ᠳᠠᠭᠤᠯᠠᠯ ᠨᠠᠶᠠᠨ ᠨᠠᠢ᠌ᠮᠠ
ᠦᠬᠦᠯᠡᠭᠦᠲᠡ ᠪᠣᠯᠣᠭᠰᠠᠨ ᠬᠥᠮᠦᠨ ᠦ ᠭᠤᠶᠤᠯᠲᠠ
ᠺᠣᠷᠠᠴᠤᠳ ᠤᠨ ᠳᠠᠭᠤᠯᠠᠯ᠂ ᠳᠠᠭᠤᠤ᠃ ᠨᠠᠢᠷᠠᠯ ᠳᠠᠭᠤᠤ ᠶᠢᠨ ᠤᠳᠤᠷᠢᠳᠤᠭᠠᠴᠢ ᠳᠤ᠃ 《ᠵᠣᠪᠠᠭᠠᠭᠴᠢ ᠡᠪᠡᠳᠴᠢᠨ》 ᠤ ᠠᠶᠠ ᠳᠡᠭᠡᠷᠡ᠃
1 ᠮᠢᠨᠦ ᠠᠪᠤᠷᠠᠯ ᠤᠨ ᠪᠤᠷᠬᠠᠨ ᠶᠣᠬᠣᠸᠠ ᠪᠢ ᠡᠳᠦᠷ ᠰᠥᠨᠢ ᠦᠭᠡᠢ ᠲᠠᠨ ᠥᠭᠡᠳᠡ ᠬᠠᠰᠬᠢᠷᠤᠭᠰᠠᠨ᠂
2 ᠭᠤᠶᠤᠯᠲᠠ ᠮᠢᠨᠢ ᠲᠠᠨ ᠳᠤ ᠬᠦᠷᠦᠭᠡᠰᠡᠢ ᠬᠠᠰᠬᠢᠷᠤᠯᠲᠠ ᠳᠤ ᠮᠢᠨᠢ ᠴᠢᠬᠢ ᠪᠠᠨ ᠲᠠᠯᠪᠢᠭᠠᠴᠢ᠂
3 ᠰᠡᠳᠬᠢᠯ ᠮᠢᠨᠢ ᠵᠣᠪᠠᠯᠠᠩ ᠢᠶᠠᠷ ᠳᠦᠭᠦᠷᠪᠡ ᠠᠮᠢ ᠮᠢᠨᠢ ᠦᠬᠦᠭᠰᠡᠳ ᠦᠨ ᠣᠷᠣᠨ ᠳᠤ ᠲᠥᠬᠥᠪᠡ᠃
4 ᠪᠢ ᠨᠦᠬᠡ ᠤᠷᠤᠭᠤ ᠪᠠᠭᠤᠭᠴᠢᠳ ᠤᠨ ᠳᠤᠮᠳᠠ ᠲᠣᠭᠠᠯᠠᠭᠳᠠᠪᠠ ᠪᠢ ᠶᠠᠮᠠᠷ ᠴᠤ ᠬᠦᠴᠦ ᠦᠭᠡᠢ ᠬᠥᠮᠦᠨ ᠲᠡᠢ ᠠᠳᠠᠯᠢ᠂
5 ᠲᠠᠨ ᠳᠤ ᠳᠠᠬᠢᠵᠤ ᠳᠤᠷᠠᠰᠤᠭᠳᠠᠬᠤ ᠦᠭᠡᠢ ᠲᠠᠨ ᠤ ᠮᠤᠲᠤᠷ ᠠᠴᠠ ᠲᠠᠰᠤᠯᠤᠭᠳᠠᠭᠠᠳ ᠠᠩᠭᠢᠵᠢᠷᠠᠭᠠᠳ ᠦᠬᠦᠭᠰᠡᠳ ᠦᠨ ᠳᠤᠮᠳᠠ ᠪᠠᠢᠭᠠ ᠠᠯᠠᠭᠳᠠᠭᠠᠳ ᠪᠤᠯᠠᠰᠢᠨ ᠳᠤ ᠬᠡᠪᠲᠡᠵᠦ ᠪᠠᠢᠭᠠ ᠬᠥᠮᠦᠨ ᠲᠡᠢ ᠠᠳᠠᠯᠢ᠂
