ᠳᠠᠭᠤᠯᠠᠯ ᠵᠢᠷᠠᠨ ᠨᠠᠢ᠌ᠮᠠ
ᠪᠤᠷᠬᠠᠨ ᠤ ᠢᠯᠠᠯᠲᠠ
ᠳ᠋ᠠᠸᠢᠳ᠋ ᠤᠨ ᠳᠠᠭᠤᠯᠠᠯ᠂ ᠳᠠᠭᠤᠤ᠂ ᠨᠠᠢᠷᠠᠯ ᠳᠠᠭᠤᠤ ᠶᠢᠨ ᠤᠳᠤᠷᠢᠳᠤᠭᠠᠴᠢ ᠳᠤ᠃
1 ᠪᠤᠷᠬᠠᠨ ᠪᠣᠰᠬᠤ ᠪᠣᠯᠲᠤᠭᠠᠢ᠂ ᠳᠠᠢᠰᠤᠨ ᠨᠤᠭᠤᠳ ᠨᠢ ᠪᠤᠲᠠᠷᠠᠵᠤ ᠥᠰᠲᠡᠨ ᠨᠦᠭᠦᠳ ᠨᠢ ᠲᠡᠭᠦᠨ ᠦ ᠡᠮᠦᠨᠡ ᠡᠴᠡ ᠪᠤᠯᠲᠠᠬᠤ ᠪᠣᠯᠲᠤᠭᠠᠢ᠃
2 ᠲᠠ ᠤᠲᠤᠭᠠ ᠶᠢ ᠰᠠᠷᠨᠢᠭᠤᠯᠳᠠᠭ ᠤᠨ ᠠᠳᠠᠯᠢ ᠲᠡᠳᠡᠨ ᠢ ᠰᠠᠷᠨᠢᠭᠤᠯᠤᠭᠠᠴᠢ ᠯᠠ ᠶᠢᠨ ᠲᠣᠰᠣ ᠭᠠᠯ ᠤᠨ ᠡᠮᠦᠨᠡ ᠬᠠᠢᠯᠳᠠᠭ ᠤᠨ ᠠᠳᠠᠯᠢ ᠪᠤᠷᠤᠭᠤᠲᠠᠨ ᠪᠤᠷᠬᠠᠨ ᠤ ᠡᠮᠦᠨᠡ ᠮᠥᠬᠥᠵᠦ
3 ᠵᠥᠪᠲᠡᠨ ᠪᠤᠷᠬᠠᠨ ᠤ ᠡᠮᠦᠨᠡ ᠪᠠᠶᠠᠷᠯᠠᠨ ᠪᠠᠶᠠᠰᠴᠤ᠂ ᠪᠠᠶᠠᠷ ᠬᠥᠷ ᠲᠡᠢ ᠪᠠᠢᠬᠤ ᠪᠣᠯᠲᠤᠭᠠᠢ᠃
4 ᠪᠤᠷᠬᠠᠨ ᠤ ᠡᠮᠦᠨᠡ ᠳᠠᠭᠤᠯᠠ᠂ ᠲᠡᠭᠦᠨ ᠦ ᠨᠡᠷᠡ ᠶᠢ ᠮᠠᠭᠲᠠ᠂ ᠡᠭᠦᠯᠡ ᠬᠥᠯᠭᠡᠯᠡᠭᠴᠢ ᠳᠤ ᠳᠠᠭᠤᠤ ᠪᠠᠨ ᠡᠷᠭᠦ ᠲᠡᠭᠦᠨ ᠦ ᠨᠡᠷᠡ ᠪᠣᠯ ᠶᠣᠬᠣᠸᠠ᠂ ᠲᠡᠭᠦᠨ ᠦ ᠡᠮᠦᠨᠡ ᠪᠠᠶᠠᠰᠤᠭᠠᠷᠠᠢ᠃
5 ᠠᠷᠢᠭᠤᠨ ᠭᠠᠵᠠᠷ ᠲᠠᠭᠠᠨ ᠪᠤᠢ ᠪᠤᠷᠬᠠᠨ ᠪᠣᠯ ᠡᠴᠢᠭᠡ ᠦᠭᠡᠢ ᠶᠢᠨ ᠡᠴᠢᠭᠡ᠂ ᠪᠡᠯᠪᠡᠰᠦᠨ ᠦ ᠥᠮᠥᠭᠯᠡᠭᠴᠢ ᠶᠤᠮ᠂
