ᠳᠠᠭᠤᠯᠠᠯ ᠵᠠᠭᠤ ᠵᠢᠷᠭᠤᠭᠠ
ᠡᠨᠡᠷᠢᠩᠭᠦᠢ ᠶᠣᠬᠣᠸᠠ ᠬᠢᠭᠡᠳ ᠢᠲᠡᠭᠡᠮᠵᠢ ᠦᠭᠡᠢ ᠢᠰᠷᠧᠯ
1 ᠶᠣᠬᠣᠸᠠ ᠶᠢ ᠮᠠᠭᠲᠠ ᠶᠣᠬᠣᠸᠠ ᠳᠤ ᠲᠠᠯᠠᠷᠬᠠ᠂ ᠲᠡᠷᠡ ᠰᠠᠢᠨ᠂ ᠦᠨᠡᠨ ᠬᠠᠢᠷᠠ ᠨᠢ ᠡᠭᠦᠷᠢᠳᠡ ᠶᠢᠨ ᠬᠢ︕
2 ᠬᠡᠨ ᠶᠣᠬᠣᠸᠠ ᠶᠢᠨ ᠬᠦᠴᠦᠲᠦ ᠦᠢᠯᠡᠰ ᠢ ᠥᠭᠦᠯᠡᠵᠦ ᠬᠡᠨ ᠲᠡᠭᠦᠨ ᠦ ᠠᠯᠳᠠᠷ ᠢ ᠪᠦᠬᠦᠨ ᠢ ᠢᠯᠡᠷᠬᠡᠶᠢᠯᠡᠵᠦ ᠴᠢᠳᠠᠬᠤ ᠪᠤᠢ︖
3 ᠰᠢᠳᠤᠷᠭᠤ ᠶᠢ ᠰᠠᠬᠢᠭᠴᠢᠳ ᠵᠥᠪ ᠢ ᠢᠮᠠᠭᠲᠠ ᠦᠢᠯᠡᠳᠦᠭᠴᠢᠳ ᠪᠤᠶᠠᠨ ᠲᠠᠢ᠂
4 ᠶᠣᠬᠣᠸᠠ᠂ ᠠᠷᠠᠳ ᠲᠦᠮᠡᠨ ᠢᠶᠡᠨ ᠡᠨᠡᠷᠢᠬᠦ ᠳᠡᠭᠡᠨ ᠨᠠᠮᠠᠶᠢ ᠰᠠᠨᠠᠵᠤ ᠲᠡᠳᠡᠨ ᠢ ᠠᠪᠤᠷᠠᠬᠤ ᠳᠠᠭᠠᠨ ᠨᠠᠮᠠᠶᠢ ᠠᠩ᠋ᠬᠠᠷᠤᠭᠠᠴᠢ᠂
5 ᠲᠠᠨ ᠳᠤ ᠰᠣᠩ᠋ᠭᠣᠭᠳᠠᠭᠰᠠᠳ ᠤᠨ ᠰᠠᠢᠨ ᠰᠠᠢᠬᠠᠨ ᠢ ᠪᠢ ᠬᠠᠷᠠᠬᠤ ᠶᠤᠮ ᠰᠠᠨ᠂ ᠲᠠᠨ ᠤ ᠦᠨᠳᠦᠰᠦᠲᠡᠨ ᠦ ᠪᠠᠶᠠᠷ ᠢᠶᠠᠷ ᠪᠢ ᠪᠠᠶᠠᠷᠯᠠᠬᠤ ᠰᠠᠨ ᠲᠠᠨ ᠤ ᠥᠮᠴᠢ ᠲᠠᠢ ᠬᠠᠮᠲᠤ ᠪᠠᠬᠠᠷᠬᠠᠬᠤ ᠰᠠᠨ᠃
6 ᠪᠢᠳᠡ ᠡᠴᠢᠭᠡ ᠡᠪᠦᠭᠡᠳ ᠦᠨ ᠢᠶᠠᠨ ᠠᠳᠠᠯᠢ ᠨᠢᠭᠦᠯ ᠦᠢᠯᠡᠳᠴᠦ᠂ ᠪᠤᠷᠤᠭᠤ ᠶᠢ ᠦᠢᠯᠡᠳᠦᠨ ᠭᠡᠮ ᠲᠡᠢ ᠪᠣᠯᠪᠠ᠂
