ᠳᠠᠭᠤᠯᠠᠯ ᠵᠠᠭᠤ ᠳᠥᠴᠢᠨ ᠭᠤᠷᠪᠠ
ᠠᠪᠤᠷᠠᠯ ᠬᠦᠰᠡᠭᠰᠡᠨ ᠭᠡᠮᠰᠢᠯ
ᠳ᠋ᠠᠸᠢᠳ᠋ ᠤᠨ ᠳᠠᠭᠤᠯᠠᠯ᠃
1 ᠶᠣᠬᠣᠸᠠ᠂ ᠳᠠᠭᠠᠳᠬᠠᠯ ᠢ ᠮᠢᠨᠢ ᠰᠣᠨᠣᠰᠣᠨ ᠭᠤᠶᠤᠯᠲᠠ ᠳᠤ ᠮᠢᠨᠢ ᠴᠢᠬᠢ ᠲᠠᠯᠪᠢᠭᠠᠴᠢ ᠢᠲᠡᠭᠡᠮᠵᠢᠲᠦ᠂ ᠵᠥᠪᠲᠦ ᠪᠠᠢᠳᠠᠯ ᠢᠶᠠᠷ ᠢᠶᠠᠨ ᠨᠠᠳᠠ ᠳᠤ ᠬᠠᠷᠢᠭᠤᠯᠤᠭᠠᠴᠢ᠂
2 ᠠᠮᠢᠳᠤ ᠪᠣᠯᠭᠠᠨ ᠲᠠᠨ ᠤ ᠮᠡᠯᠮᠡᠢ ᠳᠦ ᠵᠥᠪᠲᠦ ᠪᠢᠰᠢ᠂ ᠥᠪᠡᠷ ᠦᠨ ᠢᠶᠠᠨ ᠵᠠᠷᠤᠴᠠ ᠶᠢ ᠰᠢᠭᠦᠯᠲᠡ ᠳᠦ ᠪᠦᠦ ᠣᠷᠣᠭᠤᠯᠤᠭᠠᠴᠢ᠂
3 ᠥᠰᠲᠡᠨ ᠨᠠᠮᠠᠶᠢ ᠨᠡᠬᠡᠮᠵᠢᠯᠡᠵᠦ ᠠᠮᠢ ᠶᠢ ᠮᠢᠨᠢ ᠭᠠᠵᠠᠷ ᠲᠤ ᠪᠢᠴᠠᠯᠪᠠ᠂ ᠨᠠᠮᠠᠶᠢ ᠡᠷᠲᠡ ᠦᠬᠦᠭᠰᠡᠨ ᠬᠥᠮᠦᠰ ᠰᠢᠭ ᠬᠠᠷᠠᠩ᠋ᠭᠤᠢ ᠳᠤ ᠰᠠᠭᠤᠯᠭᠠᠪᠠ᠂
4 ᠰᠦᠨᠡᠰᠦ ᠮᠢᠨᠢ ᠮᠢᠨᠦ ᠳᠣᠲᠣᠷᠠ ᠰᠤᠯᠠᠳᠠᠭᠰᠠᠨ ᠵᠢᠷᠦᠬᠡ ᠮᠢᠨᠢ ᠮᠢᠨᠦ ᠳᠣᠲᠣᠷᠠ ᠴᠣᠴᠢᠷᠳᠠᠭᠰᠠᠨ ᠶᠤᠮ᠃
5 ᠪᠢ ᠡᠷᠲᠡᠨ ᠦ ᠡᠳᠦᠷ ᠤᠳ ᠢ ᠰᠠᠨᠠᠭᠰᠠᠨ ᠲᠠᠨ ᠤ ᠮᠤᠲᠤᠷ ᠤᠨ ᠦᠢᠯᠡᠰ ᠢ ᠲᠤᠩ᠋ᠭᠠᠵᠤ ᠲᠠᠨ ᠤ ᠦᠢᠯᠡᠳᠦᠭᠰᠡᠨ ᠪᠦᠬᠦᠨ ᠢ ᠪᠣᠯᠭᠣᠭᠠᠭᠰᠠᠨ
6 ᠪᠢ ᠲᠠᠨ ᠤᠷᠤᠭᠤ ᠭᠠᠷ ᠢᠶᠠᠨ ᠰᠤᠩ᠋ᠭᠠᠭᠰᠠᠨ ᠰᠦᠨᠡᠰᠦ ᠮᠢᠨᠢ ᠲᠠᠨ ᠤᠷᠤᠭᠤ ᠠᠩ᠋ᠭᠠᠭᠰᠠᠨ ᠭᠠᠵᠠᠷ ᠮᠡᠲᠦ ᠲᠡᠮᠡᠦᠯᠦᠭᠰᠡᠨ᠃
ᠰᠧᠯᠠ
