ᠳᠠᠭᠤᠯᠠᠯ ᠵᠠᠭᠤ ᠠᠷᠪᠠᠨ ᠵᠢᠷᠭᠤᠭᠠ
ᠭᠡᠲᠦᠯᠭᠡᠭᠴᠢ ᠳᠤ ᠲᠠᠯᠠᠷᠬᠠᠬᠤ
1 ᠪᠢ ᠶᠣᠬᠣᠸᠠ ᠳᠤ ᠬᠠᠢᠷᠠᠲᠠᠢ᠂ ᠲᠡᠷᠡ ᠳᠠᠭᠤ ᠬᠣᠭᠣᠯᠠᠢ ᠶᠢ ᠮᠢᠨᠢ᠂ ᠭᠤᠶᠤᠯᠲᠠ ᠶᠢ ᠮᠢᠨᠢ ᠰᠣᠨᠣᠰᠣᠨᠠ᠃
2 ᠲᠡᠷᠡ ᠨᠠᠳᠠ ᠤᠷᠤᠭᠤ ᠴᠢᠬᠢ ᠲᠠᠯᠪᠢᠳᠠᠭ ᠪᠢ ᠠᠮᠢᠳᠤ ᠳᠠᠭᠠᠨ ᠲᠡᠭᠦᠨ ᠢ ᠳᠠᠭᠤᠳᠠᠨᠠ᠃
3 ᠦᠬᠦᠯ ᠦᠨ ᠤᠶᠠᠭᠠᠰᠤ ᠨᠠᠮᠠᠶᠢ ᠣᠷᠢᠶᠠᠵᠤ ᠦᠬᠦᠭᠰᠡᠳ ᠦᠨ ᠤᠢ ᠭᠠᠰᠢᠭᠤ ᠨᠠᠳᠠ ᠳᠤ ᠤᠴᠠᠷᠠᠪᠠ ᠪᠢ ᠭᠠᠢ ᠵᠣᠪᠠᠯᠠᠩ ᠳᠤ ᠤᠴᠠᠷᠠᠬᠤ ᠳᠠᠭᠠᠨ
4 ᠶᠣᠬᠣᠸᠠ ᠶᠢᠨ ᠨᠡᠷᠡ ᠪᠡᠷ ᠳᠠᠭᠤᠳᠠᠨ 《ᠶᠣᠬᠣᠸᠠ᠂ ᠠᠮᠢ ᠶᠢ ᠮᠢᠨᠢ ᠠᠪᠤᠷᠠᠭᠠᠴᠢ︕》 ᠭᠡᠪᠡ᠃
5 ᠶᠣᠬᠣᠸᠠ ᠨᠢᠭᠦᠯᠡᠰᠦᠩᠭᠦᠢ᠂ ᠵᠥᠪᠲᠦ ᠪᠢᠳᠡᠨ ᠦ ᠪᠤᠷᠬᠠᠨ ᠪᠣᠯ ᠥᠷᠥᠪᠴᠢ᠃
6 ᠶᠣᠬᠣᠸᠠ ᠭᠡᠨᠡᠨ ᠴᠠᠢᠯᠭᠠᠨ ᠢ ᠬᠠᠮᠠᠭᠠᠯᠠᠵᠤ ᠪᠠᠢᠨᠠ ᠳᠣᠷᠣᠢ ᠪᠠᠢᠬᠤ ᠳᠤ ᠮᠢᠨᠢ ᠲᠡᠷᠡ ᠨᠠᠮᠠᠶᠢ ᠠᠪᠤᠷᠠᠭᠰᠠᠨ᠃
7 ᠰᠡᠳᠬᠢᠯ ᠮᠢᠨᠢ ᠡ᠂ ᠳᠠᠬᠢᠭᠠᠳ ᠠᠮᠤᠭᠤᠯᠠᠩ ᠪᠣᠯᠣᠭᠠᠷᠠᠢ ᠶᠣᠬᠣᠸᠠ ᠴᠢᠮᠠ ᠳᠤ ᠥᠭᠭᠢᠶᠡᠮᠦᠷ ᠬᠠᠨᠳᠤᠭᠰᠠᠨ᠂
8 ᠲᠠ ᠠᠮᠢ ᠶᠢ ᠮᠢᠨᠢ ᠦᠬᠦᠯ ᠡᠴᠡ ᠨᠢᠳᠦ ᠶᠢ ᠮᠢᠨᠢ ᠨᠢᠯᠪᠤᠰᠤᠨ ᠠᠴᠠ ᠬᠥᠯ ᠢ ᠮᠢᠨᠢ ᠪᠦᠳᠦᠷᠢᠯ ᠡᠴᠡ ᠠᠪᠤᠷᠠᠭᠰᠠᠨ᠂
9 ᠪᠢ ᠠᠮᠢᠳᠤ ᠶᠢᠨ ᠣᠷᠣᠨ ᠳᠤ ᠶᠣᠬᠣᠸᠠ ᠶᠢᠨ ᠣᠷᠣᠰᠢᠬᠤᠢ ᠳᠤ ᠠᠯᠬᠤᠨᠠ᠂
