ᠳᠠᠭᠤᠯᠠᠯ ᠲᠠᠪᠢ ᠶᠢᠰᠦ
ᠪᠢᠳᠡᠨ ᠦ ᠪᠠᠮᠪᠠᠢ ᠪᠢᠳᠡᠨ ᠦ ᠪᠡᠬᠢᠯᠡᠯᠲᠡ
ᠳ᠋ᠠᠸᠢᠳ᠋ ᠤᠨ ᠮᠢᠺᠲᠠᠮ᠂ ᠨᠠᠢᠷᠠᠯ ᠳᠠᠭᠤᠤ ᠶᠢᠨ ᠤᠳᠤᠷᠢᠳᠤᠭᠠᠴᠢ ᠳᠤ᠃ 《ᠪᠦᠦ ᠤᠰᠠᠳᠬᠠᠭᠠᠴᠢ》 ᠶᠢᠨ ᠠᠶᠠ ᠳᠡᠭᠡᠷᠡ᠃ ᠰᠠᠦ᠋ᠯ ᠳ᠋ᠠᠸᠢᠳ᠋ ᠢ ᠠᠯᠠᠭᠤᠯᠬᠤ ᠪᠠᠷ ᠬᠥᠮᠦᠨ ᠢᠯᠡᠭᠡᠵᠦ᠂ ᠭᠡᠷ ᠢ ᠨᠢ ᠲᠠᠩᠨᠠᠵᠤ ᠪᠠᠢᠬᠤ ᠦᠶᠡ ᠳᠦ᠃
1 ᠪᠤᠷᠬᠠᠨ ᠮᠢᠨᠢ ᠡ᠂ ᠨᠠᠮᠠᠶᠢ ᠳᠠᠢᠰᠤᠨ ᠨᠤᠭᠤᠳ ᠠᠴᠠ ᠭᠡᠲᠦᠯᠭᠡᠭᠡᠴᠢ ᠮᠢᠨᠦ ᠡᠰᠡᠷᠭᠦ ᠪᠣᠰᠣᠭᠴᠢᠳ ᠠᠴᠠ ᠬᠠᠮᠠᠭᠠᠯᠠᠭᠠᠴᠢ᠃
2 ᠨᠠᠮᠠᠶᠢ ᠮᠠᠭᠤ ᠶᠢ ᠦᠢᠯᠡᠳᠦᠭᠴᠢᠳ ᠡᠴᠡ ᠭᠡᠲᠦᠯᠭᠡᠨ ᠴᠢᠰᠤ ᠤᠷᠤᠰᠬᠠᠳᠠᠭ ᠬᠥᠮᠦᠰ ᠡᠴᠡ ᠠᠪᠤᠷᠠᠭᠠᠴᠢ᠃
3 ᠬᠠᠷᠠ᠂ ᠪᠢ ᠪᠤᠷᠤᠭᠤ ᠦᠭᠡᠢ᠂ ᠨᠢᠭᠦᠯ ᠦᠭᠡᠢ ᠠᠲᠠᠯᠠ ᠲᠡᠳᠡ ᠠᠮᠢ ᠶᠢ ᠮᠢᠨᠢ ᠣᠲᠣᠵᠤ ᠪᠠᠢᠨᠠ᠂ ᠳᠣᠭᠰᠢᠨ ᠡᠷᠡᠰ ᠮᠢᠨᠦ ᠡᠰᠡᠷᠭᠦ ᠬᠡᠷᠡᠭ ᠥᠳᠥᠭᠡᠵᠦ ᠪᠠᠢᠨᠠ᠂ ᠶᠣᠬᠣᠸᠠ᠂
4 ᠪᠢ ᠪᠤᠷᠤᠭᠤ ᠦᠭᠡᠢ ᠠᠲᠠᠯᠠ ᠲᠡᠳᠡ ᠭᠦᠶᠦᠯᠳᠦᠨ ᠪᠡᠯᠡᠳᠬᠡᠯ ᠬᠢᠪᠡ ᠰᠡᠷᠢᠭᠡᠴᠢ᠂ ᠨᠠᠳᠠ ᠲᠠᠢ ᠠᠭᠤᠯᠵᠠᠬᠤ ᠪᠠᠷ ᠢᠷᠡᠭᠡᠳ ᠬᠠᠷᠠᠭᠠᠴᠢ᠃
