ᠳᠠᠭᠤᠯᠠᠯ ᠭᠤᠴᠢᠨ ᠬᠣᠶᠠᠷ
ᠠᠭᠤᠴᠢᠯᠠᠭᠳᠠᠭᠰᠠᠨ ᠬᠥᠮᠦᠨ ᠦ ᠪᠠᠶᠠᠷ
ᠳ᠋ᠠᠸᠢᠳ᠋ ᠤᠨ ᠰᠤᠷᠭᠠᠯᠲᠤ ᠳᠠᠭᠤᠯᠠᠯ᠃
1 ᠪᠤᠷᠤᠭᠤ ᠪᠠᠨ ᠠᠭᠤᠴᠢᠯᠠᠭᠤᠯᠤᠭᠰᠠᠨ ᠨᠢᠭᠦᠯ ᠢᠶᠡᠨ ᠪᠦᠲᠡᠭᠡᠯᠭᠡᠭᠰᠡᠨ ᠬᠥᠮᠦᠨ ᠪᠤᠶᠠᠨ ᠲᠠᠢ︕
2 ᠶᠣᠬᠣᠸᠠ ᠳᠤ ᠭᠡᠮ ᠲᠡᠢ ᠭᠡᠵᠦ ᠲᠣᠭᠠᠴᠠᠭᠳᠠᠬᠤ ᠦᠭᠡᠢ ᠰᠦᠨᠡᠰᠦᠨ ᠳᠡᠭᠡᠨ ᠵᠠᠯᠢ ᠦᠭᠡᠢ ᠬᠥᠮᠦᠨ ᠪᠤᠶᠠᠨ ᠲᠠᠢ︕
3 ᠪᠢ ᠳᠠᠭᠤ ᠦᠭᠡᠢ ᠪᠠᠢᠬᠤ ᠳᠠᠭᠠᠨ ᠡᠳᠦᠷᠵᠢᠨ ᠢᠶᠠᠨ ᠶᠣᠣᠯᠠᠭᠰᠠᠨ ᠠᠴᠠ ᠪᠣᠯᠵᠤ ᠶᠠᠰᠤ ᠮᠢᠨᠢ ᠰᠤᠯᠠᠷᠠᠭᠰᠠᠨ
4 ᠡᠳᠦᠷ ᠰᠥᠨᠢ ᠦᠭᠡᠢ ᠲᠠᠨ ᠤ ᠮᠤᠲᠤᠷ ᠨᠠᠳᠠ ᠳᠤ ᠬᠦᠨᠳᠦᠳᠡᠵᠦ ᠪᠠᠢᠨᠠ ᠰᠢᠮᠡ ᠰᠢᠭᠦᠰᠦ ᠮᠢᠨᠢ ᠵᠤᠨ ᠤ ᠭᠠᠩ ᠳᠤ ᠬᠠᠲᠠᠭᠰᠠᠨ ᠮᠡᠲᠦ ᠪᠣᠯᠵᠠᠢ᠂
ᠰᠧᠯᠠ
5 ᠪᠢ ᠶᠣᠬᠣᠸᠠ ᠳᠤ ᠭᠡᠮ ᠢᠶᠡᠨ ᠥᠴᠢᠶᠡ ᠭᠡᠳ ᠨᠢᠭᠦᠯ ᠢᠶᠡᠨ ᠲᠠᠨ ᠠᠴᠠ ᠨᠢᠭᠤᠯ ᠦᠭᠡᠢ ᠳᠤᠭᠤᠯᠭᠠᠬᠤ ᠳᠤ ᠲᠠ ᠨᠢᠭᠦᠯ ᠠᠯᠳᠠᠭᠠ ᠶᠢ ᠮᠢᠨᠢ ᠠᠭᠤᠴᠢᠯᠠᠭᠰᠠᠨ ᠪᠢᠯᠡ᠃
ᠰᠧᠯᠠ
