ᠳᠠᠭᠤᠯᠠᠯ ᠵᠠᠭᠤ ᠠᠷᠪᠠᠨ ᠨᠠᠢ᠌ᠮᠠ
ᠢᠯᠠᠯᠲᠠ ᠶᠢᠨ ᠲᠥᠯᠥᠭᠡᠬᠢ ᠲᠠᠯᠠᠷᠬᠠᠯ
1 ᠶᠣᠬᠣᠸᠠ ᠳᠤ ᠲᠠᠯᠠᠷᠬᠠ᠂ ᠲᠡᠷᠡ ᠰᠠᠢᠨ᠂ ᠦᠨᠡᠨ ᠬᠠᠢᠷᠠ ᠨᠢ ᠡᠭᠦᠷᠢᠳᠡ ᠶᠢᠨ ᠬᠢ᠃
2 ᠢᠰᠷᠧᠯ ᠡ 《ᠦᠨᠡᠨ ᠬᠠᠢᠷᠠ ᠨᠢ ᠡᠭᠦᠷᠢᠳᠡ ᠶᠢᠨ ᠬᠢ》 ᠭᠡᠵᠦ ᠬᠡᠯᠡ
3 ᠠᠷᠣᠨ ᠤ ᠭᠡᠷ ᠡ 《ᠦᠨᠡᠨ ᠬᠠᠢᠷᠠ ᠨᠢ ᠡᠭᠦᠷᠢᠳᠡ ᠶᠢᠨ ᠬᠢ》 ᠭᠡᠵᠦ ᠬᠡᠯᠡ
4 ᠶᠣᠬᠣᠸᠠ ᠠᠴᠠ ᠡᠮᠢᠶᠡᠭᠴᠢᠳ ᠡ 《ᠦᠨᠡᠨ ᠬᠠᠢᠷᠠ ᠨᠢ ᠡᠭᠦᠷᠢᠳᠡ ᠶᠢᠨ ᠬᠢ》 ᠭᠡᠵᠦ ᠬᠡᠯᠡ᠃
5 ᠵᠣᠪᠠᠯᠠᠩ ᠳᠤᠮᠳᠠ ᠠᠴᠠ ᠶᠣᠬᠣᠸᠠ ᠥᠭᠡᠳᠡ ᠬᠠᠰᠬᠢᠷᠬᠤ ᠳᠤ ᠮᠢᠨᠢ ᠶᠣᠬᠣᠸᠠ ᠨᠠᠳᠠ ᠳᠤ ᠬᠠᠷᠢᠭᠤᠯᠵᠤ᠂ ᠨᠠᠮᠠᠶᠢ ᠴᠢᠯᠥᠭᠡᠯᠡᠵᠡᠢ 26 ᠃
6 ᠶᠣᠬᠣᠸᠠ ᠨᠠᠳᠠ ᠲᠠᠢ ᠬᠠᠮᠲᠤ᠂ ᠪᠢ ᠠᠶᠤᠬᠤ ᠦᠭᠡᠢ ᠬᠥᠮᠦᠨ ᠨᠠᠮᠠᠶᠢ ᠶᠠᠭᠠᠬᠢᠬᠤ ᠶᠤᠮ ᠪᠤᠢ︖
7 ᠶᠣᠬᠣᠸᠠ ᠨᠠᠳᠠ ᠳᠤ ᠲᠤᠰᠠᠯᠠᠭᠴᠢᠳ ᠤᠨ ᠳᠤᠮᠳᠠ ᠪᠠᠢᠨᠠ ᠪᠢ ᠥᠰᠲᠡᠨ ᠨᠦᠭᠦᠳ ᠢᠶᠡᠨ ᠳᠡᠭᠡᠷᠡ ᠡᠴᠡ ᠨᠢ ᠬᠠᠷᠠᠬᠤ ᠪᠣᠯᠣᠨᠠ᠃
