ᠳᠠᠭᠤᠯᠠᠯ ᠠᠷᠪᠠᠨ ᠨᠠᠢ᠌ᠮᠠ
ᠠᠪᠤᠷᠠᠭᠳᠠᠭᠰᠠᠨ ᠬᠠᠭᠠᠨ ᠤ ᠮᠠᠭᠲᠠᠭᠠᠯ
ᠶᠣᠬᠣᠸᠠ ᠶᠢᠨ ᠵᠠᠷᠤᠴᠠ ᠳ᠋ᠠᠸᠢᠳ᠋ ᠤᠨ ᠳᠠᠭᠤᠯᠠᠯ᠂ ᠨᠠᠢᠷᠠᠯ ᠳᠠᠭᠤᠤ ᠶᠢᠨ ᠤᠳᠤᠷᠢᠳᠤᠭᠠᠴᠢ ᠳᠤ᠃ ᠶᠣᠬᠣᠸᠠ ᠳ᠋ᠠᠸᠢᠳ᠋ ᠢ ᠬᠠᠮᠤᠭ ᠳᠠᠢᠰᠤᠨ ᠤ ᠬᠢᠨᠢ ᠭᠠᠷ ᠠᠴᠠ᠂ ᠰᠠᠦ᠋ᠯ ᠤᠨ ᠭᠠᠷ ᠠᠴᠠ ᠠᠪᠤᠷᠠᠭᠰᠠᠨ ᠡᠳᠦᠷ ᠳ᠋ᠠᠸᠢᠳ᠋ ᠡᠨᠡ ᠳᠠᠭᠤᠤ ᠶᠢ ᠶᠣᠬᠣᠸᠠ ᠳᠤ ᠡᠷᠭᠦᠪᠡ᠃
1 ᠮᠢᠨᠦ ᠬᠦᠴᠦ ᠪᠣᠯᠳᠠᠭ ᠶᠣᠬᠣᠸᠠ᠂ ᠪᠢ ᠲᠠᠨ ᠳᠤ ᠬᠠᠢᠷᠠᠲᠠᠢ᠃
2 《ᠶᠣᠬᠣᠸᠠ ᠪᠣᠯ ᠮᠢᠨᠦ ᠬᠠᠳᠠ᠂ ᠮᠢᠨᠦ ᠴᠠᠢᠵᠠ ᠮᠢᠨᠦ ᠠᠪᠤᠷᠠᠭᠴᠢ᠃ ᠮᠢᠨᠦ ᠪᠤᠷᠬᠠᠨ ᠮᠢᠨᠦ ᠬᠣᠷᠭᠣᠳᠠᠭᠤ ᠬᠠᠳᠠ ᠮᠢᠨᠦ ᠪᠠᠮᠪᠠᠢ ᠮᠢᠨᠦ ᠠᠪᠤᠷᠠᠯ ᠤᠨ ᠡᠪᠡᠷ ᠮᠢᠨᠦ ᠪᠡᠬᠢᠯᠡᠯᠲᠡ᠂
3 ᠲᠡᠷᠡ ᠮᠠᠭᠲᠠᠭᠳᠠᠭᠤᠰᠢᠲᠠᠢ᠂ ᠪᠢ ᠶᠣᠬᠣᠸᠠ ᠶᠢ ᠳᠠᠭᠤᠳᠠᠵᠤ ᠥᠰᠲᠡᠨ ᠨᠦᠭᠦᠳ ᠡᠴᠡ ᠪᠡᠨ ᠠᠪᠤᠷᠠᠭᠳᠠᠨᠠ᠃
4 ᠦᠬᠦᠯ ᠦᠨ ᠬᠦᠯᠢᠶᠡᠰᠦ ᠨᠠᠮᠠᠶᠢ ᠬᠦᠷᠢᠶᠡᠯᠡᠨ ᠰᠦᠢᠷᠡᠯ ᠦᠨ ᠤᠷᠤᠰᠬᠠᠯ ᠨᠠᠮᠠᠶᠢ ᠰᠦᠷᠳᠡᠭᠦᠯᠪᠡ᠃
5 ᠦᠬᠦᠭᠰᠡᠳ ᠦᠨ ᠣᠷᠣᠨ ᠤ ᠬᠦᠯᠢᠶᠡᠰᠦ ᠨᠠᠮᠠᠶᠢ ᠬᠦᠯᠢᠵᠦ ᠦᠬᠦᠯ ᠦᠨ ᠤᠷᠠᠬᠠ ᠨᠠᠮᠠᠶᠢ ᠤᠭᠲᠤᠪᠠ᠃