5 ᠠᠤᠭᠠ ᠬᠦᠴᠦᠲᠦ ᠪᠤᠷᠬᠠᠨ ᠶᠣᠬᠣᠸᠠ᠂ ᠲᠠ ᠪᠣᠯ ᠢᠰᠷᠧᠯ ᠤᠨ ᠪᠤᠷᠬᠠᠨ᠂ ᠪᠣᠰᠣᠭᠠᠳ ᠬᠠᠮᠤᠭ ᠦᠨᠳᠦᠰᠦᠲᠡᠨ ᠢ ᠰᠢᠳᠬᠡᠭᠡᠴᠢ ᠪᠠᠴᠢ ᠲᠠᠢ᠂ ᠭᠡᠮ ᠲᠡᠢ ᠪᠦᠬᠦᠨ ᠢ ᠪᠦᠦ ᠡᠨᠡᠷᠢᠭᠡᠴᠢ᠃
ᠰᠧᠯᠠ
6 ᠨᠠᠷᠠ ᠵᠢᠷᠭᠠᠬᠤ ᠳᠤ ᠲᠡᠳᠡ ᠡᠷᠭᠢᠵᠦ ᠨᠣᠬᠠᠢ ᠮᠡᠲᠦ ᠤᠯᠢᠨ ᠬᠣᠲᠠ ᠶᠢ ᠲᠣᠭᠣᠷᠢᠨ ᠶᠠᠪᠤᠨᠠ᠃
7 ᠠᠮᠠᠨ ᠠᠴᠠ ᠪᠠᠨ ᠶᠠᠭᠤ ᠠᠰᠬᠠᠳᠠᠭ ᠢ ᠨᠢ ᠬᠠᠷᠠᠭᠠᠴᠢ᠂ ᠣᠷᠣᠭᠤᠯ ᠠᠴᠠ ᠪᠠᠨ ᠢᠯᠳᠦ ᠭᠠᠷᠭᠠᠳᠠᠭ ᠠᠲᠠᠯᠠ 《ᠬᠡᠨ ᠰᠣᠨᠣᠰᠬᠤ ᠶᠤᠮ ᠪᠤᠢ︖》 ᠭᠡᠳᠡᠭ᠃
8 ᠭᠡᠪᠡᠴᠦ ᠶᠣᠬᠣᠸᠠ᠂ ᠲᠠ ᠲᠡᠳᠡᠨ ᠢ ᠳᠣᠭᠣᠭᠢᠯᠠᠨᠠ ᠲᠡᠳᠡᠭᠡᠷ ᠪᠦᠬᠦ ᠦᠨᠳᠦᠰᠦᠲᠡᠨ ᠢ ᠲᠣᠬᠣᠭᠤᠷᠬᠠᠨᠠ᠃
9 ᠮᠢᠨᠦ ᠬᠦᠴᠦ ᠪᠣᠯᠬᠤ ᠲᠠᠨ ᠥᠭᠡᠳᠡ ᠪᠢ ᠬᠠᠷᠠᠨᠠ ᠪᠤᠷᠬᠠᠨ ᠲᠠ ᠪᠣᠯ ᠮᠢᠨᠦ ᠴᠠᠢᠵᠠ᠃
10 ᠪᠤᠷᠬᠠᠨ ᠦᠨᠡᠨ ᠬᠠᠢᠷᠠ ᠪᠠᠷ ᠢᠶᠠᠨ ᠨᠠᠮᠠᠶᠢ ᠤᠭᠲᠤᠨ ᠠᠪᠤᠨᠠ ᠳᠠᠢᠰᠤᠨ ᠨᠤᠭᠤᠳ ᠤᠷᠤᠭᠤ ᠪᠠᠨ ᠬᠠᠷᠠᠬᠤ ᠶᠢ ᠮᠢᠨᠢ ᠪᠤᠷᠬᠠᠨ ᠵᠥᠪᠰᠢᠶᠡᠷᠡᠨᠡ᠃
11 ᠲᠡᠳᠡᠨ ᠢ ᠪᠦᠦ ᠤᠰᠠᠳᠬᠠᠭᠠᠴᠢ᠂ ᠡᠰᠡ ᠲᠡᠭᠡᠪᠡᠯ ᠠᠷᠠᠳ ᠲᠦᠮᠡᠨ ᠮᠢᠨᠢ ᠮᠠᠷᠲᠠᠨᠠ ᠪᠢᠳᠡᠨ ᠦ ᠪᠠᠮᠪᠠᠢ ᠡᠵᠡᠨ ᠲᠡᠳᠡᠨ ᠢ ᠥᠪᠡᠷ ᠦᠨ ᠢᠶᠠᠨ ᠬᠦᠴᠦ ᠴᠢᠳᠠᠯ ᠢᠶᠠᠷ ᠳᠠᠢᠪᠢᠭᠤᠯᠵᠤ᠂ ᠳᠣᠣᠷᠠᠳᠤ ᠪᠣᠯᠭᠠᠭᠠᠴᠢ᠃
