ᠳᠠᠭᠤᠯᠠᠯ ᠳᠠᠯᠠᠨ ᠬᠣᠶᠠᠷ
ᠬᠠᠭᠠᠨ ᠤ ᠲᠥᠯᠥᠭᠡᠬᠢ ᠭᠤᠶᠤᠯᠲᠠ
ᠰᠣᠯᠣᠮᠣᠨ ᠤ ᠳᠠᠭᠤᠯᠠᠯ᠃
1 ᠪᠤᠷᠬᠠᠨ᠂ ᠰᠢᠳᠤᠷᠭᠤ ᠪᠠᠨ ᠬᠠᠭᠠᠨ ᠳᠤ ᠵᠥᠪ ᠢᠶᠡᠨ ᠬᠠᠨ ᠬᠦᠦ ᠳᠦ ᠰᠣᠶᠣᠷᠬᠠᠭᠠᠴᠢ᠂
2 ᠲᠡᠭᠡᠪᠡᠯ ᠲᠡᠷᠡ ᠠᠷᠠᠳ ᠲᠦᠮᠡᠨ ᠢ ᠲᠠᠨᠢ ᠵᠥᠪ ᠢᠶᠡᠷ ᠶᠠᠳᠠᠭᠤᠰ ᠢ ᠲᠠᠨᠢ ᠰᠢᠳᠤᠷᠭᠤ ᠪᠠᠷ ᠰᠢᠭᠦᠬᠦ ᠪᠥᠭᠡᠳ
3 ᠵᠥᠪ ᠦᠨ ᠤᠯᠠᠮ ᠢᠶᠠᠷ ᠠᠭᠤᠯᠠᠰ ᠪᠠ ᠲᠣᠯᠣᠭᠠᠳ ᠠᠷᠠᠳ ᠲᠦᠮᠡᠨ ᠳᠡᠭᠡᠨ ᠠᠮᠤᠭᠤᠯᠠᠩ ᠢ ᠠᠪᠴᠢᠷᠠᠬᠤ ᠪᠣᠯᠣᠨᠠ᠃
4 ᠬᠠᠭᠠᠨ ᠠᠷᠠᠳ ᠲᠦᠮᠡᠨ ᠦ ᠳᠤᠮᠳᠠᠬᠢ ᠶᠠᠳᠠᠭᠤᠰ ᠢ ᠥᠮᠥᠭᠯᠡᠨ ᠦᠭᠡᠭᠦᠴᠦᠳ ᠦᠨ ᠬᠡᠦᠬᠡᠳ ᠤᠳ ᠢ ᠠᠪᠤᠷᠠᠵᠤ ᠳᠠᠷᠤᠯᠠᠭᠴᠢᠳ ᠢ ᠪᠢᠴᠠᠯᠤᠨᠠ᠂
5 ᠨᠠᠷᠠ ᠰᠠᠷᠠ ᠶᠢ ᠪᠠᠢᠬᠤ ᠳᠤ᠂ ᠦᠶᠡ ᠶᠢᠨ ᠦᠶᠡ ᠳᠦ ᠲᠡᠳᠡ ᠲᠠᠨ ᠠᠴᠠ ᠡᠮᠢᠶᠡᠨᠡ᠃
6 ᠬᠠᠭᠠᠨ ᠪᠡᠷ ᠬᠠᠳᠤᠯᠠᠩ ᠳᠡᠭᠡᠷᠡ ᠣᠷᠣᠬᠤ ᠪᠣᠷᠣᠭᠠᠨ ᠰᠢᠭ᠋ ᠬᠥᠷᠥᠰᠥ ᠶᠢ ᠤᠮᠳᠠᠯᠠᠬᠤ ᠬᠤᠷᠠ ᠰᠢᠭ᠋ ᠪᠠᠢᠵᠤ
7 ᠲᠡᠭᠦᠨ ᠦ ᠡᠳᠦᠷ ᠤᠳ ᠲᠤ ᠵᠥᠪᠲᠡᠨ ᠴᠡᠴᠡᠭᠯᠡᠵᠦ ᠰᠠᠷᠠ ᠠᠯᠠᠭᠠ ᠪᠣᠯᠲᠠᠯᠠ ᠠᠮᠤᠭᠤᠯᠠᠩ ᠪᠢᠯᠬᠠᠬᠤ ᠪᠣᠯᠣᠨᠠ᠃