6 ᠪᠡᠷᠬᠡ ᠴᠠᠭ ᠲᠠᠭᠠᠨ ᠪᠢ ᠶᠣᠬᠣᠸᠠ ᠶᠢ ᠳᠠᠭᠤᠳᠠᠨᠠ ᠪᠤᠷᠬᠠᠨ ᠥᠭᠡᠳᠡ ᠬᠠᠰᠬᠢᠷᠪᠠᠯ ᠲᠡᠷᠡ ᠪᠡᠷ ᠥᠪᠡᠷ ᠦᠨ ᠥᠷᠭᠥᠭᠡᠨ ᠡᠴᠡ ᠳᠠᠭᠤ ᠶᠢ ᠮᠢᠨᠢ ᠰᠣᠨᠣᠰᠣᠨᠠ ᠮᠢᠨᠦ ᠬᠠᠰᠬᠢᠷᠤᠭᠠᠨ ᠲᠡᠭᠦᠨ ᠦ ᠡᠮᠦᠨᠡ᠂ ᠲᠡᠭᠦᠨ ᠦ ᠰᠣᠨᠣᠷ ᠲᠤ ᠬᠦᠷᠦᠨᠡ᠃
7 ᠭᠠᠵᠠᠷ ᠭᠠᠩ᠋ᠬᠤᠵᠤ ᠴᠡᠴᠡᠷᠡᠪᠡ ᠠᠭᠤᠯᠠᠰ ᠤᠨ ᠰᠠᠭᠤᠷᠢ ᠬᠥᠳᠡᠯᠪᠡ ᠲᠡᠷᠡ ᠬᠢᠯᠢᠩᠨᠡᠬᠦ ᠳᠦ᠂ ᠭᠠᠩ᠋ᠬᠤᠵᠠᠭᠠᠪᠠ᠂
8 ᠬᠠᠮᠠᠷ ᠠᠴᠠ ᠨᠢ ᠤᠲᠤᠭᠠ ᠠᠮᠠᠨ ᠠᠴᠠ ᠨᠢ ᠵᠠᠯᠭᠢᠳᠠᠭ ᠭᠠᠯ ᠭᠠᠷᠴᠤ ᠲᠡᠭᠦᠨ ᠡᠴᠡ ᠳᠥᠯᠥ ᠲᠠᠢ ᠨᠡᠭᠦᠷᠡᠰᠦ ᠭᠠᠷᠪᠠ᠂
9 ᠲᠡᠷᠡ ᠪᠡᠷ ᠲᠩᠷᠢ ᠶᠢ ᠪᠥᠬᠥᠢᠯᠭᠡᠨ ᠪᠠᠭᠤᠵᠤ ᠢᠷᠡᠪᠡ ᠬᠥᠯ ᠳᠣᠣᠷᠠ ᠨᠢ ᠬᠠᠷᠠᠩ᠋ᠭᠤᠢ ᠡᠭᠦᠯᠡ ᠪᠠᠢᠪᠠ᠃
10 ᠲᠡᠷᠡ ᠺᠧᠷᠣᠪ ᠬᠥᠯᠭᠡᠯᠡᠨ ᠨᠢᠰᠪᠡ ᠲᠡᠷᠡ ᠰᠠᠯᠬᠢᠨ ᠤ ᠵᠢᠭᠦᠷ ᠳᠡᠭᠡᠷᠡ ᠡᠯᠢᠨ ᠬᠠᠯᠢᠪᠠ᠃
11 ᠲᠡᠷᠡ ᠬᠠᠷᠠᠩ᠋ᠭᠤᠢ ᠶᠢ ᠥᠪᠡᠷ ᠦᠨ ᠢᠶᠠᠨ ᠪᠦᠲᠡᠭᠡᠯᠭᠡ᠂ ᠥᠪᠡᠷ ᠦᠨ ᠢᠶᠠᠨ ᠬᠥᠰᠢᠭᠡ ᠪᠣᠯᠭᠠᠵᠤ᠂ ᠤᠰᠤ ᠪᠠᠷ ᠬᠠᠷᠠᠩ᠋ᠭᠤᠢᠯᠠᠭᠰᠠᠨ ᠥᠳᠬᠡᠨ ᠡᠭᠦᠯᠡᠰ ᠢᠶᠡᠷ ᠥᠪᠡᠷ ᠢ ᠪᠠᠨ ᠬᠦᠷᠢᠶᠡᠯᠡᠪᠡ᠃
