ᠳᠠᠭᠤᠯᠠᠯ ᠵᠠᠭᠤ ᠳᠥᠷᠪᠡ
ᠪᠦᠲᠦᠭᠡᠭᠴᠢ ᠬᠠᠮᠠᠭᠠᠯᠠᠭᠴᠢ ᠪᠤᠷᠬᠠᠨ
1 ᠶᠣᠬᠣᠸᠠ ᠶᠢ ᠠᠯᠳᠠᠷᠰᠢᠭᠤᠯ᠂ ᠮᠢᠨᠦ ᠰᠦᠨᠡᠰᠦ ᠡ︕ ᠮᠢᠨᠦ ᠪᠤᠷᠬᠠᠨ ᠶᠣᠬᠣᠸᠠ ᠪᠣᠯ ᠮᠠᠰᠢ ᠠᠭᠤᠤ᠂ ᠲᠠ ᠠᠯᠳᠠᠷ ᠪᠠ ᠵᠢᠪᠬᠤᠯᠠᠩ ᠢᠶᠠᠷ ᠬᠤᠪᠴᠠᠰᠤᠯᠠᠵᠠᠢ᠃
2 ᠲᠠ ᠪᠣᠯ ᠭᠡᠷᠡᠯ ᠢ ᠨᠥᠮᠥᠷᠭᠡ ᠪᠣᠯᠭᠠᠨ ᠡᠮᠦᠰᠦᠭᠴᠢ ᠲᠩᠷᠢ ᠶᠢ ᠬᠥᠰᠢᠭᠡ ᠮᠡᠲᠦ ᠲᠠᠲᠠᠵᠤ
3 ᠥᠷᠭᠥᠭᠡᠨ ᠦ ᠪᠠᠨ ᠲᠤᠯᠭᠠᠭᠤᠷᠢ ᠶᠢ ᠤᠰᠤᠨ ᠤ ᠳᠡᠭᠡᠭᠦᠷ ᠲᠠᠯᠪᠢᠭᠴᠢ ᠡᠭᠦᠯᠡᠰ ᠢ ᠲᠡᠷᠭᠡ ᠪᠣᠯᠭᠠᠵᠤ ᠰᠠᠯᠬᠢᠨ ᠤ ᠵᠢᠭᠦᠷ ᠢᠶᠡᠷ ᠶᠠᠪᠤᠭᠴᠢ
4 ᠰᠠᠯᠬᠢ ᠶᠢ ᠡᠯᠴᠢ ᠪᠠᠨ ᠭᠠᠯ ᠴᠠᠬᠢᠯᠭᠠᠨ ᠢ ᠵᠠᠷᠤᠴᠠ ᠪᠠᠨ ᠪᠣᠯᠭᠠᠭᠴᠢ᠂
5 ᠲᠠ ᠳᠡᠯᠡᠬᠡᠢ ᠶᠢ ᠰᠠᠭᠤᠷᠢᠨ ᠳᠡᠭᠡᠷᠡ ᠨᠢ ᠲᠣᠭᠲᠠᠭᠠᠭᠰᠠᠨ ᠲᠡᠷᠡ ᠮᠥᠩᠬᠡᠳᠡ ᠭᠠᠩ᠋ᠬᠤᠬᠤ ᠦᠭᠡᠢ᠂
6 ᠲᠠ ᠲᠡᠭᠦᠨ ᠢ ᠭᠦᠨ ᠦ ᠤᠰᠤ ᠪᠠᠷ ᠬᠤᠪᠴᠠᠰᠤ ᠮᠡᠲᠦ ᠪᠦᠷᠬᠦᠭᠰᠡᠨ ᠳᠦ ᠶᠡᠬᠡ ᠤᠰᠤ ᠠᠭᠤᠯᠠ ᠶᠢᠨ ᠳᠡᠭᠡᠭᠦᠷ ᠲᠣᠭᠲᠠᠵᠠᠢ᠃
7 ᠲᠠ ᠵᠢᠮᠡᠯᠡᠬᠦ ᠳᠦ᠂ ᠤᠰᠤ ᠵᠢᠭᠤᠲᠠᠪᠠ ᠠᠶᠤᠩ᠋ᠭᠠ ᠶᠢᠨ ᠲᠠᠨᠢ ᠳᠠᠭᠤ ᠪᠠᠷ ᠤᠰᠤ ᠶᠠᠭᠠᠷᠠᠨ ᠵᠠᠢᠯᠠᠪᠠ᠃
