ᠳᠠᠭᠤᠯᠠᠯ ᠨᠠᠶᠠᠨ ᠨᠢᠭᠡ
ᠪᠤᠷᠬᠠᠨ ᠳᠤ ᠳᠤᠭᠤᠯᠭᠠᠪᠤᠷᠢᠲᠠᠢ ᠪᠠᠢ
ᠠᠰᠠᠹ ᠤᠨ ᠳᠠᠭᠤᠯᠠᠯ᠂ ᠨᠠᠢᠷᠠᠯ ᠳᠠᠭᠤᠤ ᠶᠢᠨ ᠤᠳᠤᠷᠢᠳᠤᠭᠠᠴᠢ ᠳᠤ᠃ ᠬᠢᠲ᠋ᠢᠲ\f + \fr 81:0 \ft ᠬᠥᠭᠵᠢᠮ ᠤᠨ ᠲᠣᠮᠢᠶᠠ ᠪᠠᠢᠬᠠ᠃ ᠵᠠᠷᠢᠮ ᠨᠢ ᠬᠥᠭᠵᠢᠮ ᠤᠨ ᠵᠢᠮᠰᠡᠭ ᠭᠡᠵᠦ ᠦᠵᠡᠳᠡᠭ᠃ \f*ᠳᠡᠭᠡᠷᠡ᠃
1 ᠪᠢᠳᠡᠨ ᠦ ᠬᠦᠴᠦ ᠪᠣᠯᠬᠤ ᠪᠤᠷᠬᠠᠨ ᠤ ᠡᠮᠦᠨᠡ ᠪᠠᠶᠠᠷᠯᠠᠨ ᠳᠠᠭᠤᠯᠠ ᠶᠠᠺᠣᠪ ᠤᠨ ᠪᠤᠷᠬᠠᠨ ᠤᠷᠤᠭᠤ ᠴᠢᠩᠭ᠍ᠠ ᠪᠠᠷ ᠬᠠᠰᠬᠢᠷ᠃
2 ᠳᠠᠭᠤᠤ ᠡᠷᠭᠦᠵᠦ᠂ ᠬᠡᠩᠭᠡᠷᠭᠡ ᠳᠡᠯᠡᠳ ᠡᠭᠡᠰᠢᠭᠯᠡᠩᠲᠦ ᠶᠠᠲᠤᠭᠠ ᠶᠢ ᠬᠤᠭᠤᠷ ᠲᠠᠢ ᠬᠠᠮᠲᠤ ᠲᠣᠭᠯᠠ᠃
3 ᠰᠢᠨᠡ ᠰᠠᠷᠠ᠂ ᠲᠡᠷᠭᠡᠯ ᠰᠠᠷᠠᠨ ᠢᠶᠠᠷ ᠪᠢᠳᠡᠨ ᠦ ᠪᠠᠶᠠᠷ ᠤᠨ ᠡᠳᠦᠷ ᠢᠶᠡᠷ ᠪᠦᠷᠢᠶᠡ ᠦᠯᠢᠶᠡ᠂
4 ᠲᠡᠭᠡᠬᠦ ᠨᠢ ᠢᠰᠷᠧᠯ ᠤᠨ ᠲᠣᠭᠲᠠᠭᠠᠯ ᠶᠠᠺᠣᠪ ᠤᠨ ᠪᠤᠷᠬᠠᠨ ᠤ ᠵᠢᠷᠤᠮ ᠶᠤᠮ᠃
