᠨᠠ ᠪᠤᠢ︖
5 ᠣᠳᠣ ᠪᠢ ᠦᠵᠦᠮ ᠦᠨ ᠲᠠᠯᠠᠪᠠᠢ ᠳᠠᠭᠠᠨ ᠶᠠᠭᠤ ᠬᠢᠬᠦ ᠭᠡᠵᠦ ᠪᠠᠢᠭᠠ ᠪᠠᠨ ᠲᠠ ᠨᠠᠷ ᠲᠤ ᠮᠡᠳᠡᠭᠦᠯᠦᠶᠡ ᠪᠢ ᠬᠠᠰᠢᠶᠠ ᠶᠢ ᠨᠢ ᠬᠤᠷᠢᠶᠠᠵᠤ ᠠᠪᠤᠨᠠ ᠲᠡᠷᠡ ᠰᠢᠲᠠᠭᠠᠭᠳᠠᠨᠠ ᠪᠢ ᠬᠡᠷᠡᠮ ᠢ ᠨᠢ ᠨᠤᠷᠠᠭᠠᠨᠠ ᠲᠡᠷᠡ ᠲᠠᠯᠬᠢᠳᠠᠭᠳᠠᠨᠠ᠂
6 ᠪᠢ ᠲᠡᠭᠦᠨ ᠢ ᠬᠣᠭᠣᠰᠣᠷᠠᠭᠤᠯᠤᠨᠠ ᠮᠥᠴᠢᠷ ᠨᠢ ᠵᠠᠰᠠᠭᠳᠠᠬᠤ ᠦᠭᠡᠢ᠂ ᠭᠠᠵᠠᠷ ᠨᠢ ᠬᠠᠭᠠᠯᠤᠭᠳᠠᠬᠤ ᠦᠭᠡᠢ ᠦᠭᠦᠷᠭᠡᠨᠡ ᠪᠠ ᠬᠠᠯᠠᠭᠠᠢ ᠤᠷᠭᠤᠨᠠ ᠪᠢ ᠡᠭᠦᠯᠡᠨ ᠳᠦ ᠲᠤᠰᠢᠶᠠᠵᠤ᠂ ᠲᠡᠭᠦᠨ ᠳᠡᠭᠡᠷᠡ ᠪᠣᠷᠣᠭᠠᠨ ᠣᠷᠣᠭᠤᠯᠬᠤ ᠦᠭᠡᠢ᠂》
7 ᠲᠡᠢᠮᠦ ᠡ᠂ ᠠᠤᠭᠠ ᠬᠦᠴᠦᠲᠦ ᠶᠣᠬᠣᠸᠠ ᠶᠢᠨ ᠦᠵᠦᠮ ᠦᠨ ᠲᠠᠯᠠᠪᠠᠢ ᠨᠢ ᠢᠰᠷᠧᠯ ᠤᠨ ᠭᠡᠷ ᠲᠠᠭᠠᠯᠠᠨ ᠰᠣᠶᠣᠷᠬᠠᠳᠠᠭ ᠲᠠᠷᠢᠮᠠᠯ ᠨᠢ ᠶᠦᠳᠠ ᠶᠢᠨ ᠠᠷᠠᠳ ᠲᠦᠮᠡᠨ ᠶᠤᠮ᠂ ᠲᠡᠷᠡ ᠰᠢᠳᠤᠷᠭᠤ ᠶᠢ ᠬᠦᠰᠡᠭᠰᠡᠨ ᠬᠢᠷᠢ ᠨᠢ ᠴᠢᠰᠤ ᠦᠵᠡᠪᠡ ᠵᠥᠪ ᠢ ᠬᠦᠰᠡᠭᠰᠡᠨ ᠬᠢᠷᠢ ᠨᠢ ᠵᠣᠪᠠᠯᠠᠩᠲᠤ ᠳᠠᠭᠤ ᠰᠣᠨᠣᠰᠪᠠ᠃
ᠨᠢᠭᠦᠯ ᠦᠨ ᠦᠷᠡ ᠳᠠᠭᠠᠪᠤᠷᠢ
