ᠳᠠᠭᠤᠯᠠᠯ ᠳᠠᠯᠠ ᠶᠢᠰᠦ
ᠪᠠᠯᠭᠠᠰᠤ ᠶᠢᠨ ᠳᠤᠮᠳᠠᠬᠢ ᠢᠲᠡᠭᠡᠯ
ᠠᠰᠠᠹ ᠤᠨ ᠳᠠᠭᠤᠯᠠᠯ᠃
1 ᠪᠤᠷᠬᠠᠨ᠂ ᠬᠠᠷᠢᠴᠤᠳ ᠲᠠᠨ ᠤ ᠥᠮᠴᠢ ᠤᠷᠤᠭᠤ ᠢᠷᠡᠪᠡ ᠲᠠᠨ ᠤ ᠠᠷᠢᠭᠤᠨ ᠣᠷᠳᠣᠨ ᠢ ᠪᠤᠵᠠᠷᠯᠠᠵᠤ ᠶᠧᠷᠦ᠋ᠰᠠᠯᠧᠮ ᠢ ᠪᠠᠯᠭᠠᠰᠤ ᠪᠣᠯᠭᠠᠪᠠ᠂
2 ᠲᠠᠨ ᠤ ᠵᠠᠷᠤᠴᠠ ᠨᠠᠷ ᠤᠨ ᠴᠣᠭᠴᠠᠰ ᠢ ᠣᠭᠲᠠᠷᠭᠤᠢ ᠶᠢᠨ ᠰᠢᠪᠠᠭᠤᠳ ᠲᠤ ᠲᠠᠨ ᠳᠤ ᠦᠨᠡᠨᠴᠢ ᠬᠥᠮᠦᠰ ᠦᠨ ᠪᠡᠶᠡ ᠶᠢ ᠭᠠᠵᠠᠷ ᠤᠨ ᠠᠷᠢᠶᠠᠲᠠᠳ ᠲᠤ ᠢᠳᠡᠭᠦᠯᠵᠦ᠂
3 ᠴᠢᠰᠤ ᠶᠢ ᠨᠢ ᠶᠧᠷᠦ᠋ᠰᠠᠯᠧᠮ ᠤᠨ ᠡᠷᠭᠢᠨ ᠲᠣᠭᠣᠷᠢᠨ ᠳᠤ ᠤᠰᠤ ᠮᠡᠲᠦ ᠤᠷᠤᠰᠬᠠᠭᠰᠠᠨ᠂ ᠲᠡᠳᠡᠨ ᠢ ᠣᠷᠣᠰᠢᠭᠤᠯᠬᠤ ᠬᠥᠮᠦᠨ ᠠᠯᠠᠭᠠ ᠪᠠᠢᠪᠠ᠃
4 ᠪᠢᠳᠡ ᠬᠥᠷᠰᠢ ᠨᠦᠭᠦᠳ ᠲᠡᠭᠡᠨ ᠰᠢᠪᠰᠢᠭ ᠡᠷᠭᠢᠨ ᠲᠣᠭᠣᠷᠢᠨ ᠤ ᠬᠢᠨ ᠳᠠᠭᠠᠨ ᠳᠣᠭᠣᠭᠢ ᠲᠣᠬᠣᠭᠤ ᠪᠣᠯᠣᠯᠠ᠃
5 ᠶᠣᠬᠣᠸᠠ᠂ ᠬᠡᠳᠦᠢ ᠪᠣᠯᠲᠠᠯᠠ ᠪᠤᠢ︖ ᠮᠥᠩᠬᠡᠳᠡ ᠲᠠ ᠠᠭᠤᠷᠯᠠᠭᠰᠠᠭᠠᠷ ᠪᠠᠢᠵᠤ ᠲᠠᠨ ᠤ ᠬᠠᠷᠠᠳᠠᠯᠲᠠ ᠭᠠᠯ ᠰᠢᠭ᠋ ᠰᠢᠲᠠᠭᠰᠠᠭᠠᠷ ᠪᠠᠢᠬᠤ ᠤᠤ︖
6 ᠠᠭᠤᠷ ᠬᠢᠯᠢᠩ ᠢᠶᠠᠨ ᠥᠪᠡᠷ ᠢ ᠲᠠᠨᠢ ᠮᠡᠳᠡᠳᠡᠭ ᠦᠭᠡᠢ ᠬᠠᠷᠢᠴᠤᠳ ᠳᠡᠭᠡᠷᠡ ᠥᠪᠡᠷ ᠦᠨ ᠲᠠᠨᠢ ᠨᠡᠷᠡ ᠶᠢ ᠳᠠᠭᠤᠳᠠᠳᠠᠭ ᠦᠭᠡᠢ ᠬᠠᠭᠠᠨᠴᠢᠯᠠᠯ ᠤᠳ ᠳᠡᠭᠡᠷᠡ ᠠᠰᠬᠠᠭᠠᠴᠢ᠂
7 ᠲᠡᠳᠡ ᠶᠠᠺᠣᠪ ᠢ ᠵᠠᠯᠭᠢᠭᠰᠠᠨ ᠣᠷᠣᠰᠢᠬᠤ ᠭᠠᠵᠠᠷ ᠢ ᠨᠢ ᠰᠦᠢᠷᠡᠭᠦᠯᠦᠭᠰᠡᠨ᠃
