ᠳᠠᠭᠤᠯᠠᠯ ᠵᠠᠭᠤ ᠬᠣᠶᠠᠷ
ᠭᠡᠮᠰᠢᠭ᠍ᠴᠢ ᠰᠡᠷᠭᠦᠬᠦ ᠶᠢ ᠬᠦᠰᠡᠪᠡ
ᠵᠣᠪᠠᠯᠠᠩᠲᠤ ᠬᠥᠮᠦᠨ ᠰᠢᠨᠠᠯᠵᠤ᠂ ᠭᠣᠮᠣᠳᠠᠯ ᠢᠶᠠᠨ ᠶᠣᠬᠣᠸᠠ ᠶᠢᠨ ᠡᠮᠦᠨᠡ ᠠᠭᠤᠳᠠᠯᠬᠤ ᠦᠶᠡ ᠶᠢᠨ ᠳᠠᠭᠠᠳᠬᠠᠯ᠃
1 ᠶᠣᠬᠣᠸᠠ᠂ ᠭᠤᠶᠤᠯᠲᠠ ᠶᠢ ᠮᠢᠨᠢ ᠰᠣᠨᠣᠰᠣᠭᠠᠴᠢ︕ ᠬᠠᠰᠬᠢᠷᠤᠯᠲᠠ ᠮᠢᠨᠢ ᠲᠠᠨ ᠳᠤ ᠬᠥᠷᠥᠭ᠃
2 ᠭᠠᠰᠠᠯᠠᠩ ᠲᠠᠢ ᠡᠳᠦᠷ ᠲᠦ ᠮᠢᠨᠢ ᠨᠠᠳᠠ ᠠᠴᠠ ᠨᠢᠭᠤᠷ ᠢᠶᠠᠨ ᠪᠦᠦ ᠨᠢᠭᠤᠭᠠᠴᠢ ᠨᠠᠳᠠ ᠤᠷᠤᠭᠤ ᠴᠢᠬᠢ ᠪᠠᠨ ᠬᠠᠨᠳᠤᠭᠤᠯᠤᠭᠠᠴᠢ ᠳᠠᠭᠤᠳᠠᠬᠤ ᠡᠳᠦᠷ ᠮᠢᠨᠢ ᠬᠤᠷᠳᠤᠨ ᠬᠠᠷᠢᠭᠤᠯᠤᠭᠠᠴᠢ᠂
3 ᠡᠳᠦᠷ ᠤᠳ ᠮᠢᠨᠢ ᠤᠲᠤᠭᠠ ᠰᠢᠭ᠋ ᠵᠠᠮᠬᠠᠷᠠᠵᠤ ᠶᠠᠰᠤ ᠨᠤᠭᠤᠳ ᠮᠢᠨᠢ ᠵᠤᠤᠬᠠ ᠠᠳᠠᠯᠢ ᠰᠢᠲᠠᠭᠰᠠᠨ᠃
4 ᠵᠢᠷᠦᠬᠡ ᠮᠢᠨᠢ ᠴᠣᠬᠢᠭᠤᠯᠤᠨ ᠡᠪᠡᠰᠦ ᠰᠢᠭ ᠬᠠᠲᠠᠵᠤ ᠪᠢ ᠬᠣᠭᠣᠯᠠ ᠪᠠᠨ ᠢᠳᠡᠬᠦ ᠪᠡᠨ ᠴᠤ ᠮᠠᠷᠲᠠᠭᠰᠠᠨ᠃
5 ᠶᠣᠣᠯᠠᠬᠤ ᠳᠠᠭᠤ ᠠᠴᠠ ᠮᠢᠨᠢ ᠪᠣᠯᠵᠤ ᠶᠠᠰᠤ ᠮᠢᠨᠢ ᠠᠷᠠᠰᠤᠨ ᠳᠠᠭᠠᠨ ᠨᠠᠭᠠᠯᠳᠤᠪᠠ᠃
6 ᠪᠢ ᠴᠥᠯ ᠦᠨ ᠣᠭᠣᠯᠢ ᠰᠢᠭ᠋ ᠵᠡᠯᠢᠭᠦᠳ ᠭᠠᠵᠠᠷ ᠤᠨ ᠰᠢᠷᠠ ᠰᠢᠪᠠᠭᠤ ᠰᠢᠭ᠋᠂