7 ᠪᠢᠳᠡᠨ ᠦ ᠡᠴᠢᠭᠡ ᠡᠪᠦᠭᠡᠳ ᠶᠧᠵᠢᠫᠲ ᠲᠤ ᠲᠠᠨ ᠤ ᠭᠠᠢᠬᠠᠮᠰᠢᠭ ᠤᠳ ᠢ ᠤᠬᠠᠭᠠᠷᠠᠭᠰᠠᠨ ᠦᠭᠡᠢ ᠲᠠᠨ ᠤ ᠦᠯᠡᠮᠵᠢ ᠡᠨᠡᠷᠢᠯ ᠢ ᠰᠠᠨᠠᠯ ᠦᠭᠡᠢ ᠲᠠᠩᠭᠢᠰ᠂ ᠤᠯᠠᠭᠠᠨ ᠲᠠᠩᠭᠢᠰ ᠤᠨ ᠳᠡᠷᠭᠡᠳᠡ ᠲᠡᠷᠰᠯᠡᠭᠰᠡᠨ᠃
8 ᠭᠡᠪᠡᠴᠦ ᠶᠣᠬᠣᠸᠠ ᠥᠪᠡᠷ ᠦᠨ ᠢᠶᠠᠨ ᠨᠡᠷᠡ ᠶᠢᠨ ᠲᠥᠯᠥᠭᠡ ᠬᠦᠴᠦᠲᠦ ᠦᠢᠯᠡᠰ ᠢᠶᠡᠨ ᠮᠡᠳᠡᠭᠦᠯᠬᠦ ᠭᠡᠵᠦ ᠲᠡᠳᠡᠨ ᠢ ᠠᠪᠤᠷᠠᠭᠰᠠᠨ᠂
9 ᠤᠯᠠᠭᠠᠨ ᠲᠠᠩᠭᠢᠰ ᠢ ᠵᠢᠮᠡᠯᠡᠬᠦ ᠳᠦ᠂ ᠤᠰᠤ ᠨᠢ ᠰᠢᠷᠭᠢᠪᠡ ᠤᠳᠤᠷᠢᠳᠤᠯᠭᠠ ᠪᠠᠷ ᠨᠢ ᠲᠡᠳᠡ ᠭᠦᠨ ᠢ ᠴᠥᠯ ᠮᠡᠲᠦ ᠭᠠᠲᠤᠯᠪᠠ᠃
10 ᠲᠡᠢᠨ ᠬᠦ ᠶᠣᠬᠣᠸᠠ ᠲᠡᠳᠡᠨ ᠢ ᠦᠵᠡᠨ ᠶᠠᠳᠠᠭᠴᠢ ᠶᠢᠨ ᠭᠠᠷ ᠠᠴᠠ ᠠᠪᠤᠷᠠᠭᠰᠠᠨ ᠥᠰᠲᠡᠨ ᠦ ᠭᠠᠷ ᠠᠴᠠ ᠵᠣᠯᠢᠨ ᠠᠪᠤᠭᠰᠠᠨ᠃
11 ᠤᠰᠤ ᠳᠠᠢᠰᠤᠨ ᠨᠤᠭᠤᠳ ᠢ ᠨᠢ ᠨᠥᠮᠥᠷᠴᠦ ᠨᠢᠭᠡ ᠶᠢ ᠴᠤ ᠦᠯᠡᠳᠡᠭᠡᠭᠰᠡᠨ ᠦᠭᠡᠢ᠃
12 ᠠᠷᠠᠳ ᠲᠦᠮᠡᠨ ᠨᠢ ᠲᠡᠭᠦᠨ ᠦ ᠦᠭᠡᠨ ᠳᠦ ᠢᠲᠡᠭᠡᠵᠦ ᠲᠡᠭᠦᠨ ᠢ ᠮᠠᠭᠲᠠᠨ ᠳᠠᠭᠤᠯᠠᠭᠰᠠᠨ᠃