8 ᠲᠡᠷᠡ ᠪᠡᠷ ᠳᠠᠯᠠᠢ ᠠᠴᠠ ᠳᠠᠯᠠᠢ ᠬᠦᠷᠲᠡᠯᠡᠬᠢ ᠶᠢ ᠮᠥᠷᠡᠨ ᠡᠴᠡ ᠭᠠᠵᠠᠷ ᠤᠨ ᠬᠢᠵᠠᠭᠠᠷ ᠬᠦᠷᠲᠡᠯᠡᠬᠢ ᠶᠢ ᠵᠠᠬᠢᠷᠤᠨᠠ᠂
9 ᠴᠥᠯ ᠳᠤ ᠰᠠᠭᠤᠭᠴᠢᠳ ᠲᠡᠭᠦᠨ ᠦ ᠡᠮᠦᠨᠡ ᠪᠥᠬᠥᠢᠨ ᠳᠠᠢᠰᠤᠨ ᠨᠤᠭᠤᠳ ᠨᠢ ᠲᠣᠭᠣᠰᠣ ᠰᠢᠷᠣᠢ ᠶᠢ ᠳᠣᠯᠢᠶᠠᠨᠠ᠃
10 ᠲᠠᠷᠱᠢᠱ ᠬᠢᠭᠡᠳ ᠠᠷᠠᠯ ᠤᠳ ᠤᠨ ᠬᠠᠭᠠᠳ ᠪᠡᠯᠡᠭ ᠠᠪᠴᠢᠷᠠᠨᠠ ᠱᠧᠪᠠ ᠪᠣᠯᠣᠨ ᠰᠧᠪᠠ ᠶᠢᠨ ᠬᠠᠭᠠᠳ ᠠᠯᠪᠠ ᠪᠠᠷᠢᠨᠠ᠃
11 ᠪᠦᠬᠦ ᠬᠠᠭᠠᠨ ᠲᠡᠭᠦᠨ ᠦ ᠡᠮᠦᠨᠡ ᠰᠥᠭᠥᠳᠴᠦ ᠪᠦᠬᠦ ᠦᠨᠳᠦᠰᠦᠲᠡᠨ ᠲᠡᠭᠦᠨ ᠳᠦ ᠵᠠᠷᠤᠭᠳᠠᠬᠤ ᠪᠣᠯᠣᠨᠠ᠃
12 ᠤᠴᠢᠷ ᠨᠢ ᠲᠡᠷᠡ ᠪᠡᠷ ᠬᠠᠰᠬᠢᠷᠴᠤ ᠪᠤᠢ ᠦᠭᠡᠭᠦᠴᠦᠳ ᠢ ᠭᠡᠲᠦᠯᠭᠡᠵᠦ ᠲᠤᠰᠠᠯᠠᠭᠴᠢ ᠦᠭᠡᠢ ᠶᠠᠳᠠᠭᠤᠰ ᠢ ᠴᠢᠯᠥᠭᠡᠯᠡᠨᠡ᠃
13 ᠲᠡᠷᠡ ᠪᠡᠷ ᠳᠣᠷᠣᠢ ᠶᠠᠳᠠᠭᠤᠰ ᠢ ᠥᠷᠥᠪᠳᠥᠵᠦ ᠶᠠᠳᠠᠭᠤᠰ ᠤᠨ ᠠᠮᠢ ᠶᠢ ᠠᠪᠤᠷᠠᠬᠤ ᠪᠥᠭᠡᠳ
14 ᠠᠮᠢ ᠶᠢ ᠨᠢ ᠳᠠᠷᠤᠮᠲᠠ ᠪᠠ ᠬᠦᠴᠦᠷᠬᠡᠭᠯᠡᠯ ᠡᠴᠡ ᠵᠣᠯᠢᠨ ᠠᠪᠬᠤ ᠪᠣᠯᠣᠨᠠ᠂ ᠴᠢᠰᠤ ᠶᠢ ᠨᠢ ᠲᠡᠷᠡ ᠡᠷᠬᠢᠮ ᠭᠡᠵᠦ ᠦᠵᠡᠨᠡ᠃