6 ᠪᠤᠷᠬᠠᠨ ᠪᠣᠯ ᠭᠠᠭᠴᠠ ᠪᠡᠶᠡ ᠬᠥᠮᠦᠨ ᠢ ᠭᠡᠷ ᠪᠦᠯᠢ ᠲᠠᠢ ᠪᠣᠯᠭᠠᠭᠴᠢ ᠬᠣᠷᠢᠭᠳᠠᠭᠰᠠᠳ ᠢ ᠰᠠᠢᠨ ᠰᠠᠢᠬᠠᠨ ᠤᠷᠤᠭᠤ ᠳᠠᠭᠠᠭᠤᠯᠤᠨᠠ ᠲᠡᠷᠰᠯᠡᠭᠴᠢ ᠬᠠᠷᠢᠨ ᠭᠠᠩ ᠲᠠᠢ ᠭᠠᠵᠠᠷ ᠲᠤ ᠦᠯᠡᠳᠡᠨᠡ᠃
7 ᠪᠤᠷᠬᠠᠨ ᠲᠠ ᠠᠷᠠᠳ ᠲᠦᠮᠡᠨ ᠦ ᠪᠠᠨ ᠡᠮᠦᠨᠡ ᠭᠠᠷᠬᠤ ᠳᠤ ᠴᠥᠯ ᠳᠤᠮᠳᠠᠭᠤᠷ ᠤᠷᠤᠭᠰᠢᠯᠠᠬᠤ ᠳᠤ᠂
ᠰᠧᠯᠠ
8 ᠪᠤᠷᠬᠠᠨ ᠤ ᠡᠮᠦᠨᠡ᠂ ᠰᠢᠨᠠᠢ ᠶᠢᠨ ᠪᠤᠷᠬᠠᠨ ᠤ ᠡᠮᠦᠨᠡ ᠪᠤᠷᠬᠠᠨ ᠤ ᠡᠮᠦᠨᠡ᠂ ᠢᠰᠷᠧᠯ ᠤᠨ ᠪᠤᠷᠬᠠᠨ ᠤ ᠡᠮᠦᠨᠡ ᠭᠠᠵᠠᠷ ᠬᠥᠳᠡᠯᠪᠡ᠂ ᠲᠩᠷᠢ ᠪᠣᠷᠣᠭᠠᠨ ᠴᠢᠳᠬᠤᠭᠤᠯᠪᠠ᠃
9 ᠪᠤᠷᠬᠠᠨ ᠲᠠ ᠡᠯᠪᠡᠭ ᠪᠣᠷᠣᠭᠠᠨ ᠢ ᠰᠣᠶᠣᠷᠬᠠᠨᠠ᠂ ᠥᠮᠴᠢ ᠲᠠᠨᠢ ᠰᠤᠯᠠᠳᠠᠪᠠᠯ ᠲᠠ ᠰᠡᠷᠭᠦᠭᠡᠳᠡᠭ᠃
10 ᠲᠠᠨ ᠤ ᠬᠢᠨ ᠲᠡᠨᠳᠡ ᠰᠠᠭᠤᠷᠢᠰᠢᠪᠠ᠂ ᠪᠤᠷᠬᠠᠨ ᠲᠠ ᠶᠠᠳᠠᠭᠤ ᠶᠢ ᠰᠠᠢᠨ ᠰᠠᠢᠬᠠᠨ ᠢᠶᠠᠷ ᠬᠠᠩ᠋ᠭᠠᠨᠠ᠃
11 ᠡᠵᠡᠨ ᠦᠭᠡ ᠰᠣᠶᠣᠷᠬᠠᠬᠤ ᠳᠤ ᠮᠡᠳᠡᠭᠡᠴᠢᠨ ᠡᠮᠡᠭᠲᠡᠢ ᠦᠯᠡᠮᠵᠢ ᠣᠯᠠᠨ ᠪᠣᠯᠣᠨᠠ
12 ᠲᠡᠳᠡ 《ᠬᠠᠭᠠᠳ ᠪᠣᠯᠣᠨ ᠴᠡᠷᠢᠭ ᠤᠳ ᠵᠢᠭᠤᠲᠠᠵᠤ ᠪᠠᠢᠨᠠ᠂ ᠵᠢᠭᠤᠲᠠᠵᠤ ᠪᠠᠢᠨᠠ》 ᠭᠡᠵᠡᠭᠡᠨᠡ ᠭᠡᠷ ᠲᠦ ᠪᠠᠢᠭᠠ ᠡᠮᠡᠭᠲᠡᠢ ᠣᠯᠵᠠ ᠬᠤᠪᠢᠶᠠᠨᠠ᠂