8 ᠲᠠᠨ ᠤ ᠲᠣᠭᠲᠠᠭᠠᠭᠰᠠᠨ ᠭᠠᠵᠠᠷ ᠲᠤ ᠬᠦᠷᠲᠡᠯᠡ ᠠᠭᠤᠯᠠᠰ ᠳᠡᠭᠡᠭᠰᠢᠯᠡᠵᠦ᠂ ᠬᠥᠨᠳᠡᠢ ᠳᠣᠷᠣᠭᠰᠢᠯᠠᠪᠠ 22 ᠂
9 ᠲᠠ ᠤᠰᠤᠨ ᠤ ᠳᠠᠪᠠᠰᠢ ᠦᠭᠡᠢ ᠬᠢᠵᠠᠭᠠᠷ ᠢ ᠲᠣᠭᠲᠠᠭᠠᠭᠰᠠᠨ᠂ ᠤᠰᠤ ᠭᠠᠵᠠᠷ ᠢ ᠳᠠᠬᠢᠵᠤ ᠪᠦᠷᠬᠦᠬᠦ ᠦᠭᠡᠢ᠃
10 ᠲᠠ ᠬᠥᠨᠳᠡᠢ ᠳᠦ ᠪᠤᠯᠠᠭ ᠣᠷᠭᠢᠯᠤᠭᠤᠯᠬᠤ ᠳᠤ ᠤᠰᠤ ᠨᠢ ᠠᠭᠤᠯᠠᠰ ᠤᠨ ᠳᠤᠮᠳᠠᠭᠤᠷ ᠤᠷᠤᠰᠤᠨ
11 ᠬᠡᠭᠡᠷᠡ ᠶᠢᠨ ᠪᠦᠬᠦ ᠠᠮᠢᠲᠠᠨ ᠢ ᠤᠮᠳᠠᠯᠠᠨᠠ᠂ ᠬᠤᠯᠠᠨ ᠴᠠᠩ᠋ᠭᠠᠭᠠ ᠪᠠᠨ ᠲᠠᠢᠯᠵᠤ
12 ᠣᠭᠲᠠᠷᠭᠤᠢ ᠶᠢᠨ ᠰᠢᠪᠠᠭᠤᠳ ᠤᠰᠤᠨ ᠤ ᠳᠡᠷᠭᠡᠳᠡ ᠨᠤᠲᠤᠭᠰᠢᠨ ᠮᠥᠴᠢᠷ ᠤᠳ ᠤᠨ ᠳᠤᠮᠳᠠ ᠵᠢᠷᠭᠢᠨ ᠳᠣᠩ᠋ᠭᠣᠳᠣᠨᠠ᠃
13 ᠲᠠ ᠳᠡᠭᠡᠳᠦ ᠥᠷᠭᠥᠭᠡᠨ ᠡᠴᠡ ᠪᠡᠨ ᠠᠭᠤᠯᠠᠰ ᠢ ᠤᠰᠤᠯᠡᠵᠦ ᠪᠠᠢᠳᠠᠭ᠂ ᠳᠡᠯᠡᠬᠡᠢ ᠲᠠᠨ ᠤ ᠦᠢᠯᠡᠰ ᠦᠨ ᠦᠷᠡ ᠵᠢᠮᠢᠰ ᠢᠶᠠᠷ ᠬᠠᠩ᠋ᠭᠠᠯᠤᠭᠤᠨ᠃
14 ᠲᠠ ᠮᠠᠯ ᠤᠨ ᠢᠳᠡᠬᠦ ᠡᠪᠡᠰᠦ ᠪᠠ ᠬᠥᠮᠦᠨ ᠳᠦ ᠬᠡᠷᠡᠭ ᠲᠡᠢ ᠨᠣᠭᠣᠭᠠ ᠶᠢ ᠤᠷᠭᠤᠭᠤᠯᠵᠤ ᠪᠠᠢᠳᠠᠭ᠂ ᠭᠠᠵᠠᠷ ᠠᠴᠠ ᠬᠦᠨᠡᠰᠦ ᠭᠠᠷᠭᠠᠵᠤ᠂