7 ᠳᠤᠭᠬᠢᠬᠦ ᠦᠭᠡᠢ ᠪᠠᠢᠳᠠᠭ ᠳᠡᠭᠡᠪᠦᠷ ᠳᠡᠭᠡᠷᠡᠬᠢ ᠭᠠᠭᠴᠠᠭᠠᠷᠳᠠᠭᠰᠠᠨ ᠪᠢᠯᠵᠤᠤᠬᠠᠢ ᠰᠢᠭ᠋ ᠪᠣᠯᠣᠯᠠ᠃
8 ᠳᠠᠢᠰᠤᠨ ᠨᠤᠭᠤᠳ ᠮᠢᠨᠢ ᠨᠠᠮᠠᠶᠢ ᠡᠳᠦᠷᠵᠢᠨ ᠳᠣᠷᠣᠮᠵᠢᠯᠠᠵᠤ ᠳᠣᠭᠣᠭᠢᠯᠠᠭᠴᠢᠳ ᠮᠢᠨᠦ ᠨᠡᠷᠡ ᠪᠡᠷ ᠬᠠᠷᠢᠶᠠᠳᠠᠭ᠃
9 ᠪᠢ ᠦᠨᠡᠰᠦ ᠶᠢ ᠬᠣᠭᠣᠯᠠ ᠰᠢᠭ᠋ ᠢᠳᠡᠵᠦ ᠤᠮᠳᠠᠭᠠᠨ ᠢᠶᠠᠨ ᠨᠢᠯᠪᠤᠰᠤ ᠲᠠᠢ ᠬᠣᠯᠢᠭᠰᠠᠨ᠂
10 ᠤᠴᠢᠷ ᠨᠢ ᠲᠠ ᠠᠭᠤᠷᠯᠠᠨ ᠬᠢᠯᠢᠩᠨᠡᠵᠦ ᠨᠠᠮᠠᠶᠢ ᠳᠡᠭᠡᠭᠰᠢ ᠡᠷᠭᠦᠭᠡᠳ ᠰᠢᠳᠡᠭᠰᠡᠨ᠃
11 ᠡᠳᠦᠷ ᠤᠳ ᠮᠢᠨᠢ ᠦᠳᠡᠰᠢ ᠶᠢᠨ ᠰᠡᠭᠦᠳᠡᠷ ᠠᠳᠠᠯᠢ᠂ ᠡᠪᠡᠰᠦ ᠮᠡᠲᠦ ᠪᠢ ᠬᠣᠷᠪᠣᠢᠵᠤ ᠪᠠᠢᠨᠠ᠃
12 ᠬᠠᠷᠢᠨ ᠶᠣᠬᠣᠸᠠ ᠲᠠ ᠡᠭᠦᠷᠢᠳᠡ ᠵᠠᠯᠠᠷᠠᠨ ᠪᠠᠢᠭᠰᠠᠭᠠᠷ ᠦᠶᠡ ᠶᠢᠨ ᠦᠶᠡ ᠳᠦ ᠳᠤᠷᠠᠰᠤᠭᠳᠠᠬᠤ ᠪᠣᠯᠣᠨᠠ᠃
13 ᠲᠠ ᠪᠣᠰᠴᠤ᠂ ᠽᠢᠶᠣᠨ ᠢ ᠥᠷᠥ ᠡᠪᠡᠳᠦᠨᠡ᠂ ᠲᠡᠭᠦᠨ ᠢ ᠡᠨᠡᠷᠢᠬᠦ ᠴᠠᠭ᠂ ᠲᠡᠭᠦᠨ ᠦ ᠲᠣᠭᠲᠠᠭᠠᠭᠳᠠᠭᠰᠠᠨ ᠴᠠᠭ ᠢᠷᠡᠯᠡ᠃
14 ᠲᠡᠷᠡ ᠴᠠᠭ ᠲᠤ ᠵᠠᠷᠤᠴᠠ ᠨᠠᠷ ᠲᠠᠨᠢ ᠴᠢᠯᠠᠭᠤᠳ ᠢ ᠨᠢ ᠴᠤ ᠬᠠᠢᠷᠠᠯᠠᠵᠤ ᠰᠢᠷᠣᠢ ᠶᠢ ᠨᠢ ᠴᠤ ᠥᠷᠥ ᠡᠪᠡᠳᠦᠨᠡ᠃