8 ᠪᠠᠢᠰᠢᠩ ᠳᠡᠭᠡᠷᠡ ᠪᠠᠢᠰᠢᠩ ᠢ ᠨᠡᠮᠡᠭᠰᠡᠭᠡᠷ ᠲᠠᠯᠠᠪᠠᠢ ᠶᠢ ᠲᠠᠯᠠᠪᠠᠢ ᠲᠠᠢ ᠨᠡᠢᠯᠡᠭᠦᠯᠦᠭᠰᠡᠭᠡᠷ ᠭᠠᠵᠠᠷ ᠳᠡᠭᠡᠷᠡ ᠵᠠᠢ ᠦᠯᠡᠳᠡᠭᠡᠯ ᠦᠭᠡᠢ ᠭᠠᠭᠴᠠᠭᠠᠷ ᠢᠶᠠᠨ ᠠᠮᠢᠳᠤᠷᠠᠬᠤ ᠭᠡᠭᠴᠢᠳ ᠭᠠᠰᠠᠯᠠᠩᠲᠠᠶᠠ︕
9 ᠠᠤᠭᠠ ᠬᠦᠴᠦᠲᠦ ᠶᠣᠬᠣᠸᠠ ᠴᠢᠬᠢᠨ ᠳᠤ ᠮᠢᠨᠢ ᠠᠢᠯᠠᠳᠤᠨ᠄ 《ᠲᠣᠭᠠᠯᠠᠰᠢ ᠦᠭᠡᠢ ᠣᠯᠠᠨ ᠪᠠᠢᠰᠢᠩ ᠬᠣᠭᠣᠰᠣᠷᠠᠨᠠ ᠲᠣᠮᠣ᠂ ᠰᠠᠢᠬᠠᠨ ᠨᠢ ᠴᠤ ᠡᠵᠡᠨ ᠦᠭᠡᠢ ᠪᠣᠯᠣᠨᠠ᠃
10 ᠦᠵᠦᠮ ᠦᠨ ᠠᠷᠪᠠᠨ ᠮᠦ ᠭᠠᠵᠠᠷ ᠨᠢᠭᠡ ᠪᠠᠲ 1 ᠳᠠᠷᠠᠰᠤ ᠭᠠᠷᠭᠠᠵᠤ ᠨᠢᠭᠡ ᠣᠮᠧᠷ 2 ᠦᠷᠡ ᠨᠢ ᠨᠢᠭᠡ ᠡᠹᠠ 3 ᠠᠮᠤ ᠭᠠᠷᠭᠠᠨᠠ》 ᠭᠡᠯᠡ᠃
11 ᠥᠷᠯᠥᠭᠡ ᠡᠷᠲᠡ ᠡᠴᠡ ᠬᠠᠲᠠᠭᠤ ᠠᠷᠢᠬᠢ ᠬᠥᠭᠡᠭᠡᠴᠡᠯᠳᠦᠵᠦ ᠰᠥᠨᠢ ᠪᠣᠯᠲᠠᠯᠠ ᠳᠠᠷᠠᠰᠤᠨ ᠳᠤ ᠬᠥᠯᠴᠥᠭᠦᠷᠡᠭᠴᠢᠳ ᠭᠠᠰᠠᠯᠠᠩᠲᠠᠶᠠ︕
12 ᠲᠡᠳᠡ ᠬᠤᠭᠤᠷ᠂ ᠶᠠᠲᠤᠭᠠ᠂ ᠬᠡᠩᠭᠡᠷᠭᠡ᠂ ᠯᠢᠩᠪᠦ᠂ ᠳᠠᠷᠠᠰᠤ ᠪᠠᠷ ᠴᠡᠩᠭᠡᠳᠡᠭ ᠪᠣᠯᠪᠠᠴᠤ ᠶᠣᠬᠣᠸᠠ ᠶᠢᠨ ᠦᠢᠯᠡᠰ ᠢ ᠦᠯᠦ ᠲᠣᠭᠣᠵᠤ ᠮᠤᠲᠤᠷ ᠤᠨ ᠬᠢᠨᠢ ᠠᠵᠢᠯ ᠢ ᠴᠤ ᠦᠯᠦ ᠲᠣᠭᠣᠮᠰᠠᠷᠯᠠᠨᠠ᠃