6 ᠲᠡᠢᠨ ᠬᠦ ᠦᠨᠡᠨᠴᠢ ᠬᠥᠮᠦᠨ ᠪᠣᠯᠭᠠᠨ ᠲᠠᠨ ᠢ ᠣᠯᠬᠤ ᠴᠠᠭ ᠲᠠᠭᠠᠨ ᠲᠠᠨ ᠳᠤ ᠳᠠᠭᠠᠳᠬᠠᠬᠤ ᠤᠴᠢᠷᠲᠠᠢ᠂ ᠦᠶᠡᠷ ᠤᠰᠤ ᠪᠣᠯᠣᠭᠰᠠᠨ ᠴᠤ ᠲᠡᠢᠮᠦ ᠬᠥᠮᠦᠨ ᠳᠦ ᠶᠡᠷᠦ ᠬᠦᠷᠬᠦ ᠦᠭᠡᠢ᠃
7 ᠲᠠ ᠮᠢᠨᠦ ᠬᠣᠷᠭᠣᠳᠠᠬᠤ ᠭᠠᠵᠠᠷ᠂ ᠲᠠ ᠨᠠᠮᠠᠶᠢ ᠵᠣᠪᠠᠯᠠᠩ ᠠᠴᠠ ᠬᠠᠮᠠᠭᠠᠯᠠᠨ ᠠᠪᠤᠷᠠᠯ ᠤᠨ ᠳᠠᠭᠤ ᠪᠠᠷ ᠬᠦᠷᠢᠶᠡᠯᠡᠨᠡ᠃
ᠰᠧᠯᠠ
8 ᠪᠢ ᠶᠠᠪᠤᠬᠤ ᠶᠣᠰᠣᠲᠠᠢ ᠵᠠᠮ ᠢ ᠴᠢᠨᠢ ᠵᠢᠭᠠᠪᠤᠷᠢᠯᠠᠨ ᠵᠢᠭᠠᠵᠤ ᠥᠭᠭᠥᠨᠡ ᠨᠢᠳᠦ ᠮᠢᠨᠢ ᠴᠢᠮᠠ ᠳᠡᠭᠡᠷᠡ ᠪᠠᠢᠵᠤ᠂ ᠴᠢᠮᠠ ᠳᠤ ᠵᠥᠪᠯᠡᠨᠡ᠃
9 ᠲᠠ ᠨᠠᠷ ᠤᠬᠠᠭᠠᠨ ᠦᠭᠡᠢ ᠮᠣᠷᠢ᠂ ᠡᠰᠡᠪᠡᠯ ᠯᠠᠭᠤᠰᠠ ᠰᠢᠭ᠋ ᠪᠦᠦ ᠪᠠᠢ ᠬᠠᠵᠠᠭᠠᠷ ᠨᠣᠭᠲᠣ ᠪᠠᠷ ᠵᠠᠯᠠᠬᠤ ᠠᠴᠠ ᠨᠠᠰᠢ ᠲᠡᠳᠡ ᠣᠢᠷᠠᠲᠤᠨ ᠢᠷᠡᠬᠦ ᠦᠭᠡᠢ᠃
10 ᠪᠤᠷᠤᠭᠤᠲᠠᠨ ᠣᠯᠠᠨ ᠭᠠᠢ ᠵᠣᠪᠠᠯᠠᠩ ᠲᠠᠢ ᠭᠡᠪᠡᠴᠦ ᠶᠣᠬᠣᠸᠠ ᠳᠤ ᠨᠠᠢᠳᠠᠳᠠᠭ ᠬᠥᠮᠦᠨ ᠢ ᠦᠨᠡᠨ ᠬᠠᠢᠷᠠ ᠬᠦᠷᠢᠶᠡᠯᠡᠨᠡ᠃
11 ᠵᠥᠪᠲᠦ ᠬᠥᠮᠦᠰ ᠡ᠂ ᠶᠣᠬᠣᠸᠠ ᠳᠣᠲᠣᠷᠠ ᠪᠠᠶᠠᠷᠯᠠᠨ ᠪᠠᠶᠠᠰᠤᠭᠲᠤᠨ ᠵᠢᠷᠦᠬᠡ ᠨᠢ ᠰᠢᠳᠤᠷᠭᠤ ᠪᠦᠭᠦᠳᠡ ᠡ᠂ ᠪᠠᠶᠠᠷᠯᠠᠨ ᠬᠠᠰᠬᠢᠷᠤᠭᠲᠤᠨ︕