12 ᠣᠷᠣᠰᠢᠬᠤᠢ ᠶᠢᠨ ᠬᠢᠨᠢ ᠭᠢᠯᠪᠠᠭᠠᠨ ᠠᠴᠠ ᠥᠳᠬᠡᠨ ᠡᠭᠦᠯᠡᠰ ᠮᠥᠨᠳᠥᠷ ᠪᠣᠯᠣᠨ ᠭᠠᠯ ᠲᠠᠢ ᠨᠡᠭᠦᠷᠡᠰᠦ ᠥᠩᠭᠡᠷᠡᠨ ᠶᠠᠪᠤᠪᠠ᠃
13 ᠶᠣᠬᠣᠸᠠ ᠲᠩᠷᠢ ᠡᠴᠡ ᠬᠦᠩᠭᠢᠨᠡᠪᠡ ᠬᠠᠮᠤᠭ ᠤᠨ ᠳᠡᠭᠡᠳᠦ ᠨᠢᠭᠡᠨ ᠨᠢ ᠳᠠᠭᠤ ᠪᠠᠨ ᠭᠠᠷᠭᠠᠵᠤ ᠮᠥᠨᠳᠥᠷ ᠪᠣᠯᠣᠨ ᠭᠠᠯ ᠲᠠᠢ ᠨᠡᠭᠦᠷᠡᠰᠦ ᠶᠢ ᠪᠠᠭᠤᠯᠭᠠᠪᠠ᠂
14 ᠲᠡᠷᠡ ᠪᠡᠷ ᠰᠤᠮᠤ ᠪᠠᠨ ᠬᠠᠷᠪᠤᠵᠤ ᠳᠠᠢᠰᠤᠨ ᠨᠤᠭᠤᠳ ᠢᠶᠠᠨ ᠪᠤᠲᠠᠷᠠᠭᠠᠪᠠ ᠠᠶᠤᠩ᠋ᠭᠠ ᠴᠠᠬᠢᠯᠭᠠᠨ ᠢᠶᠠᠷ ᠲᠡᠳᠡᠨ ᠢ ᠪᠤᠲᠠ ᠨᠢᠷᠭᠡᠪᠡ᠃
15 ᠶᠣᠬᠣᠸᠠ ᠲᠠ ᠵᠢᠮᠡᠯᠡᠵᠦ᠂ ᠬᠠᠮᠠᠷ ᠤᠨ ᠠᠮᠢᠰᠬᠤᠯ ᠢᠶᠠᠨ ᠦᠯᠢᠶᠡᠬᠦ ᠳᠦ ᠲᠠᠩᠭᠢᠰ ᠤᠨ ᠢᠷᠤᠭᠠᠷ ᠦᠵᠡᠭᠳᠡᠵᠦ ᠶᠢᠷᠲᠢᠨᠴᠦ ᠶᠢᠨ ᠰᠠᠭᠤᠷᠢ ᠨᠤᠭᠤᠳ ᠢᠯᠡ ᠭᠠᠷᠪᠠ᠃
16 ᠲᠡᠷᠡ ᠪᠡᠷ ᠳᠡᠭᠡᠷᠡ ᠡᠴᠡ ᠮᠤᠲᠤᠷ ᠢᠶᠠᠨ ᠰᠤᠩ᠋ᠭᠠᠵᠤ ᠨᠠᠮᠠᠶᠢ ᠠᠪᠴᠤ ᠶᠡᠬᠡ ᠤᠰᠤᠨ ᠠᠴᠠ ᠲᠠᠲᠠᠨ ᠭᠠᠷᠭᠠᠨᠠ᠃
17 ᠨᠠᠮᠠᠶᠢ ᠬᠦᠴᠦᠲᠦ ᠳᠠᠢᠰᠤᠨ ᠠᠴᠠ ᠮᠢᠨᠢ ᠨᠠᠳᠠ ᠠᠴᠠ ᠬᠦᠴᠦᠷᠬᠡᠭ ᠥᠰᠲᠡᠨ ᠨᠦᠭᠦᠳ ᠡᠴᠡ ᠮᠢᠨᠢ ᠠᠪᠤᠷᠠᠭᠰᠠᠨ