8 ᠬᠥᠮᠦᠨ ᠳᠦ ᠢᠲᠡᠭᠡᠬᠦ ᠡᠴᠡ ᠶᠣᠬᠣᠸᠠ ᠶᠢᠨ ᠳᠣᠲᠣᠷᠠ ᠬᠣᠷᠭᠣᠳᠠᠬᠤ ᠨᠢ ᠳᠡᠭᠡᠷᠡ
9 ᠨᠣᠶᠠᠳ ᠲᠤ ᠢᠲᠡᠭᠡᠬᠦ ᠡᠴᠡ ᠶᠣᠬᠣᠸᠠ ᠶᠢᠨ ᠳᠣᠲᠣᠷᠠ ᠬᠣᠷᠭᠣᠳᠠᠬᠤ ᠨᠢ ᠳᠡᠭᠡᠷᠡ᠃
10 ᠪᠦᠬᠦ ᠦᠨᠳᠦᠰᠦᠲᠡᠨ ᠨᠠᠮᠠᠶᠢ ᠪᠦᠰᠡᠯᠡᠭᠰᠡᠨ ᠴᠤ ᠶᠣᠬᠣᠸᠠ ᠶᠢᠨ ᠨᠡᠷᠡ ᠪᠡᠷ ᠪᠢ ᠲᠡᠳᠡᠨ ᠢ ᠪᠤᠲᠠ ᠴᠣᠬᠢᠨᠠ
11 ᠲᠡᠳᠡ ᠨᠠᠮᠠᠶᠢ ᠪᠦᠰᠡᠯᠡᠭᠰᠡᠨ ᠲᠡᠳᠡ ᠨᠠᠮᠠᠶᠢ ᠪᠦᠰᠡᠯᠡᠭᠰᠡᠨ ᠪᠠᠢᠯᠠ ᠴᠤ ᠶᠣᠬᠣᠸᠠ ᠶᠢᠨ ᠨᠡᠷᠡ ᠪᠡᠷ ᠪᠢ ᠲᠡᠳᠡᠨ ᠢ ᠪᠤᠲᠠ ᠴᠣᠬᠢᠨᠠ
12 ᠲᠡᠳᠡ ᠨᠠᠮᠠᠶᠢ ᠵᠥᠭᠡᠢ ᠮᠡᠲᠦ ᠪᠦᠰᠡᠯᠡᠭᠰᠡᠨ ᠴᠤ ᠭᠠᠯ ᠲᠠᠢ ᠥᠷᠭᠡᠰᠦᠲᠦ ᠪᠤᠲᠠ ᠮᠡᠲᠦ ᠰᠥᠨᠥᠭᠰᠡᠨ ᠶᠣᠬᠣᠸᠠ ᠶᠢᠨ ᠨᠡᠷᠡ ᠪᠡᠷ ᠪᠢ ᠲᠡᠳᠡᠨ ᠢ ᠪᠤᠲᠠ ᠴᠣᠬᠢᠨᠠ᠂
13 ᠴᠢ ᠨᠠᠮᠠᠶᠢ ᠲᠦᠯᠬᠢᠨ ᠤᠨᠠᠭᠠᠬᠤ ᠭᠡᠰᠡᠨ ᠴᠤ ᠶᠣᠬᠣᠸᠠ ᠨᠠᠳᠠ ᠳᠤ ᠲᠤᠰᠠᠯᠠᠭᠰᠠᠨ᠂
14 ᠶᠣᠬᠣᠸᠠ ᠪᠣᠯ ᠮᠢᠨᠦ ᠬᠦᠴᠦ᠂ ᠮᠢᠨᠦ ᠳᠠᠭᠤᠤ ᠲᠡᠷᠡ ᠮᠢᠨᠦ ᠠᠪᠤᠷᠠᠯ ᠪᠣᠯᠣᠭᠰᠠᠨ᠃