6 ᠲᠠ ᠨᠠᠮᠠᠶᠢ ᠢᠷᠤᠭᠠᠷ ᠦᠭᠡᠢ ᠠᠩ᠋ᠭᠠᠯ ᠳᠤ ᠬᠠᠷᠠᠩ᠋ᠭᠤᠢ ᠭᠦᠨ ᠳᠦ ᠲᠠᠯᠪᠢᠵᠠᠢ᠃
7 ᠲᠠᠨ ᠤ ᠬᠢᠯᠢᠩ ᠨᠠᠮᠠᠶᠢ ᠬᠦᠨᠳᠦ ᠪᠡᠷ ᠳᠠᠷᠤᠪᠠ ᠲᠠ ᠬᠠᠮᠤᠭ ᠳᠠᠪᠠᠯᠭᠠᠨ ᠢᠶᠠᠷ ᠢᠶᠠᠨ ᠨᠠᠮᠠᠶᠢ ᠵᠣᠪᠠᠭᠠᠪᠠ᠃
ᠰᠧᠯᠠ
8 ᠲᠠ ᠲᠠᠨᠢᠯ ᠤᠳ ᠢ ᠮᠢᠨᠢ ᠨᠠᠳᠠ ᠠᠴᠠ ᠬᠣᠯᠠᠳᠠᠭᠤᠯᠵᠤ ᠨᠠᠮᠠᠶᠢ ᠲᠡᠳᠡᠨ ᠳᠦ ᠵᠢᠭᠰᠢᠭᠦᠷᠢ ᠪᠣᠯᠭᠠᠪᠠ ᠪᠢ ᠬᠣᠷᠢᠭᠳᠠᠭᠠᠳ ᠭᠠᠷᠴᠤ ᠴᠢᠳᠠᠬᠤ ᠦᠭᠡᠢ ᠪᠣᠯᠪᠠ
9 ᠨᠢᠳᠦ ᠮᠢᠨᠢ ᠵᠣᠪᠠᠯᠠᠩ ᠠᠴᠠ ᠪᠣᠯᠵᠤ ᠪᠦᠷᠦᠯᠵᠡᠪᠡ᠂ ᠶᠣᠬᠣᠸᠠ᠂ ᠪᠢ ᠲᠠᠨ ᠢ ᠡᠳᠦᠷ ᠪᠦᠷᠢ ᠳᠠᠭᠤᠳᠠᠭᠰᠠᠨ ᠲᠠᠨ ᠥᠭᠡᠳᠡ ᠭᠠᠷ ᠢᠶᠠᠨ ᠰᠤᠩ᠋ᠭᠠᠭᠰᠠᠨ᠃
10 ᠲᠠ ᠦᠬᠦᠭᠰᠡᠳ ᠲᠦ ᠭᠠᠢᠬᠠᠮᠰᠢᠭ ᠢ ᠦᠢᠯᠡᠳᠬᠦ ᠤᠤ︖ ᠲᠠᠯᠢᠢᠭᠠᠴᠢᠳ ᠪᠣᠰᠣᠭᠠᠳ ᠲᠠᠨ ᠢ ᠮᠠᠭᠲᠠᠬᠤ ᠤᠤ︖
11 ᠲᠠᠨ ᠤ ᠦᠨᠡᠨ ᠬᠠᠢᠷᠠ ᠪᠤᠯᠠᠰᠢᠨ ᠳᠤ ᠲᠠᠨ ᠤ ᠢᠲᠡᠭᠡᠮᠵᠢ ᠢᠷᠤᠭᠠᠷ ᠦᠭᠡᠢ ᠨᠦᠬᠡᠨ ᠳᠦ ᠲᠤᠩ᠋ᠬᠠᠭᠯᠠᠭᠳᠠᠬᠤ ᠤᠤ︖
