ᠢᠰᠠᠢᠶᠠ ᠭᠤᠴᠢ
ᠶᠧᠵᠢᠫᠲ ᠤᠨ ᠬᠣᠯᠪᠣᠭᠠᠲᠠᠳ ᠢᠴᠢᠨᠡ
1 ᠶᠣᠬᠣᠸᠠ ᠠᠢᠯᠠᠳᠴᠤ ᠪᠠᠢᠨᠠ᠄ ᠥ᠂ ᠲᠡᠷᠰ ᠬᠡᠦᠬᠡᠳ ᠤᠳ ᠡ᠂ ᠲᠡᠳᠡ ᠨᠠᠮᠠᠶᠢ ᠦᠭᠡᠢ ᠪᠠᠷ ᠲᠥᠯᠥᠪᠯᠡᠭᠡ ᠵᠣᠬᠢᠶᠠᠵᠤ ᠮᠢᠨᠦ ᠰᠦᠨᠡᠰᠦ ᠦᠭᠡᠢ ᠪᠠᠷ ᠬᠣᠯᠪᠣᠭᠠ ᠪᠠᠢᠭᠤᠯᠬᠤ ᠭᠡᠵᠦ ᠪᠠᠢᠨᠠ ᠲᠡᠢᠨ ᠬᠦ ᠲᠡᠳᠡ ᠨᠢᠭᠦᠯ ᠳᠡᠭᠡᠷᠡ ᠪᠡᠨ ᠨᠢᠭᠦᠯ ᠨᠡᠮᠡᠭᠰᠡᠭᠡᠷ
2 ᠹᠠᠷᠠᠣ᠋ ᠶᠢᠨ ᠬᠦᠴᠦ ᠪᠡᠷ ᠬᠦᠴᠦᠷᠬᠡᠭᠵᠢᠬᠦ ᠭᠡᠵᠦ ᠶᠧᠵᠢᠫᠲ ᠤᠨ ᠰᠡᠭᠦᠳᠡᠷ ᠲᠦ ᠬᠣᠷᠭᠣᠳᠠᠬᠤ ᠭᠡᠵᠦ ᠨᠠᠳᠠ ᠠᠴᠠ ᠠᠰᠠᠭᠤᠭᠠ ᠦᠭᠡᠢ ᠪᠠᠷ ᠶᠧᠵᠢᠫᠲ ᠤᠷᠤᠭᠤ ᠶᠠᠪᠤᠭᠰᠠᠨ᠃
3 ᠭᠡᠪᠡᠴᠦ ᠹᠠᠷᠠᠣ᠋ ᠶᠢᠨ ᠬᠦᠴᠦ ᠨᠢ ᠲᠠ ᠨᠠᠷ ᠤᠨ ᠢᠴᠢᠭᠦᠷᠢ᠂ ᠶᠧᠵᠢᠫᠲ ᠤᠨ ᠰᠡᠭᠦᠳᠡᠷ ᠲᠦ ᠬᠣᠷᠭᠣᠳᠠᠬᠤ ᠨᠢ ᠲᠠ ᠨᠠᠷ ᠤᠨ ᠭᠤᠲᠤᠮᠰᠢᠭ ᠪᠣᠯᠣᠨᠠ᠃
4 ᠨᠣᠶᠠᠳ ᠴᠢᠨᠢ ᠽᠣᠶᠠᠨ ᠳᠤ ᠪᠠᠢᠭᠰᠠᠨ ᠴᠤ ᠡᠯᠴᠢᠳ ᠴᠢᠨᠢ ᠬᠠᠨᠧᠰ ᠲᠤ ᠬᠦᠷᠦᠭᠰᠡᠨ ᠴᠤ
5 ᠲᠤᠰᠠ ᠪᠣᠯᠬᠤ ᠦᠭᠡᠢ ᠦᠨᠳᠦᠰᠦᠲᠡᠨ ᠡᠴᠡ ᠪᠣᠯᠵᠤ ᠲᠡᠳᠡ ᠪᠦᠭᠦᠳᠡ ᠢᠴᠢᠭᠦᠷᠢ ᠳᠤ ᠣᠷᠣᠨᠠ᠃ ᠲᠡᠷᠡ ᠦᠨᠳᠦᠰᠦᠲᠡᠨ ᠲᠤᠰᠠ ᠪᠣᠯᠬᠤ ᠨᠢ ᠪᠠᠢᠲᠤᠭᠠᠢ᠂ ᠢᠴᠢᠭᠦᠷᠢ ᠪᠠ ᠰᠢᠪᠰᠢᠭ ᠪᠣᠯᠣᠨᠠ᠃