15 ᠵᠥᠪᠲᠡᠳ ᠦᠨ ᠮᠠᠢᠬᠠᠨ ᠳᠤ ᠪᠠᠶᠠᠷ ᠲᠠᠢ ᠠᠪᠤᠷᠠᠯ ᠤᠨ ᠴᠢᠮᠡᠭᠡ ᠪᠠᠢᠨᠠ ᠶᠣᠬᠣᠸᠠ ᠶᠢᠨ ᠪᠠᠷᠠᠭᠤᠨ ᠮᠤᠲᠤᠷ ᠬᠦᠴᠦᠲᠡᠢ ᠦᠢᠯᠡᠳᠴᠦ ᠪᠠᠢᠨᠠ᠃
16 ᠶᠣᠬᠣᠸᠠ ᠶᠢᠨ ᠪᠠᠷᠠᠭᠤᠨ ᠮᠤᠲᠤᠷ ᠡᠷᠭᠦᠭᠳᠡᠭᠰᠡᠨ ᠪᠠᠢᠨᠠ ᠶᠣᠬᠣᠸᠠ ᠶᠢᠨ ᠪᠠᠷᠠᠭᠤᠨ ᠮᠤᠲᠤᠷ ᠬᠦᠴᠦᠲᠡᠢ ᠦᠢᠯᠡᠳᠴᠦ ᠪᠠᠢᠨᠠ᠃
17 ᠪᠢ ᠦᠬᠦᠬᠦ ᠦᠭᠡᠢ᠂ ᠠᠮᠢᠳᠤ ᠪᠠᠢᠵᠤ ᠶᠣᠬᠣᠸᠠ ᠶᠢᠨ ᠦᠢᠯᠡᠰ ᠢ ᠥᠭᠦᠯᠡᠬᠦ ᠪᠣᠯᠣᠨᠠ᠃
18 ᠶᠣᠬᠣᠸᠠ ᠨᠠᠮᠠᠶᠢ ᠴᠢᠩᠭ᠍ᠠ ᠪᠠᠷ ᠰᠠᠬᠢᠯᠭᠠᠵᠢᠭᠤᠯᠤᠭᠰᠠᠨ ᠴᠤ ᠦᠬᠦᠯ ᠳᠦ ᠬᠦᠷᠭᠡᠭᠡ ᠦᠭᠡᠢ᠂
19 ᠨᠠᠳᠠ ᠳᠤ ᠵᠥᠪ ᠦᠨ ᠬᠠᠭᠠᠯᠭᠠ ᠨᠤᠭᠤᠳ ᠢ ᠨᠡᠭᠡᠭᠡᠭᠡᠴᠢ ᠪᠢ ᠲᠡᠷᠡᠭᠦᠷ ᠣᠷᠣᠵᠤ ᠶᠣᠬᠣᠸᠠ ᠳᠤ ᠲᠠᠯᠠᠷᠬᠠᠨᠠ᠃
20 ᠶᠣᠬᠣᠸᠠ ᠶᠢᠨ ᠬᠠᠭᠠᠯᠭᠠ ᠡᠨᠡ ᠵᠥᠪᠲᠡᠨ ᠲᠡᠷᠡᠭᠦᠷ ᠣᠷᠣᠨᠠ᠃
21 ᠨᠠᠳᠠ ᠳᠤ ᠬᠠᠷᠢᠭᠤᠯᠵᠤ ᠠᠪᠤᠷᠠᠯ ᠮᠢᠨᠢ ᠪᠣᠯᠣᠭᠰᠠᠨ ᠳᠤ ᠲᠠᠨᠢ ᠪᠢ ᠲᠠᠯᠠᠷᠬᠠᠵᠤ ᠪᠠᠢᠨᠠ᠃
22 ᠪᠠᠷᠢᠯᠭᠠᠴᠢᠳ ᠤᠨ ᠭᠣᠯᠣᠭᠰᠠᠨ ᠴᠢᠯᠠᠭᠤ ᠪᠤᠯᠤᠩ ᠤᠨ ᠲᠤᠯᠭᠠᠭᠤᠷᠢ ᠴᠢᠯᠠᠭᠤ ᠪᠣᠯᠪᠠ᠃
