ᠳᠠᠭᠤᠯᠠᠯ ᠨᠠᠶᠠᠨ ᠵᠢᠷᠭᠤᠭᠠ
ᠭᠠᠰᠠᠯᠠᠩᠲᠤ ᠴᠠᠭ ᠤᠨ ᠭᠤᠶᠤᠯᠲᠠ
ᠳ᠋ᠠᠸᠢᠳ᠋ ᠤᠨ ᠳᠠᠭᠠᠳᠬᠠᠯ᠃
1 ᠶᠣᠬᠣᠸᠠ ᠰᠣᠨᠣᠰᠣᠭᠠᠳ ᠨᠠᠳᠠ ᠳᠤ ᠬᠠᠷᠢᠭᠤᠯᠤᠭᠠᠴᠢ ᠪᠢ ᠵᠣᠪᠠᠵᠤ᠂ ᠭᠠᠴᠢᠭᠳᠠᠵᠤ ᠪᠠᠢᠨᠠ᠃
2 ᠪᠢ ᠲᠠᠨ ᠳᠤ ᠦᠨᠡᠨᠴᠢ ᠨᠢᠭᠡᠨ ᠪᠢᠯᠡ ᠠᠮᠢ ᠶᠢ ᠮᠢᠨᠢ ᠬᠠᠮᠠᠭᠠᠯᠠᠭᠠᠴᠢ ᠮᠢᠨᠦ ᠪᠤᠷᠬᠠᠨ ᠲᠠ ᠥᠪᠡᠷ ᠲᠦ ᠲᠠᠨᠢ ᠢᠲᠡᠭᠡᠳᠡᠭ ᠵᠠᠷᠤᠴᠠ ᠪᠠᠨ ᠠᠪᠤᠷᠠᠭᠠᠴᠢ᠃
3 ᠡᠵᠡᠨ᠂ ᠨᠠᠮᠠᠶᠢ ᠡᠨᠡᠷᠢᠭᠡᠴᠢ ᠡᠳᠦᠷᠵᠢᠨ ᠪᠢ ᠲᠠᠨ ᠤᠷᠤᠭᠤ ᠬᠠᠰᠬᠢᠷᠴᠤ ᠪᠠᠢᠨᠠ᠂
4 ᠵᠠᠷᠤᠴᠠ ᠶᠢᠨ ᠢᠶᠠᠨ ᠰᠡᠳᠬᠢᠯ ᠢ ᠪᠠᠶᠠᠰᠬᠠᠭᠠᠴᠢ ᠪᠢ ᠰᠡᠳᠬᠢᠯ ᠢᠶᠠᠨ ᠡᠵᠡᠨ ᠲᠠᠨ ᠤᠷᠤᠭᠤ ᠡᠷᠭᠦᠵᠦ ᠪᠠᠢᠨᠠ᠃
5 ᠡᠵᠡᠨ ᠲᠠ ᠪᠣᠯ ᠰᠠᠢᠨ᠂ ᠠᠭᠤᠴᠢᠯᠠᠬᠤ ᠳᠤ ᠪᠡᠯᠡᠬᠡᠨ ᠥᠪᠡᠷ ᠢ ᠲᠠᠨᠢ ᠳᠠᠭᠤᠳᠠᠭᠴᠢ ᠪᠦᠭᠦᠳᠡ ᠳᠦ ᠬᠠᠢᠷᠠ ᠡᠨᠡᠷᠢᠯ ᠢᠶᠠᠷ ᠪᠢᠯᠬᠠᠮᠠ᠃
6 ᠶᠣᠬᠣᠸᠠ᠂ ᠳᠠᠭᠠᠳᠬᠠᠯ ᠢ ᠮᠢᠨᠢ ᠴᠢᠩᠨᠠᠭᠠᠴᠢ ᠭᠤᠶᠤᠯᠲᠠ ᠶᠢᠨ ᠳᠠᠭᠤ ᠳᠤ ᠮᠢᠨᠢ ᠠᠩ᠋ᠬᠠᠷᠤᠯ ᠲᠠᠯᠪᠢᠭᠠᠴᠢ︕