15 ᠬᠥᠮᠦᠨ ᠦ ᠵᠢᠷᠦᠬᠡ ᠶᠢ ᠪᠠᠶᠠᠰᠬᠠᠬᠤ ᠳᠠᠷᠠᠰᠤ ᠬᠠᠴᠠᠷ ᠢ ᠥᠩᠭᠡᠯᠡᠳᠡᠭ ᠲᠣᠰᠣ ᠬᠢᠭᠡᠳ ᠬᠥᠮᠦᠨ ᠦ ᠵᠢᠷᠦᠬᠡ ᠶᠢ ᠲᠡᠩᠬᠡᠷᠡᠭᠦᠯᠳᠡᠭ᠌ ᠬᠣᠭᠣᠯᠠ ᠶᠢ ᠰᠣᠶᠣᠷᠬᠠᠳᠠᠭ᠃
16 ᠶᠣᠬᠣᠸᠠ ᠶᠢᠨ ᠮᠣᠳᠣᠳ ᠲᠡᠭᠦᠨ ᠦ ᠲᠠᠷᠢᠭᠰᠠᠨ ᠯᠧᠪᠠᠨᠣᠨ ᠤ ᠬᠤᠱᠢ ᠮᠣᠳᠣᠳ ᠬᠠᠩ᠋ᠭᠠᠯᠤᠭᠤᠨ᠃
17 ᠲᠡᠨᠳᠡ ᠰᠢᠪᠠᠭᠤᠳ ᠡᠭᠦᠷ ᠢᠶᠡᠨ ᠵᠠᠰᠠᠵᠤ ᠨᠠᠷᠠᠰᠤᠨ ᠮᠣᠳᠣᠨ ᠳᠤᠨᠢ ᠥᠷᠪᠢ ᠲᠠᠰ ᠤᠨ ᠣᠷᠣᠮᠵᠢ ᠪᠤᠢ᠃
18 ᠥᠨᠳᠥᠷ ᠠᠭᠤᠯᠠᠰ ᠶᠠᠩᠭᠢᠷ ᠤᠨ ᠬᠢ᠂ ᠬᠠᠳᠠ ᠳᠣᠷᠣᠭᠣ ᠶᠢᠨ ᠬᠣᠷᠭᠣᠳᠠᠬᠤ ᠭᠠᠵᠠᠷ᠂
19 ᠰᠠᠷᠠ ᠴᠠᠭ ᠤᠯᠠᠷᠢᠯ ᠢ ᠵᠢᠭᠠᠨ ᠦᠢᠯᠡᠴᠢᠯᠡᠳᠡᠭ᠌ ᠨᠠᠷᠠ ᠵᠢᠷᠭᠠᠬᠤ ᠴᠠᠭ ᠢᠶᠠᠨ ᠮᠡᠳᠡᠳᠡᠭ᠂
20 ᠲᠠ ᠬᠠᠷᠠᠩ᠋ᠭᠤᠢ ᠶᠢ ᠠᠪᠴᠢᠷᠠᠪᠠᠯ ᠰᠥᠨᠢ ᠪᠣᠯᠳᠠᠭ ᠣᠢ ᠶᠢᠨ ᠪᠦᠬᠦ ᠠᠷᠢᠶᠠᠲᠠᠨ ᠬᠥᠳᠡᠯᠬᠦ ᠪᠣᠯᠣᠨᠠ᠃
21 ᠠᠷᠰᠯᠠᠨ ᠨᠤᠭᠤᠳ ᠢᠳᠡᠰᠢ ᠪᠠᠨ ᠬᠠᠢᠵᠤ ᠪᠤᠷᠬᠠᠨ ᠠᠴᠠ ᠬᠦᠨᠡᠰᠦ ᠪᠡᠨ ᠭᠤᠶᠤᠨ ᠠᠷᠬᠢᠷᠠᠵᠤ ᠪᠠᠢᠨᠠ᠂
22 ᠨᠠᠷᠠ ᠮᠠᠨᠳᠤᠪᠠᠯ ᠲᠡᠳᠡ ᠪᠤᠴᠠᠵᠤ ᠠᠭᠤᠢ ᠳᠠᠭᠠᠨ ᠬᠡᠪᠲᠡᠨᠡ᠂