6 ᠡᠮᠦᠨᠡ ᠪᠦᠰᠡ ᠶᠢᠨ ᠠᠮᠢᠲᠠᠳ ᠤᠨ ᠲᠤᠬᠠᠢ ᠰᠡᠷᠡᠮᠵᠢᠯᠡᠭᠦᠯᠦᠯᠭᠡ᠃ ᠲᠡᠳᠡ ᠡᠳ᠋ ᠪᠠᠶᠠᠯᠢᠭ ᠢᠶᠠᠨ ᠡᠯᠵᠢᠭᠡᠨ ᠨᠢᠷᠤᠭᠤᠨ ᠳᠤ ᠡᠷᠳᠡᠨᠢᠰ ᠢᠶᠠᠨ ᠲᠡᠮᠡᠭᠡᠨ ᠦ ᠪᠦᠬᠦᠨ ᠳᠦ ᠠᠴᠢᠨ ᠡᠷᠡ ᠠᠷᠰᠯᠠᠨ᠂ ᠡᠮᠡ ᠠᠷᠰᠯᠠᠨ᠂ ᠬᠣᠣᠷᠲᠤ ᠮᠣᠭᠠᠢ᠂ ᠭᠠᠯᠲᠤ ᠮᠣᠭᠠᠢ ᠳᠠᠭᠠᠷᠢᠳᠠᠭ ᠵᠣᠪᠠᠯᠠᠩ ᠪᠡᠷᠬᠡ ᠲᠠᠢ ᠨᠤᠲᠤᠭ ᠢᠶᠠᠷ ᠥᠩᠭᠡᠷᠡᠨ ᠥᠪᠡᠷᠰᠡᠳ ᠲᠤᠨᠢ ᠲᠤᠰᠠ ᠪᠣᠯᠬᠤ ᠦᠭᠡᠢ ᠭᠦᠷᠦᠨ ᠤᠷᠤᠭᠤ ᠶᠠᠪᠤᠵᠤ ᠪᠠᠢᠨᠠ᠃
7 ᠶᠧᠵᠢᠫᠲ ᠤᠨ ᠲᠤᠰᠠᠯᠠᠮᠵᠢ ᠨᠢ ᠳᠡᠮᠡᠢ ᠬᠣᠭᠣᠰᠣᠨ᠂ ᠲᠡᠢᠮᠦ ᠤᠴᠢᠷ ᠠᠴᠠ ᠪᠢ ᠲᠡᠭᠦᠨ ᠢ 《ᠰᠠᠭᠤᠭᠠ ᠮᠠᠩ᠋ᠭᠤᠰ》 ᠭᠡᠵᠦ ᠨᠡᠷᠡᠯᠡᠭᠰᠡᠨ᠃
8 ᠣᠳᠣ ᠴᠢ ᠶᠠᠪᠤᠵᠤ ᠣᠯᠠᠨ ᠤ ᠡᠮᠦᠨᠡ ᠡᠳᠡᠭᠡᠷ ᠢ ᠬᠠᠪᠲᠠᠰᠤᠨ ᠳᠡᠭᠡᠷᠡ ᠲᠡᠮᠳᠡᠭᠯᠡᠨ ᠨᠣᠮ ᠳᠤ ᠪᠢᠴᠢᠵᠦ ᠢᠷᠡᠬᠦ ᠡᠳᠦᠷ ᠤᠳ ᠲᠤ ᠡᠭᠦᠨ ᠢ ᠡᠭᠦᠷᠢᠳᠡ ᠶᠢᠨ ᠭᠡᠷᠡᠴᠢ ᠪᠣᠯᠭᠠ᠃
