ᠳᠠᠭᠤᠯᠠᠯ ᠵᠠᠭᠤ ᠭᠤᠴᠢᠨ ᠲᠠᠪᠤ
ᠠᠮᠢᠳᠤ ᠪᠤᠷᠬᠠᠨ ᠳᠤ ᠮᠥᠷᠭᠥ
1 ᠶᠣᠬᠣᠸᠠ ᠶᠢ ᠮᠠᠭᠲᠠᠭᠲᠤᠨ︕ ᠶᠣᠬᠣᠸᠠ ᠶᠢᠨ ᠨᠡᠷᠡ ᠶᠢ ᠮᠠᠭᠲᠠᠭᠲᠤᠨ᠂ ᠶᠣᠬᠣᠸᠠ ᠶᠢᠨ ᠵᠠᠷᠤᠴᠠ ᠨᠠᠷ ᠡ᠃ ᠮᠠᠭᠲᠠᠭᠲᠤᠨ᠂
2 ᠶᠣᠬᠣᠸᠠ ᠶᠢᠨ ᠥᠷᠭᠥᠭᠡᠨ ᠳᠦ ᠪᠢᠳᠡᠨ ᠦ ᠪᠤᠷᠬᠠᠨ ᠤ ᠥᠷᠭᠥᠭᠡᠨ ᠦ ᠬᠦᠷᠢᠶᠡᠨ ᠳᠦ ᠵᠣᠭᠰᠣᠭᠴᠢᠳ ᠡ᠂
3 ᠶᠣᠬᠣᠸᠠ ᠰᠠᠢᠨ᠂ ᠶᠣᠬᠣᠸᠠ ᠶᠢ ᠮᠠᠭᠲᠠᠭᠲᠤᠨ᠂ ᠲᠡᠭᠦᠨ ᠦ ᠨᠡᠷᠡ ᠰᠠᠢᠬᠠᠨ᠂ ᠲᠡᠭᠦᠨ ᠳᠦ ᠮᠠᠭᠲᠠᠭᠠᠯ ᠡᠷᠭᠦ᠂
4 ᠤᠴᠢᠷ ᠨᠢ ᠶᠣᠬᠣᠸᠠ ᠶᠠᠺᠣᠪ ᠢ ᠥᠪᠡᠷ ᠦᠨ ᠬᠢ ᠪᠠᠨ ᠪᠣᠯᠭᠠᠨ ᠢᠰᠷᠧᠯ ᠢ ᠥᠪᠡᠷ ᠦᠨ ᠢᠶᠠᠨ ᠥᠮᠴᠢ ᠪᠣᠯᠭᠠᠨ ᠰᠣᠩ᠋ᠭᠣᠭᠰᠠᠨ᠂
5 ᠶᠣᠬᠣᠸᠠ ᠠᠭᠤᠤ ᠭᠡᠳᠡᠭ ᠢ ᠪᠢᠳᠡᠨ ᠦ ᠡᠵᠡᠨ ᠪᠦᠬᠦ ᠪᠤᠷᠬᠠᠳ ᠠᠴᠠ ᠠᠭᠤᠤ ᠭᠡᠳᠡᠭ ᠢ ᠪᠢ ᠮᠡᠳᠡᠨᠡ᠂
6 ᠶᠣᠬᠣᠸᠠ ᠲᠠᠭᠠᠯᠠᠳᠠᠭ ᠪᠦᠬᠦᠨ ᠢᠶᠡᠨ ᠲᠩᠷᠢ ᠬᠢᠭᠡᠳ ᠭᠠᠵᠠᠷ ᠲᠤ᠂ ᠳᠠᠯᠠᠢ ᠬᠢᠭᠡᠳ ᠭᠦᠨ ᠭᠠᠵᠠᠷ ᠪᠦᠬᠦᠨ ᠳᠦ ᠦᠢᠯᠡᠳᠳᠡᠭ᠂