18 ᠶᠠᠳᠠᠷᠠᠭᠰᠠᠨ ᠡᠳᠦᠷ ᠤᠳ ᠲᠤ ᠮᠢᠨᠢ ᠲᠡᠳᠡ ᠨᠠᠳᠠ ᠤᠷᠤᠭᠤ ᠳᠠᠭᠠᠷᠢᠭᠰᠠᠨ ᠪᠣᠯᠪᠠᠴᠤ ᠶᠣᠬᠣᠸᠠ ᠮᠢᠨᠦ ᠲᠦᠰᠢᠭ ᠪᠠᠢᠪᠠ᠃
19 ᠲᠡᠷᠡ ᠪᠡᠷ ᠠᠭᠤᠵᠢᠮ ᠭᠠᠵᠠᠷ ᠤᠷᠤᠭᠤ ᠨᠠᠮᠠᠶᠢ ᠠᠪᠴᠢᠷᠠᠵᠤ ᠲᠠᠭᠠᠯᠠᠭᠰᠠᠨ ᠤᠴᠢᠷ ᠠᠴᠠ ᠨᠠᠮᠠᠶᠢ ᠠᠪᠤᠷᠠᠪᠠ᠃
20 ᠵᠥᠪᠲᠦ ᠪᠠᠢᠳᠠᠯ ᠤᠨ ᠮᠢᠨᠢ ᠳᠠᠭᠠᠤ ᠶᠣᠬᠣᠸᠠ ᠨᠠᠮᠠᠶᠢ ᠱᠠᠩᠨᠠᠵᠤ ᠴᠡᠪᠡᠷ ᠭᠠᠷ ᠤᠨ ᠮᠢᠨᠢ ᠳᠠᠭᠠᠤ ᠨᠠᠳᠠ ᠳᠤ ᠬᠠᠷᠢᠭᠤᠯᠤᠨᠠ᠃
21 ᠤᠴᠢᠷ ᠨᠢ ᠪᠢ ᠶᠣᠬᠣᠸᠠ ᠶᠢᠨ ᠵᠠᠮ ᠢᠶᠠᠷ ᠯᠠ ᠶᠠᠪᠤᠪᠠ ᠪᠤᠷᠤᠭᠤ ᠶᠢ ᠬᠢᠬᠦ ᠪᠡᠷ ᠪᠤᠷᠬᠠᠨ ᠠᠴᠠ ᠪᠠᠨ ᠭᠠᠵᠢᠭᠠ ᠦᠭᠡᠢ᠃
22 ᠲᠡᠭᠦᠨ ᠦ ᠪᠦᠬᠦ ᠵᠢᠷᠤᠮ ᠮᠢᠨᠦ ᠡᠮᠦᠨᠡ ᠪᠠᠢᠨᠠ ᠲᠡᠭᠦᠨ ᠦ ᠲᠣᠭᠲᠠᠭᠠᠯ ᠢ ᠪᠢ ᠥᠪᠡᠷ ᠡᠴᠡ ᠪᠡᠨ ᠵᠠᠢᠯᠠᠭᠤᠯᠬᠤ ᠦᠭᠡᠢ᠃
23 ᠪᠢ ᠲᠡᠭᠦᠨ ᠦ ᠡᠮᠦᠨᠡ ᠪᠤᠷᠤᠭᠤ ᠦᠭᠡᠢ ᠪᠠᠢᠭᠰᠠᠭᠠᠷ ᠪᠡᠶᠡ ᠪᠡᠨ ᠨᠢᠭᠦᠯ ᠡᠴᠡ ᠬᠠᠮᠠᠭᠠᠯᠠᠭᠰᠠᠨ᠃