13 ᠬᠠᠷᠢᠨ ᠲᠡᠳᠡ ᠲᠡᠭᠦᠨ ᠦ ᠦᠢᠯᠡᠰ ᠢ ᠬᠤᠷᠳᠤᠨ ᠮᠠᠷᠲᠠᠪᠠ ᠵᠢᠭᠠᠪᠤᠷᠢ ᠶᠢ ᠨᠢ ᠲᠡᠳᠡ ᠬᠦᠯᠢᠶᠡᠭᠰᠡᠨ ᠦᠭᠡᠢ᠂
14 ᠴᠥᠯ ᠳᠤ ᠪᠠᠢᠬᠤ ᠳᠠᠭᠠᠨ ᠦᠯᠡᠮᠵᠢ ᠰᠢᠨᠤᠯ ᠲᠠᠢ ᠪᠣᠯᠣᠭᠠᠳ ᠵᠡᠯᠢᠭᠦᠳ ᠭᠠᠵᠠᠷ ᠲᠤ ᠪᠤᠷᠬᠠᠨ ᠢ ᠰᠣᠷᠢᠪᠠ᠂
15 ᠶᠣᠬᠣᠸᠠ ᠱᠠᠭᠠᠷᠳᠠᠭᠰᠠᠨ ᠢ ᠨᠢ ᠥᠭᠭᠥᠭᠰᠡᠨ ᠪᠣᠯᠪᠠᠴᠤ ᠰᠦᠨᠡᠰᠦ ᠶᠢ ᠨᠢ ᠰᠤᠯᠠᠳᠠᠭᠤᠯᠤᠭᠰᠠᠨ᠃
16 ᠬᠤᠸᠠᠷᠠᠨ ᠳᠤ ᠲᠡᠳᠡ ᠮᠣᠰᠧ ᠪᠣᠯᠣᠨ ᠶᠣᠬᠣᠸᠠ ᠶᠢᠨ ᠲᠤᠰᠠᠭᠠᠷᠯᠠᠭᠰᠠᠨ ᠬᠥᠮᠦᠨ ᠠᠷᠣᠨ ᠳᠤ ᠠᠲᠠᠭᠠᠷᠬᠠᠭᠰᠠᠨ ᠳᠤ᠂
17 ᠭᠠᠵᠠᠷ ᠨᠡᠭᠡᠭᠡᠭᠳᠡᠨ ᠳ᠋ᠠᠲ᠋ᠠᠨ ᠢ ᠵᠠᠯᠭᠢᠪᠠ ᠠᠪᠢᠷᠠᠮ ᠤᠨ ᠪᠦᠯᠦᠭ ᠢ ᠬᠥᠮᠥᠷᠢᠪᠡ᠃
18 ᠲᠡᠳᠡᠨ ᠦ ᠪᠦᠯᠦᠭ ᠳᠤᠮᠳᠠ ᠭᠠᠯ ᠳᠦᠷᠡᠯᠵᠡᠵᠦ ᠳᠥᠯᠥ ᠨᠢ ᠪᠤᠷᠤᠭᠤᠲᠠᠳ ᠢ ᠰᠢᠲᠠᠭᠠᠭᠰᠠᠨ᠃
19 ᠲᠡᠳᠡ ᠬᠣᠷᠧᠪ ᠲᠤ ᠲᠤᠭᠤᠯ ᠪᠦᠲᠦᠭᠡᠵᠦ ᠴᠢᠳᠬᠤᠮᠠᠯ ᠬᠥᠷᠥᠭ ᠲᠦ ᠮᠥᠷᠭᠥᠵᠡᠭᠡᠭᠰᠡᠨ᠂
20 ᠢᠷᠠᠭᠤ ᠠᠯᠳᠠᠷ ᠢᠶᠠᠨ ᠲᠡᠳᠡ ᠡᠪᠡᠰᠦ ᠢᠳᠡᠳᠡᠭ ᠦᠬᠡᠷ ᠦᠨ ᠳᠦᠷᠰᠦ ᠪᠡᠷ ᠰᠣᠯᠢᠭᠰᠠᠨ᠃