10 ᠪᠢ 《ᠶᠡᠬᠡ ᠵᠣᠪᠠᠯᠠᠩ ᠲᠠᠢ ᠪᠠᠢᠨᠠ》 ᠭᠡᠵᠦ ᠬᠡᠯᠡᠬᠦ ᠦᠶᠡ ᠳᠡᠭᠡᠨ ᠴᠤ ᠢᠲᠡᠭᠡᠯ ᠲᠡᠢ᠂
11 ᠪᠠᠴᠢᠮᠳᠠᠭᠠᠳ 《ᠪᠦᠬᠦ ᠬᠥᠮᠦᠨ ᠬᠤᠳᠠᠯᠴᠢ》 ᠭᠡᠬᠦ ᠦᠶᠡ ᠳᠦ ᠴᠤ ᠠᠳᠠᠯᠢᠬᠠᠨ᠃
12 ᠨᠠᠳᠠ ᠳᠤ ᠰᠣᠶᠣᠷᠬᠠᠭᠰᠠᠨ ᠪᠦᠬᠦ ᠥᠭᠯᠢᠭᠡ ᠶᠢᠨ ᠬᠢᠨᠢ ᠲᠥᠯᠥᠭᠡ ᠶᠠᠭᠤ ᠪᠠᠷ ᠪᠢ ᠶᠣᠬᠣᠸᠠ ᠳᠤ ᠬᠠᠷᠢᠭᠤᠯᠬᠤ ᠪᠤᠢ︖
13 ᠪᠢ ᠠᠪᠤᠷᠠᠯ ᠤᠨ ᠬᠤᠨᠳᠠᠭᠠ ᠶᠢ ᠡᠷᠭᠦᠵᠦ ᠶᠣᠬᠣᠸᠠ ᠶᠢᠨ ᠨᠡᠷᠡ ᠶᠢ ᠳᠠᠭᠤᠳᠠᠨ᠂
14 ᠪᠦᠬᠦ ᠠᠷᠠᠳ ᠲᠦᠮᠡᠨ ᠦ ᠬᠢᠨᠢ ᠡᠮᠦᠨᠡ ᠶᠣᠬᠣᠸᠠ ᠳᠤ ᠲᠠᠩ᠋ᠭᠠᠷᠢᠭᠯᠠᠭᠰᠠᠨ ᠢᠶᠠᠨ ᠪᠡᠶᠡᠯᠡᠭᠦᠯᠦᠨᠡ᠃
15 ᠶᠣᠬᠣᠸᠠ ᠶᠢᠨ ᠮᠡᠯᠮᠡᠢ ᠳᠦ ᠦᠨᠡᠨᠴᠢ ᠬᠥᠮᠦᠰ ᠦᠨ ᠬᠢᠨᠢ ᠦᠬᠦᠯ ᠦᠨᠡ ᠴᠡᠨᠡ ᠲᠠᠢ᠃
16 ᠥ᠂ ᠶᠣᠬᠣᠸᠠ᠂ ᠪᠢ ᠦᠨᠡᠬᠡᠷ ᠲᠠᠨ ᠤ ᠵᠠᠷᠤᠴᠠ ᠪᠢ ᠲᠠᠨ ᠤ ᠵᠠᠷᠤᠴᠠ᠂ ᠲᠠᠨ ᠤ ᠰᠢᠪᠡᠭᠴᠢᠨ ᠤ ᠬᠦᠦ ᠲᠠ ᠬᠦᠯᠢᠶᠡᠰᠦ ᠶᠢ ᠮᠢᠨᠢ ᠲᠠᠢᠯᠤᠭᠰᠠᠨ᠃
17 ᠪᠢ ᠲᠠᠨ ᠳᠤ ᠲᠠᠯᠠᠷᠬᠠᠯ ᠤᠨ ᠲᠠᠬᠢᠯ ᠢ ᠡᠷᠭᠦᠨᠡ ᠪᠢ ᠶᠣᠬᠣᠸᠠ ᠶᠢᠨ ᠨᠡᠷᠡ ᠶᠢ ᠳᠠᠭᠤᠳᠠᠨᠠ᠃
18 ᠪᠢ ᠶᠣᠬᠣᠸᠠ ᠳᠤ ᠲᠠᠩ᠋ᠭᠠᠷᠢᠭᠯᠠᠭᠰᠠᠨ ᠢᠶᠠᠨ ᠪᠦᠬᠦ ᠠᠷᠠᠳ ᠲᠦᠮᠡᠨ ᠦ ᠬᠢᠨᠢ ᠡᠮᠦᠨᠡ
19 ᠶᠣᠬᠣᠸᠠ ᠶᠢᠨ ᠥᠷᠭᠥᠭᠡᠨ ᠦ ᠬᠦᠷᠢᠶᠡᠨ ᠳᠦ ᠴᠢᠨᠦ ᠳᠣᠲᠣᠷᠠ ᠪᠡᠶᠡᠯᠡᠭᠦᠯᠦᠨᠡ᠂ ᠶᠧᠷᠦ᠋ᠰᠠᠯᠧᠮ ᠡ᠂ ᠶᠣᠬᠣᠸᠠ ᠶᠢ ᠮᠠᠭᠲᠠᠭᠲᠤᠨ︕