24 ᠶᠣᠬᠣᠸᠠ ᠥᠪᠡᠷ ᠦᠨ ᠬᠢᠨᠢ ᠮᠡᠯᠮᠡᠢ ᠶᠢᠨ ᠡᠮᠦᠨᠡ ᠵᠥᠪ ᠪᠠᠢᠭᠰᠠᠨ ᠤ ᠮᠢᠨᠢ ᠳᠠᠭᠠᠤ ᠭᠠᠷ ᠤᠨ ᠮᠢᠨᠢ ᠴᠡᠪᠡᠷ ᠪᠠᠢᠭᠰᠠᠨ ᠤ ᠳᠠᠭᠠᠤ ᠨᠠᠳᠠ ᠳᠤ ᠬᠠᠷᠢᠭᠤᠯᠤᠭᠰᠠᠨ᠃
25 ᠲᠠ ᠦᠨᠡᠨᠴᠢ ᠬᠥᠮᠦᠨ ᠳᠦ ᠦᠨᠡᠨᠴᠢ ᠬᠠᠢᠷᠠ ᠪᠠᠨ ᠥ ᠦᠭᠡᠢ ᠬᠥᠮᠦᠨ ᠳᠦ ᠥ ᠦᠭᠡᠢ ᠪᠡᠨ ᠬᠠᠷᠠᠭᠤᠯᠤᠨᠠ᠃
26 ᠴᠡᠪᠡᠷ ᠬᠥᠮᠦᠨ ᠳᠦ ᠴᠡᠪᠡᠷ ᠪᠠᠢᠵᠤ ᠭᠤᠢᠪᠢᠭᠤᠯᠤᠭᠴᠢ ᠬᠥᠮᠦᠨ ᠡᠴᠡ ᠬᠠᠵᠠᠢᠨᠠ᠃
27 ᠲᠡᠢᠨ ᠬᠦ ᠲᠠ ᠳᠣᠷᠣᠢ ᠠᠷᠠᠳ ᠢ ᠠᠪᠤᠷᠠᠵᠤ ᠳᠡᠭᠡᠷᠡᠯᠬᠡᠦ ᠬᠠᠷᠠᠴᠠ ᠶᠢ ᠳᠣᠷᠣᠭᠰᠢᠯᠠᠭᠤᠯᠤᠨᠠ᠃
28 ᠶᠣᠬᠣᠸᠠ ᠲᠠ ᠯᠠ ᠳ᠋ᠧᠩ ᠢ ᠮᠢᠨᠢ ᠭᠡᠷᠡᠯᠲᠦᠭᠦᠯᠦᠨᠡ ᠮᠢᠨᠦ ᠪᠤᠷᠬᠠᠨ ᠬᠠᠷᠠᠩ᠋ᠭᠤᠢ ᠶᠢ ᠮᠢᠨᠢ ᠭᠡᠭᠡᠷᠡᠭᠦᠯᠦᠨᠡ᠃
29 ᠲᠠᠨ ᠤ ᠬᠦᠴᠦ ᠪᠡᠷ ᠪᠢ ᠴᠡᠷᠢᠭ ᠤᠨ ᠡᠰᠡᠷᠭᠦ ᠭᠦᠶᠦᠵᠦ ᠪᠤᠷᠬᠠᠨ ᠤ ᠪᠠᠨ ᠬᠦᠴᠦ ᠪᠡᠷ ᠬᠡᠷᠡᠮ ᠳᠠᠪᠠᠵᠤ ᠴᠢᠳᠠᠨᠠ᠃
30 ᠪᠤᠷᠬᠠᠨ ᠤ ᠵᠠᠮ ᠲᠡᠭᠦᠰ ᠶᠣᠬᠣᠸᠠ ᠶᠢᠨ ᠦᠭᠡ ᠦᠨᠡᠨ ᠭᠡᠳᠡᠭ ᠨᠢ ᠪᠠᠲᠤᠯᠠᠭᠳᠠᠭᠰᠠᠨ᠂ ᠥᠪᠡᠷ ᠦᠨ ᠬᠢᠨᠢ ᠳᠣᠲᠣᠷᠠ ᠬᠣᠷᠭᠣᠳᠠᠳᠠᠭ ᠪᠦᠬᠦᠨ ᠳᠦ ᠲᠡᠷᠡ ᠪᠠᠮᠪᠠᠢ ᠶᠤᠮ᠃