13 ᠲᠠ ᠨᠠᠷ ᠬᠣᠨᠢᠨ ᠤ ᠬᠠᠰᠢᠶᠠᠨ ᠳᠤ ᠬᠡᠪᠲᠡᠭᠰᠡᠨ ᠴᠤ ᠮᠥᠩᠭᠥ ᠪᠡᠷ ᠪᠦᠷᠢᠭᠰᠡᠨ ᠲᠠᠭᠲᠠᠭᠠᠨ ᠤ ᠵᠢᠭᠦᠷ ᠲᠡᠢ ᠰᠢᠵᠢᠷ ᠠᠯᠲᠠ ᠪᠠᠷ ᠪᠦᠷᠢᠭᠰᠡᠨ ᠥᠳᠥ ᠲᠠᠢ ᠪᠣᠯᠣᠨᠠ᠃
14 ᠲᠡᠭᠦᠰ ᠬᠦᠴᠦᠲᠦ ᠨᠢᠭᠡᠨ ᠲᠡᠨᠳᠡ ᠬᠠᠭᠠᠳ ᠢ ᠲᠠᠷᠬᠠᠭᠠᠬᠤ ᠳᠤ ᠽᠠᠯᠮᠣᠨ ᠳᠤ ᠴᠠᠰᠤ ᠣᠷᠣᠨᠠ᠃
15 ᠪᠠᠱᠠᠨ ᠤ ᠠᠭᠤᠯᠠ ᠪᠣᠯ ᠪᠤᠷᠬᠠᠨ ᠤ ᠠᠭᠤᠯᠠ ᠪᠠᠱᠠᠨ ᠤ ᠠᠭᠤᠯᠠ ᠪᠣᠯ ᠣᠯᠠᠨ ᠣᠷᠭᠢᠯ ᠲᠠᠢ ᠠᠭᠤᠯᠠ ᠶᠤᠮ᠃
16 ᠬᠠᠷᠢᠨ ᠣᠯᠠᠨ ᠣᠷᠭᠢᠯ ᠲᠠᠢ ᠠᠭᠤᠯᠠᠰ ᠲᠠ ᠨᠠᠷ ᠪᠤᠷᠬᠠᠨ ᠤ ᠣᠷᠣᠰᠢᠬᠤ ᠪᠠᠷ ᠬᠦᠰᠡᠭᠰᠡᠨ ᠠᠭᠤᠯᠠ ᠤᠷᠤᠭᠤ ᠶᠠᠭᠤᠨ ᠳᠤ ᠬᠣᠷᠣᠰᠣᠯ ᠲᠠᠢ ᠪᠠᠷ ᠬᠠᠷᠠᠨᠠ ᠪᠤᠢ︖ ᠶᠣᠬᠣᠸᠠ ᠦᠨᠡᠬᠡᠷ ᠲᠡᠨᠳᠡ ᠮᠥᠩᠬᠡ ᠣᠷᠣᠰᠢᠨᠠ᠃
17 ᠪᠤᠷᠬᠠᠨ ᠤ ᠲᠡᠷᠭᠡ ᠨᠦᠭᠦᠳ ᠮᠢᠩ᠋ᠭᠠ ᠮᠢᠩ᠋ᠭᠠ᠂ ᠲᠦᠮᠡ ᠲᠦᠮᠡ ᠡᠵᠡᠨ ᠲᠡᠳᠡᠭᠡᠷ ᠦᠨ ᠳᠤᠮᠳᠠ ᠪᠠᠢᠨᠠ᠂ ᠰᠢᠨᠠᠢ ᠨᠢ ᠡᠳᠦᠭᠡ ᠠᠷᠢᠭᠤᠨ ᠭᠠᠵᠠᠷ ᠲᠤ ᠪᠠᠢᠨᠠ᠃