15 ᠲᠡᠷᠡ ᠤᠷᠲᠤ ᠨᠠᠰᠤᠯᠠᠬᠤ ᠪᠣᠯᠲᠤᠭᠠᠢ᠂ ᠬᠥᠮᠦᠰ ᠱᠧᠪᠠ ᠶᠢᠨ ᠠᠯᠲᠠ ᠶᠢ ᠲᠡᠭᠦᠨ ᠳᠦ ᠥᠭᠴᠦ ᠦᠷᠭᠦᠯᠵᠢ ᠲᠡᠭᠦᠨ ᠦ ᠲᠥᠯᠥᠭᠡ ᠳᠠᠭᠠᠳᠬᠠᠨ ᠡᠳᠦᠷᠵᠢᠨ ᠲᠡᠭᠦᠨ ᠢ ᠢᠷᠥᠭᠡᠬᠦ ᠪᠣᠯᠣᠨᠠ᠃
16 ᠭᠠᠵᠠᠷ ᠤᠨ ᠦᠷᠡ ᠲᠠᠷᠢᠶᠠ ᠨᠢ ᠡᠯᠪᠡᠭ ᠪᠠᠢᠭ ᠠᠭᠤᠯᠠᠰ ᠤᠨ ᠣᠷᠭᠢᠯ ᠳᠡᠭᠡᠷᠡ ᠭᠠᠩ᠋ᠬᠤᠭ ᠦᠷᠡ ᠵᠢᠮᠢᠰ ᠨᠢ ᠯᠧᠪᠠᠨᠣᠨ ᠰᠢᠭ᠋ ᠪᠠᠢᠭ ᠬᠣᠲᠠ ᠳᠤ ᠰᠠᠭᠤᠭᠴᠢᠳ ᠭᠠᠵᠠᠷ ᠤᠨ ᠤᠷᠭᠤᠮᠠᠯ ᠮᠡᠲᠦ ᠤᠷᠭᠤᠨ ᠴᠡᠴᠡᠭᠯᠡᠭ᠃
17 ᠲᠡᠭᠦᠨ ᠦ ᠨᠡᠷᠡ ᠮᠥᠩᠬᠡᠵᠢᠵᠦ ᠨᠠᠷᠠ ᠮᠡᠲᠦ ᠪᠠᠢᠭᠰᠠᠭᠠᠷ ᠪᠠᠢᠭ᠂ ᠬᠠᠮᠤᠭ ᠦᠨᠳᠦᠰᠦᠲᠡᠨ ᠲᠡᠭᠦᠨ ᠢᠶᠡᠷ ᠢᠪᠡᠭᠡᠭᠳᠡᠵᠦ᠂ ᠲᠡᠭᠦᠨ ᠢ 《ᠪᠤᠶᠠᠨ ᠲᠠᠢ》 ᠭᠡᠬᠦ ᠪᠣᠯᠣᠨᠠ᠃
18 ᠭᠠᠭᠴᠠᠭᠠᠷ ᠢᠶᠠᠨ ᠭᠠᠢᠬᠠᠮᠰᠢᠭ ᠤᠳ ᠢ ᠦᠢᠯᠡᠳᠳᠡᠭ ᠢᠰᠷᠧᠯ ᠤᠨ ᠪᠤᠷᠬᠠᠨ᠂ ᠶᠣᠬᠣᠸᠠ ᠪᠤᠷᠬᠠᠨ ᠮᠠᠭᠲᠠᠭᠳᠠᠬᠤ ᠪᠣᠯᠲᠤᠭᠠᠢ
19 ᠠᠯᠳᠠᠷ ᠲᠠᠢ ᠨᠡᠷᠡ ᠨᠢ ᠮᠥᠩᠬᠡᠳᠡ ᠮᠠᠭᠲᠠᠭᠳᠠᠵᠤ ᠪᠦᠬᠦ ᠳᠡᠯᠡᠬᠡᠢ ᠠᠯᠳᠠᠷ ᠢᠶᠠᠷ ᠨᠢ ᠳᠦᠭᠦᠷᠬᠦ ᠪᠣᠯᠲᠤᠭᠠᠢ᠃ ᠠᠮᠧᠨ᠂ ᠠᠮᠧᠨ᠃
20 ᠢᠱᠠᠢ ᠶᠢᠨ ᠬᠦᠦ ᠳ᠋ᠠᠸᠢᠳ᠋ ᠤᠨ ᠳᠠᠭᠠᠳᠬᠠᠯ ᠲᠡᠭᠦᠰᠪᠡ᠃