ᠳᠠᠭᠤᠯᠠᠯ ᠨᠠᠶᠠ
ᠦᠨᠳᠦᠰᠦᠲᠡᠨ ᠦ ᠪᠠᠨ ᠰᠡᠷᠭᠦᠯᠲᠡ ᠶᠢ ᠭᠤᠶᠤᠪᠠ
ᠠᠰᠠᠹ ᠤᠨ ᠳᠠᠭᠤᠯᠠᠯ᠂ ᠨᠠᠢᠷᠠᠯ ᠳᠠᠭᠤᠤ ᠶᠢᠨ ᠤᠳᠤᠷᠢᠳᠤᠭᠠᠴᠢ ᠳᠤ᠃ 《ᠭᠡᠷᠡᠲᠦ ᠰᠠᠷᠠᠨᠠ ᠴᠡᠴᠡᠭ》 ᠤᠨ ᠠᠶᠠ ᠳᠡᠭᠡᠷᠡ᠃
1 ᠢᠰᠷᠧᠯ ᠤᠨ ᠬᠣᠨᠢᠴᠢᠨ ᠲᠠ ᠶᠣᠰᠧᠹ ᠢ ᠬᠣᠨᠢᠨ ᠰᠦᠷᠦᠭ ᠢ ᠤᠳᠤᠷᠢᠳᠬᠤ ᠮᠡᠲᠦ ᠤᠳᠤᠷᠢᠳᠳᠠᠭ ᠲᠠ ᠴᠢᠬᠢ ᠲᠠᠯᠪᠢᠭᠠᠴᠢ ᠺᠧᠷᠣᠪ ᠤᠳ ᠤᠨ ᠳᠡᠭᠡᠭᠦᠷ ᠵᠠᠯᠠᠷᠠᠭᠴᠢ ᠲᠠ ᠭᠡᠷᠡᠯᠲᠦᠭᠡᠴᠢ᠃
2 ᠡᠹᠷᠠᠢᠮ᠂ ᠪᠢᠨᠶᠠᠮᠢᠨ ᠪᠣᠯᠣᠨ ᠮᠠᠨᠠᠰᠧ ᠶᠢᠨ ᠡᠮᠦᠨᠡ ᠬᠦᠴᠦ ᠪᠡᠨ ᠦᠵᠡᠭᠦᠯᠵᠦ ᠪᠢᠳᠡᠨ ᠢ ᠠᠪᠤᠷᠠᠬᠤ ᠪᠠᠷ ᠢᠷᠡᠭᠡᠴᠢ︕
3 ᠪᠤᠷᠬᠠᠨ᠂ ᠪᠢᠳᠡᠨ ᠢ ᠰᠡᠷᠭᠦᠭᠡᠭᠡᠴᠢ ᠨᠢᠭᠤᠷ ᠢᠶᠠᠨ ᠭᠡᠷᠡᠯᠲᠦᠭᠦᠯᠦᠭᠡᠴᠢ ᠪᠢᠳᠡ ᠠᠪᠤᠷᠠᠭᠳᠠᠬᠤ ᠶᠤᠮ ᠰᠠᠨ᠃
4 ᠠᠤᠭᠠ ᠬᠦᠴᠦᠲᠦ ᠪᠤᠷᠬᠠᠨ ᠶᠣᠬᠣᠸᠠ ᠠᠷᠠᠳ ᠲᠦᠮᠡᠨ ᠦ ᠪᠠᠨ ᠳᠠᠭᠠᠳᠬᠠᠯ ᠳᠤ ᠬᠡᠳᠦᠢ ᠪᠣᠯᠲᠠᠯᠠ ᠠᠭᠤᠷᠯᠠᠭᠰᠠᠭᠠᠷ ᠪᠠᠢᠬᠤ ᠪᠤᠢ︖
5 ᠲᠡᠳᠡᠨ ᠢ ᠲᠠ ᠨᠢᠯᠪᠤᠰᠤᠨ ᠬᠦᠨᠡᠰᠦ ᠪᠡᠷ ᠬᠣᠭᠣᠯᠠᠯᠠᠵᠤ ᠲᠡᠳᠡᠨ ᠳᠦ ᠶᠡᠬᠡ ᠨᠢᠯᠪᠤᠰᠤ ᠤᠤᠭᠤᠯᠭᠠᠭᠰᠠᠨ᠃