31 ᠶᠣᠬᠣᠸᠠ ᠠᠴᠠ ᠥᠭᠡᠷᠡ ᠬᠡᠨ ᠨᠢ ᠪᠤᠷᠬᠠᠨ ᠪᠤᠢ︖ ᠪᠢᠳᠡᠨ ᠦ ᠪᠤᠷᠬᠠᠨ ᠠᠴᠠ ᠥᠭᠡᠷᠡ ᠬᠡᠨ ᠨᠢ ᠬᠠᠳᠠ ᠶᠤᠮ ᠪᠤᠢ︖
32 ᠡᠨᠡ ᠪᠤᠷᠬᠠᠨ ᠯᠠ ᠨᠠᠮᠠᠶᠢ ᠬᠦᠴᠦ ᠴᠢᠳᠠᠯ ᠢᠶᠠᠷ ᠵᠡᠪᠰᠡᠭᠯᠡᠵᠦ ᠵᠠᠮ ᠢ ᠮᠢᠨᠢ ᠲᠡᠭᠦᠰ ᠪᠣᠯᠭᠠᠳᠠᠭ᠂
33 ᠬᠥᠯ ᠢ ᠮᠢᠨᠢ ᠰᠣᠭᠣ ᠶᠢᠨ ᠬᠢ ᠰᠢᠭ᠋ ᠪᠣᠯᠭᠠᠵᠤ ᠮᠢᠨᠦ ᠥᠨᠳᠥᠷᠯᠢᠭ ᠤᠳ ᠳᠡᠭᠡᠷᠡ ᠨᠠᠮᠠᠶᠢ ᠲᠠᠯᠪᠢᠳᠠᠭ᠃
34 ᠲᠡᠷᠡ ᠭᠠᠷ ᠢ ᠮᠢᠨᠢ ᠲᠤᠯᠤᠯᠳᠤᠭᠠᠨ ᠳᠤ ᠳᠠᠰᠬᠠᠵᠤ ᠪᠠᠢᠨᠠ ᠱᠤᠤ ᠮᠢᠨᠢ ᠬᠦᠷᠡᠯ ᠨᠤᠮᠤ ᠶᠢ ᠲᠠᠬᠢᠢᠯᠭᠠᠵᠤ ᠴᠢᠳᠠᠨᠠ᠃
35 ᠲᠠ ᠠᠪᠤᠷᠠᠯ ᠤᠨ ᠢᠶᠠᠨ 5 ᠪᠠᠮᠪᠠᠢ ᠶᠢ ᠨᠠᠳᠠ ᠳᠤ ᠰᠣᠶᠣᠷᠬᠠᠭᠰᠠᠨ ᠪᠥᠭᠡᠳ ᠨᠠᠮᠠᠶᠢ ᠪᠠᠷᠠᠭᠤᠨ ᠮᠤᠲᠤᠷ ᠢᠶᠠᠷ ᠢᠶᠠᠨ ᠲᠦᠰᠢᠨᠡ ᠥᠪᠡᠷ ᠦᠨ ᠲᠠᠨᠢ ᠳᠥᠯᠭᠡᠨ ᠪᠠᠢᠳᠠᠯ ᠨᠠᠮᠠᠶᠢ ᠠᠭᠤᠤ ᠪᠣᠯᠭᠠᠨᠠ᠃
36 ᠲᠠ ᠬᠥᠯ ᠦᠨ ᠳᠣᠣᠷᠠᠬᠢ ᠵᠠᠮ ᠢ ᠮᠢᠨᠢ ᠥᠷᠭᠡᠰᠭᠡᠵᠦ ᠪᠠᠢᠨᠠ ᠬᠥᠯ ᠮᠢᠨᠢ ᠬᠠᠯᠲᠤᠷᠢᠭᠠ ᠦᠭᠡᠢ᠃
37 ᠪᠢ ᠳᠠᠢᠰᠤᠨ ᠨᠤᠭᠤᠳ ᠢᠶᠠᠨ ᠨᠡᠬᠡᠨ ᠬᠥᠭᠡᠭᠡᠵᠦ᠂ ᠭᠦᠢᠴᠡᠭᠰᠡᠨ ᠲᠡᠳᠡᠨ ᠢ ᠰᠥᠨᠥᠭᠡᠬᠦ ᠡᠴᠡ ᠨᠠᠰᠢ ᠡᠷᠭᠢᠭᠰᠡᠨ ᠦᠭᠡᠢ᠃
