ᠳᠠᠭᠤᠯᠠᠯ ᠬᠣᠷᠢᠨ ᠳᠣᠯᠣᠭᠠ
ᠪᠤᠷᠬᠠᠨ ᠲᠠᠢ ᠬᠠᠮᠲᠤ ᠠᠮᠢᠳᠤᠷᠠᠬᠤ
ᠳ᠋ᠠᠸᠢᠳ᠋ ᠤᠨ ᠳᠠᠭᠤᠯᠠᠯ᠃
1 ᠶᠣᠬᠣᠸᠠ ᠪᠣᠯ ᠮᠢᠨᠦ ᠭᠡᠷᠡᠯ᠂ ᠮᠢᠨᠦ ᠠᠪᠤᠷᠠᠯ᠂ ᠪᠢ ᠬᠡᠨ ᠡᠴᠡ ᠠᠶᠤᠬᠤ ᠶᠤᠮ ᠪᠤᠢ︖ ᠶᠣᠬᠣᠸᠠ ᠪᠣᠯ ᠮᠢᠨᠦ ᠠᠮᠢ ᠶᠢᠨ ᠪᠡᠬᠢᠯᠡᠯᠲᠡ ᠪᠢ ᠬᠡᠨ ᠡᠴᠡ ᠰᠦᠷᠳᠡᠬᠦ ᠶᠤᠮ ᠪᠤᠢ︖
2 ᠮᠠᠭᠤ ᠶᠢ ᠦᠢᠯᠡᠳᠦᠭᠴᠢᠳ ᠮᠢᠬᠠᠨ ᠪᠡᠶᠡ ᠶᠢ ᠮᠢᠨᠢ ᠵᠠᠯᠭᠢᠬᠤ ᠪᠠᠷ ᠣᠢᠷᠠᠲᠤᠵᠠᠢ ᠭᠡᠪᠡᠴᠦ ᠮᠢᠨᠦ ᠥᠰᠲᠡᠨ ᠳᠠᠢᠰᠤᠨ ᠲᠡᠳᠡ ᠪᠦᠳᠦᠷᠢᠵᠦ ᠤᠨᠠᠪᠠ᠂
3 ᠴᠡᠷᠢᠭ ᠨᠠᠮᠠᠶᠢ ᠪᠦᠰᠡᠯᠡᠪᠡᠴᠦ ᠵᠢᠷᠦᠬᠡ ᠮᠢᠨᠢ ᠲᠦᠭᠰᠢᠬᠦ ᠦᠭᠡᠢ ᠮᠢᠨᠦ ᠡᠰᠡᠷᠭᠦ ᠳᠠᠢᠨ ᠳᠡᠭᠳᠡᠪᠡᠴᠦ ᠪᠢ ᠢᠲᠡᠭᠡᠯ ᠲᠡᠢ ᠪᠠᠢᠬᠤ ᠪᠣᠯᠣᠨᠠ᠃
4 ᠶᠣᠬᠣᠸᠠ ᠠᠴᠠ ᠭᠤᠶᠤᠳᠠᠭ ᠵᠦᠢᠯ ᠮᠢᠨᠢ ᠭᠠᠭᠴᠠᠬᠠᠨ ᠬᠦᠰᠡᠳᠡᠭ ᠵᠦᠢᠯ ᠮᠢᠨᠢ ᠭᠡᠪᠡᠯ᠂ ᠠᠮᠢᠳᠤᠷᠠᠯ ᠤᠨ ᠢᠶᠠᠨ ᠪᠦᠬᠦᠢᠯᠡ ᠡᠳᠦᠷ ᠤᠳ ᠲᠤ ᠶᠣᠬᠣᠸᠠ ᠶᠢᠨ ᠥᠷᠭᠥᠭᠡᠨ ᠳᠦ ᠰᠠᠭᠤᠬᠤ ᠡᠢᠨ ᠬᠦ ᠶᠣᠬᠣᠸᠠ ᠶᠢᠨ ᠦᠵᠡᠰᠬᠦᠯᠡᠩ ᠢ ᠬᠠᠷᠠᠵᠤ ᠣᠷᠳᠣᠨ ᠳᠣᠲᠣᠷᠠ ᠨᠢ ᠲᠡᠭᠦᠨ ᠡᠴᠡ ᠠᠰᠠᠭᠤᠵᠤ ᠯᠠᠪᠯᠠᠬᠤ ᠪᠢᠯᠡ᠃