6 ᠪᠢᠳᠡᠨ ᠢ ᠬᠥᠷᠰᠢ ᠨᠦᠭᠦᠳ ᠦᠨ ᠮᠢᠨᠢ ᠮᠠᠷᠭᠤᠭᠠᠨ ᠤ ᠪᠠᠢ ᠪᠣᠯᠭᠠᠭᠰᠠᠨ᠂ ᠪᠢᠳᠡᠨ ᠦ ᠳᠠᠢᠰᠤᠨ ᠨᠤᠭᠤᠳ ᠬᠣᠭᠣᠷᠣᠨᠳᠣ ᠪᠠᠨ ᠢᠨᠢᠶᠡᠯᠳᠦᠳᠡᠭ᠌᠃
7 ᠠᠤᠭᠠ ᠬᠦᠴᠦᠲᠦ ᠪᠤᠷᠬᠠᠨ᠂ ᠪᠢᠳᠡᠨ ᠢ ᠰᠡᠷᠭᠦᠭᠡᠭᠡᠴᠢ ᠨᠢᠭᠤᠷ ᠢᠶᠠᠨ ᠭᠡᠷᠡᠯᠲᠦᠭᠦᠯᠦᠭᠡᠴᠢ᠂ ᠪᠢᠳᠡ ᠠᠪᠤᠷᠠᠭᠳᠠᠬᠤ ᠶᠤᠮ ᠰᠠᠨ᠃
8 ᠲᠠ ᠦᠵᠦᠮ ᠦᠨ ᠮᠣᠳᠣ ᠶᠢ ᠶᠧᠵᠢᠫᠲ ᠡᠴᠡ ᠠᠪᠴᠢᠷᠠᠭᠰᠠᠨ ᠪᠢᠯᠡ᠂ ᠡᠭᠦᠨ ᠢ ᠰᠠᠭᠤᠯᠠᠭᠠᠬᠤ ᠪᠠᠷ ᠦᠨᠳᠦᠰᠦᠲᠡᠨ ᠨᠦᠭᠦᠳ ᠢ ᠵᠠᠢᠯᠠᠭᠤᠯᠵᠠᠢ᠂
9 ᠬᠥᠷᠥᠰᠥ ᠶᠢ ᠨᠢ ᠴᠡᠪᠡᠷᠯᠡᠭᠰᠡᠨ ᠢᠶᠡᠷ ᠲᠡᠷᠡ ᠦᠨᠳᠦᠰᠦ ᠪᠡᠨ ᠰᠠᠭᠤᠯᠭᠠᠵᠤ ᠭᠠᠵᠠᠷ ᠢ ᠳᠦᠭᠦᠷᠭᠡᠪᠡ᠂
10 ᠲᠡᠷᠡ ᠰᠡᠭᠦᠳᠡᠷ ᠢᠶᠡᠷ ᠢᠶᠠᠨ ᠠᠭᠤᠯᠠᠰ ᠢ ᠰᠠᠯᠠᠭᠠ ᠨᠤᠭᠤᠳ ᠢᠶᠠᠷ ᠢᠶᠠᠨ ᠠᠤᠭᠠ ᠬᠤᠱᠢ ᠮᠣᠳᠣ ᠶᠢ ᠪᠦᠷᠬᠦᠵᠦ
11 ᠮᠥᠴᠢᠷ ᠢᠶᠠᠨ ᠳᠠᠯᠠᠢ ᠬᠦᠷᠲᠡᠯᠡ ᠨᠠᠮᠠᠭᠠ ᠪᠠᠨ ᠮᠥᠷᠡᠨ ᠬᠦᠷᠲᠡᠯᠡ ᠰᠤᠩ᠋ᠭᠠᠭᠰᠠᠨ ᠪᠢᠯᠡ᠂
12 ᠶᠠᠭᠠᠬᠢᠭᠠᠳ ᠲᠠ ᠲᠡᠭᠦᠨ ᠦ ᠬᠠᠰᠢᠶᠠ ᠶᠢ ᠨᠤᠷᠠᠭᠠᠵᠤ ᠵᠠᠮ ᠢᠶᠠᠷ ᠶᠠᠪᠤᠵᠤ ᠥᠩᠭᠡᠷᠡᠭᠴᠢ ᠪᠦᠬᠦᠨ ᠢ ᠲᠡᠭᠦᠨ ᠡᠴᠡ ᠲᠡᠭᠦᠯᠭᠡᠵᠦ ᠪᠠᠢᠨᠠ ᠪᠤᠢ︖