7 ᠲᠡᠷᠡ ᠳᠡᠯᠡᠬᠡᠢ ᠶᠢᠨ ᠬᠢᠵᠠᠭᠠᠷ ᠠᠴᠠ ᠡᠭᠦᠯᠡ ᠶᠢ ᠬᠥᠭᠡᠷᠦᠭᠦᠯᠵᠦ ᠠᠶᠤᠩ᠋ᠭᠠ ᠴᠠᠬᠢᠯᠭᠠᠨ ᠢ ᠪᠣᠷᠣᠭᠠᠨ ᠲᠠᠢ ᠬᠠᠮᠲᠤ ᠪᠦᠲᠦᠭᠡᠨ ᠰᠠᠯᠬᠢ ᠶᠢ ᠬᠥᠮᠥᠷᠭᠡ ᠡᠴᠡ ᠪᠡᠨ ᠭᠠᠷᠭᠠᠵᠤ ᠪᠠᠢᠨᠠ᠂
8 ᠲᠡᠷᠡ ᠶᠧᠵᠢᠫᠲ ᠤᠨ ᠤᠤᠭᠠᠨ ᠨᠤᠭᠤᠳ ᠢ ᠬᠥᠮᠦᠨ ᠠᠮᠢᠲᠠᠨ ᠢᠯᠭᠠᠯ ᠦᠭᠡᠢ ᠴᠣᠬᠢᠭᠰᠠᠨ᠂
9 ᠶᠧᠵᠢᠫᠲ ᠡ᠂ ᠶᠣᠬᠣᠸᠠ ᠲᠡᠮᠳᠡᠭ ᠪᠠ ᠭᠠᠢᠬᠠᠮᠰᠢᠭ ᠤᠳ ᠢ ᠴᠢᠨᠦ ᠳᠣᠲᠣᠷᠠ ᠹᠠᠷᠠᠣ᠋ ᠪᠣᠯᠣᠨ ᠲᠡᠭᠦᠨ ᠦ ᠪᠦᠬᠦ ᠵᠠᠷᠤᠴᠠ ᠶᠢᠨ ᠳᠡᠭᠡᠷᠡ ᠶᠠᠪᠤᠭᠤᠯᠤᠭᠰᠠᠨ ᠶᠤᠮ᠂
10 ᠲᠡᠷᠡ ᠣᠯᠠᠨ ᠦᠨᠳᠦᠰᠦᠲᠡᠨ ᠢ ᠴᠣᠬᠢᠵᠤ ᠬᠦᠴᠦᠲᠦ ᠬᠠᠭᠠᠳ ᠢ᠂
11 ᠠᠮᠣᠷᠢᠴᠤᠳ ᠤᠨ ᠬᠠᠭᠠᠨ ᠰᠢᠬᠣᠨ ᠪᠠᠱᠠᠨ ᠤ ᠬᠠᠭᠠᠨ ᠣᠭ ᠪᠣᠯᠣᠨ ᠺᠠᠨᠠᠨ ᠤ ᠪᠦᠬᠦ ᠬᠠᠭᠠᠨᠴᠢᠯᠠᠯ ᠢ ᠰᠥᠨᠥᠭᠡᠨ᠂
12 ᠣᠷᠣᠨ ᠨᠤᠲᠤᠭ ᠢ ᠨᠢ ᠥᠪ ᠪᠣᠯᠭᠠᠨ ᠥᠪᠡᠷ ᠦᠨ ᠢᠶᠠᠨ ᠠᠷᠠᠳ ᠲᠦᠮᠡᠨ ᠢᠰᠷᠧᠯ ᠳᠤ ᠥᠪᠯᠡᠭᠦᠯᠦᠭᠰᠡᠨ᠂
13 ᠶᠣᠬᠣᠸᠠ᠂ ᠲᠠᠨ ᠤ ᠨᠡᠷᠡ ᠡᠭᠦᠷᠢᠳᠡ ᠶᠣᠬᠣᠸᠠ᠂ ᠲᠠᠨ ᠤ ᠠᠯᠳᠠᠷ ᠦᠶᠡ ᠶᠢᠨ ᠦᠶᠡ ᠳᠦ᠂
