ᠳᠠᠭᠤᠯᠠᠯ ᠠᠷᠪᠠᠨ ᠵᠢᠷᠭᠤᠭᠠ
ᠰᠠᠢᠬᠠᠨ ᠥᠪ
ᠳ᠋ᠠᠸᠢᠳ᠋ ᠤᠨ ᠮᠢᠺᠲᠠᠮ᠃
1 ᠨᠠᠮᠠᠶᠢ ᠬᠠᠮᠠᠭᠠᠯᠠᠭᠠᠴᠢ᠂ ᠪᠤᠷᠬᠠᠨ ᠪᠢ ᠲᠠᠨ ᠤ ᠳᠣᠲᠣᠷᠠ ᠬᠣᠷᠭᠣᠳᠠᠳᠠᠭ᠃
2 ᠪᠢ ᠶᠣᠬᠣᠸᠠ ᠳᠤ 《ᠲᠠ ᠮᠢᠨᠦ ᠡᠵᠡᠨ ᠲᠠᠨ ᠠᠴᠠ ᠭᠠᠳᠠᠨᠠ ᠰᠠᠢᠨ 4 ᠨᠢ ᠨᠠᠳᠠ ᠳᠤ ᠦᠭᠡᠢ》 ᠭᠡᠳᠡᠭ᠃
3 ᠭᠠᠵᠠᠷ ᠳᠡᠭᠡᠷᠡᠬᠢ ᠠᠷᠢᠭᠤᠨ ᠬᠥᠮᠦᠰ ᠪᠣᠯ ᠡᠷᠬᠢᠮ ᠬᠠᠮᠤᠭ ᠪᠠᠶᠠᠰᠤᠯ ᠮᠢᠨᠢ ᠲᠡᠳᠡᠨ ᠳᠦ ᠪᠤᠢ᠃
4 ᠥᠭᠡᠷᠡ ᠪᠤᠷᠬᠠᠳ ᠤᠨ ᠠᠷᠤ ᠠᠴᠠ ᠭᠦᠶᠦᠭᠴᠢᠳ ᠤᠨ ᠳᠡᠭᠡᠷᠡ ᠵᠣᠪᠠᠯᠠᠩ ᠨᠡᠮᠡᠭᠳᠡᠨᠡ ᠲᠡᠳᠡᠨ ᠦ ᠴᠢᠰᠤᠨ ᠤᠮᠳᠠᠭᠠᠨ ᠲᠠᠬᠢᠯ ᠢ ᠪᠢ ᠡᠷᠭᠦᠬᠦ ᠦᠭᠡᠢ ᠲᠡᠳᠡᠨ ᠦ ᠨᠡᠷᠡᠰ ᠢ ᠴᠤ ᠣᠷᠣᠭᠤᠯ ᠮᠢᠨᠢ ᠳᠠᠭᠤᠳᠠᠬᠤ ᠦᠭᠡᠢ᠃
5 ᠮᠢᠨᠦ ᠥᠮᠴᠢ᠂ ᠠᠶᠠᠭᠠᠨ ᠤ ᠬᠤᠪᠢ ᠪᠣᠯ ᠶᠣᠬᠣᠸᠠ ᠲᠠ ᠮᠢᠨᠦ ᠬᠤᠪᠢ ᠵᠠᠶᠠᠭᠠ ᠶᠢ ᠠᠳᠬᠤᠭᠴᠢ ᠨᠢ ᠲᠠ ᠪᠢᠯᠡ᠃
6 ᠥᠪᠡᠷ ᠢᠶᠡᠨ ᠬᠡᠮᠵᠢᠵᠦ ᠨᠠᠳᠠ ᠳᠤ ᠬᠦᠷᠲᠡᠭᠡᠭᠰᠡᠨ ᠬᠤᠪᠢ ᠨᠢ ᠲᠠᠭᠠᠯᠠᠮᠵᠢᠲᠠᠢ᠂ ᠥᠪ ᠮᠢᠨᠢ ᠦᠨᠡᠬᠡᠷ ᠰᠠᠢᠬᠠᠨ᠃
7 ᠨᠠᠳᠠ ᠳᠤ ᠵᠥᠪᠯᠡᠳᠡᠭ ᠶᠣᠬᠣᠸᠠ ᠶᠢ ᠪᠢ ᠮᠠᠭᠲᠠᠨᠠ ᠰᠥᠨᠢ ᠪᠠᠷ ᠴᠤ ᠮᠥᠰᠥ ᠴᠢᠨᠠᠷ ᠮᠢᠨᠢ ᠨᠠᠮᠠᠶᠢ ᠰᠤᠷᠭᠠᠳᠠᠭ᠃
8 ᠶᠣᠬᠣᠸᠠ ᠶᠢ ᠪᠢ ᠢᠮᠠᠭᠲᠠ ᠡᠮᠦᠨᠡ ᠪᠡᠨ ᠲᠠᠯᠪᠢᠳᠠᠭ ᠲᠡᠷᠡ ᠮᠢᠨᠦ ᠪᠠᠷᠠᠭᠤᠨ ᠲᠠᠯᠠ ᠳᠤ ᠪᠠᠢᠳᠠᠭ ᠤᠴᠢᠷ ᠠᠴᠠ ᠪᠢ ᠭᠠᠩ᠋ᠬᠤᠬᠤ ᠦᠭᠡᠢ᠃
9 ᠲᠡᠢᠮᠦ ᠡᠴᠡ ᠵᠢᠷᠦᠬᠡ ᠮᠢᠨᠢ ᠪᠠᠶᠠᠷᠯᠠᠨ᠂ ᠰᠦᠨᠡᠰᠦ ᠮᠢᠨᠢ ᠪᠠᠶᠠᠰᠴᠤ ᠪᠡᠶᠡ ᠮᠢᠨᠢ ᠴᠤ ᠠᠶᠤᠯ ᠦᠭᠡᠢ ᠠᠮᠠᠷᠠᠨᠠ᠃
10 ᠤᠴᠢᠷ ᠨᠢ ᠲᠠ ᠠᠮᠢ ᠶᠢ ᠮᠢᠨᠢ ᠦᠬᠦᠭᠰᠡᠳ ᠦᠨ ᠣᠷᠣᠨ ᠳᠤ ᠣᠷᠬᠢᠬᠤ ᠦᠭᠡᠢ ᠦᠨᠡᠨᠴᠢ ᠨᠢᠭᠡᠨ ᠳᠡᠭᠡᠨ ᠢᠯᠵᠢᠷᠡᠯ ᠢ ᠦᠵᠡᠭᠦᠯᠬᠦ ᠦᠭᠡᠢ᠃
11 ᠲᠠ ᠠᠮᠢ ᠶᠢᠨ ᠵᠠᠮ ᠢ ᠨᠠᠳᠠ ᠳᠤ ᠮᠡᠳᠡᠭᠦᠯᠦᠭᠰᠡᠨ ᠲᠠᠨ ᠤ ᠡᠮᠦᠨᠡ ᠯᠠ ᠪᠠᠶᠠᠷ ᠬᠥᠷ ᠮᠢᠨᠢ ᠳᠦᠭᠦᠷᠡᠩ ᠪᠠᠢᠳᠠᠭ᠂ ᠲᠠᠨ ᠤ ᠪᠠᠷᠠᠭᠤᠨ ᠮᠤᠲᠤᠷ ᠲᠤ ᠡᠭᠦᠷᠢᠳᠡ ᠶᠢᠨ ᠲᠠᠭᠠᠯᠠᠯ ᠪᠤᠢ᠃