21 ᠡᠢᠨ ᠬᠦ ᠲᠡᠳᠡ ᠠᠭᠤᠤ ᠵᠦᠢᠯᠡᠰ ᠢ ᠶᠧᠵᠢᠫᠲ ᠲᠤ ᠦᠢᠯᠡᠳᠦᠭᠰᠡᠨ ᠠᠪᠤᠷᠠᠭᠴᠢ ᠪᠤᠷᠬᠠᠨ ᠢᠶᠠᠨ ᠮᠠᠷᠲᠠᠭᠰᠠᠨ᠂
22 ᠾᠠᠮ ᠤᠨ ᠨᠤᠲᠤᠭ ᠲᠤ ᠪᠣᠯᠣᠭᠰᠠᠨ ᠭᠠᠢᠬᠠᠮᠰᠢᠭ ᠤᠳ ᠤᠯᠠᠭᠠᠨ ᠲᠠᠩᠭᠢᠰ ᠤᠨ ᠳᠡᠷᠭᠡᠳᠡ ᠪᠣᠯᠣᠭᠰᠠᠨ ᠰᠦᠷᠳᠡᠮᠡᠷ ᠵᠦᠢᠯᠡᠰ ᠢ ᠮᠠᠷᠲᠠᠭᠰᠠᠨ᠃
23 ᠶᠣᠬᠣᠸᠠ ᠲᠡᠳᠡᠨ ᠢ ᠤᠰᠠᠳᠬᠠᠬᠤ ᠭᠡᠬᠦ ᠳᠦ᠂ ᠠᠭᠤᠷ ᠲᠠᠢ ᠪᠠᠷ ᠤᠰᠠᠳᠬᠠᠬᠤ ᠶᠢ ᠨᠢ ᠬᠣᠷᠢᠭᠯᠠᠬᠤ ᠪᠠᠷ ᠲᠡᠭᠦᠨ ᠦ ᠰᠣᠩ᠋ᠭᠣᠭᠰᠠᠨ ᠬᠥᠮᠦᠨ ᠮᠣᠰᠧ ᠲᠡᠭᠦᠨ ᠦ ᠡᠮᠦᠨᠡ ᠣᠩ᠋ᠭᠣᠷᠬᠠᠢ ᠳᠤ ᠣᠷᠣᠵᠤ ᠵᠣᠭᠰᠣᠭᠰᠠᠨ ᠪᠠᠢᠯᠠ᠃
24 ᠬᠠᠷᠢᠨ ᠲᠡᠳᠡ ᠲᠡᠭᠦᠨ ᠦ ᠦᠭᠡᠨ ᠳᠦ ᠢᠲᠡᠭᠡᠭᠡ ᠦᠭᠡᠢ᠂ ᠰᠠᠢᠬᠠᠨ ᠨᠤᠲᠤᠭ ᠢ ᠵᠢᠭ᠍ᠰᠢᠨ
25 ᠮᠠᠢᠬᠠᠨ ᠳᠣᠲᠣᠷᠠ ᠪᠠᠨ ᠪᠤᠪᠲᠤᠨᠠᠨ ᠶᠣᠬᠣᠸᠠ ᠶᠢᠨ ᠳᠠᠭᠤ ᠶᠢ ᠦᠯᠦ ᠲᠣᠭᠣᠮᠰᠠᠷᠯᠠᠪᠠ᠂
26 ᠲᠡᠢᠮᠦ ᠡᠴᠡ ᠲᠡᠷᠡ ᠮᠤᠲᠤᠷ ᠢᠶᠠᠨ ᠡᠷᠭᠦᠨ ᠲᠠᠩ᠋ᠭᠠᠷᠢᠭᠯᠠᠵᠤ ᠲᠡᠳᠡᠨ ᠢ ᠴᠥᠯ ᠳᠤ ᠤᠨᠠᠭᠠᠬᠤ ᠪᠠ
27 ᠦᠷᠡ ᠤᠳᠤᠮ ᠢ ᠨᠢ ᠦᠨᠳᠦᠰᠦᠲᠡᠨ ᠨᠦᠭᠦᠳ ᠦᠨ ᠳᠤᠮᠳᠠ ᠤᠨᠠᠭᠠᠵᠤ ᠭᠠᠵᠠᠷ ᠪᠣᠯᠭᠠᠨ ᠳᠤ ᠲᠠᠷᠬᠠᠭᠠᠬᠤ ᠪᠣᠯᠣᠨᠠ ᠭᠡᠰᠡᠨ ᠪᠢᠯᠡ᠃