13 ᠲᠡᠢᠨ ᠬᠦ ᠠᠷᠠᠳ ᠲᠦᠮᠡᠨ ᠮᠢᠨᠢ ᠮᠡᠳᠡᠯᠭᠡ ᠦᠭᠡᠢ ᠡᠴᠡ ᠪᠣᠯᠵᠤ ᠴᠥᠯᠡᠭᠳᠡᠨᠡ ᠬᠦᠨᠳᠦᠲᠡᠢ ᠬᠥᠮᠦᠰ ᠨᠢ ᠥᠯᠥᠰᠴᠦ ᠣᠯᠠᠨ ᠨᠢ ᠴᠠᠩ᠋ᠭᠠᠵᠤ ᠬᠠᠲᠠᠨᠠ᠃
14 ᠦᠬᠦᠭᠰᠡᠳ ᠦᠨ ᠣᠷᠣᠨ ᠰᠢᠯᠦᠰᠦ ᠪᠡᠨ ᠭᠣᠭᠣᠵᠢᠭᠤᠯᠵᠤ ᠠᠮᠠ ᠪᠠᠨ ᠬᠡᠮᠵᠢᠶᠡ ᠦᠭᠡᠢ ᠠᠩ᠋ᠭᠠᠢᠯᠭᠠᠬᠤ ᠳᠤ ᠶᠧᠷᠦ᠋ᠰᠠᠯᠧᠮ ᠤᠨ ᠨᠣᠶᠠᠳ ᠪᠣᠯᠣᠨ ᠠᠷᠠᠳ ᠣᠯᠠᠨ ᠱᠤᠤᠭᠢᠯᠳᠤᠨ ᠴᠡᠩᠭᠡᠯᠳᠦᠭᠴᠢ ᠪᠦᠭᠦᠳᠡ ᠲᠠᠢ ᠪᠠᠨ ᠬᠠᠮᠲᠤ ᠲᠡᠰᠢ ᠪᠠᠭᠤᠨᠠ᠃
15 ᠲᠡᠢᠨ ᠬᠦ ᠬᠥᠮᠦᠰ ᠪᠠᠭᠤᠷᠠᠢ ᠪᠣᠯᠵᠤ ᠬᠥᠮᠦᠨ ᠪᠦᠷᠢ ᠳᠣᠭᠣᠭᠰᠢᠯᠠᠨ ᠳᠡᠭᠡᠷᠡᠩᠭᠦᠢ ᠬᠥᠮᠦᠨ ᠦ ᠬᠠᠷᠠᠴᠠ ᠴᠤ ᠳᠣᠭᠣᠭᠰᠢᠯᠠᠬᠤ ᠳᠤ
16 ᠠᠤᠭᠠ ᠬᠦᠴᠦᠲᠦ ᠶᠣᠬᠣᠸᠠ ᠭᠣᠣᠯᠴᠢ ᠪᠠᠷ ᠢᠶᠠᠨ ᠡᠷᠭᠦᠮᠵᠢᠯᠡᠭᠳᠡᠨᠡ ᠠᠷᠢᠭᠤᠨ ᠪᠤᠷᠬᠠᠨ ᠵᠥᠪ ᠢᠶᠡᠷ ᠢᠶᠠᠨ ᠠᠷᠢᠭᠤᠨ ᠪᠠᠢᠳᠠᠯ ᠢᠶᠠᠨ ᠦᠵᠡᠭᠦᠯᠦᠨᠡ᠃
17 ᠲᠡᠷᠡ ᠦᠶᠡ ᠳᠦ ᠬᠤᠷᠠᠭᠠ ᠨᠤᠭᠤᠳ ᠲᠡᠨᠳᠡ ᠪᠡᠯᠴᠢᠭᠡᠷ ᠲᠡᠭᠡᠨ ᠪᠠᠢᠭᠠ ᠰᠢᠭ᠋ ᠢᠳᠡᠰᠢᠯᠡᠵᠦ ᠨᠡᠭᠦᠳᠡᠯᠴᠢᠳ ᠪᠠᠶᠠᠴᠤᠳ ᠤᠨ ᠪᠠᠭᠤᠷᠢ ᠳᠡᠭᠡᠷᠡ ᠬᠣᠭᠣᠯᠠᠯᠠᠨᠠ᠃
18 ᠬᠤᠳᠠᠯ ᠤᠨ ᠠᠷᠭᠠᠮᠵᠢᠶᠠ ᠪᠠᠷ ᠬᠣᠷᠣᠨ ᠮᠠᠭᠤ ᠶᠢ ᠬᠥᠲᠥᠯᠵᠦ ᠲᠡᠷᠭᠡᠨ ᠲᠠᠲᠠᠯᠭᠠ ᠪᠠᠷ ᠨᠢᠭᠦᠯ ᠢ ᠲᠠᠲᠠᠭᠴᠢᠳ ᠭᠠᠰᠠᠯᠠᠩᠲᠠᠶᠠ᠃
19 ᠲᠡᠳᠡ᠄ 《ᠪᠤᠷᠬᠠᠨ ᠪᠤᠰᠢᠭᠤᠯᠵᠤ ᠠᠵᠢᠯ ᠢᠶᠠᠨ ᠲᠦᠷᠭᠡᠨ ᠬᠢᠭ ᠪᠢᠳᠡ ᠬᠠᠷᠠᠮᠠᠷ ᠪᠠᠢᠨᠠ ᠢᠰᠷᠧᠯ ᠤᠨ ᠠᠷᠢᠭᠤᠨ ᠨᠢᠭᠡᠨ ᠦ ᠲᠥᠯᠥᠪᠯᠡᠭᠡ ᠨᠢ ᠣᠢᠷᠠᠲᠤᠭ ᠪᠢᠳᠡ ᠮᠡᠳᠡᠮᠡᠷ ᠪᠠᠢᠨᠠ》 ᠭᠡᠨᠡ᠂
20 ᠮᠠᠭᠤ ᠶᠢ ᠰᠠᠢᠨ᠂ ᠰᠠᠢᠨ ᠢ ᠮᠠᠭᠤ ᠭᠡᠭᠴᠢᠳ ᠬᠠᠷᠠᠩ᠋ᠭᠤᠢ ᠶᠢ ᠭᠡᠷᠡᠯ᠂ ᠭᠡᠷᠡᠯ ᠢ ᠬᠠᠷᠠᠩ᠋ᠭᠤᠢ ᠪᠠᠷ ᠰᠣᠯᠢᠭᠴᠢᠳ ᠭᠠᠰᠢᠭᠤᠨ ᠢ ᠠᠮᠲᠠᠲᠠᠢ᠂ ᠠᠮᠲᠠᠲᠠᠢ ᠶᠢ ᠭᠠᠰᠢᠭᠤᠨ ᠢᠶᠠᠷ ᠰᠣᠯᠢᠭᠴᠢᠳ ᠭᠠᠰᠠᠯᠠᠩᠲᠠᠶᠠ᠂
21 ᠥᠪᠡᠷ ᠢ ᠪᠠᠨ ᠮᠡᠷᠭᠡᠨ ᠭᠡᠵᠦ ᠥᠪᠡᠷ ᠢ ᠪᠠᠨ ᠤᠬᠠᠭᠠᠯᠢᠭ ᠭᠡᠭᠴᠢᠳ ᠭᠠᠰᠠᠯᠠᠩᠲᠠᠶᠠ᠂
22 ᠳᠠᠷᠠᠰᠤ ᠤᠤᠭᠤᠬᠤ ᠳᠠᠭᠠᠨ ᠪᠠᠭᠠᠲᠤᠷ ᠠᠷᠢᠬᠢ ᠨᠠᠢᠷᠠᠭᠤᠯᠬᠤ ᠳᠠᠭᠠᠨ ᠭᠠᠷᠮᠠᠭᠠᠢ ᠨᠢ ᠭᠠᠰᠠᠯᠠᠩᠲᠠᠶᠠ᠂
23 ᠬᠠᠬᠤᠤᠯᠢ ᠡᠴᠡ ᠪᠣᠯᠵᠤ ᠲᠡᠳᠡ ᠬᠣᠷᠣᠨ ᠮᠠᠭᠤ ᠶᠢ ᠵᠥᠪᠲᠥᠭᠡᠵᠦ ᠭᠡᠮ ᠦᠭᠡᠢ ᠬᠥᠮᠦᠨ ᠦ ᠡᠷᠬᠡ ᠶᠢ ᠪᠤᠯᠢᠶᠠᠳᠠᠭ ᠶᠤᠮ᠃