5 ᠪᠤᠷᠬᠠᠨ ᠶᠧᠵᠢᠫᠲ ᠤᠨ ᠳᠡᠭᠡᠭᠦᠷ ᠭᠠᠷᠬᠤ ᠳᠠᠭᠠᠨ ᠶᠣᠰᠧᠹ ᠲᠤ ᠡᠭᠦᠨ ᠢ ᠵᠠᠷᠴᠢᠮ ᠪᠣᠯᠭᠠᠨ ᠥᠭᠭᠥᠭᠰᠡᠨ᠂ ᠪᠢ ᠮᠡᠳᠡᠬᠦ ᠦᠭᠡᠢ ᠪᠠᠢᠭᠰᠠᠨ ᠬᠡᠯᠡ ᠶᠢ ᠰᠣᠨᠣᠰᠴᠤ ᠪᠠᠢᠨᠠ᠄
6 《ᠪᠢ ᠮᠥᠷᠥ ᠶᠢ ᠴᠢᠨᠢ ᠠᠴᠢᠶᠠ ᠠᠴᠠ ᠰᠤᠯᠠᠯᠠᠪᠠ ᠭᠠᠷ ᠢ ᠴᠢᠨᠢ ᠰᠠᠭᠰᠤᠨ ᠠᠴᠠ ᠴᠢᠯᠥᠭᠡᠯᠡᠪᠡ᠂
7 ᠴᠢ ᠵᠣᠪᠠᠯᠠᠩ ᠳᠤᠮᠳᠠ ᠪᠠᠨ ᠬᠠᠰᠬᠢᠷᠬᠤ ᠳᠤ᠂ ᠪᠢ ᠴᠢᠮᠠᠶᠢ ᠭᠡᠲᠦᠯᠭᠡᠭᠰᠡᠨ᠂ ᠠᠶᠤᠩ᠋ᠭᠠᠲᠤ ᠨᠢᠭᠤᠴᠠ ᠭᠠᠵᠠᠷ ᠠᠴᠠ ᠴᠢᠮᠠ ᠳᠤ ᠬᠠᠷᠢᠭᠤ ᠥᠭᠭᠥᠭᠰᠡᠨ ᠮᠧᠷᠢᠪᠠ ᠶᠢᠨ ᠤᠰᠤᠨ ᠤ ᠳᠡᠷᠭᠡᠳᠡ ᠴᠢᠮᠠᠶᠢ ᠲᠤᠷᠰᠢᠭᠰᠠᠨ᠂
ᠰᠧᠯᠠ
8 ᠠᠷᠠᠳ ᠲᠦᠮᠡᠨ ᠮᠢᠨᠢ᠂ ᠠᠩ᠋ᠬᠠᠷᠤᠭᠤᠯᠬᠤ ᠶᠢ ᠮᠢᠨᠢ ᠰᠣᠨᠣᠰ᠂ ᠢᠰᠷᠧᠯ ᠡ᠂ ᠴᠢ ᠮᠢᠨᠦᠬᠢ ᠶᠢ ᠰᠣᠨᠣᠰᠣᠭᠰᠠᠨ ᠴᠤ ᠪᠣᠯᠣᠭᠠᠰᠠᠢ︕
9 ᠬᠠᠴᠢᠨ ᠪᠤᠷᠬᠠᠨ ᠢ ᠥᠪᠡᠷᠰᠡᠳ ᠦᠨ ᠢᠶᠠᠨ ᠳᠤᠮᠳᠠ ᠪᠦᠦ ᠪᠠᠢᠯᠭᠠ ᠬᠠᠷᠢ ᠶᠢᠨ ᠪᠤᠷᠬᠠᠨ ᠳᠤ ᠪᠦᠦ ᠮᠥᠷᠭᠥ᠃
10 ᠴᠢᠨᠦ ᠪᠤᠷᠬᠠᠨ ᠪᠣᠯ ᠶᠣᠬᠣᠸᠠ ᠪᠢ᠂ ᠪᠢ ᠴᠢᠮᠠᠶᠢ ᠶᠧᠵᠢᠫᠲ ᠡᠴᠡ ᠠᠪᠴᠢᠷᠠᠭᠰᠠᠨ᠂ ᠠᠮᠠ ᠪᠠᠨ ᠲᠣᠮᠣ ᠠᠩ᠋ᠭᠠᠢᠯᠭᠠ᠂ ᠪᠢ ᠳᠦᠭᠦᠷᠭᠡᠶᠡ᠃