9 ᠲᠡᠳᠡ ᠪᠣᠯ ᠲᠡᠷᠰᠯᠡᠭᠦᠦ ᠠᠷᠠᠳ ᠲᠦᠮᠡᠨ᠂ ᠬᠤᠳᠠᠯᠴᠢ ᠬᠡᠦᠬᠡᠳ ᠤᠳ᠂ ᠶᠣᠬᠣᠸᠠ ᠶᠢᠨ ᠵᠢᠭᠠᠪᠤᠷᠢ ᠶᠢ ᠰᠣᠨᠣᠰᠬᠤ ᠳᠤᠷᠠ ᠦᠭᠡᠢ ᠬᠡᠦᠬᠡᠳ ᠤᠳ ᠶᠤᠮ᠃
10 ᠲᠡᠳᠡ ᠪᠣᠱᠣᠭᠴᠢᠳ ᠲᠤ᠄ 《ᠦᠵᠡᠬᠦ ᠪᠡᠨ ᠪᠣᠯᠢ》 ᠭᠡᠵᠦ ᠡᠰᠢ ᠦᠵᠡᠭᠦᠯᠦᠭᠴᠢᠳ ᠲᠤ 《ᠦᠨᠡᠨ ᠢ ᠡᠰᠢ ᠦᠵᠡᠭᠦᠯᠬᠦ ᠪᠡᠨ ᠪᠣᠯᠢ ᠠᠶᠠᠲᠠᠢ ᠵᠦᠢᠯ ᠢ ᠶᠠᠷᠢᠵᠤ᠂ ᠬᠣᠭᠣᠰᠣᠨ ᠢ ᠡᠰᠢ ᠦᠵᠡᠭᠦᠯ᠃
11 ᠵᠢᠮ ᠡᠴᠡ ᠪᠡᠨ ᠡᠷᠭᠢᠵᠦ᠂ ᠵᠠᠮ ᠠᠴᠠ ᠪᠠᠨ ᠵᠠᠢᠯᠠ ᠪᠢᠳᠡᠨ ᠦ ᠡᠮᠦᠨᠡ ᠢᠰᠷᠧᠯ ᠤᠨ ᠠᠷᠢᠭᠤᠨ ᠨᠢᠭᠡᠨ ᠦ ᠲᠤᠬᠠᠢ ᠶᠠᠷᠢᠬᠤ ᠪᠠᠨ ᠪᠣᠯᠢ》 ᠭᠡᠳᠡᠭ᠃
12 ᠡᠢᠮᠦ ᠡᠴᠡ ᠢᠰᠷᠧᠯ ᠤᠨ ᠠᠷᠢᠭᠤᠨ ᠨᠢᠭᠡᠨ ᠡᠢᠨ ᠬᠦ ᠠᠢᠯᠠᠳᠴᠤ ᠪᠠᠢᠨᠠ᠄ 《ᠲᠠ ᠨᠠᠷ ᠲᠡᠷᠡ ᠦᠭᠡ ᠶᠢ ᠣᠭᠣᠷᠴᠤ ᠬᠦᠴᠦᠷᠬᠡᠭᠯᠡᠯ ᠪᠣᠯᠣᠨ ᠭᠠᠵᠢᠭᠤ ᠳᠤ ᠢᠲᠡᠭᠡᠨ ᠲᠦᠰᠢᠳᠡᠭ ᠤᠴᠢᠷ ᠠᠴᠠ
13 ᠡᠨᠡ ᠬᠦ ᠭᠡᠮ ᠴᠢᠨᠢ ᠲᠠ ᠨᠠᠷ ᠲᠤ ᠥᠨᠳᠥᠷ ᠬᠡᠷᠡᠮ ᠦᠨ ᠴᠣᠭᠣᠷᠣᠬᠠᠢ ᠲᠠᠢ ᠠᠳᠠᠯᠢ ᠪᠣᠯᠣᠨᠠ ᠴᠣᠭᠣᠷᠣᠬᠠᠢ ᠨᠢ ᠶᠡᠬᠡᠰᠦᠨ ᠶᠡᠬᠡᠰᠦᠭᠰᠡᠭᠡᠷ ᠬᠡᠷᠡᠮ ᠬᠡᠪ ᠭᠡᠨᠡᠳᠲᠡᠬᠡᠨ ᠨᠤᠷᠠᠨᠠ