24 ᠲᠡᠢᠮᠦ ᠡᠴᠡ ᠭᠠᠯ ᠤᠨ ᠬᠡᠯᠡ ᠰᠦᠷᠡᠯ ᠢ ᠵᠠᠯᠭᠢᠬᠤ ᠮᠡᠲᠦ ᠬᠠᠭᠤᠷᠠᠢ ᠡᠪᠡᠰᠦ ᠭᠠᠯ ᠤᠨ ᠳᠥᠯᠥ ᠳᠤ ᠰᠥᠨᠥᠬᠦ ᠠᠳᠠᠯᠢ ᠦᠨᠳᠦᠰᠦ ᠨᠢ ᠥᠮᠡᠬᠡᠢᠷᠡᠵᠦ ᠴᠡᠴᠡᠭ ᠨᠢ ᠲᠣᠭᠣᠰᠣ ᠰᠢᠭ᠋ ᠬᠡᠶᠢᠰᠦᠨᠡ ᠤᠴᠢᠷ ᠨᠢ ᠲᠡᠳᠡ ᠠᠤᠭᠠ ᠬᠦᠴᠦᠲᠦ ᠶᠣᠬᠣᠸᠠ ᠶᠢᠨ ᠬᠠᠤᠯᠢ ᠶᠢ ᠣᠭᠣᠷᠣᠨ ᠢᠰᠷᠧᠯ ᠤᠨ ᠠᠷᠢᠭᠤᠨ ᠨᠢᠭᠡᠨ ᠦ ᠦᠭᠡ ᠶᠢ ᠵᠢᠭᠰᠢᠪᠡ᠃
25 ᠲᠡᠢᠮᠦ ᠡᠴᠡ ᠶᠣᠬᠣᠸᠠ ᠶᠢᠨ ᠠᠭᠤᠷ ᠬᠢᠯᠢᠩ ᠠᠷᠠᠳ ᠲᠦᠮᠡᠨ ᠦ ᠳᠡᠭᠡᠷᠡ ᠳᠦᠷᠡᠯᠵᠡᠪᠡ ᠲᠡᠭᠦᠨ ᠦ ᠮᠤᠲᠤᠷ ᠲᠡᠳᠡᠨ ᠤᠷᠤᠭᠤ ᠰᠤᠩ᠋ᠭᠠᠨ ᠲᠡᠳᠡᠨ ᠢ ᠴᠣᠬᠢᠭᠰᠠᠨ ᠳᠤ᠂ ᠠᠭᠤᠯᠠᠰ ᠴᠡᠴᠡᠷᠡᠵᠦ ᠬᠡᠭᠦᠷ ᠨᠢ ᠭᠤᠳᠤᠮᠵᠢ ᠪᠠᠷ ᠬᠣᠭ ᠮᠡᠲᠦ ᠬᠠᠶᠠᠭᠳᠠᠵᠠᠢ᠃ ᠭᠡᠪᠡᠴᠦ ᠲᠡᠭᠦᠨ ᠦ ᠬᠢᠯᠢᠩ ᠨᠠᠮᠳᠠᠭᠠ ᠦᠭᠡᠢ ᠲᠡᠭᠦᠨ ᠦ ᠨᠢᠳᠤᠷᠭᠠ ᠳᠠᠯᠠᠢᠭᠰᠠᠨ ᠬᠡᠪ ᠢᠶᠡᠷ ᠢᠶᠠᠨ ᠪᠠᠢᠨᠠ᠃
26 ᠲᠡᠷᠡ ᠲᠤᠭ ᠢᠶᠠᠨ ᠡᠷᠭᠦᠵᠦ ᠬᠣᠯᠠ ᠶᠢᠨ ᠦᠨᠳᠦᠰᠦᠲᠡᠨ ᠨᠦᠭᠦᠳ ᠢ ᠳᠣᠬᠢᠵᠤ ᠭᠠᠵᠠᠷ ᠤᠨ ᠮᠤᠬᠤᠷ ᠤᠨ ᠬᠢᠨ ᠢ ᠳᠠᠭᠤᠳᠠᠨ ᠢᠰᠭᠡᠷᠦᠨᠡ ᠲᠡᠳᠡ ᠦᠳᠲᠡᠷ ᠲᠦᠷᠭᠡᠨ ᠢᠷᠡᠨᠡ︕