13 ᠣᠢ ᠶᠢᠨ ᠵᠡᠷᠯᠢᠭ ᠭᠠᠬᠠᠢ ᠲᠡᠭᠦᠨ ᠢ ᠲᠠᠰᠤᠳᠠᠴᠢᠵᠤ ᠬᠡᠭᠡᠷᠡ ᠶᠢᠨ ᠠᠮᠢᠲᠠᠨ ᠪᠦᠬᠦᠨ ᠲᠡᠭᠦᠨ ᠢᠶᠡᠷ ᠬᠣᠭᠣᠯᠠᠯᠠᠵᠤ ᠪᠠᠢᠨᠠ᠃
14 ᠠᠤᠭᠠ ᠬᠦᠴᠦᠲᠦ ᠪᠤᠷᠬᠠᠨ᠂ ᠪᠤᠴᠠᠭᠠᠳ ᠢᠷᠡᠭᠡᠴᠢ ᠲᠩᠷᠢ ᠡᠴᠡ ᠥᠩᠭᠡᠶᠢᠨ ᠬᠠᠷᠠᠭᠠᠴᠢ᠂ ᠬᠠᠷᠠᠭᠠᠴᠢ᠂ ᠦᠵᠦᠮ ᠦᠨ ᠮᠣᠳᠣ ᠪᠠᠨ
15 ᠪᠠᠷᠠᠭᠤᠨ ᠮᠤᠲᠤᠷ ᠢᠶᠠᠷ ᠰᠠᠭᠤᠯᠭᠠᠭᠰᠠᠨ ᠦᠨᠳᠦᠰᠦ ᠪᠡᠨ ᠪᠠᠲᠤᠵᠢᠭᠤᠯᠤᠭᠰᠠᠨ ᠮᠥᠴᠢᠷ ᠢᠶᠠᠨ ᠬᠠᠯᠠᠮᠵᠢᠯᠠᠭᠠᠴᠢ᠃
16 ᠲᠠᠨ ᠤ ᠦᠵᠦᠮ ᠴᠠᠪᠴᠢᠭᠳᠠᠵᠤ ᠭᠠᠯ ᠳᠤ ᠰᠢᠲᠠᠵᠤ ᠪᠠᠢᠨᠠ᠂ ᠲᠠᠨ ᠤ ᠵᠢᠮᠡᠯᠡᠯ ᠢᠶᠡᠷ ᠲᠡᠷᠡ ᠰᠥᠨᠥᠬᠦ ᠪᠤᠢ᠃
17 ᠲᠠᠨ ᠤ ᠮᠤᠲᠤᠷ ᠲᠠᠨ ᠤ ᠪᠠᠷᠠᠭᠤᠨ ᠲᠠᠯᠠ ᠶᠢᠨ ᠬᠥᠮᠦᠨ ᠳᠡᠭᠡᠷᠡ ᠥᠪᠡᠷ ᠦᠨ ᠢᠶᠠᠨ ᠲᠥᠯᠥᠭᠡ ᠪᠠᠲᠤᠵᠢᠭᠤᠯᠤᠭᠰᠠᠨ ᠬᠥᠮᠦᠨ ᠦ ᠬᠦᠦ ᠶᠢᠨ ᠳᠡᠭᠡᠷᠡ ᠪᠠᠢᠬᠤ ᠪᠣᠯᠲᠤᠭᠠᠢ᠃
18 ᠪᠢᠳᠡ ᠲᠠᠨ ᠠᠴᠠ ᠡᠷᠭᠢᠬᠦ ᠦᠭᠡᠢ ᠪᠢᠳᠡᠨ ᠢ ᠠᠮᠢᠯᠠᠭᠤᠯᠤᠭᠠᠴᠢ᠂ ᠪᠢᠳᠡ ᠲᠠᠨ ᠤ ᠨᠡᠷᠡ ᠶᠢ ᠳᠠᠭᠤᠳᠠᠨᠠ᠃
19 ᠠᠤᠭᠠ ᠬᠦᠴᠦᠲᠦ ᠪᠤᠷᠬᠠᠨ᠂ ᠪᠢᠳᠡᠨ ᠢ ᠰᠡᠷᠭᠦᠭᠡᠭᠡᠴᠢ ᠨᠢᠭᠤᠷ ᠢᠶᠠᠨ ᠭᠡᠷᠡᠯᠲᠦᠭᠦᠯᠦᠭᠡᠴᠢ ᠪᠢᠳᠡ ᠠᠪᠤᠷᠠᠭᠳᠠᠬᠤ ᠶᠤᠮ ᠰᠠᠨ᠃