28 ᠲᠡᠳᠡ ᠫᠧᠶᠣᠷ ᠲᠤ ᠪᠠᠯ ᠲᠠᠢ ᠨᠡᠢᠯᠡᠵᠦ ᠦᠬᠦᠭᠰᠡᠳ ᠲᠦ ᠡᠷᠭᠦᠭᠰᠡᠨ ᠲᠠᠬᠢᠯ ᠤᠳ ᠢ ᠢᠳᠡᠵᠡᠢ᠃
29 ᠲᠡᠳᠡ ᠲᠡᠷᠡ ᠦᠢᠯᠡ ᠪᠡᠷ ᠢᠶᠠᠨ ᠶᠣᠬᠣᠸᠠ ᠶᠢ ᠠᠭᠤᠷᠯᠠᠭᠤᠯᠬᠤ ᠳᠤ ᠲᠡᠳᠡᠨ ᠦ ᠳᠤᠮᠳᠠ ᠲᠠᠬᠤᠯ ᠳᠡᠯᠭᠡᠷᠡᠭᠰᠡᠨ᠃
30 ᠬᠠᠷᠢᠨ ᠹᠢᠨᠧᠬᠠᠰ ᠪᠣᠰᠴᠤ ᠵᠠᠭᠤᠴᠢ ᠪᠣᠯᠣᠭᠰᠠᠨ ᠳᠤ ᠲᠠᠬᠤᠯ ᠵᠣᠭᠰᠣᠭᠰᠠᠨ᠃
31 ᠡᠢᠨ ᠬᠦ ᠲᠡᠷᠡ ᠦᠶᠡ ᠶᠢᠨ ᠦᠶᠡ ᠳᠦ᠂ ᠮᠥᠩᠬᠡᠳᠡ ᠵᠥᠪᠲᠦ ᠭᠡᠵᠦ ᠲᠣᠭᠠᠴᠠᠭᠳᠠᠬᠤ ᠪᠣᠯᠣᠭᠰᠠᠨ᠃
32 ᠲᠡᠳᠡ ᠮᠧᠷᠢᠪᠠ ᠶᠢᠨ ᠤᠰᠤᠨ ᠤ ᠳᠡᠷᠭᠡᠳᠡ ᠶᠣᠬᠣᠸᠠ ᠶᠢ ᠬᠢᠯᠢᠩᠨᠡᠭᠦᠯᠦᠭᠰᠡᠨ᠂ ᠲᠡᠳᠡᠨ ᠡᠴᠡ ᠪᠣᠯᠵᠤ ᠮᠣᠰᠧ ᠳᠤ ᠭᠠᠢ ᠤᠴᠠᠷᠠᠭᠰᠠᠨ᠃
33 ᠲᠡᠳᠡ ᠠᠭᠤᠷ ᠢ ᠨᠢ ᠬᠥᠳᠡᠯᠭᠡᠬᠦ 23 ᠳᠤ ᠣᠷᠣᠭᠤᠯ ᠢᠶᠠᠷ ᠢᠶᠠᠨ ᠭᠤᠤᠮᠠᠢ ᠦᠭᠡ ᠶᠠᠷᠢᠵᠠᠢ᠃
34 ᠥᠪᠡᠷᠰᠡᠳ ᠲᠤᠨᠢ ᠶᠣᠬᠣᠸᠠ ᠶᠢᠨ ᠠᠢᠯᠠᠳᠤᠭᠰᠠᠨ ᠤ ᠳᠠᠭᠠᠤ ᠥᠨᠥᠬᠢ ᠦᠨᠳᠦᠰᠦᠲᠡᠨ ᠢ ᠤᠰᠠᠳᠬᠠᠬᠤ ᠶᠢᠨ ᠣᠷᠣᠨ ᠳᠤ
