ᠳᠠᠭᠤᠯᠠᠯ ᠶᠡᠷᠡᠨ ᠨᠢᠭᠡ
ᠪᠤᠷᠬᠠᠨ ᠤ ᠬᠠᠮᠠᠭᠠᠯᠠᠯᠲᠠ ᠳᠣᠣᠷᠠ
1 ᠬᠠᠮᠤᠭ ᠤᠨ ᠳᠡᠭᠡᠳᠦ ᠨᠢᠭᠡᠨ ᠦ ᠬᠣᠷᠭᠣᠳᠠᠬᠤ ᠭᠠᠵᠠᠷ ᠲᠤ ᠰᠠᠭᠤᠵᠤ ᠪᠠᠢᠭᠠ ᠨᠢᠭᠡᠨ ᠲᠡᠭᠦᠰ ᠬᠦᠴᠦᠲᠦ ᠨᠢᠭᠡᠨ ᠦ ᠰᠡᠭᠦᠳᠡᠷ ᠲᠦ ᠠᠮᠢᠳᠤᠷᠠᠬᠤ ᠪᠣᠯᠣᠨᠠ᠂
2 ᠪᠢ ᠶᠣᠬᠣᠸᠠ ᠶᠢᠨ ᠲᠤᠬᠠᠢ 《ᠮᠢᠨᠦ ᠬᠣᠷᠭᠣᠳᠠᠬᠤ ᠭᠠᠵᠠᠷ᠂ ᠮᠢᠨᠦ ᠴᠠᠢᠵᠠ ᠮᠢᠨᠦ ᠢᠲᠡᠭᠡᠳᠡᠭ ᠪᠤᠷᠬᠠᠨ》 ᠭᠡᠨᠡ᠃
3 ᠴᠢᠮᠠᠶᠢ ᠠᠩᠴᠢᠨ ᠤ ᠤᠷᠠᠬᠠᠨ ᠠᠴᠠ ᠦᠬᠦᠯ ᠦᠨ ᠲᠠᠬᠤᠯ ᠠᠴᠠ ᠠᠪᠤᠷᠠᠭᠴᠢ ᠨᠢ ᠲᠡᠷᠡ ᠯᠠ ᠶᠤᠮ᠃
4 ᠲᠡᠷᠡ ᠴᠢᠮᠠᠶᠢ ᠥᠳᠥ ᠪᠡᠷ ᠢᠶᠠᠨ ᠬᠤᠴᠢᠵᠤ ᠴᠢ ᠲᠡᠭᠦᠨ ᠦ ᠵᠢᠭᠦᠷ ᠦᠨ ᠳᠣᠣᠷᠠ ᠬᠣᠷᠭᠣᠳᠠᠬᠤ ᠪᠣᠯᠣᠨᠠ ᠲᠡᠭᠦᠨ ᠦ ᠢᠲᠡᠭᠡᠮᠵᠢᠲᠦ ᠪᠠᠢᠳᠠᠯ ᠪᠠᠮᠪᠠᠢ ᠪᠣᠯᠣᠨ ᠪᠡᠬᠢᠯᠡᠯᠲᠡ ᠶᠤᠮ᠃
5 ᠴᠢ ᠰᠥᠨᠢ ᠶᠢᠨ ᠠᠶᠤᠯ ᠠᠴᠠ ᠡᠳᠦᠷ ᠦᠨ ᠢᠰᠭᠡᠷᠦᠨ ᠨᠢᠰᠬᠦ ᠰᠤᠮᠤᠨ ᠠᠴᠠ
6 ᠬᠠᠷᠠᠩ᠋ᠭᠤᠢ ᠳᠤ ᠲᠠᠷᠬᠠᠬᠤ ᠲᠠᠬᠤᠯ ᠠᠴᠠ ᠦᠳᠡ ᠳᠤᠮᠳᠠ ᠰᠦᠢᠳᠬᠡᠬᠦ ᠰᠦᠢᠷᠡᠯ ᠡᠴᠡ ᠠᠶᠤᠬᠤ ᠬᠡᠷᠡᠭ ᠦᠭᠡᠢ᠂
7 ᠮᠢᠩ᠋ᠭᠠᠨ ᠬᠥᠮᠦᠨ ᠴᠢᠨᠦ ᠳᠡᠷᠭᠡᠳᠡ ᠲᠦᠮᠡᠨ ᠬᠥᠮᠦᠨ ᠴᠢᠨᠦ ᠪᠠᠷᠠᠭᠤᠨ ᠲᠠᠯᠠ ᠳᠤ ᠤᠨᠠᠪᠠᠴᠤ ᠲᠡᠳᠡᠭᠡᠷ ᠨᠢ ᠴᠢᠮᠠ ᠳᠤ ᠣᠢᠷᠠᠲᠤᠬᠤ ᠦᠭᠡᠢ᠃
8 ᠴᠢ ᠨᠢᠳᠦ ᠪᠡᠷ ᠢᠶᠠᠨ ᠬᠠᠷᠠᠭᠠᠳ ᠯᠠ ᠪᠤᠷᠤᠭᠤᠲᠠᠨ ᠤ ᠠᠪᠬᠤ ᠰᠢᠳᠬᠡᠯ ᠢ ᠦᠵᠡᠬᠦ ᠪᠣᠯᠣᠨᠠ᠃