5 ᠤᠴᠢᠷ ᠨᠢ ᠵᠣᠪᠠᠯᠠᠩ ᠤᠨ ᠡᠳᠦᠷ ᠲᠡᠷᠡ ᠨᠠᠮᠠᠶᠢ ᠨᠢᠭᠤᠪᠴᠢᠨ ᠳᠠᠭᠠᠨ ᠳᠠᠯᠳᠠᠯᠠᠬᠤ ᠪᠣᠯᠣᠨᠠ᠂ ᠮᠠᠢᠬᠠᠨ ᠤ ᠪᠠᠨ ᠬᠥᠰᠢᠭᠡᠨ ᠳᠦ ᠨᠠᠮᠠᠶᠢ ᠨᠢᠭᠤᠵᠤ ᠥᠨᠳᠥᠷ ᠬᠠᠳᠠᠨ ᠳᠡᠭᠡᠷᠡ ᠨᠠᠮᠠᠶᠢ ᠭᠠᠷᠭᠠᠨᠠ᠃
6 ᠲᠡᠭᠡᠬᠦ ᠳᠦ ᠲᠡᠷᠢᠭᠦᠨ ᠮᠢᠨᠢ ᠬᠦᠷᠢᠶᠡᠯᠡᠭᠰᠡᠨ ᠳᠠᠢᠰᠤᠨ ᠨᠤᠭᠤᠳ ᠤᠨ ᠮᠢᠨᠢ ᠳᠡᠭᠡᠷᠡ ᠡᠷᠭᠦᠮᠵᠢᠯᠡᠭᠳᠡᠵᠦ ᠪᠢ ᠲᠡᠭᠦᠨ ᠦ ᠮᠠᠢᠬᠠᠨ ᠳᠤ ᠪᠠᠶᠠᠷ ᠲᠠᠢ ᠪᠠᠷ ᠲᠠᠬᠢᠯ ᠢ ᠡᠷᠭᠦᠨᠡ ᠪᠢ ᠳᠠᠭᠤᠯᠠᠨ᠂ ᠶᠣᠬᠣᠸᠠ ᠳᠤ ᠠᠶᠠ ᠪᠠᠷᠢᠨᠠ᠃
7 ᠶᠣᠬᠣᠸᠠ᠂ ᠪᠢ ᠬᠠᠰᠬᠢᠷᠴᠤ ᠪᠠᠢᠨᠠ᠂ ᠰᠣᠨᠣᠰᠣᠭᠠᠴᠢ᠂ ᠨᠠᠮᠠᠶᠢ ᠡᠨᠡᠷᠢᠨ᠂ ᠨᠠᠳᠠ ᠳᠤ ᠬᠠᠷᠢᠭᠤᠯᠤᠭᠠᠴᠢ᠃
8 ᠲᠠ 《ᠲᠠ ᠨᠠᠷ ᠮᠢᠨᠦ ᠨᠢᠭᠤᠷ ᠢ ᠬᠠᠢ》 ᠭᠡᠰᠡᠨ ᠪᠠ ᠮᠢᠨᠦ ᠵᠢᠷᠦᠬᠡ ᠲᠠᠨ ᠳᠤ 《ᠪᠢ ᠶᠣᠬᠣᠸᠠ ᠲᠠᠨ ᠤ ᠨᠢᠭᠤᠷ ᠢ ᠬᠠᠢᠶᠠ》 ᠭᠡᠰᠡᠨ᠃