14 ᠸᠠᠭᠠᠷᠴᠢᠨ ᠸᠠᠭᠠᠷ ᠰᠠᠪᠠ ᠶᠢ ᠬᠠᠭᠠᠯᠬᠤ ᠮᠡᠲᠦ ᠲᠡᠷᠡ ᠬᠠᠭᠠᠯᠤᠨᠠ ᠲᠡᠷᠡ ᠲᠡᠭᠦᠨ ᠢ ᠬᠠᠢᠷᠠᠯᠠᠬᠤ ᠦᠭᠡᠢ ᠵᠤᠤᠬᠠᠨ ᠠᠴᠠ ᠴᠤᠭ ᠠᠪᠬᠤ᠂ ᠨᠥᠭᠡᠴᠡᠯᠡᠭᠦᠷ ᠡᠴᠡ ᠤᠰᠤ ᠤᠳᠬᠤᠬᠤ ᠬᠡᠯᠲᠡᠷᠬᠡᠢ ᠴᠤ ᠣᠯᠳᠠᠬᠤ ᠦᠭᠡᠢ ᠪᠣᠯᠲᠠᠯᠠ ᠨᠢ ᠬᠠᠭᠠᠯᠤᠨᠠ᠃》
15 ᠡᠵᠡᠨ ᠶᠣᠬᠣᠸᠠ᠂ ᠢᠰᠷᠧᠯ ᠤᠨ ᠠᠷᠢᠭᠤᠨ ᠨᠢᠭᠡᠨ ᠠᠢᠯᠠᠳᠴᠤ᠄ 《ᠭᠡᠮᠰᠢᠯ ᠪᠣᠯᠣᠨ ᠠᠮᠠᠷᠠᠯ ᠳᠤ ᠠᠪᠤᠷᠠᠯ ᠪᠤᠢ ᠨᠠᠮ ᠭᠦᠮ ᠢᠲᠡᠭᠡᠯ ᠳᠦ ᠬᠦᠴᠦ ᠪᠤᠢ》 ᠭᠡᠰᠡᠨ ᠪᠣᠯᠪᠠᠴᠤ ᠲᠠ ᠨᠠᠷ ᠬᠦᠰᠡᠭᠡ ᠦᠭᠡᠢ᠂
16 ᠬᠠᠷᠢᠨ 《ᠦᠭᠡᠢ᠂ ᠪᠢᠳᠡ ᠮᠣᠷᠢ ᠪᠠᠷ ᠵᠢᠭᠤᠲᠠᠨᠠ》 ᠭᠡᠰᠡᠨ ᠲᠤᠯᠠ ᠲᠠ ᠨᠠᠷ ᠲᠡᠢᠨ ᠬᠦ ᠵᠢᠭᠤᠲᠠᠬᠤ ᠪᠣᠯᠣᠨᠠ᠂ 《ᠬᠤᠷᠳᠤᠨ ᠬᠦᠯᠦᠭ ᠢᠶᠡᠨ ᠤᠨᠤᠶᠠ》 ᠭᠡᠰᠡᠨ ᠲᠤᠯᠠ ᠲᠠ ᠨᠠᠷ ᠢ ᠮᠥᠷᠳᠡᠭᠴᠢᠳ ᠬᠤᠷᠳᠤᠯᠠᠬᠤ ᠪᠣᠯᠣᠨᠠ᠂
17 ᠨᠢᠭᠡ ᠬᠥᠮᠦᠨ ᠦ ᠰᠦᠷᠳᠡᠭᠦᠯᠦᠯᠭᠡ ᠪᠡᠷ ᠮᠢᠩ᠋ᠭᠠᠨ ᠬᠥᠮᠦᠨ ᠴᠢᠨᠢ ᠵᠢᠭᠤᠲᠠᠵᠤ ᠲᠠᠪᠤᠨ ᠬᠥᠮᠦᠨ ᠦ ᠰᠦᠷᠳᠡᠭᠦᠯᠦᠯᠭᠡ ᠪᠡᠷ ᠲᠠ ᠪᠦᠭᠦᠳᠡ ᠵᠢᠭᠤᠲᠠᠬᠤ ᠪᠠᠷ ᠦᠯᠡᠳᠡᠭᠰᠡᠳ ᠴᠢᠨᠢ ᠲᠣᠯᠣᠭᠠᠳ ᠤᠨ ᠣᠷᠣᠢ ᠳᠡᠭᠡᠷᠡᠬᠢ ᠲᠤᠭ ᠤᠨ ᠡᠰᠢ ᠳᠣᠪᠣ ᠳᠡᠭᠡᠷᠡᠬᠢ ᠳᠠᠯᠪᠠᠭᠠ ᠮᠡᠲᠦ ᠪᠣᠯᠣᠨᠠ᠃