12 ᠲᠠᠨ ᠤ ᠭᠠᠢᠬᠠᠮᠰᠢᠭ ᠤᠳ ᠬᠠᠷᠠᠩ᠋ᠭᠤᠢ ᠳᠤ ᠲᠠᠨ ᠤ ᠵᠥᠪ ᠦᠢᠯᠡᠰ ᠮᠠᠷᠲᠠᠯᠲᠠ ᠶᠢᠨ ᠣᠷᠣᠨ ᠳᠤ ᠲᠠᠨᠢᠭᠳᠠᠬᠤ ᠤᠤ︖
13 ᠶᠣᠬᠣᠸᠠ᠂ ᠪᠢ ᠲᠠᠨ ᠤ ᠥᠭᠡᠳᠡ ᠬᠠᠰᠬᠢᠷᠤᠭᠰᠠᠨ ᠭᠤᠶᠤᠯᠲᠠ ᠮᠢᠨᠢ ᠥᠷᠯᠥᠭᠡ ᠲᠠᠨ ᠳᠤ ᠬᠦᠷᠦᠭᠡᠰᠡᠢ᠂
14 ᠶᠣᠬᠣᠸᠠ᠂ ᠲᠠ ᠶᠠᠭᠤᠨ ᠳᠤ ᠠᠮᠢ ᠶᠢ ᠮᠢᠨᠢ ᠣᠷᠬᠢᠨᠠ ᠪᠤᠢ︖ ᠲᠠ ᠶᠠᠭᠤᠨ ᠳᠤ ᠨᠠᠳᠠ ᠠᠴᠠ ᠨᠢᠭᠤᠷ ᠢᠶᠠᠨ ᠨᠢᠭᠤᠨᠠ ᠪᠤᠢ︖
15 ᠪᠢ ᠵᠠᠯᠠᠭᠤ ᠠᠴᠠ ᠪᠠᠨ ᠵᠣᠪᠠᠵᠤ᠂ ᠦᠬᠦᠬᠦ ᠰᠢᠬᠠᠭᠰᠠᠨ ᠲᠠᠨ ᠤ ᠠᠶᠤᠮᠰᠢᠭ ᠢ ᠠᠮᠰᠠᠭᠰᠠᠭᠠᠷ ᠪᠢ ᠴᠥᠬᠥᠷᠡᠵᠦ ᠪᠠᠢᠨᠠ᠂
16 ᠲᠠᠨ ᠤ ᠬᠢᠯᠢᠩ ᠮᠢᠨᠦ ᠳᠡᠭᠡᠭᠦᠷ ᠨᠥᠮᠥᠷᠴᠡᠢ ᠲᠠᠨ ᠤ ᠰᠦᠷᠳᠡᠭᠦᠯᠦᠯᠭᠡ ᠨᠠᠮᠠᠶᠢ ᠡᠴᠦᠰᠯᠡᠭᠦᠯᠬᠦ ᠪᠣᠯᠣᠯᠠ᠂
17 ᠡᠳᠡᠭᠡᠷ ᠵᠦᠢᠯ ᠡᠳᠦᠷᠵᠢᠨ ᠨᠠᠮᠠᠶᠢ ᠦᠶᠡᠷ ᠮᠡᠲᠦ ᠬᠦᠷᠢᠶᠡᠯᠡᠪᠡ ᠪᠦᠬᠦ ᠲᠠᠯᠠ ᠠᠴᠠ ᠨᠠᠮᠠᠶᠢ ᠪᠦᠰᠡᠯᠡᠪᠡ᠂
18 ᠲᠠ ᠨᠠᠳᠠ ᠠᠴᠠ ᠬᠠᠨᠢ ᠨᠥᠬᠥᠷ ᠢ ᠮᠢᠨᠢ ᠬᠣᠯᠠᠳᠠᠭᠤᠯᠤᠭᠰᠠᠨ ᠲᠠᠨᠢᠯ ᠤᠳ ᠢ ᠮᠢᠨᠢ ᠬᠠᠷᠠᠩ᠋ᠭᠤᠢ ᠳᠤ ᠲᠠᠯᠪᠢᠪᠠ᠃