7 ᠶᠣᠬᠣᠸᠠ᠂ ᠨᠠᠳᠠ ᠳᠤ ᠬᠤᠷᠳᠤᠬᠠᠨ ᠬᠠᠷᠢᠭᠤᠯᠤᠭᠠᠴᠢ᠂ ᠰᠦᠨᠡᠰᠦ ᠮᠢᠨᠢ ᠰᠤᠯᠠᠳᠠᠵᠠᠢ᠂ ᠨᠠᠳᠠ ᠠᠴᠠ ᠨᠢᠭᠤᠷ ᠢᠶᠠᠨ ᠪᠦᠦ ᠨᠢᠭᠤᠭᠠᠴᠢ᠂ ᠪᠢ ᠨᠦᠬᠡ ᠤᠷᠤᠭᠤ ᠪᠠᠭᠤᠭᠴᠢᠳ ᠲᠠᠢ ᠠᠳᠠᠯᠢ ᠪᠣᠯᠣᠭᠤᠵᠠᠢ᠂
8 ᠥᠷᠯᠥᠭᠡ ᠨᠠᠳᠠ ᠳᠤ ᠬᠠᠢᠷᠠ ᠶᠢᠨ ᠦᠭᠡ ᠪᠡᠨ ᠰᠣᠨᠣᠰᠬᠠᠭᠠᠴᠢ ᠪᠢ ᠲᠠᠨ ᠳᠤ ᠯᠠ ᠢᠲᠡᠭᠡᠳᠡᠭ ᠶᠠᠪᠤᠬᠤ ᠵᠠᠮ ᠢ ᠮᠢᠨᠢ ᠮᠡᠳᠡᠭᠦᠯᠦᠭᠡᠴᠢ ᠪᠢ ᠰᠡᠳᠬᠢᠯ ᠢᠶᠠᠨ ᠲᠠᠨ ᠳᠤ ᠡᠷᠭᠦᠶᠡ᠂
9 ᠶᠣᠬᠣᠸᠠ ᠨᠠᠮᠠᠶᠢ ᠳᠠᠢᠰᠤᠨ ᠨᠤᠭᠤᠳ ᠠᠴᠠ ᠮᠢᠨᠢ ᠴᠢᠯᠥᠭᠡᠯᠡᠭᠡᠴᠢ ᠪᠢ ᠲᠠᠨ ᠤ ᠳᠣᠲᠣᠷᠠ ᠬᠣᠷᠭᠣᠳᠠᠶᠠ᠃
10 ᠲᠠ ᠯᠠ ᠮᠢᠨᠦ ᠪᠤᠷᠬᠠᠨ᠂ ᠲᠠᠭᠠᠯᠠᠯ ᠢ ᠲᠠᠨᠢ ᠪᠡᠶᠡᠯᠡᠭᠦᠯᠬᠦ ᠶᠢ ᠨᠠᠳᠠ ᠳᠤ ᠰᠤᠷᠭᠠᠭᠠᠴᠢ ᠰᠠᠢᠨ ᠰᠦᠨᠡᠰᠦ ᠲᠠᠨᠢ ᠨᠠᠮᠠᠶᠢ ᠲᠡᠭᠰᠢ ᠭᠠᠵᠠᠷ ᠤᠷᠤᠭᠤ ᠬᠥᠲᠥᠯᠥᠭ᠂
11 ᠶᠣᠬᠣᠸᠠ᠂ ᠨᠡᠷᠡ ᠶᠢᠨ ᠢᠶᠠᠨ ᠲᠥᠯᠥᠭᠡ ᠨᠠᠮᠠᠶᠢ ᠰᠡᠷᠭᠦᠭᠡᠭᠡᠴᠢ ᠵᠥᠪ ᠢᠶᠡᠷ ᠢᠶᠠᠨ ᠨᠠᠮᠠᠶᠢ ᠵᠣᠪᠠᠯᠠᠩ ᠠᠴᠠ ᠠᠩᠭᠢᠵᠢᠷᠠᠭᠤᠯᠤᠭᠠᠴᠢ᠂
12 ᠦᠨᠡᠨ ᠬᠠᠢᠷᠠ ᠪᠠᠷ ᠢᠶᠠᠨ ᠳᠠᠢᠰᠤᠨ ᠨᠤᠭᠤᠳ ᠢ ᠮᠢᠨᠢ ᠠᠷᠢᠯᠭᠠᠭᠠᠴᠢ ᠬᠠᠮᠤᠭ ᠥᠰᠲᠡᠨ ᠢ ᠮᠢᠨᠢ ᠤᠰᠠᠳᠬᠠᠭᠠᠴᠢ ᠪᠢ ᠲᠠᠨ ᠤ ᠵᠠᠷᠤᠴᠠ ᠪᠢᠯᠡ᠃