12 ᠲᠡᠳᠡ ᠠᠮᠠᠨ ᠤ ᠪᠠᠨ ᠨᠢᠭᠦᠯ᠂ ᠣᠷᠣᠭᠤᠯ ᠤᠨ ᠢᠶᠠᠨ ᠦᠭᠡᠰ ᠢᠶᠡᠷ ᠥᠪᠡᠷ ᠦᠨ ᠢᠶᠠᠨ ᠣᠩᠭᠢᠷᠠᠭᠠᠨ ᠳᠤ ᠤᠷᠠᠬᠠᠳᠠᠭᠤᠯᠳᠠᠭ᠂ ᠲᠡᠳᠡ ᠬᠠᠷᠢᠶᠠᠯ ᠪᠠ ᠬᠤᠳᠠᠯ ᠢ ᠬᠡᠯᠡᠳᠡᠭ ᠲᠤᠯᠠ
13 ᠠᠭᠤᠷ ᠲᠠᠢ ᠪᠠᠷ ᠤᠰᠠᠳᠬᠠᠭᠠᠴᠢ ᠠᠯᠠᠭᠠ ᠪᠣᠯᠲᠠᠯᠠ ᠨᠢ ᠤᠰᠠᠳᠬᠠᠭᠠᠴᠢ᠂ ᠪᠤᠷᠬᠠᠨ ᠶᠠᠺᠣᠪ ᠢ ᠵᠠᠬᠢᠷᠴᠤ ᠪᠠᠢᠬᠤ ᠶᠢ ᠳᠡᠯᠡᠬᠡᠢ ᠶᠢᠨ ᠬᠢᠵᠠᠭᠠᠷ ᠬᠦᠷᠲᠡᠯᠡ ᠮᠡᠳᠡᠭ᠃
ᠰᠧᠯᠠ
14 ᠨᠠᠷᠠ ᠵᠢᠷᠭᠠᠬᠤ ᠳᠤ ᠲᠡᠳᠡ ᠡᠷᠭᠢᠵᠦ ᠨᠣᠬᠠᠢ ᠮᠡᠲᠦ ᠤᠯᠢᠨ ᠬᠣᠲᠠ ᠶᠢ ᠲᠣᠭᠣᠷᠢᠨ ᠶᠠᠪᠤᠨᠠ᠃
15 ᠲᠡᠳᠡ ᠢᠳᠡᠰᠢ ᠬᠠᠢᠨ ᠲᠡᠨᠦᠭᠦᠴᠢᠯᠡᠵᠦ ᠴᠠᠳᠬᠤ ᠦᠭᠡᠢ ᠪᠣᠯ ᠠᠷᠬᠢᠷᠠᠳᠠᠭ᠃
16 ᠬᠠᠷᠢᠨ ᠪᠢ ᠲᠠᠨ ᠤ ᠬᠦᠴᠦ ᠶᠢ ᠳᠠᠭᠤᠯᠠᠨᠠ ᠲᠠᠨ ᠤ ᠦᠨᠡᠨ ᠬᠠᠢᠷᠠ ᠶᠢ ᠪᠢ ᠥᠷᠯᠥᠭᠡᠭᠦᠷ ᠪᠠᠶᠠᠷ ᠲᠠᠢ ᠪᠠᠷ ᠮᠠᠭᠲᠠᠨᠠ᠂ ᠲᠠ ᠪᠣᠯ ᠮᠢᠨᠦ ᠴᠠᠢᠵᠠ᠂ ᠪᠡᠷᠬᠡ ᠡᠳᠦᠷ ᠦᠨ ᠬᠣᠷᠭᠣᠳᠠᠬᠤ ᠭᠠᠵᠠᠷ ᠮᠢᠨᠢ ᠪᠢᠯᠡ᠃
17 ᠮᠢᠨᠦ ᠬᠦᠴᠦ ᠪᠣᠯᠬᠤ ᠲᠠᠨ ᠳᠤ ᠪᠢ ᠮᠠᠭᠲᠠᠭᠠᠯ ᠡᠷᠭᠦᠨᠡ ᠥ᠂ ᠪᠤᠷᠬᠠᠨ᠂ ᠲᠠ ᠪᠣᠯ ᠮᠢᠨᠦ ᠴᠠᠢᠵᠠ᠂ ᠦᠨᠡᠨ ᠬᠠᠢᠷᠠ ᠪᠠᠨ ᠨᠠᠳᠠ ᠳᠤ ᠦᠵᠡᠭᠦᠯᠳᠡᠭ ᠪᠤᠷᠬᠠᠨ ᠶᠤᠮ᠃