38 ᠪᠢ ᠲᠡᠳᠡᠨ ᠢ ᠪᠤᠲᠠ ᠴᠣᠬᠢᠭᠰᠠᠨ ᠳᠤ᠂ ᠲᠡᠳᠡ ᠪᠣᠰᠴᠤ ᠴᠢᠳᠠᠭᠰᠠᠨ ᠦᠭᠡᠢ ᠬᠥᠯ ᠳᠣᠣᠷᠠ ᠮᠢᠨᠢ ᠤᠨᠠᠭᠰᠠᠨ ᠪᠠᠢᠪᠠ᠃
39 ᠲᠠ ᠨᠠᠮᠠᠶᠢ ᠲᠤᠯᠤᠯᠳᠤᠭᠠᠨ ᠳᠤ ᠬᠦᠴᠦ ᠴᠢᠳᠠᠯ ᠢᠶᠠᠷ ᠵᠡᠪᠰᠡᠭᠯᠡᠵᠦ ᠮᠢᠨᠦ ᠡᠰᠡᠷᠭᠦ ᠪᠣᠰᠣᠭᠴᠢᠳ ᠢ ᠮᠢᠨᠦ ᠳᠣᠣᠷᠠ ᠪᠥᠬᠥᠢᠯᠭᠡᠪᠡ᠃
40 ᠲᠠ ᠳᠠᠢᠰᠤᠨ ᠨᠤᠭᠤᠳ ᠤᠨ ᠮᠢᠨᠢ ᠨᠢᠷᠤᠭᠤ ᠶᠢ ᠬᠠᠷᠠᠭᠤᠯᠤᠭᠰᠠᠨ ᠪᠢ ᠥᠰᠲᠡᠨ ᠨᠦᠭᠦᠳ ᠢᠶᠡᠨ ᠤᠰᠠᠳᠬᠠᠯᠠ᠃
41 ᠲᠡᠳᠡ ᠬᠠᠰᠬᠢᠷᠤᠭᠰᠠᠨ ᠪᠣᠯᠪᠠᠴᠤ ᠠᠪᠤᠷᠠᠭᠴᠢ ᠠᠯᠠᠭᠠ ᠶᠣᠬᠣᠸᠠ ᠤᠷᠤᠭᠤ ᠬᠠᠰᠬᠢᠷᠤᠭᠰᠠᠨ ᠴᠤ ᠲᠡᠷᠡ ᠬᠠᠷᠢᠭᠤᠯᠤᠭᠠ ᠦᠭᠡᠢ᠃
42 ᠪᠢ ᠲᠡᠳᠡᠨ ᠢ ᠰᠠᠯᠬᠢᠨ ᠳᠤ ᠬᠡᠶᠢᠰᠬᠦ ᠲᠣᠭᠣᠰᠣ ᠰᠢᠭ᠋ ᠪᠤᠲᠠᠷᠠᠭᠠᠵᠤ ᠭᠤᠳᠤᠮᠵᠢᠨ ᠤ ᠰᠢᠪᠠᠷ ᠰᠢᠭ᠋ ᠬᠠᠶᠠᠨᠠ᠃
43 ᠲᠠ ᠨᠠᠮᠠᠶᠢ ᠠᠷᠠᠳ ᠲᠦᠮᠡᠨ ᠦ ᠬᠡᠷᠡᠭᠦᠯ ᠡᠴᠡ ᠭᠡᠲᠦᠯᠭᠡᠵᠦ ᠦᠨᠳᠦᠰᠦᠲᠡᠨ ᠨᠦᠭᠦᠳ ᠦᠨ ᠲᠡᠷᠢᠭᠦᠨ ᠪᠣᠯᠭᠠᠨᠠ ᠮᠢᠨᠦ ᠮᠡᠳᠡᠳᠡᠭ ᠦᠭᠡᠢ ᠠᠷᠠᠳ ᠲᠦᠮᠡᠨ ᠨᠠᠳᠠ ᠳᠤ ᠦᠢᠯᠡᠴᠢᠯᠡᠨᠡ
44 ᠮᠢᠨᠦᠬᠢ ᠶᠢ ᠰᠣᠨᠣᠰᠣᠩ᠋ᠭᠤᠲᠠ ᠳᠠᠭᠠᠨᠠ ᠬᠠᠷᠢᠴᠤᠳ ᠨᠠᠳᠠ ᠳᠤ ᠪᠥᠬᠥᠢᠨᠡ