23 ᠲᠡᠭᠡᠬᠦ ᠳᠦ ᠬᠥᠮᠦᠨ ᠠᠵᠢᠯᠯᠠᠬᠤ ᠪᠠᠷ ᠦᠳᠡᠰᠢ ᠪᠣᠯᠲᠠᠯᠠ ᠬᠥᠳᠡᠯᠮᠦᠷᠢᠯᠡᠬᠦ ᠪᠡᠷ ᠭᠠᠷᠤᠨᠠ᠂
24 ᠶᠣᠬᠣᠸᠠ᠂ ᠲᠠᠨ ᠤ ᠦᠢᠯᠡᠰ ᠶᠠᠭᠤᠲᠠᠢ ᠦᠯᠡᠮᠵᠢ ᠪᠤᠢ︕ ᠲᠡᠷᠡ ᠪᠦᠬᠦᠨ ᠢ ᠲᠠ ᠮᠡᠷᠭᠡᠨ ᠤᠬᠠᠭᠠᠨ ᠢᠶᠠᠷ ᠪᠦᠲᠦᠭᠡᠭᠰᠡᠨ ᠳᠡᠯᠡᠬᠡᠢ ᠲᠠᠨ ᠤ ᠪᠦᠲᠦᠭᠡᠯ ᠤᠳ ᠢᠶᠠᠷ ᠳᠦᠭᠦᠷᠡᠩ ᠪᠠᠢᠨᠠ᠃
25 ᠨᠡᠯᠦᠭᠡᠷ ᠠᠭᠤᠳᠠᠮ ᠳᠠᠯᠠᠢ ᠶᠢ ᠬᠠᠷᠠ᠂ ᠲᠣᠭᠠ ᠲᠣᠮᠰᠢ ᠦᠭᠡᠢ ᠣᠯᠠᠨ ᠲᠣᠮᠣ ᠵᠢᠵᠢᠭ ᠠᠮᠢᠲᠠᠨ ᠲᠡᠨᠳᠡ ᠬᠥᠳᠡᠯᠵᠦ ᠪᠠᠢᠨᠠ᠂
26 ᠲᠡᠷᠡᠭᠦᠷ ᠣᠩ᠋ᠭᠣᠴᠠ ᠨᠤᠭᠤᠳ ᠶᠠᠪᠤᠵᠤ ᠲᠡᠨᠳᠡ ᠲᠠᠨ ᠤ ᠪᠦᠲᠦᠭᠡᠭᠰᠡᠨ ᠳᠠᠯᠠᠢ ᠶᠢᠨ ᠮᠠᠩ᠋ᠭᠤᠰ ᠨᠠᠭᠠᠳᠤᠨᠠ᠂
27 ᠲᠣᠪᠯᠠᠭᠰᠠᠨ ᠴᠠᠭ ᠲᠤᠨᠢ ᠬᠣᠭᠣᠯᠠ ᠬᠦᠨᠡᠰᠦ ᠶᠢ ᠨᠢ ᠥᠭᠬᠦ ᠶᠢ ᠲᠠᠨᠢ ᠲᠡᠳᠡ ᠪᠦᠭᠦᠳᠡ ᠬᠦᠯᠢᠶᠡᠵᠦ ᠪᠠᠢᠨᠠ᠂
28 ᠲᠠ ᠥᠭᠪᠡᠯ ᠲᠡᠳᠡ ᠲᠡᠭᠦᠵᠦ ᠠᠪᠤᠨᠠ ᠲᠠ ᠠᠯᠠᠭᠠ ᠪᠠᠨ ᠳᠡᠯᠭᠡᠪᠡᠯ ᠲᠡᠳᠡ ᠰᠠᠢᠨ ᠰᠠᠢᠬᠠᠨ ᠳᠤ ᠬᠠᠨᠤᠨᠠ᠂