9 ᠲᠤᠰᠠᠯᠠᠮᠵᠢ ᠮᠢᠨᠢ ᠪᠠᠢᠭᠰᠠᠭᠠᠷ ᠢᠷᠡᠭᠰᠡᠨ ᠲᠠ ᠨᠢᠭᠤᠷ ᠢᠶᠠᠨ ᠨᠠᠳᠠ ᠠᠴᠠ ᠪᠦᠦ ᠨᠢᠭᠤᠭᠠᠴᠢ ᠠᠭᠤᠷ ᠲᠠᠭᠠᠨ ᠵᠠᠷᠤᠴᠠ ᠪᠠᠨ ᠪᠦᠦ ᠣᠭᠣᠷᠣᠭᠠᠴᠢ ᠠᠪᠤᠷᠠᠯ ᠤᠨ ᠮᠢᠨᠢ ᠪᠤᠷᠬᠠᠨ ᠲᠠ ᠨᠠᠮᠠᠶᠢ ᠪᠦᠦ ᠬᠠᠶᠠᠵᠤ᠂ ᠪᠦᠦ ᠣᠷᠬᠢᠭᠠᠴᠢ᠃
10 ᠡᠴᠢᠭᠡ ᠡᠬᠡ ᠮᠢᠨᠢ ᠨᠠᠮᠠᠶᠢ ᠣᠷᠬᠢᠭᠰᠠᠨ ᠴᠤ ᠶᠣᠬᠣᠸᠠ ᠨᠠᠮᠠᠶᠢ ᠤᠭᠲᠤᠨ ᠠᠪᠤᠨᠠ᠃
11 ᠵᠠᠮ ᠢᠶᠠᠨ ᠨᠠᠳᠠ ᠳᠤ ᠵᠢᠭᠠᠭᠠᠴᠢ᠂ ᠶᠣᠬᠣᠸᠠ ᠳᠠᠢᠰᠤᠨ ᠨᠤᠭᠤᠳ ᠤᠨ ᠮᠢᠨᠢ ᠤᠴᠢᠷ ᠢᠶᠠᠷ ᠨᠠᠮᠠᠶᠢ ᠲᠡᠭᠰᠢ ᠵᠠᠮ ᠢᠶᠠᠷ ᠤᠳᠤᠷᠢᠳᠤᠭᠠᠴᠢ᠃
12 ᠬᠠᠷᠭᠢᠰ ᠢᠶᠠᠷ ᠠᠮᠢᠰᠬᠤᠯᠯᠠᠭᠴᠢ ᠬᠤᠳᠠᠯ ᠭᠡᠷᠡᠴᠢᠯᠡᠭᠴᠢᠳ ᠮᠢᠨᠦ ᠡᠰᠡᠷᠭᠦ ᠪᠣᠰᠣᠯᠠ᠂ ᠳᠠᠢᠰᠤᠨ ᠨᠤᠭᠤᠳ ᠤᠨ ᠮᠢᠨᠢ ᠬᠦᠰᠡᠯ ᠳᠦ ᠨᠠᠮᠠᠶᠢ ᠪᠦᠦ ᠲᠤᠰᠢᠶᠠᠭᠠᠴᠢ᠃
13 ᠪᠢ ᠠᠮᠢᠳᠤ ᠶᠢᠨ ᠭᠠᠵᠠᠷ ᠲᠤ ᠶᠣᠬᠣᠸᠠ ᠶᠢᠨ ᠰᠠᠢᠨ ᠰᠠᠢᠬᠠᠨ ᠢ ᠬᠠᠷᠠᠨᠠ ᠭᠡᠵᠦ ᠦᠨᠡᠬᠡᠷ ᠢᠲᠡᠭᠡᠭᠰᠡᠨ 10 ᠂
14 ᠶᠣᠬᠣᠸᠠ ᠳᠤ ᠨᠠᠢᠳᠠᠭᠲᠤᠨ ᠬᠦᠴᠦᠲᠡᠢ ᠪᠠᠢ᠂ ᠵᠢᠷᠦᠬᠡ ᠴᠢᠨᠢ ᠵᠣᠷᠢᠭᠲᠠᠢ ᠪᠠᠢᠭ ᠶᠣᠬᠣᠸᠠ ᠳᠤ ᠨᠠᠢᠳᠠᠭᠲᠤᠨ᠃