ᠳᠠᠭᠤᠯᠠᠯ ᠵᠢᠷᠭᠤᠭᠠ
ᠭᠡᠮᠰᠢᠯ ᠤᠨ ᠭᠤᠶᠤᠯᠲᠠ
ᠳ᠋ᠠᠸᠢᠳ᠋ ᠤᠨ ᠳᠠᠭᠤᠯᠠᠯ᠃ ᠨᠠᠢᠷᠠᠯ ᠳᠠᠭᠤᠤ ᠶᠢᠨ ᠤᠳᠤᠷᠢᠳᠤᠭᠠᠴᠢ ᠳᠤ᠂ ᠤᠲᠠᠰᠤᠲᠤ ᠬᠥᠭᠵᠢᠮ᠂ ᠨᠠᠢ᠌ᠮᠠᠨ ᠤᠲᠠᠰᠤᠲᠤ ᠬᠤᠭᠤᠷ ᠳᠡᠭᠡᠷᠡ᠃
1 ᠶᠣᠬᠣᠸᠠ ᠡ᠂ ᠠᠭᠤᠷ ᠢᠶᠠᠷ ᠢᠶᠠᠨ ᠨᠠᠮᠠᠶᠢ ᠪᠦᠦ ᠵᠢᠮᠡᠯᠡᠭᠡᠴᠢ ᠬᠢᠯᠢᠩ ᠢᠶᠠᠷ ᠢᠶᠠᠨ ᠨᠠᠮᠠᠶᠢ ᠪᠦᠦ ᠭᠡᠰᠬᠡᠭᠡᠴᠢ᠃
2 ᠶᠠᠳᠠᠷᠠᠭᠤ ᠨᠠᠮᠠᠶᠢ ᠡᠨᠡᠷᠢᠭᠡᠴᠢ᠂ ᠶᠣᠬᠣᠸᠠ ᠡ᠂ ᠶᠠᠩᠭᠢᠨᠠᠬᠤ ᠶᠠᠰᠤ ᠶᠢ ᠮᠢᠨᠢ ᠡᠳᠡᠭᠡᠭᠡᠭᠡᠴᠢ᠂ ᠶᠣᠬᠣᠸᠠ ᠡ᠂
3 ᠰᠡᠳᠬᠢᠯ ᠮᠢᠨᠢ ᠶᠡᠬᠡ ᠪᠡᠷ ᠲᠡᠪᠡᠳᠡᠪᠡ᠂ ᠬᠠᠷᠢᠨ ᠶᠣᠬᠣᠸᠠ ᠡ᠂ ᠲᠠ ᠬᠡᠳᠦᠢ ᠤᠳᠠᠬᠤ ᠶᠤᠮ ᠪᠤᠢ︖
4 ᠡᠷᠭᠢᠵᠦ ᠢᠷᠡᠭᠡᠳ ᠠᠮᠢ ᠶᠢ ᠮᠢᠨᠢ ᠬᠡᠯᠲᠦᠷᠢᠭᠦᠯᠦᠭᠡᠴᠢ᠂ ᠦᠨᠡᠨ ᠬᠠᠢᠷᠠ ᠶᠢᠨ ᠢᠶᠠᠨ ᠤᠯᠠᠮ ᠠᠴᠠ ᠨᠠᠮᠠᠶᠢ ᠠᠪᠤᠷᠠᠭᠠᠴᠢ᠃
5 ᠦᠬᠦᠳᠡᠯ ᠲᠠᠨ ᠢ ᠦᠯᠦ ᠳᠤᠷᠠᠰᠤᠨᠠ᠂ ᠦᠬᠦᠭᠰᠡᠳ ᠦᠨ ᠣᠷᠣᠨ ᠳᠤ ᠬᠡᠨ ᠲᠠᠨ ᠢ ᠮᠠᠭᠲᠠᠬᠤ ᠪᠤᠢ︖
6 ᠰᠡᠭᠦᠷᠡᠰᠦᠯᠡᠭᠰᠡᠭᠡᠷ ᠪᠢ ᠵᠦᠳᠡᠷᠡᠪᠡ᠂ ᠰᠥᠨᠢᠵᠢᠨ ᠢᠶᠠᠨ ᠪᠢ ᠨᠢᠯᠪᠤᠰᠤ ᠪᠠᠷ ᠢᠶᠠᠨ ᠣᠷᠣ ᠪᠠᠨ ᠵᠢᠪᠪᠦᠭᠦᠯᠵᠦ ᠢᠰᠠᠷᠢ ᠪᠠᠨ ᠳᠡᠪᠲᠦᠭᠡᠪᠡ᠂
7 ᠤᠢ ᠭᠠᠰᠢᠭᠤ ᠳᠠᠭᠠᠨ ᠨᠢᠳᠦᠨ ᠦ ᠮᠢᠨᠢ ᠭᠠᠯ ᠪᠦᠳᠡᠭᠢᠷᠡᠵᠦ ᠥᠰᠲᠡᠨ ᠨᠦᠭᠦᠳ ᠡᠴᠡ ᠮᠢᠨᠢ ᠪᠣᠯᠵᠤ ᠪᠥᠬᠥᠪᠡ᠃
8 ᠮᠠᠭᠤ ᠶᠢ ᠦᠢᠯᠡᠳᠦᠭᠴᠢ ᠲᠠ ᠪᠦᠭᠦᠳᠡ ᠨᠠᠳᠠ ᠠᠴᠠ ᠬᠣᠯᠠᠳᠠ ᠮᠢᠨᠦ ᠤᠬᠢᠯᠠᠬᠤ ᠳᠠᠭᠤ ᠶᠢ ᠶᠣᠬᠣᠸᠠ ᠰᠣᠨᠣᠰᠣᠯᠠ᠃
9 ᠶᠣᠬᠣᠸᠠ ᠬᠦᠰᠡᠯᠲᠡ ᠶᠢ ᠮᠢᠨᠢ ᠰᠣᠨᠣᠰᠣᠭᠰᠠᠨ ᠶᠣᠬᠣᠸᠠ ᠳᠠᠭᠠᠳᠬᠠᠯ ᠢ ᠮᠢᠨᠢ ᠬᠦᠯᠢᠶᠡᠨ ᠠᠪᠳᠠᠭ᠃
10 ᠬᠠᠮᠤᠭ ᠳᠠᠢᠰᠤᠨ ᠮᠢᠨᠢ ᠢᠴᠢᠵᠦ᠂ ᠶᠡᠬᠡᠳᠡ ᠰᠠᠨᠳᠤᠷᠤᠨᠠ ᠢᠴᠢᠭᠡᠳ ᠬᠣᠷᠣᠮᠬᠠᠨᠠ ᠪᠤᠴᠠᠨᠠ᠃