ᠳᠠᠭᠤᠯᠠᠯ ᠳᠣᠯᠣᠭᠠ
ᠪᠤᠷᠤᠭᠤᠲᠠᠨ ᠠᠴᠠ ᠬᠠᠮᠠᠭᠠᠯᠠᠭᠴᠢ
ᠪᠢᠨᠶᠠᠮᠢᠨ ᠬᠥᠮᠦᠨ ᠺᠦᠰᠢ ᠶᠢᠨ ᠲᠠᠯᠠ ᠪᠠᠷ ᠶᠣᠬᠣᠸᠠ ᠳᠤ ᠳᠠᠭᠤᠯᠠᠭᠰᠠᠨ ᠳ᠋ᠠᠸᠢᠳ᠋ ᠤᠨ ᠰᠢᠭᠠᠶᠣᠨ\f + \fr 7:0 \ft ᠤᠳᠬᠠ ᠨᠢ ᠲᠣᠳᠣᠷᠬᠠᠢ ᠦᠭᠡᠢ᠂ ᠬᠥᠭᠵᠢᠮ ᠤᠨ ᠨᠡᠷᠡ ᠲᠣᠮᠢᠶᠠ ᠪᠠᠢᠬᠠ᠃\f*᠃
1 ᠮᠢᠨᠦ ᠪᠤᠷᠬᠠᠨ ᠶᠣᠬᠣᠸᠠ᠂ ᠪᠢ ᠲᠠᠨ ᠤ ᠳᠣᠲᠣᠷᠠ ᠬᠣᠷᠭᠣᠳᠠᠶᠠ᠂ ᠨᠠᠮᠠᠶᠢ ᠮᠥᠰᠬᠢᠭ᠍ᠴᠢ ᠪᠦᠭᠦᠳᠡ ᠡᠴᠡ ᠨᠠᠮᠠᠶᠢ ᠠᠪᠤᠷᠠᠨ ᠴᠢᠯᠥᠭᠡᠯᠡᠭᠡᠴᠢ᠂
2 ᠡᠰᠡ ᠲᠡᠭᠡᠪᠡᠯ ᠲᠡᠳᠡ ᠠᠮᠢ ᠶᠢ ᠮᠢᠨᠢ ᠠᠷᠰᠯᠠᠨ ᠮᠡᠲᠦ ᠤᠷᠠᠬᠤ ᠨᠢ ᠡ᠂ ᠠᠪᠤᠷᠠᠬᠤ ᠬᠥᠮᠦᠨ ᠦᠭᠡᠢ ᠪᠠᠢᠬᠤ ᠳᠤ ᠨᠠᠮᠠᠶᠢ ᠲᠠᠰᠤᠳᠠᠬᠤ ᠨᠢ ᠡ᠃
3 ᠮᠢᠨᠦ ᠪᠤᠷᠬᠠᠨ ᠶᠣᠬᠣᠸᠠ᠂ ᠬᠡᠷᠪᠡ ᠪᠢ ᠲᠡᠭᠦᠨ ᠢ ᠬᠢᠭᠰᠡᠨ ᠪᠣᠯ ᠬᠡᠷᠪᠡ ᠮᠢᠨᠦ ᠭᠠᠷ ᠲᠤ ᠨᠢᠭᠦᠯ ᠪᠠᠢᠭᠠ ᠪᠣᠯ
4 ᠬᠡᠷᠪᠡ ᠪᠢ ᠠᠴᠢ ᠶᠢ ᠪᠠᠴᠢ ᠪᠠᠷ ᠬᠠᠷᠢᠭᠤᠯᠵᠤ ᠥᠰᠲᠡᠨ ᠢᠶᠡᠨ ᠰᠢᠯᠲᠠᠭ ᠦᠭᠡᠢ ᠪᠠᠷ ᠬᠦᠯᠢᠭᠰᠡᠨ ᠪᠣᠯ