18 ᠭᠡᠪᠡᠴᠦ ᠶᠣᠬᠣᠸᠠ ᠲᠠ ᠨᠠᠷ ᠲᠤ ᠡᠨᠡᠷᠢᠯ ᠦᠵᠡᠭᠦᠯᠬᠦ ᠪᠡᠷ ᠬᠦᠯᠢᠶᠡᠵᠦ ᠪᠠᠢᠨᠠ ᠲᠠ ᠨᠠᠷ ᠲᠤ ᠥᠷᠥᠰᠢᠶᠡᠯ ᠦᠵᠡᠭᠦᠯᠬᠦ ᠪᠡᠷ ᠪᠣᠰᠴᠤ ᠪᠠᠢᠨᠠ ᠶᠣᠬᠣᠸᠠ ᠪᠣᠯ ᠭᠣᠣᠯᠴᠢ ᠪᠤᠷᠬᠠᠨ᠂ ᠲᠡᠭᠦᠨ ᠢ ᠬᠦᠯᠢᠶᠡᠭᠴᠢ ᠪᠦᠭᠦᠳᠡ ᠪᠤᠶᠠᠨ ᠲᠠᠢ︕
19 ᠶᠧᠷᠦ᠋ᠰᠠᠯᠧᠮ ᠳᠤ ᠰᠠᠭᠤᠳᠠᠭ ᠽᠢᠶᠣᠨ ᠤ ᠠᠷᠠᠳ ᠲᠦᠮᠡᠨ ᠡ᠂ ᠲᠠᠨ ᠤ ᠬᠢᠨ ᠯᠠᠪᠲᠠᠢ ᠤᠬᠢᠯᠠᠬᠤ ᠪᠠᠨ ᠪᠣᠯᠢᠨᠠ᠃ ᠲᠠ ᠨᠠᠷ ᠬᠠᠰᠬᠢᠷᠪᠠᠯ ᠲᠡᠷᠡ ᠯᠠᠪᠲᠠᠢ ᠡᠨᠡᠷᠢᠩᠭᠦᠢ ᠬᠠᠨᠳᠤᠨᠠ ᠲᠡᠷᠡ ᠰᠣᠨᠣᠰᠣᠮᠠᠭᠴᠠ ᠪᠠᠨ ᠲᠠ ᠨᠠᠷ ᠲᠤ ᠬᠠᠷᠢᠭᠤᠯᠤᠨᠠ᠃
20 ᠡᠵᠡᠨ ᠲᠠ ᠨᠠᠷ ᠲᠤ ᠵᠣᠪᠠᠯᠠᠩ ᠤᠨ ᠪᠣᠣᠪᠣ᠂ ᠭᠠᠰᠠᠯᠠᠩ ᠤᠨ ᠤᠰᠤ ᠥᠭᠬᠦ ᠪᠣᠯᠪᠠᠴᠤ᠂ ᠪᠠᠭᠰᠢ ᠨᠠᠷ ᠴᠢᠨᠢ ᠳᠠᠬᠢᠨ ᠨᠢᠭᠤᠭᠳᠠᠬᠤ ᠦᠭᠡᠢ᠂ ᠲᠠ ᠨᠠᠷ ᠪᠠᠭᠰᠢ ᠨᠠᠷ ᠢᠶᠠᠨ ᠨᠢᠳᠦ ᠪᠡᠷ ᠢᠶᠠᠨ ᠬᠠᠷᠠᠬᠤ ᠪᠣᠯᠣᠨᠠ᠃ 21 ᠪᠠᠷᠠᠭᠤᠨ ᠲᠡᠰᠢ ᠪᠠᠨ᠂ ᠵᠡᠭᠦᠨ ᠲᠡᠰᠢ ᠪᠠᠨ ᠬᠠᠵᠠᠢᠪᠠᠯ ᠠᠷᠤ ᠳᠤ ᠴᠢᠨᠢ 《ᠵᠠᠮ ᠴᠢᠨᠢ ᠡᠨᠡ᠂ ᠡᠨᠡᠭᠦᠷ ᠶᠠᠪᠤ》 ᠭᠡᠬᠦ ᠳᠠᠭᠤ ᠲᠠ ᠨᠠᠷ ᠤᠨ ᠴᠢᠬᠢᠨ ᠳᠤ ᠰᠣᠨᠣᠰᠳᠠᠨᠠ᠃ 22 ᠲᠠ ᠨᠠᠷ ᠮᠥᠩᠭᠥ ᠪᠡᠷ ᠪᠦᠷᠢᠭᠰᠡᠨ ᠬᠥᠷᠥᠭ ᠤᠳ᠂ ᠠᠯᠲᠠ ᠪᠠᠷ ᠴᠢᠳᠬᠤᠭᠰᠠᠨ ᠰᠢᠲᠦᠭᠡᠨ ᠨᠦᠭᠦᠳ ᠢᠶᠡᠨ ᠵᠢᠭ᠍ᠰᠢᠨ᠂ ᠰᠠᠷᠠ ᠶᠢᠨ ᠲᠡᠮᠳᠡᠭ ᠦᠨ ᠪᠥᠰ ᠢ ᠬᠠᠶᠠᠬᠤ ᠮᠡᠲᠦ᠂ 《ᠲᠣᠨᠢᠯ》 ᠭᠡᠳ ᠲᠡᠳᠡᠭᠡᠷ ᠢ ᠬᠠᠶᠠᠨᠠ᠃
23 ᠲᠡᠭᠡᠭᠡᠳ ᠶᠣᠬᠣᠸᠠ ᠲᠠᠯᠠᠪᠠᠢ ᠳᠤ ᠰᠠᠴᠤᠭᠰᠠᠨ ᠦᠷᠡ ᠶᠢᠨ ᠴᠢᠨᠢ ᠲᠥᠯᠥᠭᠡ ᠪᠣᠷᠣᠭᠠᠨ ᠣᠷᠣᠭᠤᠯᠵᠤ᠂ ᠲᠠᠯᠠᠪᠠᠢ ᠶᠢᠨ ᠭᠠᠷᠤᠯᠲᠠ ᠬᠦᠨᠡᠰᠦ ᠴᠢᠨᠢ ᠡᠯᠪᠡᠭ ᠳᠡᠯᠪᠡᠭ ᠪᠣᠯᠣᠨᠠ᠂ ᠲᠡᠷᠡ ᠡᠳᠦᠷ ᠮᠠᠯ ᠰᠦᠷᠦᠭ ᠴᠢᠨᠢ ᠠᠭᠤᠳᠠᠮ ᠪᠡᠯᠴᠢᠭᠡᠷ ᠲᠦ ᠢᠳᠡᠰᠢᠯᠡᠵᠦ᠂ 24 ᠲᠠᠯᠠᠪᠠᠢ ᠳᠤ ᠬᠡᠷᠡᠭᠯᠡᠳᠡᠭ ᠱᠠᠷ᠂ ᠡᠯᠵᠢᠭᠡ ᠴᠢᠨᠢ ᠤᠳᠬᠤᠭᠤᠷ ᠪᠠ ᠠᠴᠠ ᠪᠠᠷ ᠰᠢᠭ᠍ᠰᠢᠭᠰᠡᠨ ᠠᠮᠲᠠᠲᠤ ᠲᠡᠵᠢᠭᠡᠯ ᠢᠳᠡᠨᠡ᠃ 25 ᠴᠠᠮᠬᠠᠭ ᠤᠳ ᠨᠤᠷᠠᠬᠤ ᠶᠡᠬᠡ ᠠᠯᠠᠯᠭᠠ ᠶᠢᠨ ᠡᠳᠦᠷ ᠰᠦᠷᠯᠢᠭ ᠠᠭᠤᠯᠠ᠂ ᠥᠨᠳᠥᠷ ᠲᠣᠯᠣᠭᠠᠳ ᠪᠣᠯᠭᠠᠨ ᠳᠡᠭᠡᠷᠡ ᠭᠣᠣᠯ ᠭᠣᠷᠣᠬᠠ ᠤᠷᠤᠰᠤᠨᠠ᠃ 26 ᠶᠣᠬᠣᠸᠠ ᠠᠷᠠᠳ ᠲᠦᠮᠡᠨ ᠦ ᠪᠠᠨ ᠪᠡᠷᠲᠡᠯᠲᠡ ᠶᠢ ᠪᠣᠭᠣᠵᠤ᠂ ᠴᠣᠬᠢᠭᠳᠠᠭᠰᠠᠨ ᠰᠢᠷᠬᠠ ᠶᠢ ᠨᠢ ᠡᠳᠡᠭᠡᠭᠡᠬᠦ ᠡᠳᠦᠷ ᠲᠦ ᠰᠠᠷᠠᠨ ᠤ ᠭᠡᠷᠡᠯ ᠨᠢ ᠨᠠᠷᠠᠨ ᠤ ᠭᠡᠷᠡᠯ ᠮᠡᠲᠦ᠂ ᠨᠠᠷᠠᠨ ᠤ ᠭᠡᠷᠡᠯ ᠨᠢ ᠳᠣᠯᠣᠭᠠᠨ ᠡᠳᠦᠷ ᠦᠨ ᠭᠡᠷᠡᠯ ᠮᠡᠲᠦ ᠳᠣᠯᠣᠭᠠᠨ ᠳᠠᠬᠢᠨ ᠬᠤᠷᠴᠠ ᠪᠣᠯᠣᠨᠠ᠃
27 ᠬᠠᠷᠠ᠂ ᠠᠯᠤᠰ ᠬᠣᠯᠠ ᠠᠴᠠ ᠶᠣᠬᠣᠸᠠ ᠶᠢᠨ ᠨᠡᠷᠡ ᠠᠢᠰᠤᠢ᠂ ᠠᠭᠤᠷ ᠨᠢ ᠳᠦᠷᠡᠯᠵᠡᠵᠦ ᠤᠲᠤᠭᠠ ᠨᠢ ᠥᠳᠬᠡᠷᠡᠵᠦ ᠣᠷᠣᠭᠤᠯ ᠨᠢ ᠬᠢᠯᠢᠩ ᠢᠶᠠᠷ ᠳᠦᠭᠦᠷᠦᠨ ᠬᠡᠯᠡ ᠨᠢ ᠰᠥᠨᠥᠭᠡᠭᠴᠢ ᠭᠠᠯ ᠲᠠᠢ ᠠᠳᠠᠯᠢ ᠪᠠᠢᠵᠤ
28 ᠠᠮᠢᠰᠬᠤᠯ ᠨᠢ ᠬᠦᠵᠦᠭᠦᠨ ᠳᠦ ᠲᠤᠯᠤᠭᠰᠠᠨ ᠦᠶᠡᠷ ᠦᠨ ᠤᠷᠤᠰᠬᠠᠯ ᠮᠡᠲᠦ ᠪᠠᠢᠨᠠ᠂ ᠲᠡᠷᠡ ᠬᠣᠭᠣᠰᠣᠷᠠᠯ ᠤᠨ ᠰᠢᠭᠰᠢᠭᠦᠷ ᠢᠶᠡᠷ ᠦᠨᠳᠦᠰᠦᠲᠡᠨ ᠨᠦᠭᠦᠳ ᠢ ᠰᠢᠭᠰᠢᠵᠦ ᠲᠥᠭᠡᠷᠢᠭᠦᠯᠬᠦ ᠬᠠᠵᠠᠭᠠᠷ ᠢ ᠶᠠᠰᠤᠲᠠᠨ ᠨᠤᠭᠤᠳ ᠤᠨ ᠠᠮᠠᠨ ᠳᠤ ᠬᠢᠨᠡ᠃
29 ᠠᠷᠢᠭᠤᠨ ᠭᠡᠭᠳᠡᠭᠰᠡᠨ ᠪᠠᠶᠠᠷ ᠤᠨ ᠰᠥᠨᠢ ᠮᠡᠲᠦ ᠲᠠ ᠨᠠᠷ ᠳᠠᠭᠤᠤ ᠳᠠᠭᠤᠯᠠᠵᠤ᠂ ᠪᠢᠰᠬᠢᠭᠦᠷ ᠦᠨ ᠳᠠᠭᠤᠨ ᠢᠶᠠᠷ ᠶᠣᠬᠣᠸᠠ ᠶᠢᠨ ᠠᠭᠤᠯᠠ᠂ ᠢᠰᠷᠧᠯ ᠤᠨ ᠬᠠᠳᠠ ᠤᠷᠤᠭᠤ ᠠᠯᠬᠤᠭᠴᠢ ᠮᠡᠲᠦ ᠰᠡᠳᠬᠢᠯ ᠴᠢᠨᠢ ᠪᠠᠶᠠᠰᠤᠨᠠ᠃