29 ᠲᠠ ᠨᠢᠭᠤᠷ ᠢᠶᠠᠨ ᠨᠢᠭᠤᠪᠠᠯ ᠲᠡᠳᠡ ᠤᠢᠮᠤᠷᠠᠨᠠ ᠠᠮᠢᠰᠬᠤᠯ ᠢ ᠨᠢ ᠠᠪᠤᠪᠠᠯ ᠲᠡᠳᠡ ᠦᠬᠦᠵᠦ ᠬᠥᠷᠥᠰᠥ ᠰᠢᠷᠣᠢ ᠳᠠᠭᠠᠨ ᠪᠤᠴᠠᠨᠠ᠂
30 ᠲᠠ ᠠᠮᠢᠰᠬᠤᠯ ᠢᠶᠠᠨ ᠢᠯᠡᠭᠡᠪᠡᠯ ᠲᠡᠳᠡ ᠪᠤᠢ ᠪᠣᠯᠣᠨᠠ ᠲᠡᠢᠨ ᠬᠦ ᠲᠠ ᠭᠠᠵᠠᠷ ᠤᠨ ᠳᠦᠷᠰᠦ ᠶᠢ ᠰᠢᠨᠡᠴᠢᠯᠡᠨᠡ᠃
31 ᠶᠣᠬᠣᠸᠠ ᠶᠢᠨ ᠠᠯᠳᠠᠷ ᠮᠥᠩᠬᠡᠳᠡ ᠪᠠᠢᠬᠤ ᠪᠣᠯᠲᠤᠭᠠᠢ ᠶᠣᠬᠣᠸᠠ ᠦᠢᠯᠡᠰ ᠢᠶᠡᠷ ᠢᠶᠠᠨ ᠪᠠᠶᠠᠷᠯᠠᠬᠤ ᠪᠣᠯᠲᠤᠭᠠᠢ᠂
32 ᠲᠡᠷᠡ ᠪᠡᠷ ᠭᠠᠵᠠᠷ ᠤᠷᠤᠭᠤ ᠬᠠᠷᠠᠪᠠᠯ ᠭᠠᠵᠠᠷ ᠴᠡᠴᠡᠷᠡᠳᠡᠭ ᠠᠭᠤᠯᠠᠰ ᠲᠤ ᠬᠦᠷᠪᠡᠯ ᠤᠲᠤᠭᠠ ᠭᠠᠷᠳᠠᠭ᠃
33 ᠪᠢ ᠠᠮᠢᠳᠤ ᠳᠠᠭᠠᠨ ᠶᠣᠬᠣᠸᠠ ᠳᠤ ᠳᠠᠭᠤᠤ ᠡᠷᠭᠦᠨᠡ ᠪᠢ ᠣᠷᠣᠰᠢᠨ ᠪᠠᠢᠬᠤ ᠵᠠᠭᠤᠷᠠ ᠪᠠᠨ ᠪᠤᠷᠬᠠᠨ ᠢᠶᠠᠨ ᠮᠠᠭᠲᠠᠨᠠ᠃
34 ᠪᠢᠰᠢᠯᠭᠠᠯ ᠤᠳ ᠮᠢᠨᠢ ᠲᠡᠭᠦᠨ ᠳᠦ ᠲᠠᠭᠠᠯᠠᠮᠵᠢᠲᠠᠢ ᠪᠠᠢᠬᠤ ᠪᠣᠯᠲᠤᠭᠠᠢ ᠪᠢ ᠶᠣᠬᠣᠸᠠ ᠶᠢᠨ ᠳᠣᠲᠣᠷᠠ ᠪᠠᠶᠠᠷᠯᠠᠬᠤ ᠪᠣᠯᠣᠨᠠ᠃
35 ᠨᠢᠭᠦᠯᠲᠡᠨ ᠭᠠᠵᠠᠷ ᠠᠴᠠ ᠤᠰᠠᠳᠤᠭ ᠪᠤᠷᠤᠭᠤᠲᠠᠨ ᠠᠯᠠᠭᠠ ᠪᠣᠯᠣᠭ ᠶᠣᠬᠣᠸᠠ ᠶᠢ ᠠᠯᠳᠠᠷᠰᠢᠭᠤᠯ᠂ ᠮᠢᠨᠦ ᠰᠦᠨᠡᠰᠦ ᠡ︕ ᠶᠣᠬᠣᠸᠠ ᠶᠢ ᠮᠠᠭᠲᠠᠭᠲᠤᠨ᠃