15 ᠦᠨᠳᠦᠰᠦᠲᠡᠨ ᠨᠦᠭᠦᠳ ᠶᠣᠬᠣᠸᠠ ᠶᠢᠨ ᠨᠡᠷᠡ ᠡᠴᠡ ᠶᠢᠷᠲᠢᠨᠴᠦ ᠶᠢᠨ ᠪᠦᠬᠦ ᠬᠠᠭᠠᠨ ᠲᠠᠨ ᠤ ᠠᠯᠳᠠᠷ ᠠᠴᠠ ᠡᠮᠢᠶᠡᠨᠡ᠃
16 ᠤᠴᠢᠷ ᠨᠢ ᠶᠣᠬᠣᠸᠠ ᠽᠢᠶᠣᠨ ᠢ ᠰᠡᠷᠭᠦᠭᠡᠵᠦ ᠴᠣᠭ ᠵᠢᠪᠬᠤᠯᠠᠩ ᠤᠨ ᠢᠶᠠᠨ ᠳᠤᠮᠳᠠ ᠦᠵᠡᠭᠳᠡᠨᠡ᠃
17 ᠶᠣᠬᠣᠸᠠ ᠦᠭᠡᠭᠦᠴᠦᠳ ᠦᠨ ᠳᠠᠭᠠᠳᠬᠠᠯ ᠢ ᠣᠢᠰᠢᠶᠠᠵᠤ ᠲᠡᠳᠡᠨ ᠦ ᠳᠠᠭᠠᠳᠬᠠᠯ ᠢ ᠪᠠᠰᠤᠮᠵᠢᠯᠠᠭᠠ ᠦᠭᠡᠢ᠃
18 ᠬᠣᠢᠴᠢ ᠦᠶᠡ ᠶᠢᠨ ᠬᠢᠨ ᠤ ᠪᠠᠨ ᠲᠥᠯᠥᠭᠡ ᠡᠭᠦᠨ ᠢ ᠲᠡᠮᠳᠡᠭᠯᠡ ᠬᠣᠵᠢᠮ ᠡᠭᠦᠰᠬᠦ ᠠᠷᠠᠳ ᠲᠦᠮᠡᠨ ᠶᠣᠬᠣᠸᠠ ᠶᠢ ᠮᠠᠭᠲᠠᠨ᠄
19 《ᠶᠣᠬᠣᠸᠠ ᠳᠡᠭᠡᠳᠦ ᠠᠷᠢᠭᠤᠨ ᠭᠠᠵᠠᠷ ᠠᠴᠠ ᠪᠠᠨ ᠥᠩᠭᠡᠶᠢᠨ ᠲᠩᠷᠢ ᠡᠴᠡ ᠳᠡᠯᠡᠬᠡᠢ ᠤᠷᠤᠭᠤ ᠰᠢᠷᠲᠡᠭᠰᠡᠨ
20 ᠬᠣᠷᠢᠭᠳᠠᠯ ᠤᠨ ᠶᠣᠣᠯᠠᠬᠤ ᠶᠢ ᠰᠣᠨᠣᠰᠴᠤ ᠦᠬᠦᠬᠦ ᠶᠠᠯᠠᠲᠠᠨ ᠢ ᠴᠢᠯᠥᠭᠡᠯᠡᠵᠡᠢ》 ᠭᠡᠬᠦ ᠪᠣᠯᠣᠨᠠ᠃
21 ᠲᠡᠢᠨ ᠬᠦ ᠽᠢᠶᠣᠨ ᠳᠤ ᠶᠣᠬᠣᠸᠠ ᠶᠢᠨ ᠨᠡᠷᠡ ᠶᠧᠷᠦ᠋ᠰᠠᠯᠧᠮ ᠳᠤ ᠲᠡᠭᠦᠨ ᠦ ᠮᠠᠭᠲᠠᠭᠠᠯ ᠤᠯᠠᠮᠵᠢᠯᠠᠭᠳᠠᠬᠤ ᠳᠤ