30 ᠶᠣᠬᠣᠸᠠ ᠬᠦᠴᠦᠲᠦ ᠳᠠᠭᠤ ᠪᠠᠨ ᠰᠣᠨᠣᠰᠬᠠᠵᠤ ᠰᠢᠷᠦᠭᠦᠨ ᠠᠭᠤᠷ᠂ ᠰᠥᠨᠥᠭᠡᠭᠴᠢ ᠭᠠᠯ ᠤᠨ ᠳᠥᠯᠥ ᠪᠡᠷ ᠰᠢᠭᠤᠷᠭᠠ᠂ ᠠᠭᠠᠳᠠᠷ ᠪᠣᠯᠣᠨ ᠮᠥᠨᠳᠥᠷ ᠲᠡᠢ ᠬᠠᠮᠲᠤ ᠪᠠᠭᠤᠬᠤ ᠮᠤᠲᠤᠷ ᠢᠶᠠᠨ ᠦᠵᠡᠭᠦᠯᠦᠨᠡ᠃
31 ᠶᠣᠬᠣᠸᠠ ᠶᠢᠨ ᠳᠠᠭᠤ ᠠᠰᠢᠷᠢᠶᠠ ᠶᠢ ᠰᠦᠷᠳᠡᠭᠦᠯᠦᠨᠡ ᠲᠡᠷᠡ ᠲᠡᠭᠦᠨ ᠢ ᠲᠠᠶᠠᠭ ᠢᠶᠠᠷ ᠴᠣᠬᠢᠨᠠ᠃
32 ᠶᠣᠬᠣᠸᠠ ᠰᠢᠳᠬᠡᠯ ᠦᠨ ᠰᠢᠳᠠᠮ ᠢᠶᠠᠨ ᠪᠠᠭᠤᠯᠭᠠᠬᠤ ᠪᠣᠯᠭᠠᠨ ᠳᠤ ᠬᠡᠩᠭᠡᠷᠭᠡ ᠪᠠ ᠶᠠᠲᠤᠭᠠ ᠶᠢᠨ ᠳᠠᠭᠤ ᠭᠠᠷᠤᠨᠠ ᠳᠠᠢᠨ ᠳᠤ ᠲᠡᠷᠡ ᠮᠤᠲᠤᠷ ᠢᠶᠠᠨ ᠳᠠᠯᠠᠢᠨ᠂ ᠲᠡᠳᠡᠨ ᠲᠡᠢ ᠳᠠᠢᠲᠤᠨᠠ᠃
33 ᠰᠢᠲᠠᠭᠠᠯᠭᠠ ᠶᠢᠨ ᠭᠠᠵᠠᠷ ᠨᠢ ᠡᠷᠲᠡᠨ ᠡᠴᠡ ᠵᠡᠬᠡᠭᠳᠡᠵᠡᠢ ᠬᠠᠭᠠᠨ ᠳᠤᠨᠢ ᠭᠠᠯ ᠪᠣᠯᠣᠨ ᠠᠷᠪᠢᠨ ᠲᠦᠯᠡᠭᠡ ᠲᠠᠢ ᠬᠠᠮᠲᠤ ᠭᠦᠨ ᠥᠷᠭᠡᠨ ᠨᠦᠬᠡ ᠪᠡᠯᠡᠳᠬᠡᠭᠳᠡᠵᠡᠢ ᠬᠦᠬᠦᠷ ᠦᠨ ᠭᠠᠯᠲᠤ ᠤᠷᠤᠰᠬᠠᠯ ᠮᠡᠲᠦ ᠶᠣᠬᠣᠸᠠ ᠶᠢᠨ ᠠᠮᠢᠰᠬᠤᠯ ᠲᠡᠭᠦᠨ ᠢ ᠨᠣᠴᠣᠭᠠᠨᠠ᠃