ᠳᠠᠭᠤᠯᠠᠯ ᠵᠠᠭᠤ ᠳᠥᠴᠢᠨ ᠨᠠᠢ᠌ᠮᠠ
ᠪᠦᠲᠦᠭᠡᠯ ᠤᠳ ᠡ᠂ ᠮᠠᠭᠲᠠᠭᠲᠤᠨ
1 ᠶᠣᠬᠣᠸᠠ ᠶᠢ ᠮᠠᠭᠲᠠᠭᠲᠤᠨ︕ ᠶᠣᠬᠣᠸᠠ ᠶᠢ ᠲᠩᠷᠢ ᠡᠴᠡ ᠮᠠᠭᠲᠠᠭᠲᠤᠨ︕ ᠥᠨᠳᠥᠷ ᠲᠦ ᠮᠠᠭᠲᠠᠭᠲᠤᠨ︕
2 ᠲᠡᠭᠦᠨ ᠦ ᠡᠯᠴᠢᠳ ᠡ᠂ ᠪᠦᠭᠦᠳᠡᠭᠡᠷ ᠲᠡᠭᠦᠨ ᠢ ᠮᠠᠭᠲᠠᠭᠲᠤᠨ︕ ᠲᠡᠭᠦᠨ ᠦ ᠲᠦᠭ ᠲᠦᠮᠡᠨ ᠡ᠂ ᠪᠦᠭᠦᠳᠡᠭᠡᠷ ᠮᠠᠭᠲᠠᠭᠲᠤᠨ︕
3 ᠨᠠᠷᠠ ᠰᠠᠷᠠ ᠡ᠂ ᠲᠡᠭᠦᠨ ᠢ ᠮᠠᠭᠲᠠᠭᠲᠤᠨ︕ ᠭᠡᠷᠡᠯᠲᠦ ᠣᠳᠣᠳ ᠡ᠂ ᠪᠦᠭᠦᠳᠡᠭᠡᠷ ᠮᠠᠭᠲᠠᠭᠲᠤᠨ︕
4 ᠬᠠᠮᠤᠭ ᠤᠨ ᠳᠡᠭᠡᠳᠦ ᠲᠩᠷᠢ ᠡ᠂ ᠲᠩᠷᠢ ᠶᠢᠨ ᠳᠡᠭᠡᠷᠡᠬᠢ ᠤᠰᠤ ᠡ᠂ ᠲᠡᠭᠦᠨ ᠢ ᠮᠠᠭᠲᠠᠭᠲᠤᠨ︕
5 ᠲᠡᠳᠡ ᠶᠣᠬᠣᠸᠠ ᠶᠢᠨ ᠨᠡᠷᠡ ᠶᠢ ᠮᠠᠭᠲᠠᠬᠤ ᠤᠴᠢᠷᠲᠠᠢ᠂ ᠲᠡᠭᠦᠨ ᠦ ᠲᠤᠰᠢᠶᠠᠭᠰᠠᠨ ᠢᠶᠠᠷ ᠲᠡᠳᠡ ᠪᠦᠲᠦᠭᠡᠭᠳᠡᠭᠰᠡᠨ᠂
6 ᠶᠣᠬᠣᠸᠠ ᠲᠡᠳᠡᠨ ᠢ ᠡᠭᠦᠷᠢᠳᠡ ᠮᠥᠩᠬᠡᠳᠡ ᠲᠣᠭᠲᠠᠭᠠᠵᠤ ᠥᠭᠡᠷᠡᠴᠢᠯᠡᠭᠳᠡᠰᠢ ᠦᠭᠡᠢ ᠵᠠᠷᠯᠢᠭ ᠢ ᠥᠭᠭᠥᠭᠰᠡᠨ᠃
7 ᠭᠠᠵᠠᠷ ᠳᠡᠭᠡᠷᠡ ᠡᠴᠡ ᠶᠣᠬᠣᠸᠠ ᠶᠢ ᠮᠠᠭᠲᠠᠭᠲᠤᠨ ᠲᠣᠮᠣ ᠵᠢᠭᠠᠰᠤ ᠨᠤᠭᠤᠳ ᠪᠠ ᠭᠦᠨ ᠤᠰᠤ ᠨᠤᠭᠤᠳ᠂
