ᠳᠠᠭᠤᠯᠠᠯ ᠵᠢᠷᠠᠨ ᠭᠤᠷᠪᠠ
ᠬᠠᠭᠤᠷᠠᠢ ᠭᠠᠵᠠᠷ ᠳᠠᠬᠢ ᠲᠡᠮᠡᠦᠯᠦᠯ
ᠳ᠋ᠠᠸᠢᠳ᠋ ᠤᠨ ᠳᠠᠭᠤᠯᠠᠯ᠂ ᠲᠡᠷᠡ ᠶᠦᠳᠠ ᠶᠢᠨ ᠴᠥᠯ ᠳᠤ ᠪᠠᠢᠬᠤ ᠦᠶᠡ ᠳᠦ᠃
1 ᠪᠤᠷᠬᠠᠨ᠂ ᠲᠠ ᠪᠣᠯ ᠮᠢᠨᠦ ᠪᠤᠷᠬᠠᠨ ᠲᠠᠨ ᠢ ᠪᠢ ᠬᠠᠢᠵᠤ ᠪᠠᠢᠨᠠ᠂ ᠤᠰᠤ ᠦᠭᠡᠢ᠂ ᠬᠠᠭᠤᠷᠠᠢ᠂ ᠠᠩ᠋ᠭᠠᠮᠠᠯ ᠭᠠᠵᠠᠷ ᠲᠤ ᠰᠡᠳᠬᠢᠯ ᠮᠢᠨᠢ ᠲᠠᠨ ᠢᠶᠠᠷ ᠴᠠᠩ᠋ᠭᠠᠵᠤ᠂ ᠪᠡᠶᠡ ᠮᠢᠨᠢ ᠲᠠᠨ ᠤᠷᠤᠭᠤ ᠲᠡᠮᠡᠦᠯᠪᠡ᠂
2 ᠲᠡᠭᠡᠭᠡᠳ ᠪᠢ ᠠᠷᠢᠭᠤᠨ ᠭᠠᠵᠠᠷ ᠲᠤ ᠲᠠᠨ ᠢ ᠦᠵᠡᠪᠡ ᠲᠠᠨ ᠤ ᠬᠦᠴᠦ᠂ ᠲᠠᠨ ᠤ ᠠᠯᠳᠠᠷ ᠢ ᠬᠠᠷᠠᠪᠠ᠃
3 ᠦᠨᠡᠨ ᠳᠡᠭᠡᠨ ᠦᠨᠡᠨ ᠬᠠᠢᠷᠠ ᠲᠠᠨᠢ ᠠᠮᠢ ᠡᠴᠡ ᠰᠠᠢᠨ ᠣᠷᠣᠭᠤᠯ ᠮᠢᠨᠢ ᠲᠠᠨ ᠢ ᠮᠠᠭᠲᠠᠨᠠ᠃
4 ᠪᠢ ᠠᠮᠢᠳᠤ ᠳᠠᠭᠠᠨ ᠲᠠᠨ ᠢ ᠮᠠᠭᠲᠠᠨᠠ ᠲᠠᠨ ᠤ ᠨᠡᠷᠡ ᠡᠴᠡ ᠪᠣᠯᠵᠤ ᠭᠠᠷ ᠢᠶᠠᠨ ᠡᠷᠭᠦᠨᠡ᠃
5 ᠴᠢᠮᠥᠭᠡ᠂ ᠥᠭᠡᠬᠦ ᠢᠳᠡᠭᠰᠡᠨ ᠰᠢᠭ ᠰᠡᠳᠬᠢᠯ ᠮᠢᠨᠢ ᠬᠠᠨᠤᠵᠤ ᠠᠮᠠ ᠮᠢᠨᠢ ᠪᠠᠶᠠᠷᠯᠠᠭᠰᠠᠨ ᠣᠷᠣᠭᠤᠯ ᠢᠶᠠᠷ ᠲᠠᠨ ᠢ ᠮᠠᠭᠲᠠᠨᠠ᠃
6 ᠪᠢ ᠣᠷᠣ ᠳᠡᠭᠡᠷᠡ ᠪᠡᠨ ᠲᠠᠨ ᠢ ᠳᠤᠷᠠᠰᠬᠤ ᠳᠤ ᠰᠥᠨᠢ ᠳᠤᠮᠳᠠ ᠲᠠᠨ ᠢ ᠪᠣᠳᠣᠬᠤ ᠳᠤ
7 ᠲᠠ ᠮᠢᠨᠦ ᠲᠤᠰᠠᠯᠠᠮᠵᠢ ᠪᠠᠢᠪᠠ᠂ ᠪᠢ ᠲᠠᠨ ᠤ ᠵᠢᠭᠦᠷ ᠦᠨ ᠳᠣᠣᠷᠠ ᠪᠠᠶᠠᠷᠯᠠᠨ ᠳᠠᠭᠤᠯᠠᠨᠠ᠃
8 ᠪᠢ ᠲᠠᠨ ᠠᠴᠠ ᠵᠢᠭᠤᠷᠠᠬᠤ ᠳᠤ ᠲᠠ ᠪᠠᠷᠠᠭᠤᠨ ᠮᠤᠲᠤᠷ ᠢᠶᠠᠷ ᠢᠶᠠᠨ ᠨᠠᠮᠠᠶᠢ ᠲᠦᠰᠢᠳᠡᠭ᠃
9 ᠨᠠᠮᠠᠶᠢ ᠤᠰᠠᠳᠬᠠᠬᠤ ᠪᠠᠷ ᠬᠠᠢᠭᠴᠢᠳ ᠭᠠᠵᠠᠷ ᠤᠨ ᠭᠦᠨ ᠤᠷᠤᠭᠤ ᠣᠷᠣᠬᠤ ᠪᠣᠯᠣᠨᠠ᠃
10 ᠲᠡᠳᠡ ᠢᠯᠳᠦᠨ ᠳᠦ ᠲᠤᠰᠢᠶᠠᠭᠳᠠᠵᠤ ᠴᠢᠨᠣᠠ ᠨᠤᠭᠤᠳ ᠤᠨ ᠬᠤᠪᠢ ᠪᠣᠯᠣᠨᠠ᠃
11 ᠬᠠᠷᠢᠨ ᠬᠠᠭᠠᠨ ᠪᠡᠷ ᠪᠤᠷᠬᠠᠨ ᠤ ᠳᠣᠲᠣᠷᠠ ᠪᠠᠶᠠᠰᠤᠨᠠ ᠬᠤᠳᠠᠯ ᠶᠠᠷᠢᠭᠴᠢᠳ ᠤᠨ ᠠᠮᠠ ᠲᠠᠭᠯᠠᠭᠳᠠᠬᠤ ᠳᠤ ᠪᠤᠷᠬᠠᠨ ᠤ ᠨᠡᠷᠡ ᠪᠡᠷ ᠲᠠᠩ᠋ᠭᠠᠷᠢᠭᠯᠠᠭᠴᠢᠳ ᠪᠦᠭᠦᠳᠡᠭᠡᠷ ᠮᠠᠭᠲᠠᠨᠠ᠃