9 ᠴᠢ ᠶᠣᠬᠣᠸᠠ ᠶᠢ ᠥᠪᠡᠷ ᠦᠨ ᠢᠶᠠᠨ ᠬᠣᠷᠭᠣᠳᠠᠬᠤ ᠭᠠᠵᠠᠷ ᠬᠠᠮᠤᠭ ᠤᠨ ᠳᠡᠭᠡᠳᠦ ᠨᠢᠭᠡᠨ ᠢ ᠥᠪᠡᠷ ᠦᠨ ᠢᠶᠠᠨ ᠣᠷᠣᠰᠢᠬᠤ ᠪᠠᠢᠷᠢ ᠪᠣᠯᠭᠠᠭᠰᠠᠨ ᠤᠴᠢᠷ
10 ᠬᠣᠣᠷ ᠬᠥᠨᠥᠭᠡᠯ ᠴᠢᠮᠠ ᠳᠤ ᠤᠴᠠᠷᠠᠬᠤ ᠦᠭᠡᠢ ᠭᠠᠮᠰᠢᠭ ᠴᠢᠨᠦ ᠮᠠᠢᠬᠠᠨ ᠳᠤ ᠣᠢᠷᠠᠲᠤᠬᠤ ᠦᠭᠡᠢ᠃
11 ᠲᠡᠷᠡ ᠲᠩᠷᠢ ᠡᠯᠴᠢᠳ ᠲᠡᠭᠡᠨ ᠴᠢᠨᠦ ᠲᠤᠬᠠᠢ ᠵᠠᠬᠢᠨ ᠴᠢᠮᠠᠶᠢ ᠪᠦᠬᠦ ᠵᠠᠮ ᠳᠡᠭᠡᠷᠡ ᠴᠢᠨᠢ ᠬᠠᠮᠠᠭᠠᠯᠠᠨᠠ᠃
12 〈ᠴᠢᠨᠦ ᠬᠥᠯ ᠴᠢᠯᠠᠭᠤᠨ ᠳᠤ ᠤᠨᠤᠭᠤᠵᠠᠢ〉 ᠭᠡᠵᠦ ᠲᠡᠳᠡ ᠴᠢᠮᠠᠶᠢ ᠭᠠᠷ ᠳᠡᠭᠡᠷᠡ ᠪᠡᠨ ᠡᠷᠭᠦᠨᠡ᠃
13 ᠴᠢ ᠠᠷᠰᠯᠠᠨ ᠪᠠ ᠨᠠᠵᠤ ᠮᠣᠭᠠᠢ ᠶᠢ ᠭᠢᠰᠬᠢᠯᠡᠨᠡ ᠵᠠᠯᠠᠭᠤ ᠠᠷᠰᠯᠠᠨ ᠪᠠ ᠮᠣᠭᠠᠢ ᠶᠢ ᠳᠡᠪᠰᠡᠯᠡᠨᠡ᠃
14 《ᠲᠡᠷᠡ ᠨᠠᠮᠠᠶᠢ ᠬᠠᠢᠷᠠᠯᠠᠳᠠᠭ ᠲᠤᠯᠠ ᠪᠢ ᠲᠡᠭᠦᠨ ᠢ ᠠᠪᠤᠷᠠᠨᠠ ᠲᠡᠷᠡ ᠨᠡᠷᠡ ᠶᠢ ᠮᠢᠨᠢ ᠮᠡᠳᠡᠳᠡᠭ ᠲᠤᠯᠠ ᠪᠢ ᠲᠡᠭᠦᠨ ᠢ ᠡᠷᠭᠦᠮᠵᠢᠯᠡᠨᠡ᠃
15 ᠨᠠᠮᠠᠶᠢ ᠳᠠᠭᠤᠳᠠᠬᠤ ᠳᠤ ᠪᠢ ᠬᠠᠷᠢᠭᠤᠯᠤᠨᠠ ᠵᠣᠪᠠᠯᠠᠩᠲᠤ ᠦᠶᠡ ᠳᠦᠨᠢ ᠪᠢ ᠲᠡᠭᠦᠨ ᠲᠡᠢ ᠬᠠᠮᠲᠤ ᠪᠠᠢᠵᠤ ᠲᠡᠭᠦᠨ ᠢ ᠴᠢᠯᠥᠭᠡᠯᠡᠵᠦ᠂ ᠠᠯᠳᠠᠷ ᠬᠦᠨᠳᠦ ᠶᠢ ᠣᠯᠭᠣᠨᠠ᠃
16 ᠤᠷᠲᠤ ᠠᠮᠢᠳᠤᠷᠠᠯ ᠢᠶᠠᠷ ᠪᠢ ᠲᠡᠭᠦᠨ ᠢ ᠬᠠᠩ᠋ᠭᠠᠵᠤ ᠥᠪᠡᠷ ᠦᠨ ᠢᠶᠠᠨ ᠠᠪᠤᠷᠠᠯ ᠢ ᠲᠡᠭᠦᠨ ᠳᠦ ᠦᠵᠡᠭᠦᠯᠦᠨᠡ᠃