23 ᠡᠨᠡ ᠨᠢ ᠶᠣᠬᠣᠸᠠ ᠠᠴᠠ ᠪᠥᠭᠡᠳ ᠪᠢᠳᠡᠨ ᠦ ᠨᠢᠳᠦᠨ ᠳᠦ ᠭᠠᠢᠬᠠᠯᠲᠠᠢ᠃
24 ᠡᠨᠡ ᠨᠢ ᠶᠣᠬᠣᠸᠠ ᠶᠢᠨ ᠪᠦᠲᠦᠭᠡᠭᠰᠡᠨ ᠡᠳᠦᠷ᠂ ᠡᠭᠦᠨ ᠳᠦ ᠬᠥᠭᠵᠢᠯᠳᠦᠨ ᠪᠠᠶᠠᠷᠯᠠᠵᠠᠭᠠᠶᠠ᠃
25 ᠶᠣᠬᠣᠸᠠ᠂ ᠠᠪᠤᠷᠠᠭᠠᠴᠢ᠂ ᠶᠣᠬᠣᠸᠠ᠂ ᠠᠮᠵᠢᠯᠲᠠ ᠶᠢ ᠰᠣᠶᠣᠷᠬᠠᠭᠠᠴᠢ︕
26 ᠶᠣᠬᠣᠸᠠ ᠶᠢᠨ ᠨᠡᠷᠡ ᠪᠡᠷ ᠢᠷᠡᠭᠴᠢ ᠢᠷᠥᠭᠡᠯ ᠲᠡᠢ ᠡ︕ ᠪᠢᠳᠡ ᠶᠣᠬᠣᠸᠠ ᠶᠢᠨ ᠥᠷᠭᠥᠭᠡᠨ ᠡᠴᠡ ᠲᠠ ᠨᠠᠷ ᠢ ᠢᠷᠥᠭᠡᠶᠡ᠃
27 ᠶᠣᠬᠣᠸᠠ ᠪᠣᠯ ᠪᠤᠷᠬᠠᠨ᠂ ᠲᠡᠷᠡ ᠪᠢᠳᠡᠨ ᠳᠦ ᠭᠡᠷᠡᠯ ᠢ ᠰᠣᠶᠣᠷᠬᠠᠭᠰᠠᠨ᠃ ᠮᠥᠴᠢᠷ ᠠᠪᠴᠤ ᠪᠠᠶᠠᠷ ᠤᠨ ᠵᠢᠭᠰᠠᠭᠠᠯ ᠳᠤ ᠣᠷᠣᠯᠴᠠᠭᠠᠳ ᠲᠠᠬᠢᠯ ᠤᠨ ᠰᠢᠷᠡᠭᠡᠨ ᠦ ᠡᠪᠡᠷ ᠥᠭᠡᠳᠡ ᠢᠷᠡ 27 ᠃
28 ᠲᠠ ᠪᠣᠯ ᠮᠢᠨᠦ ᠪᠤᠷᠬᠠᠨ᠂ ᠪᠢ ᠲᠠᠨ ᠳᠤ ᠲᠠᠯᠠᠷᠬᠠᠨᠠ ᠲᠠ ᠮᠢᠨᠦ ᠪᠤᠷᠬᠠᠨ᠂ ᠪᠢ ᠲᠠᠨ ᠢ ᠳᠡᠭᠡᠳᠦᠯᠡᠨᠡ᠃
29 ᠶᠣᠬᠣᠸᠠ ᠳᠤ ᠲᠠᠯᠠᠷᠬᠠ᠃ ᠲᠡᠷᠡ ᠰᠠᠢᠨ ᠦᠨᠡᠨ ᠬᠠᠢᠷᠠ ᠨᠢ ᠡᠭᠦᠷᠢᠳᠡ ᠶᠢᠨ ᠬᠢ᠃