7 ᠵᠣᠪᠠᠯᠠᠩ ᠤᠨ ᠢᠶᠠᠨ ᠡᠳᠦᠷ ᠪᠢ ᠲᠠᠨ ᠢ ᠳᠠᠭᠤᠳᠠᠵᠤ ᠪᠠᠢᠨᠠ ᠲᠠ ᠨᠠᠳᠠ ᠳᠤ ᠬᠠᠷᠢᠭᠤᠯᠬᠤ ᠪᠣᠯᠣᠨᠠ᠃
8 ᠡᠵᠡᠨ᠂ ᠪᠤᠷᠬᠠᠳ ᠤᠨ ᠳᠤᠮᠳᠠ ᠲᠠᠨ ᠰᠢᠭ᠋ ᠨᠢ ᠦᠭᠡᠢ ᠲᠠᠨ ᠤ ᠬᠢ ᠰᠢᠭ᠋ ᠦᠢᠯᠡᠰ ᠴᠤ ᠪᠠᠢᠬᠤ ᠦᠭᠡᠢ᠃
9 ᠡᠵᠡᠨ᠂ ᠲᠠᠨ ᠤ ᠪᠦᠲᠦᠭᠡᠭᠰᠡᠨ ᠬᠠᠮᠤᠭ ᠦᠨᠳᠦᠰᠦᠲᠡᠨ ᠢᠷᠡᠵᠦ ᠲᠠᠨ ᠤ ᠡᠮᠦᠨᠡ ᠮᠥᠷᠭᠥᠵᠦ ᠲᠠᠨ ᠤ ᠨᠡᠷᠡ ᠶᠢ ᠠᠯᠳᠠᠷᠰᠢᠭᠤᠯᠤᠨᠠ᠃
10 ᠤᠴᠢᠷ ᠨᠢ ᠲᠠ ᠠᠤᠭᠠ ᠪᠥᠭᠡᠳ ᠭᠠᠢᠬᠠᠮᠰᠢᠭ ᠢ ᠦᠢᠯᠡᠳᠦᠭᠴᠢ ᠭᠠᠭᠴᠠᠬᠠᠨ ᠲᠠ ᠯᠠ ᠪᠤᠷᠬᠠᠨ ᠶᠤᠮ᠃
11 ᠶᠣᠬᠣᠸᠠ᠂ ᠥᠪᠡᠷ ᠦᠨ ᠢᠶᠠᠨ ᠵᠠᠮ ᠢ ᠨᠠᠳᠠ ᠳᠤ ᠰᠤᠷᠭᠠᠭᠠᠴᠢ ᠪᠢ ᠲᠠᠨ ᠤ ᠦᠨᠡᠨ ᠢᠶᠡᠷ ᠠᠯᠬᠤᠨᠠ ᠲᠠᠨ ᠤ ᠨᠡᠷᠡ ᠡᠴᠡ ᠡᠮᠢᠶᠡᠬᠦ ᠭᠠᠭᠴᠠ ᠵᠢᠷᠦᠬᠡ ᠶᠢ ᠰᠣᠶᠣᠷᠬᠠᠭᠠᠴᠢ᠃
12 ᠮᠢᠨᠦ ᠡᠵᠡᠨ ᠪᠤᠷᠬᠠᠨ᠂ ᠪᠢ ᠪᠦᠬᠦ ᠵᠢᠷᠦᠬᠡ ᠪᠡᠷ ᠢᠶᠠᠨ ᠲᠠᠨ ᠳᠤ ᠲᠠᠯᠠᠷᠬᠠᠵᠤ ᠲᠠᠨ ᠤ ᠨᠡᠷᠡ ᠶᠢ ᠮᠥᠩᠬᠡᠳᠡ ᠠᠯᠳᠠᠷᠰᠢᠭᠤᠯᠵᠤ᠄