14 ᠶᠣᠬᠣᠸᠠ ᠠᠷᠠᠳ ᠲᠦᠮᠡᠨ ᠢᠶᠡᠨ ᠰᠢᠭᠦᠵᠦ ᠵᠠᠷᠤᠴᠠ ᠨᠠᠷ ᠢᠶᠠᠨ ᠥᠷᠥᠪᠳᠥᠨᠡ᠂
15 ᠦᠨᠳᠦᠰᠦᠲᠡᠨ ᠨᠦᠭᠦᠳ ᠦᠨ ᠰᠢᠲᠦᠭᠡᠨ ᠪᠣᠯ ᠠᠯᠲᠠ ᠮᠥᠩᠭᠥ ᠬᠥᠮᠦᠨ ᠦ ᠭᠠᠷ ᠤᠨ ᠪᠦᠲᠦᠭᠡᠯ
16 ᠠᠮᠠ ᠲᠠᠢ ᠪᠣᠯᠪᠠᠴᠤ ᠶᠠᠷᠢᠳᠠᠭ ᠦᠭᠡᠢ ᠨᠢᠳᠦ ᠲᠠᠢ ᠪᠣᠯᠪᠠᠴᠤ ᠬᠠᠷᠠᠳᠠᠭ ᠦᠭᠡᠢ
17 ᠴᠢᠬᠢ ᠲᠠᠢ ᠪᠣᠯᠪᠠᠴᠤ ᠰᠣᠨᠣᠰᠳᠠᠭ ᠦᠭᠡᠢ ᠠᠮᠠᠨ ᠳᠤᠨᠢ ᠠᠮᠢᠰᠬᠤᠯ ᠭᠡᠵᠦ ᠦᠭᠡᠢ᠂
18 ᠲᠡᠳᠡᠭᠡᠷ ᠢ ᠪᠦᠲᠦᠭᠡᠭᠴᠢᠳ ᠲᠡᠳᠡᠭᠡᠷ ᠲᠦ ᠢᠲᠡᠭᠡᠭᠴᠢᠳ ᠪᠦᠭᠦᠳᠡ ᠲᠡᠳᠡᠭᠡᠷ ᠲᠡᠢ ᠠᠳᠠᠯᠢ᠃
19 ᠢᠰᠷᠧᠯ ᠤᠨ ᠭᠡᠷ ᠡ᠂ ᠶᠣᠬᠣᠸᠠ ᠶᠢ ᠮᠠᠭᠲᠠᠭᠲᠤᠨ ᠠᠷᠣᠨ ᠤ ᠭᠡᠷ ᠡ᠂ ᠶᠣᠬᠣᠸᠠ ᠶᠢ ᠮᠠᠭᠲᠠᠭᠲᠤᠨ
20 ᠯᠧᠸᠢ ᠶᠢᠨ ᠭᠡᠷ ᠡ᠂ ᠶᠣᠬᠣᠸᠠ ᠶᠢ ᠮᠠᠭᠲᠠᠭᠲᠤᠨ ᠶᠣᠬᠣᠸᠠ ᠠᠴᠠ ᠡᠮᠢᠶᠡᠭᠴᠢᠳ ᠡ᠂ ᠶᠣᠬᠣᠸᠠ ᠶᠢ ᠮᠠᠭᠲᠠᠭᠲᠤᠨ᠂
21 ᠶᠧᠷᠦ᠋ᠰᠠᠯᠧᠮ ᠳᠤ ᠣᠷᠣᠰᠢᠳᠠᠭ ᠶᠣᠬᠣᠸᠠ ᠽᠢᠶᠣᠨ ᠠᠴᠠ ᠮᠠᠭᠲᠠᠭᠠᠯ ᠢ ᠠᠪᠴᠤ ᠪᠠᠢᠨᠠ᠂ ᠶᠣᠬᠣᠸᠠ ᠶᠢ ᠮᠠᠭᠲᠠᠭᠲᠤᠨ︕