5 ᠳᠠᠢᠰᠤᠨ ᠮᠢᠨᠢ ᠨᠠᠮᠠᠶᠢ ᠮᠥᠰᠬᠢᠨ ᠭᠦᠢᠴᠡᠭ ᠠᠮᠢ ᠶᠢ ᠮᠢᠨᠢ ᠭᠠᠵᠠᠷ ᠲᠤ ᠭᠢᠰᠬᠢᠯᠡᠨ ᠠᠯᠳᠠᠷ ᠢ ᠮᠢᠨᠢ ᠲᠣᠭᠣᠰᠣᠨ ᠳᠤ ᠣᠷᠣᠭᠤᠯᠤᠭ᠃
ᠰᠧᠯᠠ
6 ᠶᠣᠬᠣᠸᠠ᠂ ᠬᠢᠯᠢᠩ ᠲᠠᠢ ᠪᠠᠷ ᠪᠣᠰᠴᠤ ᠣᠭᠵᠣᠮ ᠠᠭᠤᠷ ᠲᠠᠢ ᠥᠰᠲᠡᠨ ᠨᠦᠭᠦᠳ ᠦᠨ ᠮᠢᠨᠢ ᠡᠰᠡᠷᠭᠦ ᠥᠨᠳᠡᠢᠨᠡ ᠤᠤ︖ ᠰᠡᠷᠢᠭᠡᠴᠢ᠂ ᠪᠤᠷᠬᠠᠨ ᠮᠢᠨᠢ︕ ᠰᠢᠭᠦᠬᠦ ᠪᠡᠨ ᠲᠠ ᠵᠠᠷᠯᠠᠭᠰᠠᠨ᠂
7 ᠦᠨᠳᠦᠰᠦᠲᠡᠨ ᠨᠦᠭᠦᠳ ᠲᠠᠨ ᠤ ᠡᠷᠭᠢᠨ ᠲᠣᠭᠣᠷᠢᠨ ᠳᠤ ᠴᠤᠭᠯᠠᠷᠠᠬᠤ ᠳᠤ᠂ ᠲᠠ ᠪᠤᠴᠠᠵᠤ ᠲᠡᠳᠡᠨ ᠦ ᠳᠡᠭᠡᠭᠦᠷ ᠵᠠᠯᠠᠷᠠᠨᠠ ᠤᠤ︖
8 ᠶᠣᠬᠣᠸᠠ ᠦᠨᠳᠦᠰᠦᠲᠡᠨ ᠨᠦᠭᠦᠳ ᠢ ᠰᠢᠭᠦᠬᠦ ᠪᠣᠯᠣᠨᠠ᠂ ᠶᠣᠬᠣᠸᠠ᠂ ᠨᠠᠮᠠᠶᠢ ᠵᠥᠪ ᠦᠨ ᠮᠢᠨᠢ ᠳᠠᠭᠠᠤ᠂ ᠴᠢᠭ᠍ᠴᠢ ᠪᠠᠢᠳᠠᠯ ᠤᠨ ᠮᠢᠨᠢ ᠳᠠᠭᠠᠤ ᠰᠢᠭᠦᠨᠡ ᠤᠤ︖
9 ᠵᠢᠷᠦᠬᠡ ᠰᠡᠳᠬᠢᠯ ᠢ ᠰᠢᠯᠭᠠᠭᠴᠢ᠂ ᠵᠥᠪᠲᠦ ᠪᠤᠷᠬᠠᠨ ᠪᠤᠷᠤᠭᠤᠲᠠᠳ ᠤᠨ ᠮᠠᠭᠤ ᠶᠢ ᠲᠡᠭᠦᠰᠬᠡᠵᠦ᠂ ᠵᠥᠪᠲᠡᠳ ᠢ ᠪᠠᠲᠤᠵᠢᠭᠤᠯᠤᠨᠠ᠂
10 ᠴᠢᠭ᠍ᠴᠢ ᠰᠡᠳᠬᠢᠯᠲᠡᠨ ᠢ ᠠᠪᠤᠷᠠᠭᠴᠢ ᠪᠤᠷᠬᠠᠨ ᠳᠤ ᠪᠠᠮᠪᠠᠢ ᠮᠢᠨᠢ ᠪᠤᠢ᠃