18 ᠲᠠ ᠥᠨᠳᠥᠷ ᠲᠦ ᠳᠡᠪᠰᠢᠬᠦ ᠳᠡᠭᠡᠨ ᠣᠯᠵᠠᠯᠠᠭᠳᠠᠭᠰᠠᠳ ᠢ ᠣᠯᠵᠠᠯᠠᠪᠠ᠂ ᠬᠥᠮᠦᠰ ᠦᠨ ᠳᠤᠮᠳᠠ ᠠᠴᠠ᠂ ᠲᠡᠷᠰᠯᠡᠭᠴᠢᠳ ᠡᠴᠡ ᠴᠤ ᠪᠡᠯᠡᠭ ᠤᠳ ᠢ ᠠᠪᠤᠪᠠ᠂ ᠲᠡᠭᠡᠭᠡᠳ ᠶᠣᠬᠣᠸᠠ ᠪᠤᠷᠬᠠᠨ ᠲᠡᠨᠳᠡ ᠣᠷᠣᠰᠢᠬᠤ ᠪᠣᠯᠪᠠ᠃
19 ᠡᠳᠦᠷ ᠪᠦᠷᠢ ᠪᠢᠳᠡᠨ ᠦ ᠠᠴᠢᠶᠠ ᠶᠢ ᠡᠭᠦᠷᠳᠡᠭ ᠡᠵᠡᠨ ᠪᠢᠳᠡᠨ ᠦ ᠠᠪᠤᠷᠠᠭᠴᠢ ᠪᠤᠷᠬᠠᠨ ᠮᠠᠭᠲᠠᠭᠳᠠᠬᠤ ᠪᠣᠯᠲᠤᠭᠠᠢ᠃
ᠰᠧᠯᠠ
20 ᠪᠢᠳᠡᠨ ᠦ ᠪᠤᠷᠬᠠᠨ ᠠᠪᠤᠷᠠᠯ ᠤᠨ ᠪᠤᠷᠬᠠᠨ ᠦᠬᠦᠯ ᠡᠴᠡ ᠵᠠᠢᠯᠠᠭᠤᠯᠤᠭᠴᠢ ᠨᠢ ᠡᠵᠡᠨ ᠶᠣᠬᠣᠸᠠ ᠶᠤᠮ᠃
21 ᠭᠡᠪᠡᠴᠦ ᠪᠤᠷᠬᠠᠨ ᠳᠠᠢᠰᠤᠨ ᠨᠤᠭᠤᠳ ᠤᠨ ᠢᠶᠠᠨ ᠲᠣᠯᠣᠭᠠᠢ ᠶᠢ ᠭᠡᠮ ᠨᠢᠭᠦᠯ ᠦᠨ ᠳᠤᠮᠳᠠ ᠶᠠᠪᠤᠭᠴᠢ ᠬᠥᠮᠦᠨ ᠦ ᠦᠰᠦ ᠲᠠᠢ ᠵᠤᠯᠠᠢ ᠶᠢ ᠴᠥᠮᠥᠯᠥᠨᠡ᠃
22 ᠡᠵᠡᠨ ᠠᠢᠯᠠᠳᠤᠨ᠄ 《ᠪᠢ ᠲᠡᠳᠡᠨ ᠢ ᠪᠠᠱᠠᠨ ᠠᠴᠠ ᠠᠪᠴᠢᠷᠠᠨᠠ ᠳᠠᠯᠠᠢ ᠶᠢᠨ ᠭᠦᠨ ᠡᠴᠡ ᠴᠤ ᠠᠪᠴᠢᠷᠠᠨᠠ᠃
23 ᠴᠢ ᠳᠠᠢᠰᠤᠨ ᠤ ᠪᠠᠨ ᠴᠢᠰᠤᠨ ᠳᠤ ᠬᠥᠯ ᠢᠶᠡᠨ ᠬᠢᠵᠦ ᠨᠣᠬᠠᠳ ᠤᠨ ᠴᠢᠨᠢ ᠬᠡᠯᠡ ᠲᠡᠳᠡᠨ ᠡᠴᠡ ᠬᠤᠪᠢ ᠪᠠᠨ ᠬᠦᠷᠲᠡᠨᠡ》 ᠭᠡᠪᠡ᠃