13 《ᠨᠠᠳᠠ ᠳᠤ ᠬᠠᠨᠳᠤᠭᠰᠠᠨ ᠲᠠᠨ ᠤ ᠬᠠᠢᠷᠠ ᠠᠭᠤᠤ᠂ ᠲᠠ ᠠᠮᠢ ᠶᠢ ᠮᠢᠨᠢ ᠦᠬᠦᠭᠰᠡᠳ ᠦᠨ ᠣᠷᠣᠨ ᠤ ᠭᠦᠨ ᠡᠴᠡ ᠠᠪᠤᠷᠠᠭᠰᠠᠨ》 ᠭᠡᠬᠦ ᠪᠣᠯᠣᠨᠠ᠃
14 ᠪᠤᠷᠬᠠᠨ᠂ ᠪᠠᠷᠳᠠᠮᠨᠠᠭᠴᠢᠳ ᠮᠢᠨᠦ ᠡᠰᠡᠷᠭᠦ ᠪᠣᠰᠴᠠᠭᠠᠯᠠ ᠪᠠᠯᠠᠮᠠᠳ ᠬᠥᠮᠦᠰ ᠦᠨ ᠪᠦᠯᠦᠭ ᠠᠮᠢ ᠶᠢ ᠮᠢᠨᠢ ᠬᠠᠢᠵᠤ ᠪᠠᠢᠨᠠ ᠲᠡᠳᠡ ᠲᠠᠨ ᠢ ᠥᠪᠡᠷᠰᠡᠳ ᠦᠨ ᠢᠶᠠᠨ ᠡᠮᠦᠨᠡ ᠵᠠᠯᠠᠳᠠᠭ ᠦᠭᠡᠢ᠃
15 ᠡᠵᠡᠨ ᠲᠠ ᠪᠣᠯ ᠥᠷᠥᠰᠢᠶᠡᠯ ᠲᠡᠢ᠂ ᠨᠢᠭᠦᠯᠡᠰᠦᠯ ᠲᠡᠢ ᠪᠤᠷᠬᠠᠨ᠂ ᠠᠭᠤᠷᠯᠠᠬᠤ ᠳᠠᠭᠠᠨ ᠤᠳᠠᠭᠠᠨ᠂ ᠬᠠᠢᠷᠠ ᠪᠠ ᠦᠨᠡᠨ ᠢᠶᠡᠷ ᠳᠦᠭᠦᠷᠡᠩ ᠶᠤᠮ᠃
16 ᠨᠠᠳᠠ ᠤᠷᠤᠭᠤ ᠡᠷᠭᠢᠵᠦ᠂ ᠨᠠᠮᠠᠶᠢ ᠨᠢᠭᠦᠯᠡᠰᠦᠭᠡᠴᠢ᠂ ᠵᠠᠷᠤᠴᠠ ᠳᠠᠭᠠᠨ ᠥᠪᠡᠷ ᠦᠨ ᠢᠶᠠᠨ ᠬᠦᠴᠦ ᠶᠢ ᠥᠭᠴᠦ ᠰᠢᠪᠡᠭᠴᠢᠨ ᠤ ᠪᠠᠨ ᠬᠦᠦ ᠶᠢ ᠠᠪᠤᠷᠠᠭᠠᠴᠢ᠃
17 ᠶᠣᠬᠣᠸᠠ ᠲᠠ ᠯᠠ ᠨᠠᠳᠠ ᠳᠤ ᠲᠤᠰᠠᠯᠠᠨ᠂ ᠨᠠᠮᠠᠶᠢ ᠲᠠᠢᠪᠤᠰᠢᠷᠠᠭᠤᠯᠳᠠᠭ᠂ ᠨᠠᠳᠠ ᠳᠤ ᠰᠠᠢᠨ ᠤ ᠪᠠᠨ ᠲᠡᠮᠳᠡᠭ ᠢ ᠦᠵᠡᠭᠦᠯᠦᠭᠡᠴᠢ᠂ ᠨᠠᠮᠠᠶᠢ ᠦᠵᠡᠨ ᠶᠠᠳᠠᠭᠴᠢᠳ ᠬᠠᠷᠠᠭᠠᠳ ᠢᠴᠢᠭ᠃