22 ᠬᠠᠷᠢᠴᠤᠳ ᠬᠢᠭᠡᠳ ᠬᠠᠭᠠᠨᠴᠢᠯᠠᠯ ᠤᠳ ᠶᠣᠬᠣᠸᠠ ᠳᠤ ᠮᠥᠷᠭᠥᠬᠦ ᠪᠡᠷ ᠴᠤᠭᠯᠠᠷᠠᠨᠠ᠃
23 ᠲᠡᠷᠡ ᠪᠡᠷ ᠵᠠᠮ ᠵᠠᠭᠤᠷᠠ ᠴᠢᠳᠠᠯ ᠢ ᠮᠢᠨᠢ ᠰᠤᠯᠠᠷᠠᠭᠤᠯᠵᠤ ᠡᠳᠦᠷ ᠤᠳ ᠢ ᠮᠢᠨᠢ ᠪᠣᠭᠣᠨᠢᠰᠬᠠᠬᠤ ᠳᠤ᠂
24 ᠪᠢ 《ᠪᠤᠷᠬᠠᠨ ᠮᠢᠨᠢ ᠡ᠂ ᠣᠨ ᠵᠢᠯ ᠤᠳ ᠲᠠᠨᠢ ᠦᠶᠡ ᠶᠢᠨ ᠦᠶᠡ ᠳᠦ ᠡᠳᠦᠷ ᠤᠳ ᠤᠨ ᠮᠢᠨᠢ ᠳᠤᠮᠳᠠ ᠠᠴᠠ ᠨᠠᠮᠠᠶᠢ ᠪᠦᠦ ᠠᠪᠠᠴᠢᠭᠠᠴᠢ》 ᠭᠡᠪᠡ᠃
25 ᠳᠡᠯᠡᠬᠡᠢ ᠶᠢᠨ ᠰᠠᠭᠤᠷᠢ ᠶᠢ ᠲᠠ ᠡᠷᠲᠡ ᠦᠶᠡ ᠳᠦ ᠲᠠᠯᠪᠢᠭᠰᠠᠨ ᠲᠩᠷᠢ ᠴᠤ ᠲᠠᠨ ᠤ ᠮᠤᠲᠤᠷ ᠤᠨ ᠪᠦᠲᠦᠭᠡᠯ ᠶᠤᠮ᠃
26 ᠲᠡᠳᠡᠭᠡᠷ ᠨᠢ ᠠᠷᠢᠯᠬᠤ ᠪᠣᠯᠪᠠᠴᠤ ᠲᠠ ᠦᠯᠡᠳᠡᠨᠡ ᠲᠡᠷᠡ ᠬᠣᠶᠠᠭᠤᠯᠠ ᠪᠠᠨ ᠬᠤᠪᠴᠠᠰᠤ ᠮᠡᠲᠦ ᠡᠯᠡᠭᠳᠡᠬᠦ ᠪᠣᠯᠣᠨᠠ ᠲᠠ ᠲᠡᠳᠡᠭᠡᠷ ᠢ ᠳᠡᠪᠡᠯ ᠮᠡᠲᠦ ᠰᠣᠯᠢᠬᠤ ᠳᠤ᠂ ᠲᠡᠳᠡ ᠰᠣᠯᠢᠭᠳᠠᠨᠠ᠃
27 ᠬᠠᠷᠢᠨ ᠲᠠ ᠬᠡᠪ ᠢᠶᠡᠷ ᠢᠶᠠᠨ᠂ ᠲᠠᠨ ᠤ ᠣᠨ ᠵᠢᠯ ᠤᠳ ᠲᠡᠭᠦᠰᠦᠰᠢ ᠦᠭᠡᠢ᠃
28 ᠲᠠᠨ ᠤ ᠣᠷᠣᠰᠢᠬᠤᠢ ᠳᠤ ᠵᠠᠷᠤᠴᠠ ᠨᠠᠷ ᠤᠨ ᠲᠠᠨᠢ ᠬᠡᠦᠬᠡᠳ ᠤᠳ ᠰᠠᠭᠤᠭᠰᠠᠭᠠᠷ ᠦᠷᠡ ᠤᠳᠤᠮ ᠨᠢ ᠪᠠᠲᠤ ᠵᠣᠭᠰᠣᠭᠰᠠᠭᠠᠷ ᠪᠠᠢᠬᠤ ᠪᠣᠯᠣᠨᠠ᠃