45 ᠬᠠᠷᠢᠴᠤᠳ ᠵᠣᠷᠢᠭ ᠠᠯᠳᠠᠨ ᠰᠢᠯᠲᠦᠭᠡᠨ ᠡᠴᠡ ᠪᠡᠨ ᠴᠡᠴᠡᠷᠡᠨ ᠭᠠᠷᠤᠨᠠ᠃
46 ᠶᠣᠬᠣᠸᠠ ᠠᠮᠢᠳᠤ︕ ᠮᠠᠭᠲᠠᠭᠳᠠᠬᠤ ᠪᠣᠯᠲᠤᠭᠠᠢ᠂ ᠬᠠᠳᠠ ᠮᠢᠨᠢ︕ ᠡᠷᠭᠦᠮᠵᠢᠯᠡᠭᠳᠡᠬᠦ ᠪᠣᠯᠲᠤᠭᠠᠢ᠂ ᠮᠢᠨᠦ ᠠᠪᠤᠷᠠᠭᠴᠢ ᠪᠤᠷᠬᠠᠨ᠂
47 ᠮᠢᠨᠦ ᠲᠥᠯᠥᠭᠡ ᠥᠰᠢᠶᠡ ᠠᠪᠴᠤ ᠮᠢᠨᠦ ᠳᠣᠣᠷᠠ ᠦᠨᠳᠦᠰᠦᠲᠡᠨ ᠨᠦᠭᠦᠳ ᠢ ᠪᠥᠬᠥᠢᠯᠭᠡᠨ
48 ᠨᠠᠮᠠᠶᠢ ᠳᠠᠢᠰᠤᠨ ᠨᠤᠭᠤᠳ ᠠᠴᠠ ᠮᠢᠨᠢ ᠴᠢᠯᠥᠭᠡᠯᠡᠭᠴᠢ ᠪᠤᠷᠬᠠᠨ︕ ᠲᠠ ᠨᠠᠮᠠᠶᠢ ᠡᠰᠡᠷᠭᠦᠴᠡᠭᠴᠢᠳ ᠤᠨ ᠮᠢᠨᠢ ᠳᠡᠭᠡᠷᠡ ᠡᠷᠭᠦᠮᠵᠢᠯᠡᠵᠦ ᠬᠠᠷᠭᠢᠰ ᠬᠥᠮᠦᠨ ᠡᠴᠡ ᠭᠡᠲᠦᠯᠭᠡᠨᠡ᠂
49 ᠲᠡᠢᠮᠦ ᠡᠴᠡ ᠦᠨᠳᠦᠰᠦᠲᠡᠨ ᠨᠦᠭᠦᠳ ᠦᠨ ᠳᠤᠮᠳᠠ ᠪᠢ ᠶᠣᠬᠣᠸᠠ ᠲᠠᠨ ᠳᠤ ᠲᠠᠯᠠᠷᠬᠠᠨ ᠲᠠᠨ ᠤ ᠨᠡᠷᠡ ᠳᠦ ᠮᠠᠭᠲᠠᠭᠠᠯ ᠡᠷᠭᠦᠨᠡ᠃
50 ᠦᠯᠡᠮᠵᠢ ᠢᠯᠠᠯᠲᠠ ᠶᠢ ᠬᠠᠭᠠᠨ ᠳᠠᠭᠠᠨ ᠰᠣᠶᠣᠷᠬᠠᠭᠴᠢ ᠥᠪᠡᠷ ᠦᠨ ᠲᠣᠰᠣᠯᠠᠭᠰᠠᠨ ᠨᠢᠭᠡᠨ ᠪᠣᠯᠬᠤ ᠳ᠋ᠠᠸᠢᠳ᠋ ᠪᠣᠯᠣᠨ ᠲᠡᠭᠦᠨ ᠦ ᠦᠷᠡ ᠤᠳᠤᠮ ᠢ ᠡᠭᠦᠷᠢᠳᠡ ᠬᠠᠢᠷᠠᠯᠠᠨ ᠡᠨᠡᠷᠢᠭ᠍ᠴᠢ ᠨᠢ ᠲᠡᠷᠡ ᠪᠢᠯᠡ᠃