27 ᠲᠡᠳᠡᠨ ᠦ ᠬᠡᠨ ᠨᠢ ᠴᠤ ᠶᠠᠳᠠᠷᠠᠬᠤ ᠦᠭᠡᠢ᠂ ᠪᠦᠳᠦᠷᠢᠬᠦ ᠦᠭᠡᠢ ᠵᠡᠭᠦᠷᠮᠡᠭᠯᠡᠬᠦ ᠦᠭᠡᠢ᠂ ᠤᠨᠲᠠᠬᠤ ᠦᠭᠡᠢ᠂ ᠪᠡᠯᠬᠡᠭᠦᠰᠦᠨ ᠳᠠᠬᠢ ᠪᠦᠰᠡ ᠨᠢ ᠲᠠᠢᠯᠤᠭᠳᠠᠬᠤ ᠦᠭᠡᠢ ᠭᠤᠲᠤᠯ ᠤᠨ ᠦᠳᠡᠭᠡᠷᠢ ᠨᠢ ᠬᠠᠭᠵᠠᠷᠠᠬᠤ ᠦᠭᠡᠢ
28 ᠰᠤᠮᠤ ᠨᠢ ᠬᠤᠷᠴᠠ ᠪᠥᠭᠡᠳ ᠨᠤᠮᠤ ᠨᠢ ᠬᠥᠪᠴᠢᠯᠡᠭᠳᠡᠵᠡᠢ ᠮᠣᠷᠢᠳ ᠤᠨ ᠬᠢᠨᠢ ᠲᠤᠭᠤᠷᠠᠢ ᠴᠠᠬᠢᠭᠤᠷ ᠮᠡᠲᠦ ᠲᠡᠷᠭᠡᠨ ᠦ ᠬᠢᠨᠢ ᠮᠥᠭᠡᠷ ᠬᠤᠢ ᠰᠠᠯᠬᠢ ᠮᠡᠲᠦ᠃
29 ᠲᠡᠳᠡᠨ ᠦ ᠤᠤᠬᠠᠢ ᠠᠷᠰᠯᠠᠨ ᠤ ᠠᠷᠬᠢᠷᠠᠭᠠᠨ ᠮᠡᠲᠦ ᠲᠡᠳᠡ ᠵᠠᠯᠠᠭᠤ ᠠᠷᠰᠯᠠᠨ ᠰᠢᠭ᠋ ᠠᠷᠬᠢᠷᠠᠨᠠ ᠲᠡᠳᠡ ᠬᠦᠷᠬᠢᠷᠡᠨ ᠢᠳᠡᠰᠢ ᠰᠢᠭᠦᠷᠦᠭᠡᠳ ᠶᠠᠪᠤᠭᠰᠠᠨ ᠴᠤ ᠲᠡᠷᠡ ᠢᠳᠡᠰᠢ ᠶᠢ ᠴᠢᠯᠥᠭᠡᠯᠡᠭᠴᠢ ᠠᠯᠠᠭᠠ᠃
30 ᠲᠡᠷᠡ ᠡᠳᠦᠷ ᠲᠡᠳᠡ ᠠᠷᠠᠳ ᠲᠦᠮᠡᠨ ᠤᠷᠤᠭᠤ ᠳᠠᠯᠠᠢ ᠶᠢᠨ ᠬᠦᠷᠬᠢᠷᠡᠯᠲᠡ ᠮᠡᠲᠦ ᠬᠦᠷᠬᠢᠷᠡᠨᠡ ᠬᠡᠨ ᠨᠢᠭᠡᠨ ᠨᠢ ᠡᠨᠡ ᠨᠤᠲᠤᠭ ᠤᠷᠤᠭᠤ ᠬᠠᠷᠠᠪᠠᠯ ᠬᠠᠷᠠᠩ᠋ᠭᠤᠢ ᠵᠣᠪᠠᠯᠠᠩ ᠢ ᠬᠠᠷᠠᠨᠠ ᠭᠡᠷᠡᠯ ᠡᠭᠦᠯᠡᠰ ᠲᠦ ᠳᠠᠯᠳᠠᠯᠠᠭᠳᠠᠨᠠ᠃