24 ᠪᠤᠷᠬᠠᠨ᠂ ᠲᠠᠨ ᠤ ᠵᠠᠯᠠᠷᠠᠨ ᠢᠷᠡᠬᠦ ᠶᠢ ᠮᠢᠨᠦ ᠪᠤᠷᠬᠠᠨ᠂ ᠮᠢᠨᠦ ᠬᠠᠭᠠᠨ ᠤ ᠠᠷᠢᠭᠤᠨ ᠭᠠᠵᠠᠷ ᠲᠤ ᠵᠠᠯᠠᠷᠠᠨ ᠢᠷᠡᠬᠦ ᠶᠢ ᠬᠥᠮᠦᠰ ᠬᠠᠷᠠᠭᠰᠠᠨ᠃
25 ᠡᠮᠦᠨᠡ ᠨᠢ ᠳᠠᠭᠤᠴᠢᠳ᠂ ᠠᠷᠤ ᠳᠤᠨᠢ ᠬᠥᠭᠵᠢᠮᠴᠢᠳ᠂ ᠳᠤᠮᠳᠠ ᠨᠢ ᠬᠡᠩᠭᠡᠷᠭᠡ ᠳᠡᠯᠡᠳᠬᠦ ᠥᠬᠢᠳ ᠪᠠᠢᠨᠠ᠃
26 ᠶᠡᠬᠡ ᠴᠢᠭᠤᠯᠭᠠᠨ ᠳᠤ ᠪᠤᠷᠬᠠᠨ ᠢ ᠮᠠᠭᠲᠠᠵᠠᠭᠠ ᠢᠰᠷᠧᠯ ᠤᠨ ᠬᠤᠷᠠᠯᠳᠤᠭᠠᠨ ᠳᠡᠭᠡᠷᠡ ᠶᠣᠬᠣᠸᠠ 14 ᠶᠢ ᠮᠠᠭᠲᠠᠵᠠᠭᠠ︕
27 ᠲᠡᠨᠳᠡ ᠲᠡᠳᠡᠨ ᠢ ᠤᠳᠤᠷᠢᠳᠳᠠᠭ ᠣᠳᠬᠣᠨ ᠪᠢᠨᠶᠠᠮᠢᠨ ᠶᠦᠳᠠ ᠶᠢᠨ ᠨᠣᠶᠠᠳ ᠣᠯᠠᠨ ᠲᠦᠮᠡᠨ ᠲᠡᠢ ᠪᠡᠨ ᠽᠧᠪᠦ᠋ᠯᠣᠨ ᠪᠠ ᠨᠠᠹᠲ᠋ᠠᠯᠢ ᠶᠢᠨ ᠨᠣᠶᠠᠳ ᠪᠠᠢᠨᠠ᠃
28 ᠪᠤᠷᠬᠠᠨ᠂ ᠤᠷᠢᠳᠤ ᠨᠢ ᠪᠢᠳᠡᠨ ᠦ ᠲᠥᠯᠥᠭᠡ ᠦᠢᠯᠡᠳᠦᠭᠰᠡᠨ ᠰᠢᠭ ᠢᠶᠠᠨ ᠬᠦᠴᠦᠯᠡᠭᠡᠴᠢ᠂ ᠪᠤᠷᠬᠠᠨ᠂ ᠬᠦᠴᠦ ᠪᠡᠨ ᠳᠠᠢᠴᠢᠯᠠᠭᠠᠴᠢ᠃
29 ᠶᠧᠷᠦ᠋ᠰᠠᠯᠧᠮ ᠳᠡᠭᠡᠷᠡ ᠪᠤᠢ ᠥᠷᠭᠥᠭᠡᠨ ᠦ ᠲᠠᠨᠢ ᠤᠯᠠᠮ ᠢᠶᠠᠷ ᠬᠠᠭᠠᠳ ᠲᠠᠨ ᠳᠤ ᠪᠡᠯᠡᠭ ᠠᠪᠴᠢᠷᠠᠨᠠ᠃