35 ᠲᠡᠳᠡ ᠬᠠᠷᠢᠴᠤᠳ ᠲᠠᠢ ᠬᠤᠳᠬᠤᠯᠳᠤᠨ ᠦᠢᠯᠡᠰ ᠡᠴᠡ ᠨᠢ ᠰᠤᠷᠤᠯᠴᠠᠵᠤ
36 ᠥᠪᠡᠷᠰᠡᠳ ᠲᠤᠨᠢ ᠤᠷᠠᠬᠠ ᠪᠣᠯᠬᠤ ᠰᠢᠲᠦᠭᠡᠨ ᠨᠦᠭᠦᠳ ᠲᠤᠨᠢ ᠮᠥᠷᠭᠥᠨ
37 ᠥᠬᠢᠳ ᠬᠥᠪᠡᠭᠦᠳ ᠢᠶᠡᠷ ᠢᠶᠠᠨ ᠴᠢᠳᠬᠥᠷ ᠤᠳ ᠲᠤ ᠲᠠᠬᠢᠯ ᠡᠷᠭᠦᠭᠰᠡᠨ᠂
38 ᠲᠡᠳᠡ ᠭᠡᠮ ᠦᠭᠡᠢ ᠴᠢᠰᠤ ᠶᠢ ᠺᠠᠨᠠᠨ ᠤ ᠰᠢᠲᠦᠭᠡᠨ ᠨᠦᠭᠦᠳ ᠲᠦ ᠡᠷᠭᠦᠭᠰᠡᠨ ᠥᠬᠢᠳ ᠬᠥᠪᠡᠭᠦᠳ ᠦᠨ ᠢᠶᠠᠨ ᠴᠢᠰᠤ ᠶᠢ ᠤᠷᠤᠰᠬᠠᠭᠰᠠᠨ ᠲᠡᠢᠨ ᠬᠦ ᠭᠠᠵᠠᠷ ᠨᠤᠲᠤᠭ ᠨᠢ ᠴᠢᠰᠤ ᠪᠠᠷ ᠪᠣᠬᠢᠷᠳᠤᠪᠠ᠃
39 ᠲᠡᠳᠡ ᠦᠢᠯᠡᠰ ᠢᠶᠡᠷ ᠢᠶᠠᠨ ᠪᠤᠵᠠᠷᠲᠤᠪᠠ ᠶᠠᠪᠤᠳᠠᠯ ᠤᠳ ᠨᠢ ᠶᠠᠩ᠋ᠬᠠᠨ ᠤ ᠬᠢ ᠮᠡᠲᠦ ᠪᠣᠯᠪᠠ᠃
40 ᠶᠣᠬᠣᠸᠠ ᠠᠷᠠᠳ ᠲᠦᠮᠡᠨ ᠳᠡᠭᠡᠨ ᠬᠢᠯᠢᠩᠨᠡᠪᠡ᠂ ᠥᠪᠡᠷ ᠦᠨ ᠢᠶᠠᠨ ᠥᠮᠴᠢ ᠶᠢ ᠵᠢᠭ᠍ᠰᠢᠨ
41 ᠦᠨᠳᠦᠰᠦᠲᠡᠨ ᠨᠦᠭᠦᠳ ᠦᠨ ᠭᠠᠷ ᠲᠤ ᠲᠤᠰᠢᠶᠠᠭᠰᠠᠨ ᠳᠤ᠂ ᠦᠵᠡᠨ ᠶᠠᠳᠠᠭᠴᠢᠳ ᠨᠢ ᠲᠡᠳᠡᠨ ᠢ ᠵᠠᠬᠢᠷᠪᠠ᠂
42 ᠥᠰᠲᠡᠨ ᠨᠦᠭᠦᠳ ᠨᠢ ᠲᠡᠳᠡᠨ ᠢ ᠳᠠᠷᠤᠩ᠋ᠭᠤᠢᠯᠠᠪᠠ᠂ ᠲᠡᠳᠡ ᠭᠠᠷ ᠳᠣᠣᠷᠠ ᠨᠢ ᠪᠠᠭᠤᠵᠤ ᠥᠭᠪᠡ᠃