11 ᠪᠤᠷᠬᠠᠨ ᠪᠣᠯ ᠵᠥᠪᠲᠦ ᠰᠢᠭᠦᠭᠴᠢ᠂ ᠡᠳᠦᠷ ᠪᠦᠷᠢ ᠬᠢᠯᠢᠩ ᠢᠶᠠᠨ ᠢᠯᠡᠷᠬᠡᠶᠢᠯᠡᠳᠡᠭ᠌᠃
12 ᠬᠡᠷᠪᠡ ᠬᠥᠮᠦᠨ ᠭᠡᠮᠰᠢᠬᠦ ᠦᠭᠡᠢ ᠪᠣᠯ ᠪᠤᠷᠬᠠᠨ ᠢᠯᠳᠦ ᠪᠡᠨ ᠢᠷᠯᠡᠬᠦ ᠪᠣᠯᠣᠨᠠ ᠲᠡᠷᠡ ᠨᠤᠮᠤ ᠪᠠᠨ ᠬᠥᠪᠴᠢᠯᠡᠭᠡᠳ ᠪᠡᠯᠡᠨ ᠪᠣᠯᠭᠠᠭᠰᠠᠨ᠂
13 ᠲᠡᠷᠡ ᠦᠬᠦᠯ ᠦᠨ ᠵᠡᠪᠰᠡᠭ ᠢ ᠪᠡᠯᠡᠳᠬᠡᠵᠦ ᠭᠠᠯᠲᠤ ᠰᠤᠮᠤ ᠶᠢ ᠪᠠᠵᠠᠭᠠᠭᠰᠠᠨ᠃
14 ᠬᠠᠷᠠ᠂ ᠪᠤᠷᠤᠭᠤᠲᠠᠨ ᠭᠡᠮ ᠦᠨ ᠢᠶᠠᠨ ᠦᠷᠡ ᠶᠢ ᠲᠣᠭᠲᠠᠭᠠᠵᠤ ᠭᠠᠢ ᠪᠠᠷ ᠵᠢᠷᠮᠦᠰᠦᠯᠡᠵᠦ᠂ ᠬᠠᠭᠤᠷᠮᠠᠭ ᠢ ᠲᠥᠷᠥᠭᠦᠯᠳᠡᠭ᠃
15 ᠲᠡᠷᠡ ᠨᠦᠬᠡ ᠤᠬᠤᠵᠤ ᠮᠠᠯᠲᠠᠳᠠᠭ ᠪᠣᠯᠪᠠᠴᠤ ᠤᠬᠤᠭᠰᠠᠨ ᠨᠦᠬᠡᠨ ᠳᠡᠭᠡᠨ ᠤᠨᠠᠨᠠ᠂
16 ᠭᠠᠢ ᠨᠢ ᠥᠪᠡᠷ ᠦᠨ ᠬᠢᠨᠢ ᠲᠣᠯᠣᠭᠠᠢ ᠳᠡᠭᠡᠷᠡ ᠪᠤᠴᠠᠵᠤ ᠬᠦᠴᠦᠷᠬᠡᠭᠯᠡᠯ ᠨᠢ ᠥᠪᠡᠷ ᠦᠨ ᠬᠢᠨᠢ ᠳᠤᠬᠤᠨ ᠳᠡᠭᠡᠷᠡ ᠪᠠᠭᠤᠨᠠ᠃
17 ᠵᠥᠪᠲᠦ ᠶᠣᠬᠣᠸᠠ ᠶᠢ ᠪᠢ ᠮᠠᠭᠲᠠᠨᠠ᠂ ᠬᠠᠮᠤᠭ ᠤᠨ ᠳᠡᠭᠡᠳᠦ ᠶᠣᠬᠣᠸᠠ ᠶᠢᠨ ᠨᠡᠷᠡ ᠳᠦ ᠪᠢ ᠳᠠᠭᠤᠤ ᠡᠷᠭᠦᠨᠡ᠃