ᠳᠠᠭᠤᠯᠠᠯ ᠬᠣᠷᠢᠨ ᠳᠥᠷᠪᠡ
ᠠᠷᠢᠭᠤᠨ ᠣᠷᠣᠰᠢᠬᠤᠢ ᠳᠤ ᠣᠷᠣᠬᠤ
ᠳ᠋ᠠᠸᠢᠳ᠋ ᠤᠨ ᠳᠠᠭᠤᠯᠠᠯ᠃
1 ᠭᠠᠵᠠᠷ ᠪᠣᠯᠣᠨ ᠲᠡᠭᠦᠨ ᠢ ᠳᠦᠭᠦᠷᠭᠡᠳᠡᠭ ᠪᠦᠬᠦᠨ ᠳᠡᠯᠡᠬᠡᠢ ᠬᠢᠭᠡᠳ ᠲᠡᠭᠦᠨ ᠳᠡᠭᠡᠷᠡ ᠰᠠᠭᠤᠭᠴᠢᠳ ᠪᠦᠭᠦᠳᠡ ᠶᠣᠬᠣᠸᠠ ᠶᠢᠨ ᠬᠢ᠂
2 ᠭᠠᠵᠠᠷ ᠤᠨ ᠰᠠᠭᠤᠷᠢ ᠶᠢ ᠳᠠᠯᠠᠢ ᠳᠡᠭᠡᠷᠡ ᠲᠠᠯᠪᠢᠵᠤ ᠳᠡᠯᠡᠬᠡᠢ ᠶᠢ ᠤᠷᠤᠰᠬᠠᠯ ᠳᠡᠭᠡᠷᠡ ᠪᠠᠢᠭᠤᠯᠤᠭᠰᠠᠨ ᠨᠢ ᠲᠡᠷᠡ
3 ᠶᠣᠬᠣᠸᠠ ᠶᠢᠨ ᠠᠭᠤᠯᠠ ᠥᠭᠡᠳᠡ ᠬᠡᠨ ᠭᠠᠷᠴᠤ ᠪᠣᠯᠬᠤ ᠪᠤᠢ︖ ᠠᠷᠢᠭᠤᠨ ᠭᠠᠵᠠᠷ ᠲᠤ ᠬᠡᠨ ᠵᠣᠭᠰᠣᠵᠤ ᠪᠣᠯᠬᠤ ᠪᠤᠢ︖
4 ᠴᠡᠪᠡᠷ ᠭᠠᠷ ᠲᠠᠢ᠂ ᠠᠷᠢᠭᠤᠨ ᠵᠢᠷᠦᠬᠡ ᠲᠠᠢ ᠬᠣᠭᠣᠰᠣᠨ ᠳᠤ ᠰᠡᠳᠬᠢᠯ ᠢᠶᠠᠨ ᠡᠷᠭᠦᠭᠡ ᠦᠭᠡᠢ ᠬᠤᠳᠠᠯ ᠲᠠᠩ᠋ᠭᠠᠷᠢᠭ ᠲᠠᠯᠪᠢᠳᠠᠭ ᠦᠭᠡᠢ ᠬᠥᠮᠦᠨ ᠠᠵᠢ᠃
5 ᠲᠡᠷᠡ ᠶᠣᠬᠣᠸᠠ ᠠᠴᠠ ᠢᠷᠥᠭᠡᠯ ᠢ ᠠᠪᠤᠷᠠᠯ ᠤᠨ ᠢᠶᠠᠨ ᠪᠤᠷᠬᠠᠨ ᠠᠴᠠ ᠵᠥᠪᠲᠥᠭᠡᠯ ᠢ ᠬᠦᠷᠲᠡᠨᠡ᠃
6 ᠲᠡᠷᠡ ᠪᠦᠯᠦᠭ ᠬᠥᠮᠦᠰ ᠪᠣᠯ ᠶᠣᠬᠣᠸᠠ ᠤᠷᠤᠭᠤ ᠬᠠᠨᠳᠤᠭᠴᠢᠳ ᠶᠠᠺᠣᠪ ᠤᠨ ᠪᠤᠷᠬᠠᠨ ᠤ ᠴᠢᠷᠠᠢ ᠶᠢ ᠬᠠᠢᠭᠴᠢᠳ ᠶᠤᠮ᠃
ᠰᠧᠯᠠ
7 ᠬᠠᠭᠠᠯᠭᠠ ᠨᠤᠭᠤᠳ ᠡ᠂ ᠲᠣᠯᠣᠭᠠᠢ ᠪᠠᠨ ᠡᠷᠭᠦ ᠥᠨᠢᠳᠡ ᠶᠢᠨ ᠬᠠᠭᠠᠯᠭᠠ ᠨᠤᠭᠤᠳ ᠡ᠂ ᠡᠷᠭᠦᠭᠳᠡᠭᠲᠦᠨ ᠰᠦᠷ ᠵᠢᠪᠬᠤᠯᠠᠩᠲᠤ ᠬᠠᠭᠠᠨ ᠣᠷᠣᠭ᠃
8 ᠵᠢᠪᠬᠤᠯᠠᠩᠲᠤ ᠡᠨᠡ ᠬᠠᠭᠠᠨ ᠬᠡᠨ ᠪᠤᠢ︖ ᠬᠦᠴᠦᠲᠡᠢ᠂ ᠴᠢᠳᠠᠯ ᠲᠠᠢ ᠶᠣᠬᠣᠸᠠ ᠲᠤᠯᠤᠯᠳᠤᠭᠠᠨ ᠳᠤ ᠴᠢᠳᠠᠯ ᠲᠠᠢ ᠶᠣᠬᠣᠸᠠ ᠪᠤᠢ ᠢᠠ᠃
9 ᠬᠠᠭᠠᠯᠭᠠ ᠨᠤᠭᠤᠳ ᠡ᠂ ᠲᠣᠯᠣᠭᠠᠢ ᠪᠠᠨ ᠡᠷᠭᠦ ᠥᠨᠢᠳᠡ ᠶᠢᠨ ᠬᠠᠭᠠᠯᠭᠠ ᠨᠤᠭᠤᠳ ᠡ᠂ ᠡᠷᠭᠦᠭᠲᠦᠨ ᠰᠦᠷ ᠵᠢᠪᠬᠤᠯᠠᠩᠲᠤ ᠬᠠᠭᠠᠨ ᠣᠷᠣᠭ᠃
10 ᠵᠢᠪᠬᠤᠯᠠᠩᠲᠤ ᠡᠨᠡ ᠬᠠᠭᠠᠨ ᠬᠡᠨ ᠪᠤᠢ︖ ᠠᠤᠭᠠ ᠬᠦᠴᠦᠲᠦ ᠶᠣᠬᠣᠸᠠ᠂ ᠲᠡᠷᠡ ᠪᠣᠯ ᠵᠢᠪᠬᠤᠯᠠᠩᠲᠤ ᠬᠠᠭᠠᠨ ᠪᠤᠢ ᠢᠠ᠃
ᠰᠧᠯᠠ