43 ᠶᠣᠬᠣᠸᠠ ᠲᠡᠳᠡᠨ ᠢ ᠣᠯᠠᠨᠲᠠ ᠠᠪᠤᠷᠠᠭᠰᠠᠨ ᠪᠣᠯᠪᠠᠴᠤ ᠲᠡᠳᠡ ᠥᠪᠡᠷᠰᠡᠳ ᠦᠨ ᠢᠶᠠᠨ ᠵᠥᠪᠯᠡᠯᠭᠡ ᠪᠡᠷ ᠪᠣᠰᠴᠤ ᠥᠪᠡᠷ ᠦᠨ ᠢᠶᠠᠨ ᠭᠡᠮ ᠢᠶᠡᠷ ᠣᠢᠴᠢᠵᠤ ᠪᠠᠢᠯᠠ᠂
44 ᠭᠡᠪᠡᠴᠦ ᠲᠡᠷᠡ ᠲᠡᠳᠡᠨ ᠦ ᠬᠠᠰᠬᠢᠷᠬᠤ ᠶᠢ ᠰᠣᠨᠣᠰᠬᠤ ᠳᠠᠭᠠᠨ ᠵᠣᠪᠠᠯᠠᠩ ᠢ ᠨᠢ ᠬᠠᠷᠠᠵᠤ
45 ᠲᠡᠳᠡᠨ ᠦ ᠲᠥᠯᠥᠭᠡ ᠭᠡᠷᠡ ᠪᠡᠨ ᠰᠠᠨᠠᠨ ᠦᠯᠡᠮᠵᠢ ᠬᠠᠢᠷᠠ ᠶᠢᠨ ᠢᠶᠠᠨ ᠤᠯᠠᠮ ᠢᠶᠠᠷ ᠰᠠᠨᠠᠭᠠ ᠪᠠᠨ ᠥᠭᠡᠷᠡᠴᠢᠯᠡᠵᠦ᠂
46 ᠲᠡᠳᠡᠨ ᠢ ᠣᠯᠵᠠᠯᠠᠨ ᠠᠪᠤᠭᠴᠢ ᠪᠦᠬᠦᠨ ᠢᠶᠡᠷ ᠲᠡᠳᠡᠨ ᠢ ᠥᠷᠥ ᠡᠪᠡᠳᠦᠭᠦᠯᠵᠦ ᠪᠠᠢᠭᠰᠠᠨ᠂
47 ᠪᠢᠳᠡᠨ ᠦ ᠪᠤᠷᠬᠠᠨ ᠶᠣᠬᠣᠸᠠ᠂ ᠪᠢᠳᠡᠨ ᠢ ᠠᠪᠤᠷᠠᠭᠠᠴᠢ ᠪᠢᠳᠡᠨ ᠢ ᠬᠠᠷᠢᠴᠤᠳ ᠤᠨ ᠳᠤᠮᠳᠠ ᠠᠴᠠ ᠴᠤᠭᠯᠠᠭᠤᠯᠤᠭᠠᠴᠢ᠃ ᠪᠢᠳᠡ ᠲᠠᠨ ᠤ ᠠᠷᠢᠭᠤᠨ ᠨᠡᠷᠡ ᠳᠦ ᠲᠠᠯᠠᠷᠬᠠᠨ ᠲᠠᠨ ᠤ ᠠᠯᠳᠠᠷ ᠢᠶᠠᠷ ᠪᠠᠬᠠᠷᠬᠠᠨᠠ᠂
48 ᠢᠰᠷᠧᠯ ᠤᠨ ᠪᠤᠷᠬᠠᠨ ᠶᠣᠬᠣᠸᠠ ᠮᠥᠩᠬᠡ ᠡᠴᠡ ᠮᠥᠩᠬᠡᠳᠡ ᠮᠠᠭᠲᠠᠭᠳᠠᠭ᠂ ᠠᠷᠠᠳ ᠲᠦᠮᠡᠨ ᠪᠦᠬᠦᠨ 《ᠠᠮᠧᠨ》 ᠭᠡᠵᠦ ᠬᠡᠯᠡᠭ᠂ ᠶᠣᠬᠣᠸᠠ ᠶᠢ ᠮᠠᠭᠲᠠᠭᠲᠤᠨ︕