8 ᠡᠪᠦᠭᠡᠳ ᠦᠨ ᠮᠢᠨᠢ ᠨᠢᠭᠦᠯ ᠦᠨ ᠤᠯᠠᠮ ᠢᠶᠠᠷ ᠪᠢᠳᠡᠨ ᠢ ᠪᠦᠦ ᠵᠢᠮᠡᠯᠡᠭᠡᠴᠢ ᠥᠪᠡᠷ ᠦᠨ ᠢᠶᠠᠨ ᠥᠷᠥᠰᠢᠶᠡᠯ ᠢᠶᠡᠷ ᠪᠢᠳᠡᠨ ᠢ ᠬᠤᠷᠳᠤᠨ ᠤᠭᠲᠤᠨ ᠠᠪᠤᠭᠠᠴᠢ ᠪᠢᠳᠡ ᠶᠡᠬᠡᠳᠡ ᠳᠣᠷᠣᠢᠲᠠᠭᠰᠠᠨ ᠪᠠᠢᠨᠠ᠂
9 ᠪᠢᠳᠡᠨ ᠢ ᠠᠪᠤᠷᠠᠭᠴᠢ ᠪᠤᠷᠬᠠᠨ ᠠᠯᠳᠠᠷ ᠨᠡᠷᠡ ᠶᠢᠨ ᠢᠶᠠᠨ ᠤᠴᠢᠷ ᠢᠶᠠᠷ ᠪᠢᠳᠡᠨ ᠢ ᠲᠤᠰᠠᠯᠠᠭᠠᠴᠢ᠂ ᠨᠡᠷᠡ ᠶᠢᠨ ᠢᠶᠠᠨ ᠲᠥᠯᠥᠭᠡ ᠪᠢᠳᠡᠨ ᠢ ᠴᠢᠯᠥᠭᠡᠯᠡᠵᠦ ᠪᠢᠳᠡᠨ ᠦ ᠭᠡᠮ ᠢ ᠠᠭᠤᠴᠢᠯᠠᠭᠠᠴᠢ᠃
10 ᠶᠠᠭᠠᠬᠢᠭᠠᠳ ᠦᠨᠳᠦᠰᠦᠲᠡᠨ ᠨᠦᠭᠦᠳ 《ᠲᠡᠳᠡᠨ ᠦ ᠪᠤᠷᠬᠠᠨ ᠬᠠᠮᠢᠭᠠ ᠪᠠᠢᠨᠠ ᠪᠤᠢ︖》 ᠭᠡᠵᠦ ᠬᠡᠯᠡᠬᠦ ᠶᠣᠰᠣᠲᠠᠢ ᠪᠤᠢ︖ ᠥᠪᠡᠷ ᠦᠨ ᠢᠶᠠᠨ ᠵᠠᠷᠤᠴᠠ ᠨᠠᠷ ᠤᠨ ᠤᠷᠤᠰᠤᠭᠰᠠᠨ ᠴᠢᠰᠤᠨ ᠤ ᠥᠰᠢᠶᠡ ᠶᠢ ᠠᠪᠤᠨᠠ ᠭᠡᠳᠡᠭ ᠢᠶᠡᠨ ᠦᠨᠳᠦᠰᠦᠲᠡᠨ ᠨᠦᠭᠦᠳ ᠦᠨ ᠳᠤᠮᠳᠠ᠂ ᠪᠢᠳᠡᠨ ᠦ ᠨᠢᠳᠦᠨ ᠦ ᠡᠮᠦᠨᠡ ᠮᠡᠳᠡᠭᠦᠯᠦᠭᠡᠴᠢ᠃
11 ᠣᠯᠵᠠᠯᠠᠭᠳᠠᠭᠰᠠᠳ ᠤᠨ ᠶᠣᠣᠯᠠᠬᠤ ᠳᠠᠭᠤ ᠲᠠᠨ ᠤ ᠡᠮᠦᠨᠡ ᠬᠦᠷᠦᠭᠡᠰᠡᠢ ᠦᠬᠦᠯᠦᠭᠦᠲᠡ ᠬᠡᠦᠬᠡᠳ ᠤᠳ ᠢᠶᠠᠨ ᠦᠯᠡᠮᠵᠢ ᠬᠦᠴᠦ ᠪᠡᠷ ᠢᠶᠠᠨ ᠬᠠᠮᠠᠭᠠᠯᠠᠭᠠᠴᠢ᠃
12 ᠡᠵᠡᠨ᠂ ᠥᠪᠡᠷ ᠢ ᠲᠠᠨᠢ ᠳᠣᠷᠣᠮᠵᠢᠯᠠᠭᠰᠠᠨ ᠪᠢᠳᠡᠨ ᠦ ᠬᠥᠷᠰᠢ ᠨᠦᠭᠦᠳ ᠦᠨ ᠳᠣᠷᠣᠮᠵᠢᠯᠠᠯ ᠢ ᠡᠪᠦᠷ ᠲᠤᠨᠢ ᠳᠣᠯᠣᠭᠠ ᠳᠠᠬᠢᠨ ᠢᠯᠡᠭᠦᠦ ᠪᠡᠷ ᠪᠤᠴᠠᠭᠠᠨ ᠥᠭᠭᠥᠭᠡᠴᠢ᠃
13 ᠬᠠᠷᠢᠨ ᠲᠠᠨ ᠤ ᠠᠷᠠᠳ ᠲᠦᠮᠡᠨ᠂ ᠲᠠᠨ ᠤ ᠪᠡᠯᠴᠢᠭᠡᠷ ᠦᠨ ᠬᠣᠨᠢᠨ ᠰᠦᠷᠦᠭ ᠪᠢᠳᠡ ᠡᠭᠦᠷᠢᠳᠡ ᠲᠠᠨ ᠳᠤ ᠲᠠᠯᠠᠷᠬᠠᠨᠠ ᠦᠶᠡ ᠶᠢᠨ ᠦᠶᠡ ᠳᠦ ᠲᠠᠨ ᠤ ᠢᠷᠠᠭᠤ ᠠᠯᠳᠠᠷ ᠢ ᠲᠤᠩ᠋ᠬᠠᠭᠯᠠᠨᠠ᠃