ᠳᠠᠭᠤᠯᠠᠯ ᠬᠣᠷᠢᠨ ᠲᠠᠪᠤ
ᠥᠷᠥᠰᠢᠶᠡᠭᠡᠴᠢ᠂ ᠤᠳᠤᠷᠢᠳᠤᠭᠠᠴᠢ
ᠳ᠋ᠠᠸᠢᠳ᠋ ᠤᠨ ᠳᠠᠭᠤᠯᠠᠯ᠃
1 ᠶᠣᠬᠣᠸᠠ᠂ ᠲᠠᠨ ᠥᠭᠡᠳᠡ ᠪᠢ ᠰᠦᠨᠡᠰᠦ ᠪᠡᠨ ᠡᠷᠭᠦᠶᠡ 8 ᠃
2 ᠪᠤᠷᠬᠠᠨ ᠮᠢᠨᠢ᠂ ᠪᠢ ᠲᠠᠨ ᠳᠤ ᠢᠲᠡᠭᠡᠳᠡᠭ ᠨᠠᠮᠠᠶᠢ ᠢᠴᠢᠭᠦᠷᠢ ᠳᠤ ᠪᠦᠦ ᠣᠷᠣᠭᠤᠯᠤᠭᠠᠴᠢ ᠨᠠᠳᠠ ᠠᠴᠠ ᠪᠣᠯᠵᠤ ᠳᠠᠢᠰᠤᠨ ᠨᠤᠭᠤᠳ ᠪᠠᠶᠠᠷᠯᠠᠭᠤᠵᠠᠢ᠃
3 ᠦᠨᠡᠨ ᠳᠡᠭᠡᠨ ᠲᠠᠨ ᠳᠤ ᠨᠠᠢᠳᠠᠳᠠᠭ ᠬᠡᠨ ᠴᠤ ᠢᠴᠢᠭᠦᠷᠢ ᠳᠤ ᠣᠷᠣᠬᠤ ᠦᠭᠡᠢ ᠰᠢᠯᠲᠠᠭᠠᠨ ᠦᠭᠡᠢ ᠪᠠᠷ ᠢᠲᠡᠭᠡᠯ ᠠᠯᠳᠠᠭᠴᠢᠳ ᠢᠴᠢᠭᠦᠷᠢ ᠳᠤ ᠣᠷᠣᠨᠠ᠃
4 ᠶᠣᠬᠣᠸᠠ᠂ ᠥᠪᠡᠷ ᠦᠨ ᠢᠶᠠᠨ ᠵᠠᠮ ᠢ ᠨᠠᠳᠠ ᠳᠤ ᠮᠡᠳᠡᠭᠦᠯᠦᠭᠡᠴᠢ ᠵᠢᠮ ᠢᠶᠠᠨ ᠨᠠᠳᠠ ᠳᠤ ᠵᠢᠭᠠᠭᠠᠴᠢ
5 ᠦᠨᠡᠨ ᠢᠶᠡᠷ ᠢᠶᠠᠨ ᠨᠠᠮᠠᠶᠢ ᠵᠠᠮᠴᠢᠯᠠᠵᠤ᠂ ᠨᠠᠮᠠᠶᠢ ᠰᠤᠷᠭᠠᠭᠠᠴᠢ᠂ ᠤᠴᠢᠷ ᠨᠢ ᠲᠠ ᠪᠣᠯ ᠮᠢᠨᠦ ᠠᠪᠤᠷᠠᠯ ᠤᠨ ᠪᠤᠷᠬᠠᠨ ᠲᠠᠨ ᠳᠤ ᠯᠠ ᠪᠢ ᠪᠦᠬᠦᠯᠢ ᠡᠳᠦᠷᠵᠢᠨ ᠨᠠᠢᠳᠠᠳᠠᠭ᠃
6 ᠶᠣᠬᠣᠸᠠ᠂ ᠥᠨᠢ ᠡᠷᠲᠡ ᠡᠴᠡ ᠪᠠᠢᠭᠰᠠᠨ ᠥᠷᠥᠰᠢᠶᠡᠯ ᠪᠠ ᠦᠨᠡᠨ ᠬᠠᠢᠷᠠ ᠪᠠᠨ ᠰᠠᠨᠠᠭᠠᠴᠢ᠂
