ᠳᠠᠭᠤᠯᠠᠯ ᠵᠠᠭᠤ ᠨᠢᠭᠡ
ᠲᠡᠭᠦᠰ ᠠᠮᠢᠳᠤᠷᠠᠯ ᠤᠨ ᠵᠣᠷᠢᠯᠭᠠ
ᠳ᠋ᠠᠸᠢᠳ᠋ ᠤᠨ ᠳᠠᠭᠤᠯᠠᠯ᠃
1 ᠬᠠᠢᠷᠠ ᠡᠨᠡᠷᠢᠯ ᠪᠠ ᠰᠢᠳᠤᠷᠭᠤ ᠶᠢᠨ ᠲᠤᠬᠠᠢ ᠪᠢ ᠳᠠᠭᠤᠯᠠᠨᠠ ᠶᠣᠬᠣᠸᠠ ᠲᠠᠨ ᠳᠤ ᠪᠢ ᠮᠠᠭᠲᠠᠭᠠᠯ ᠡᠷᠭᠦᠨᠡ᠂
2 ᠪᠢ ᠲᠡᠭᠦᠰ ᠵᠠᠮ ᠳᠤ ᠠᠩ᠋ᠬᠠᠷᠤᠯ ᠲᠠᠯᠪᠢᠨᠠ ᠲᠠ ᠨᠠᠳᠠ ᠤᠷᠤᠭᠤ ᠬᠡᠵᠢᠶᠡ ᠢᠷᠡᠬᠦ ᠪᠤᠢ︖ ᠪᠢ ᠭᠡᠷ ᠦᠨ ᠬᠢᠨ ᠤ ᠪᠠᠨ ᠳᠤᠮᠳᠠ ᠲᠡᠭᠦᠰ ᠵᠢᠷᠦᠬᠡ ᠪᠡᠷ ᠠᠯᠬᠤᠨᠠ᠃
3 ᠪᠢ ᠨᠢᠳᠦᠨ ᠦ ᠪᠠᠨ ᠡᠮᠦᠨᠡ ᠪᠤᠵᠠᠷ ᠢ ᠪᠠᠢᠯᠭᠠᠬᠤ ᠦᠭᠡᠢ ᠪᠢ ᠲᠡᠷᠰᠯᠡᠭᠦᠦ ᠦᠢᠯᠡᠰ ᠢ ᠵᠢᠭ᠍ᠰᠢᠨᠡ᠂ ᠲᠡᠳᠡᠭᠡᠷ ᠨᠢ ᠨᠠᠳᠠ ᠳᠤ ᠨᠠᠭᠠᠯᠳᠤᠬᠤ ᠦᠭᠡᠢ᠃
4 ᠭᠠᠵᠢᠭᠤ ᠰᠠᠨᠠᠭᠠ ᠨᠠᠳᠠ ᠠᠴᠠ ᠬᠣᠯᠠ ᠪᠠᠢᠭ ᠬᠣᠷᠣᠨ ᠮᠠᠭᠤ ᠶᠢ ᠪᠢ ᠮᠡᠳᠡᠬᠦ ᠦᠭᠡᠢ ᠪᠣᠯᠣᠨᠠ᠃
5 ᠬᠥᠷᠰᠢ ᠪᠠᠨ ᠳᠠᠯᠳᠠᠭᠤᠷ ᠮᠠᠭᠤᠯᠠᠭᠴᠢᠳ ᠢ ᠪᠢ ᠤᠰᠠᠳᠬᠠᠨᠠ ᠳᠡᠭᠡᠷᠡᠩᠭᠦᠢ ᠬᠠᠷᠠᠴᠠ᠂ ᠪᠠᠷᠳᠠᠮ ᠰᠡᠳᠬᠢᠯ ᠳᠤ ᠪᠢ ᠲᠡᠪᠴᠢᠶᠡᠷᠢ ᠲᠠᠢ ᠬᠠᠨᠳᠤᠬᠤ ᠦᠭᠡᠢ᠃
6 ᠨᠢᠳᠦ ᠮᠢᠨᠢ ᠭᠠᠵᠠᠷ ᠳᠠᠬᠢ ᠢᠲᠡᠭᠡᠮᠵᠢᠲᠦ ᠬᠥᠮᠦᠰ ᠦᠨ ᠳᠡᠭᠡᠷᠡ ᠪᠠᠢᠨᠠ ᠪᠢ ᠲᠡᠳᠡᠨ ᠢ ᠥᠪᠡᠷ ᠲᠡᠢ ᠪᠡᠨ ᠬᠠᠮᠲᠤ ᠰᠠᠭᠤᠯᠭᠠᠨᠠ ᠲᠡᠭᠦᠰ ᠵᠠᠮ ᠢᠶᠠᠷ ᠶᠠᠪᠤᠭᠴᠢ ᠯᠠ ᠨᠠᠳᠠ ᠳᠤ ᠵᠠᠷᠤᠭᠳᠠᠨᠠ᠂
7 ᠬᠠᠭᠤᠷᠤᠨ ᠦᠢᠯᠡᠳᠦᠭᠴᠢ ᠮᠢᠨᠦ ᠭᠡᠷ ᠲᠦ ᠰᠠᠭᠤᠬᠤ ᠦᠭᠡᠢ ᠬᠤᠳᠠᠯ ᠶᠠᠷᠢᠭᠴᠢ ᠮᠢᠨᠦ ᠨᠢᠳᠦᠨ ᠦ ᠡᠮᠦᠨᠡ ᠦᠯᠡᠳᠡᠬᠦ ᠦᠭᠡᠢ᠃
8 ᠭᠠᠵᠠᠷ ᠤᠨ ᠪᠤᠷᠤᠭᠤᠲᠠᠨ ᠪᠣᠯᠭᠠᠨ ᠢ ᠪᠢ ᠥᠷᠯᠥᠭᠡ ᠪᠦᠷᠢ ᠤᠰᠠᠳᠬᠠᠨᠠ᠂ ᠨᠢᠭᠦᠯ ᠦᠢᠯᠡᠳᠦᠭᠴᠢ ᠪᠦᠬᠦᠨ ᠢ ᠪᠢ ᠶᠣᠬᠣᠸᠠ ᠶᠢᠨ ᠬᠣᠲᠠ ᠠᠴᠠ ᠲᠠᠰᠤᠯᠤᠨᠠ᠃