8 ᠭᠠᠯ ᠮᠥᠨᠳᠥᠷ᠂ ᠴᠠᠰᠤ ᠮᠠᠨᠠᠨ ᠲᠡᠭᠦᠨ ᠦ ᠦᠭᠡ ᠶᠢ ᠪᠡᠶᠡᠯᠡᠭᠦᠯᠳᠡᠭ ᠬᠦᠴᠦᠲᠦ ᠰᠠᠯᠬᠢ
9 ᠠᠭᠤᠯᠠᠰ᠂ ᠬᠠᠮᠤᠭ ᠲᠣᠯᠣᠭᠠᠳ ᠦᠷᠡ ᠵᠢᠮᠢᠰ ᠲᠠᠢ ᠮᠣᠳᠣᠳ᠂ ᠬᠤᠱᠢ ᠮᠣᠳᠣ ᠪᠦᠬᠦᠨ
10 ᠠᠷᠢᠶᠠᠲᠠᠨ ᠠᠮᠢᠲᠠᠳ᠂ ᠬᠠᠮᠤᠭ ᠮᠠᠯ ᠰᠦᠷᠦᠭ᠂ ᠮᠥᠯᠬᠥᠭᠴᠢᠳ᠂ ᠵᠢᠭᠦᠷᠲᠡᠨ ᠰᠢᠪᠠᠭᠤᠳ
11 ᠭᠠᠵᠠᠷ ᠤᠨ ᠬᠠᠭᠠᠳ᠂ ᠬᠠᠮᠤᠭ ᠦᠨᠳᠦᠰᠦᠲᠡᠨ᠂ ᠨᠣᠶᠠᠳ᠂ ᠭᠠᠵᠠᠷ ᠤᠨ ᠵᠠᠬᠢᠷᠤᠭᠴᠢ ᠪᠦᠭᠦᠳᠡ
12 ᠵᠠᠯᠠᠭᠤᠰ ᠪᠠ ᠥᠬᠢᠳ ᠥᠲᠡᠭᠦᠰ ᠪᠠ ᠨᠢᠯᠬᠠᠰ
13 ᠶᠣᠬᠣᠸᠠ ᠶᠢᠨ ᠨᠡᠷᠡ ᠶᠢ ᠮᠠᠭᠲᠠᠬᠤ ᠪᠣᠯᠲᠤᠭᠠᠢ᠂ ᠲᠡᠭᠦᠨ ᠦ ᠨᠡᠷᠡ ᠯᠠ ᠡᠷᠬᠢᠮ ᠶᠤᠮ᠂ ᠲᠡᠭᠦᠨ ᠦ ᠵᠢᠪᠬᠤᠯᠠᠩ ᠭᠠᠵᠠᠷ ᠪᠠ ᠲᠩᠷᠢ ᠶᠢᠨ ᠳᠡᠭᠡᠭᠦᠷ ᠪᠠᠢᠳᠠᠭ᠃
14 ᠲᠡᠷᠡ ᠠᠷᠠᠳ ᠲᠦᠮᠡᠨ ᠦ ᠪᠠᠨ ᠲᠥᠯᠥᠭᠡ ᠨᠢᠭᠡᠨ ᠡᠪᠡᠷ ᠢ ᠡᠷᠭᠦᠮᠵᠢᠯᠡᠭᠰᠡᠨ ᠥᠪᠡᠷ ᠲᠤᠨᠢ ᠣᠢᠷᠠ ᠪᠤᠢ ᠢᠰᠷᠧᠯ ᠤᠨ ᠠᠷᠠᠳ ᠲᠦᠮᠡᠨ ᠦ᠂ ᠥᠪᠡᠷ ᠲᠤᠨᠢ ᠦᠨᠡᠨᠴᠢ ᠬᠥᠮᠦᠰ ᠦᠨ ᠮᠠᠭᠲᠠᠭᠠᠯ ᠪᠣᠯᠬᠤ ᠨᠢᠭᠡᠨ ᠢ ᠡᠷᠭᠦᠮᠵᠢᠯᠡᠭᠰᠡᠨ ᠶᠣᠬᠣᠸᠠ ᠶᠢ ᠮᠠᠭᠲᠠᠭᠲᠤᠨ︕