ᠳᠠᠭᠤᠯᠠᠯ ᠵᠠᠭᠤ ᠭᠤᠴᠢᠨ ᠨᠠᠢ᠌ᠮᠠ
ᠢᠲᠡᠭᠡᠮᠵᠢᠲᠦ ᠪᠤᠷᠬᠠᠨ ᠳᠤ ᠲᠠᠯᠠᠷᠬᠠᠶᠠ
ᠳ᠋ᠠᠸᠢᠳ᠋ ᠤᠨ ᠳᠠᠭᠤᠯᠠᠯ᠃
1 ᠪᠢ ᠪᠦᠬᠦᠢᠯᠡ ᠵᠢᠷᠦᠬᠡ ᠪᠡᠷ ᠢᠶᠠᠨ ᠶᠣᠬᠣᠸᠠ ᠲᠠᠨ ᠳᠤ ᠲᠠᠯᠠᠷᠬᠠᠨᠠ ᠪᠤᠷᠬᠠᠳ ᠤᠨ ᠡᠮᠦᠨᠡ ᠲᠠᠨ ᠢ ᠮᠠᠭᠲᠠᠨᠠ᠂
2 ᠲᠠᠨ ᠤ ᠠᠷᠢᠭᠤᠨ ᠥᠷᠭᠥᠭᠡ ᠥᠭᠡᠳᠡ ᠬᠠᠨᠳᠤᠨ ᠮᠥᠷᠭᠥᠵᠦ ᠲᠠᠨ ᠤ ᠬᠠᠢᠷᠠ ᠪᠠ ᠦᠨᠡᠨ ᠦ ᠤᠯᠠᠮ ᠢᠶᠠᠷ ᠲᠠᠨ ᠤ ᠨᠡᠷᠡ ᠳᠦ ᠲᠠᠯᠠᠷᠬᠠᠨᠠ ᠲᠠ ᠥᠪᠡᠷ ᠦᠨ ᠢᠶᠠᠨ ᠨᠡᠷᠡ᠂ ᠥᠪᠡᠷ ᠦᠨ ᠢᠶᠠᠨ ᠦᠭᠡ ᠶᠢ ᠪᠦᠬᠦᠨ ᠦ ᠳᠡᠭᠡᠭᠦᠷ ᠡᠷᠭᠦᠮᠵᠢᠯᠡᠵᠡᠢ᠂
3 ᠳᠠᠭᠤᠳᠠᠬᠤ ᠡᠳᠦᠷ ᠲᠦ ᠮᠢᠨᠢ ᠲᠠ ᠬᠠᠷᠢᠭᠤᠯᠵᠤ ᠨᠠᠳᠠ ᠳᠤ ᠵᠣᠷᠢᠭ ᠬᠢᠭᠡᠳ ᠬᠦᠴᠦ ᠰᠣᠶᠣᠷᠬᠠᠭᠰᠠᠨ᠂
4 ᠶᠣᠬᠣᠸᠠ᠂ ᠲᠠᠨ ᠤ ᠠᠮᠠᠨ ᠠᠴᠠ ᠭᠠᠷᠬᠤ ᠦᠭᠡ ᠶᠢ ᠰᠣᠨᠣᠰᠣᠭᠰᠠᠨ ᠳᠡᠯᠡᠬᠡᠢ ᠶᠢᠨ ᠪᠦᠬᠦ ᠬᠠᠭᠠᠨ ᠲᠠᠨ ᠳᠤ ᠲᠠᠯᠠᠷᠬᠠᠵᠤ
5 ᠶᠣᠬᠣᠸᠠ ᠶᠢᠨ ᠵᠠᠮ ᠤᠨ ᠲᠤᠬᠠᠢ ᠳᠠᠭᠤᠯᠠᠬᠤ ᠪᠣᠯᠲᠤᠭᠠᠢ᠂ ᠤᠴᠢᠷ ᠨᠢ ᠶᠣᠬᠣᠸᠠ ᠶᠢᠨ ᠠᠯᠳᠠᠷ ᠠᠭᠤᠤ ᠪᠢᠯᠡ᠂
6 ᠶᠣᠬᠣᠸᠠ ᠬᠡᠳᠦᠢᠪᠡᠷ ᠥᠨᠳᠥᠷ ᠲᠦ ᠪᠠᠢᠪᠠᠴᠤ ᠳᠣᠣᠷᠠᠳᠤ ᠬᠥᠮᠦᠨ ᠢ ᠬᠠᠷᠠᠵᠤ ᠪᠠᠢᠳᠠᠭ ᠳᠡᠭᠡᠷᠡᠩᠭᠦᠢ ᠬᠥᠮᠦᠨ ᠢ ᠴᠤ ᠬᠣᠯᠠ ᠠᠴᠠ ᠲᠠᠨᠢᠳᠠᠭ ᠶᠤᠮ᠃
7 ᠬᠡᠳᠦᠢᠪᠡᠷ ᠪᠢ ᠵᠣᠪᠠᠯᠠᠩ ᠤᠨ ᠳᠤᠮᠳᠠ ᠠᠯᠬᠤᠭᠰᠠᠨ ᠴᠤ ᠲᠠ ᠨᠠᠮᠠᠶᠢ ᠰᠡᠷᠭᠦᠭᠡᠨᠡ ᠳᠠᠢᠰᠤᠨ ᠨᠤᠭᠤᠳ ᠤᠨ ᠮᠢᠨᠢ ᠬᠢᠯᠢᠩ ᠤᠨ ᠡᠰᠡᠷᠭᠦ ᠲᠠ ᠮᠤᠲᠤᠷ ᠢᠶᠠᠨ ᠰᠤᠩ᠋ᠭᠠᠵᠤ ᠪᠠᠷᠠᠭᠤᠨ ᠮᠤᠲᠤᠷ ᠢᠶᠠᠷ ᠢᠶᠠᠨ ᠨᠠᠮᠠᠶᠢ ᠠᠪᠤᠷᠠᠨᠠ᠂
8 ᠶᠣᠬᠣᠸᠠ ᠮᠢᠨᠦ ᠲᠤᠬᠠᠢ ᠪᠦᠬᠦᠨ ᠢ ᠲᠡᠭᠦᠰ ᠪᠣᠯᠭᠠᠨᠠ᠂ ᠶᠣᠬᠣᠸᠠ᠂ ᠲᠠᠨ ᠤ ᠦᠨᠡᠨ ᠬᠠᠢᠷᠠ ᠡᠭᠦᠷᠢᠳᠡ ᠶᠢᠨ ᠬᠢ᠂ ᠮᠤᠲᠤᠷ ᠤᠨ ᠢᠶᠠᠨ ᠪᠦᠲᠦᠭᠡᠯ ᠤᠳ ᠢ ᠪᠦᠦ ᠣᠷᠬᠢᠭᠠᠴᠢ᠃