7 ᠵᠠᠯᠠᠭᠤ ᠨᠠᠰᠤᠨ ᠤ ᠮᠢᠨᠢ ᠨᠢᠭᠦᠯ ᠪᠠ ᠬᠢᠯᠢᠨᠴᠡ ᠶᠢ ᠪᠦᠦ ᠰᠠᠨᠠᠭᠠᠴᠢ᠂ ᠶᠣᠬᠣᠸᠠ ᠡ᠂ ᠰᠠᠢᠨ ᠤ ᠪᠠᠨ ᠤᠯᠠᠮ ᠢᠶᠠᠷ ᠡᠨᠡᠷᠢᠯ ᠤᠨ ᠢᠶᠠᠨ ᠳᠠᠭᠠᠤ ᠨᠠᠮᠠᠶᠢ ᠰᠠᠨᠠᠭᠠᠴᠢ᠃
8 ᠶᠣᠬᠣᠸᠠ ᠰᠠᠢᠨ ᠰᠠᠢᠬᠠᠨ᠂ ᠰᠢᠯᠤᠭᠤᠨ ᠰᠢᠳᠤᠷᠭᠤ ᠪᠣᠯᠬᠣᠷ ᠨᠢᠭᠦᠯᠲᠡᠳ ᠲᠦ ᠴᠤ ᠵᠠᠮ ᠢ ᠦᠵᠡᠭᠦᠯᠳᠡᠭ᠂
9 ᠬᠠᠷᠢᠨ ᠳᠠᠷᠤᠤ ᠬᠥᠮᠦᠨ ᠢ ᠰᠢᠳᠤᠷᠭᠤ ᠪᠠᠷ ᠵᠠᠮᠴᠢᠯᠠᠵᠤ ᠳᠠᠷᠤᠤ ᠬᠥᠮᠦᠨ ᠳᠦ ᠵᠠᠮ ᠢᠶᠠᠨ ᠵᠢᠭᠠᠨᠠ᠃
10 ᠶᠣᠬᠣᠸᠠ ᠶᠢᠨ ᠭᠡᠷᠡ ᠪᠠ ᠵᠠᠷᠴᠢᠮ ᠢ ᠰᠠᠬᠢᠭᠴᠢᠳ ᠲᠤ ᠶᠣᠬᠣᠸᠠ ᠶᠢᠨ ᠪᠦᠬᠦ ᠵᠠᠮ ᠡᠨᠡᠷᠢᠯ ᠲᠠᠢ᠂ ᠢᠲᠡᠭᠡᠮᠵᠢᠲᠠᠢ᠃
11 ᠮᠢᠨᠦ ᠨᠢᠭᠦᠯ ᠶᠡᠬᠡ ᠪᠠᠢᠨᠠ᠂ ᠶᠣᠬᠣᠸᠠ ᠡ᠂ ᠨᠡᠷᠡ ᠶᠢᠨ ᠢᠶᠠᠨ ᠲᠥᠯᠥᠭᠡ ᠠᠭᠤᠴᠢᠯᠠᠨᠠ ᠤᠤ︖
12 ᠶᠣᠬᠣᠸᠠ ᠠᠴᠠ ᠡᠮᠢᠶᠡᠳᠡᠭ ᠬᠥᠮᠦᠨ ᠬᠡᠨ ᠶᠤᠮ ᠪᠤᠢ︖ ᠶᠣᠬᠣᠸᠠ ᠲᠡᠭᠦᠨ ᠳᠦ ᠰᠣᠩ᠋ᠭᠣᠬᠤ ᠵᠠᠮ ᠢ ᠨᠢ ᠵᠢᠭᠠᠬᠤ ᠪᠣᠯᠣᠨᠠ
13 ᠰᠡᠳᠬᠢᠯ ᠨᠢ ᠰᠠᠢᠨ ᠰᠠᠢᠬᠠᠨ ᠳᠣᠲᠣᠷᠠ ᠣᠷᠣᠰᠢᠵᠤ ᠦᠷᠡ ᠤᠳᠤᠮ ᠨᠢ ᠭᠠᠵᠠᠷ ᠢ ᠥᠪᠯᠡᠬᠦ ᠪᠣᠯᠣᠨᠠ᠃
14 ᠶᠣᠬᠣᠸᠠ ᠶᠢᠨ ᠵᠥᠪᠯᠡᠯᠭᠡ 9 ᠥᠪᠡᠷ ᠡᠴᠡ ᠨᠢ ᠡᠮᠢᠶᠡᠭᠴᠢᠳ ᠲᠠᠢ ᠬᠠᠮᠲᠤ ᠪᠠᠢᠵᠤ ᠶᠣᠬᠣᠸᠠ ᠲᠡᠳᠡᠨ ᠳᠦ ᠥᠪᠡᠷ ᠦᠨ ᠢᠶᠠᠨ ᠭᠡᠷᠡ ᠶᠢ ᠮᠡᠳᠡᠭᠦᠯᠦᠨᠡ᠃