11 ᠭᠡᠪᠡᠴᠦ ᠮᠢᠨᠦ ᠠᠷᠠᠳ ᠲᠦᠮᠡᠨ ᠮᠢᠨᠦᠬᠢ ᠶᠢ ᠰᠣᠨᠣᠰᠣᠭᠠ ᠦᠭᠡᠢ ᠢᠰᠷᠧᠯ ᠨᠠᠳᠠ ᠳᠤ ᠵᠠᠬᠢᠷᠤᠭᠳᠠᠬᠤ ᠦᠭᠡᠢ ᠪᠠᠢᠯᠠ᠃
12 ᠲᠡᠭᠡᠭᠡᠳ ᠪᠢ ᠲᠡᠳᠡᠨ ᠢ ᠬᠠᠲᠠᠭᠤ ᠵᠢᠷᠦᠬᠡ ᠲᠠᠢ ᠴᠢᠭ ᠢᠶᠠᠷ ᠨᠢ ᠣᠷᠬᠢᠪᠠ ᠲᠡᠳᠡ ᠥᠪᠡᠷᠰᠡᠳ ᠦᠨ ᠢᠶᠠᠨ ᠠᠷᠭᠠ ᠶᠢ ᠳᠠᠭᠠᠵᠤ ᠪᠠᠢᠪᠠ᠃
13 ᠮᠢᠨᠦ ᠠᠷᠠᠳ ᠲᠦᠮᠡᠨ ᠮᠢᠨᠦᠬᠢ ᠶᠢ ᠰᠣᠨᠣᠰᠣᠭᠰᠠᠨ ᠴᠤ ᠪᠣᠯᠣᠭᠠᠰᠠᠢ ᠢᠰᠷᠧᠯ ᠮᠢᠨᠦ ᠵᠠᠮ ᠢ ᠳᠠᠭᠠᠭᠰᠠᠨ ᠴᠤ ᠪᠣᠯᠣᠭᠠᠰᠠᠢ︕
14 ᠲᠡᠭᠡᠪᠡᠯ ᠪᠢ ᠳᠠᠢᠰᠤᠨ ᠨᠤᠭᠤᠳ ᠢ ᠨᠢ ᠬᠤᠷᠳᠤᠨ ᠳᠠᠷᠤᠵᠤ ᠮᠤᠲᠤᠷ ᠢᠶᠠᠨ ᠡᠷᠭᠢᠭᠦᠯᠵᠦ ᠥᠰᠲᠡᠨ ᠨᠦᠭᠦᠳ ᠢ ᠨᠢ ᠴᠣᠬᠢᠬᠤ ᠪᠠᠢᠭᠰᠠᠨ
15 ᠶᠣᠬᠣᠸᠠ ᠶᠢ ᠦᠵᠡᠨ ᠶᠠᠳᠠᠭᠰᠠᠳ ᠥᠪᠡᠷ ᠲᠤᠨᠢ ᠪᠥᠬᠥᠢᠵᠦ ᠢᠰᠷᠧᠯ ᠤᠨ ᠦᠶᠡ ᠮᠥᠩᠬᠡᠷᠡᠬᠦ ᠪᠠᠢᠭᠰᠠᠨ
16 ᠲᠡᠷᠡ ᠴᠢᠮᠠ ᠶᠢ ᠣᠬᠢ ᠪᠤᠭᠤᠳᠠᠢ ᠪᠠᠷ ᠬᠣᠭᠣᠯᠠᠯᠠᠵᠤ ᠬᠠᠳᠠᠨ ᠠᠴᠠ ᠭᠠᠷᠤᠭᠰᠠᠨ ᠪᠠᠯ ᠢᠶᠠᠷ ᠬᠠᠩ᠋ᠭᠠᠬᠤ ᠪᠠᠢᠭᠰᠠᠨ᠃