30 ᠵᠡᠭᠡᠰᠦᠨ ᠳᠤᠮᠳᠠ ᠰᠠᠭᠤᠭᠴᠢ ᠠᠷᠢᠶᠠᠲᠠᠳ ᠢ ᠲᠤᠭᠤᠯ ᠤᠳ ᠤᠨ ᠳᠤᠮᠳᠠᠬᠢ ᠪᠤᠬᠠᠨ ᠰᠦᠷᠦᠭ ᠮᠡᠲᠦ ᠦᠨᠳᠦᠰᠦᠲᠡᠨ ᠨᠦᠭᠦᠳ ᠢ ᠵᠢᠮᠡᠯᠡᠭᠡᠴᠢ ᠲᠡᠳᠡ ᠴᠤᠯᠤ ᠮᠥᠩᠭᠥ ᠠᠪᠴᠢᠷᠠᠵᠤ ᠪᠥᠬᠥᠢᠨᠡ᠂ ᠳᠠᠢᠨᠴᠢ ᠦᠨᠳᠦᠰᠦᠲᠡᠨ ᠨᠦᠭᠦᠳ ᠢ ᠲᠡᠷᠡ ᠰᠠᠷᠨᠢᠭᠤᠯᠳᠠᠭ᠃
31 ᠡᠯᠴᠢᠳ ᠶᠧᠵᠢᠫᠲ ᠡᠴᠡ ᠢᠷᠡᠵᠦ ᠺᠦᠱ ᠭᠠᠷ ᠢᠶᠠᠨ ᠪᠤᠷᠬᠠᠨ ᠤᠷᠤᠭᠤ ᠤᠳᠠᠯ ᠦᠭᠡᠢ ᠰᠤᠩ᠋ᠭᠠᠨᠠ᠃
32 ᠳᠡᠯᠡᠬᠡᠢ ᠶᠢᠨ ᠬᠠᠭᠠᠨᠴᠢᠯᠠᠯ ᠤᠳ ᠡ᠂ ᠪᠤᠷᠬᠠᠨ ᠳᠤ ᠳᠠᠭᠤᠤ ᠡᠷᠭᠦᠭᠲᠦᠨ᠂ ᠡᠵᠡᠨ ᠢ ᠮᠠᠭᠲᠠᠭᠲᠤᠨ᠃
ᠰᠧᠯᠠ
33 ᠡᠷᠲᠡ ᠦᠶᠡ ᠡᠴᠡ ᠲᠡᠷᠡ ᠲᠩᠷᠢ ᠨᠦᠭᠦᠳ ᠦᠨ ᠲᠩᠷᠢ ᠶᠢ ᠬᠥᠯᠭᠡᠯᠡᠵᠦ ᠪᠠᠢᠭᠰᠠᠨ ᠬᠠᠷᠠ᠂ ᠲᠡᠷᠡ ᠳᠠᠭᠤ ᠪᠠᠨ᠂ ᠬᠦᠴᠦᠲᠦ ᠳᠠᠭᠤ ᠪᠠᠨ ᠴᠤᠤᠷᠢᠶᠠᠲᠤᠭᠤᠯᠵᠤ ᠪᠠᠢᠨᠠ᠂
34 ᠪᠤᠷᠬᠠᠨ ᠤ ᠬᠦᠴᠦ ᠶᠢ ᠲᠤᠩ᠋ᠬᠠᠭᠯᠠ᠂ ᠲᠡᠭᠦᠨ ᠦ ᠵᠢᠪᠬᠤᠯᠠᠩ ᠢᠰᠷᠧᠯ ᠤᠨ ᠳᠡᠭᠡᠷᠡ ᠲᠡᠭᠦᠨ ᠦ ᠬᠦᠴᠦ ᠲᠩᠷᠢ ᠳᠡᠭᠡᠷᠡ ᠪᠠᠢᠨᠠ᠃
35 ᠪᠤᠷᠬᠠᠨ᠂ ᠠᠷᠠᠳ ᠲᠦᠮᠡᠨ ᠳᠡᠭᠡᠨ ᠬᠦᠴᠦ ᠴᠢᠳᠠᠯ ᠢ ᠰᠣᠶᠣᠷᠬᠠᠳᠠᠭ ᠢᠰᠷᠧᠯ ᠤᠨ ᠪᠤᠷᠬᠠᠨ ᠲᠠ ᠠᠷᠢᠭᠤᠨ ᠭᠠᠵᠠᠷ ᠲᠠᠭᠠᠨ᠂ ᠡᠮᠢᠶᠡᠭᠦᠰᠢᠲᠡᠢ ᠪᠠᠢᠨᠠ ᠪᠤᠷᠬᠠᠨ ᠮᠠᠭᠲᠠᠭᠳᠠᠬᠤ ᠪᠣᠯᠲᠤᠭᠠᠢ︕