15 ᠨᠢᠳᠦ ᠮᠢᠨᠢ ᠦᠷᠭᠦᠯᠵᠢ ᠶᠣᠬᠣᠸᠠ ᠥᠭᠡᠳᠡ ᠪᠠᠢᠳᠠᠭ ᠬᠥᠯ ᠢ ᠮᠢᠨᠢ ᠲᠡᠷᠡ ᠤᠷᠠᠬᠠᠨ ᠠᠴᠠ ᠭᠠᠷᠭᠠᠳᠠᠭ᠃
16 ᠨᠠᠳᠠ ᠤᠷᠤᠭᠤ ᠡᠷᠭᠢᠵᠦ᠂ ᠨᠠᠮᠠᠶᠢ ᠡᠨᠡᠷᠢᠭᠡᠴᠢ ᠪᠢ ᠭᠠᠭᠴᠠᠭᠠᠷᠳᠠᠨ ᠵᠣᠪᠠᠪᠠ᠃
17 ᠰᠡᠳᠬᠢᠯ ᠤᠨ ᠮᠢᠨᠢ ᠵᠣᠪᠠᠨᠢᠯ ᠨᠡᠮᠡᠭᠳᠡᠪᠡ ᠵᠣᠪᠠᠭᠤᠷᠢ ᠡᠴᠡ ᠮᠢᠨᠢ ᠨᠠᠮᠠᠶᠢ ᠭᠠᠷᠭᠠᠭᠠᠴᠢ᠃
18 ᠵᠣᠪᠠᠯᠠᠩ ᠪᠠ ᠵᠦᠳᠡᠷᠡᠯ ᠢ ᠮᠢᠨᠢ ᠬᠠᠷᠠᠵᠤ ᠬᠠᠮᠤᠭ ᠨᠢᠭᠦᠯ ᠢ ᠮᠢᠨᠢ ᠠᠭᠤᠴᠢᠯᠠᠭᠠᠴᠢ᠃
19 ᠳᠠᠢᠰᠤᠨ ᠨᠤᠭᠤᠳ ᠢ ᠮᠢᠨᠢ ᠬᠠᠷᠠᠭᠠᠴᠢ ᠲᠡᠳᠡ ᠣᠯᠠᠭᠤᠯᠠ ᠪᠠᠨ ᠨᠠᠮᠠᠶᠢ ᠦᠨᠡᠬᠡᠷ ᠵᠢᠭ᠍ᠰᠢᠨ ᠵᠢᠭ᠍ᠰᠢᠳᠡᠭ᠂
20 ᠠᠮᠢ ᠶᠢ ᠮᠢᠨᠢ ᠬᠠᠮᠠᠭᠠᠯᠠᠵᠤ᠂ ᠨᠠᠮᠠᠶᠢ ᠭᠡᠲᠦᠯᠭᠡᠭᠡᠴᠢ ᠪᠢ ᠲᠠᠨ ᠤ ᠳᠣᠲᠣᠷᠠ ᠬᠣᠷᠭᠣᠳᠠᠳᠠᠭ ᠨᠠᠮᠠᠶᠢ ᠢᠴᠢᠭᠦᠷᠢ ᠳᠤ ᠪᠦᠦ ᠣᠷᠣᠭᠤᠯᠤᠭᠠᠴᠢ᠃
21 ᠪᠢ ᠲᠠᠨ ᠳᠤ ᠨᠠᠢᠳᠠᠳᠠᠭ ᠲᠡᠭᠦᠰ ᠴᠢᠭ᠍ᠴᠢ ᠪᠠᠢᠳᠠᠯ ᠢᠶᠠᠷ ᠨᠠᠮᠠᠶᠢ ᠬᠠᠮᠠᠭᠠᠯᠠᠭᠠᠴᠢ᠃
22 ᠪᠤᠷᠬᠠᠨ ᠡ᠂ ᠢᠰᠷᠧᠯ ᠢ ᠪᠦᠬᠦ ᠵᠣᠪᠠᠯᠠᠩ ᠠᠴᠠ ᠨᠢ ᠵᠣᠯᠢᠨ ᠠᠪᠤᠭᠠᠴᠢ︕